燒味滷師 (安發大廈)

Open Now

Now Closed

疫情唔可以出去晚餐~咁就一於外賣啦！！防疫最緊要~ 乖乖留在家吃吧唯有🥺🥺今次介紹呢間燒味 我地己經係fans 級！真心推介 好好食😋至尊燒鵝 半隻 $180燒鵝大大份勁足料！！ 肉汁多又好味~燒鵝仲充滿油香味🙆🏻‍♀️🙆🏻‍♀️ 好吸引豉油玫瑰雞 $ 68雞肉本身就帶有鮮甜味道~ 雞肉很滑嫩🤘🏻🤘🏻豉油雞味香濃 ，豉油汁用黎撈飯都得啊！！燒味佬叉燒 $40肥瘦適中的叉燒真係好入味~油光和肉汁十分夾,仲有少少焦香🤘🏻呢個真心正啊！ 三個餸已經夠哂飽了😍

呢日喺長沙灣，準備番屋企，番屋企之前要買定啲晚餐，因為堂食唔係必然嘅；路過呢度，見到係賣燒味，已經有一段時間冇食燒味，咁就決定斬嚿叉燒🐷、劈隻燒鵝🦢、劏隻雞🐓😆「至尊燒鵝」嘅鵝胸同鵝髀好厚肉，食落感覺好豐盛😆；鵝皮仲脆脆哋，幾香口😋。「原味手撕雞」啖啖肉，好有雞味😋，仲落咗啲白芝麻落去😋。「燒味佬叉燒」又係啖啖肉，叉燒肉質幾軟熟，又微微帶甜，估計係最後落咗啲蜜糖去燒😋。仲有，分量真係好足，確實係街坊價錢，好抵食😆

呢間出名外賣燒味好食 去到有人排隊 但係啲職員勁快手 入去買嘢俾錢落單等叫號碼 一陣好快就可以攞走 喺店舖外面已經聞到香香嘅燒肉味 燒味飯單雙拼只係$22 燒鵝單雙拼飯都只係$30仲有一啲自取嘅餸 一盒盒pack好自取囉到手全程車都係洋溢著香氣我買返去同家人食 ♥︎至尊燒鵝(半隻) $180 滿滿一盒 排得好整齊 切得好靚大小均勻 除咗甜酸醬之外仲有一包燒鵝汁附上 皮脆肉味香濃 唔怪得知咁多人買♥︎燒味佬叉燒(約半斤) $40肥瘦適中 好軟熟好味道 ♥︎麻辣手撕雞(半隻) $60呢個真係超級鍾意食 極速清晒 最方便係連骨都唔使去 辣又唔會太辣 亦都D麻 後悔只買半隻咁少等得快 總共都係 $280 攞去比父母長輩屋企夜晚加送一流 仲有幾間分店睇吓邊間係你附近

呢間燒味CP值勁高～～～唔算好近屋企但計返車錢都值回票價疫情下真係好多人take away本身今日最想買嘅麻辣手撕雞嚟到已經賣晒☹️☹️不過唔緊要，客家鹽焗雞都超抵食$68一隻，雞肉醃得好入味～雞肉都彈牙，唔會係好冇口感嘅品種熟度都剛剛好～至尊燒鵝$180半隻塊皮燒到好香口～～未至於好肥但對我嚟講就perfect!連皮食都唔會太罪過🤣仲買咗斤叉燒Request咗要瘦嘅～～好甜好香蜜糖味特登買多啲要嚟整星洲炒米

每次嚟長沙灣探班，都會順手去呢間高質又平價嘅「燒味滷師」斬料加餸，今次當然亦唔例外。已經專登行左兩個圈，避開人潮，但係返轉頭都仍然見到有街坊喺度等緊外賣，足見店舖真係十分旺場。小店採前舖後工場設計，燒味即燒即出，夠晒新鮮。櫥窗入面掛滿了各式各樣嘅燒味，有燒鵝、燒排骨、雞翼、乳豬，款款都好吸引。另外收銀對面亦擺滿了一盒盒預先準備好嘅手撕雞。買左半隻至尊燒鵝 ($180)、燒味佬叉燒 ($40) 同 半隻原味手撕雞 ($60)，三大盒，斤兩十足，非常墜手。燒鵝每日新鮮燒製，雖然拎到返屋企先至食，但係外皮仍然好香脆，好似食緊薄身嘅薯片咁，鵝肉肥瘦適中，嫩而不柴，充滿肉汁。叉燒賣相亦不錯，雖然唔係件件都有燶邊，但係切得都幾夠厚身，食落好有咬口，而且肉質鬆軟不死實，有蜜味同肉香，又唔會過份油膩。手撕雞有原味同麻辣兩款可供選擇，因為驚屋企人唔食得辣，所以買左原味。睇下雞肉嘅份量幾多，一啲都冇呃秤，肉質嫩滑又不太肥，加上面頭灑左粒粒芝麻，香濃惹味。

去開長沙灣探朋友，見到間燒味檔勁吸引，而且價錢都好優惠，於是乎斬咗啲料今晚加餸，都係二百零蚊，抵食喎。至尊燒鵝半隻$180份量好充足，而且味道唔錯，肉質鮮嫩可口。燒味佬叉燒半條$40半肥瘦嘅叉燒可遇不可求，因為有啲太瘦會好硬，但係呢條叉燒剛剛好，送飯一流。原味手撕雞半隻$60有原味同麻辣味揀，今次揀咗原味，肉質鮮嫩，撕得好幼細，下次試埋佢嘅麻辣味。整體而言唔錯，份量好大份，夠晒屋企人食，而且味道唔錯，下次經過都一定會再買。

無得堂食唯有外賣，所以燒味舖都好多人斬料或者買外賣飯盒。這間燒味滷師平時行過都大排長龍，單雙拼飯$22，原隻雞都係$68，用來拜神好過自己煮。燒鵝半隻有一大盒，連埋開邊鵝頭都放埋落去，不過鵝腦都幾高膽固醇，食少少就夠。鵝肉不會有血腥味，而且肉質鬆化，鵝脾皮脆肉嫩，很juicy。叉燒半斤就比較瘦，但肉質都算腍，有淡淡蜜汁及焦香味。麻辣手撕雞半隻都有一大盒，麻辣辣度尚可，而且很雞肉入味，用來撈麵一流。

長沙灣站📍燒味滷師-打工仔做完成日夜返到屋企，仲要煮飯都真係幾攰。好多時燒味就係我嘅救星。今次途經長沙灣就買咗呢一個燒味試試佢。至尊燒鵝半隻（$180）熱辣辣香噴噴，未食聞到到已經覺得好正。咬落好Juicy，好有鵝香，燒鵝有埋個鵝頭，啊爸最中意😋燒味佬叉燒半斤（$40）叉燒好多蜜汁，肥瘦適中，肉質好軟冧，好鬼惹味。麻辣手撕雞半隻（$60）盒手撕雞好大盒，唔會太辣，成家都啱食，手撕雞有麻油香，加埋麻辣醬一流。盒底仲有啲雞骨，啊媽當然都唔放過啦，都好入味。

這家燒味外賣本來就已經是抵吃之選，最近疫情又再來襲，外賣自取的人超多！本來打算來斬料吃個小團年飯的我又要排隊了這間餐廳無論外買飯盒還是燒味都很便宜價格實在便宜的令人震驚雖然等候的人很多，但姐姐手腳快，每位客人也不用等很久就有燒味拿了燒鵝半隻$280即使半隻還是非常大！一拿上手幾乎等於1隻雞的重量，肉多又肥厚，外皮回到家還是香脆，配上滷水汁跟甜酸醬，跟在中菜館吃的沒有兩樣叉燒半斤$40半肥瘦的叉燒入口鬆軟，入口香甜無筋，好吃原味手撕雞半隻$60跟坊間的手撕雞俾這份比較不油膩，入口啖啖肉香，同樣地份量很足，性價比真的很高！

晚上無堂食，都要搵野食最直接就係幫襯外賣老公返工，我返娘家跟家人食飯我記得街市附近有間燒味檔都見到街坊排隊買都知唔錯至尊燒鵝燒鵝外皮光澤，燒到好香脆，最鍾意佢哋切燒鵝脾俾我，見到師傅切果時都係熱辣辣，我地人少要半隻已經夠食，肉質嫩滑，蘸上黃梅醬，去一去油膩感。燒味佬叉燒我買半斤，很有玫瑰露酒味道，外層塗上蜜汁，香甜，肥瘦適中，切得薄，但份量多，成盤清曬。我見手撕雞甘好賣，終於俾我清埋。胡麻手撕雞很有和風的感覺，胡麻醬香濃，涼拌菜算唔錯，夠凍，仲有海蜇食，雞絲嫩滑又入味。

自從燒味滷師開左係屋企附近，都無再幫襯過其他燒味店😂😂而佢永遠keep住都係咁多人，大排長龍！原味手撕雞半隻手撕雞加左香口芝麻粒，分量十足。肉質嫩滑，咸味適中，送飯好開胃！而且冷盤黎，本時當小食都得至尊燒鵝下庄今日份燒鵝燒得好香！仲搭左鵝頭，執到寶❤️外皮香脆，肉質鮮嫩多汁，配上適量鵝油，非常香口！半肥瘦，唔會膩👍🏻燒味佬叉燒揀左瘦叉，呢度既瘦叉肉質都好鬆軟，唔會乾柴。有微微燶邊夠香口！。燒味滷師既燒味價錢郁好親民，好多街坊幫襯！

阿媽好想食燒味（其實係唔想煮飯😂），於是我又出動去燒味鋪買外賣。呢間去開知道唔錯，所以係附近食完飯就直接行過去買。至尊燒鵝（半隻）$180一大開見到份量真係好多！我本身唔食燒鵝嘅，問返屋企人，佢哋話肉味濃，質感肥美厚實，帶油香味，加埋酸梅醬更正。好邪惡，但啖啖肉好滋味😈燒味佬叉燒（半斤）$40係半肥瘦，外層微脆，少少燶邊，有焦香味；內裡鬆軟juicy、容易咬。我最鍾意食呢度嘅叉燒～麻辣手撕雞（半隻）$60有得揀原味或者麻辣，價錢一樣。麻辣會更加香口惹味，雞絲肉質彈牙、有咬口，食雞感覺健康啲🤪阿姐態度幾好，下次決定試下燒腩仔！

大仔放假返來，話成年冇食燒味啦，於是落樓斬燒味。至尊燒鵝半隻$180燒鵝嘅皮好香脆，有汁，平時最怕燒鵝好鞋，但係呢個又唔會，點上酸梅汁亦都可以解一解燒鵝嘅油膩！叉燒半斤$50半肥瘦叉燒，入口唔柴，仲有濃郁嘅蜜糖甜味，全家至爰，一口接一口，好快食曬。麻辣手撕雞半隻$60手撕雞撕得一條一條，底部仲放咗啲雞骨。呢個燒味來講有少少鹹，不過用嚟送飯就剛剛好，辣度都接受到！呢間舖頭成日都會做啲燒味優惠，大家都可以留意一下！

燒味滷師自設工場，由資深師傅打理，即使午後非繁忙時段唔使排長龍，仍不乏少量街坊客，雙拼飯只賣22蚊，夠足料，難怪咁好生意，去貨快，即燒即賣，保證新鮮出爐。🍴至尊燒鵝（半隻） HK$160倒入鵝汁再稍為加熱，香噴噴，燒鵝肥瘦適中，夠入味，醃料唔會過濃蓋過本身甘香肉汁。🍴燒味佬叉燒（半斤） HK$50唔記得同師傅講要肥叉，所以叉燒偏瘦，但依然軟腍唔乾柴，唔會太鹹太甜，色水亦自然，可惜切得較薄，少咗大啖大啖咬落去嘅快感。🍴麻辣手撕雞（半隻） HK$60雞絲粗幼適中，皮滑肉嫩，帶輕輕麻辣滋味，令人忍唔住不停食，適合做開胃菜。📍燒味滷師長沙灣長發街28號安發大廈地下D號舖

今日想長沙灣朋友屋企House warming, 佢介紹呢間燒味幾抵食又大份。我哋叫咗叉燒、雞同埋燒鵝share食。.瑤柱貴妃雞 $68本來以為$68咁平無咩好野，但貴妃雞大大隻，雞肉嫩滑多汁配埋蔥油都好味，骨位有啲紅，但其實岩岩好，所以夠晒滑，飯都食咗兩啖。.燒味佬叉燒$50叉燒肥瘦分明送飯一流，因為買多咗仲可以用來炒蛋整叉燒炒蛋非常好食。.燒鵝$160 半隻半隻燒鵝份量都好多，肉質鮮嫩有咬口，油脂都很多，燒鵝胸部份肉質爽口，汁另上唔怕鹹。