燒味滷師 (安發大廈)

Open Now

Now Closed

家庭聚會通常會斬料返屋企加餸， 之前試過長沙灣的燒味滷師， 屋企人嘅comment都好好，所以今次決定再幫襯。必叫的首選至尊燒鵝，因為又大又靚又多肉，燒鵝配酸梅醬和特製醬汁一袋，送飯一流，大人小朋友飯都食多啲。除咗燒鵝，一定要埋叉燒，肥瘦叉燒，肥瘦剛好，不會太肥亦不會太瘦太乾，非常美味。最後加埋手撕雞，混有特製醃料，鹹香適中，非常惹味！近期家人都話要encore 之選。除長沙灣之外，見佢屯門、慈雲山、葵涌、荃灣都有分店， 好似越開越多。

-🔸至尊燒鵝 $180/半隻🔸燒味佬叉燒 $40/半斤🔸麻辣手撕雞 $65/半隻-又斬料返屋企開餐啦！今次又係揀咗去燒味滷師加餸，依間燒味檔每次嚟都排長龍，好受街坊歡迎～叫咗我至愛嘅燒味佬叉燒，依排肥咗所以叫咗要瘦叉，但都係好juicy好味！老豆至愛嘅燒鵝叫咗半隻，烤得皮脆肉嫩，最正緊係有大大隻嘅燒鵝髀啦！今次見到仲有手撕雞，之前都未試過，今次就叫咗麻辣手撕雞半隻，另外仲有麻醬口味呢！雞嘅份量超多，而且麻辣味剛剛好，非常惹味，值得一試！

每次經過長沙灣都會嚟呢間燒味舖買番啲燒臘返屋企～今次都唔例外！屋企人一致認同佢嘅燒味好正～至尊燒鵝半隻$180佢新鮮出爐嘅燒鵝，同屋企人都食過返尋味，每次都要試，今次都買咗嚟食～好Juice嘅燒鵝，有好多肉汁，一咬啲肉汁就出晒嚟～燒鵝皮幾香脆，食落啖啖肉，幾正燒味佬叉燒一斤$40叉燒醬汁香甜而且好正，仲有啲燒到少少燶嘅肉質，同樣食落有好多肉汁，送飯一流～食完一舊又會再想食第舊，好好味😋原味手撕雞半隻$60一大盒手撕雞，有好多雞肉，醃得好香，肉質幾滑，食落覺得幾有咬口，鹹鹹地，同樣好適合送飯～

今日看到open rice 咁多好評就即管去試吓，地點都有d難搵架，附近環境又不太企理乾淨對正出面露天排檔，但既然嚟到唸住外賣就冇乜所謂啦，又唔見好多人排，得我一個買已經覺得有d伏，外賣買左半斤叉燒，已經講到明要半肥瘦，hkd40 半斤都唔係特別平呀，同出名既店價錢都差無幾啫，回家一打開，嘩，真係又瘦又乾d肉鞋到完全趙唔到，d色紅得又好古怪，放落自己煮既麵上面成碗水紅晒，d肉又冇乜味，非常失望，真係冇下次

講到燒味，我估真係無乜邊個唔鍾意食，又或者無乜邊個未食過（當然食素食齋嘅人例外啦😂好多時想食燒味都會出去搵滷師，事關佢又平又靚又抵食今晚斬料食燒味，飯後飲酒再回味😂———————————-😍燒鵝：又大又靚的燒鵝，半隻都咁大隻⋯⋯👍👍👏👏認真抵食皮燒得又脆又香、鵝肉嫩滑、大大隻燒鵝髀，正😄⋯⋯我食燒鵝最喜歡點酸梅醬吃、滋味的味道，再加上啖啖肉的嫩口、啖啖肉的誘惑、實在無法抗拒這滋味的燒鵝👍——————————-🥰叉燒：一叉燒又係超級抵食，所以又買咗半斤，叉燒肉質黏住帶有筋的位置好好食😋基本上我買燒味都係好多嘢想食，所以每次都選擇困難症的買多幾款，因為開心好簡單.想食就食、想食就買、就係咁簡單😂———————————😇麻辣手撕雞：呢到嘅麻辣手撕雞又係超正、無法忍受的好味道，無法不吃的滋味、有辣有唔辣，喜歡吃辣的我當然買麻辣，如果唔食得辣又可以買唔辣，上次買過唔辣食，今次買辣食，兩款味道都一樣咁正👍😋———————————-選擇困難買燒味，買齊幾款好滋味😂其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰—————————

屋企人好鐘意食燒鵝，之前係燒味滷師買過燒鵝返屋企，佢哋都話好正。咁啱今日黎到長沙灣，就順便外賣d燒味返去。附近d街坊都知道，呢間燒味舖成日都排長龍，證明人氣相當高。至尊燒鵝半隻 $180呢款燒鵝，色澤紅潤，皮肉爆滿，外皮酥香，仲要冇乜油脂。肉質嫩滑，入口皮脆肉滑多汁，真係好正🤤🤤🤤🤤 難怪咁多人排隊買燒味佬叉燒 $40/斤叉燒肥瘦剛剛好，色澤均勻，香甜可口，超級入味，屋企人都話唔錯😋。原味手撕雞半隻半隻手撕雞望落去超大盒，表面裡面芝麻，更加香口。下次可以再買！🤤

收工唔知買物送好就喜歡黎呢度斬料！平時多數食雞同燒腩仔，今日試新野。收工都幾多人黎買今日叫左三味送，燒鵝、叉燒同手撕雞手撕雞叫左原味，有芝麻同麻油香，雞肉好嫩滑，肉質食落去好爽口。味道唔太咸，我覺得剛好！呢度半只雞，比想像中多，我都四個人食都好夠。燒鵝半只大大只，拎到返屋企都仲暖暖地唔算好肥，薄薄既脆鵝皮下有一層脂肪，食落好有鵝味，但唔會太油膩！肉質唔會梅，實淨爽口！好食！油脂分佈幾好，好香！叉燒半斤今日既叉燒瘦左啲，但肉質都好稔。個汁甜甜地又有叉燒汁既香味，做得唔錯！整體上唔錯，價錢又抵，會再去！

燒味鹵師喺荔枝角食完飯到行開長沙灣當然就要去睇吓有乜嘢掃貨啦，見到依間外賣店，長期排長龍就知道佢哋唔野少首先是左佢哋嘅麻辣口水雞，絕對入味，而且份量都幾多鍾意食辣嘅朋友絕對係首選然後都叫左佢哋嘅叉燒，真係油脂同肉比例啱啱好，價錢優惠味道一流另外叫咗燒鵝，估唔到原來半隻份量都幾多，大大件好好味，配酸梅醬絕對好味以後斬料有多一個好嘅選擇，果然出色而且你去種類都幾多下次可以試吓唔同斬料了，絕對啱晒新鮮嘅朋友

今晚有屋企人上黎食飯，所以就去買D燒味加餸😋見呢間都幾多人買，就試下啦🥢🐽半隻至尊燒鵝 $180燒鵝香噴噴😊鵝肉都幾嫩，唔係柴皮，調味恰當。🐽半斤燒味佬叉燒 $50我要左半肥瘦叉，返黎打開個盒見到好似比較瘦，但食落口係另一@回事😮肥瘦岩岩好，個汁幾好味。🐽半隻原味手撕雞 $40呢間既手撕雞價錢比起出面果D算平，而且份量都好大，幾香麻油味，都幾抵食。📍燒味滷師（長沙灣）長沙灣長發街28號安發大廈地下D號鋪

屋企廚師👩‍🍳星期五要休息，叫我呢個外賣仔去買啲燒味，仲要求要食佢鍾意嘅燒味滷師😂。🦢 至尊燒鵝(半隻) $180燒鵝肉質嫩滑，油香味濃郁。表皮香脆，下面嘅油脂香滑，鵝肉肥厚，口感豐富。配埋酸甜嘅酸梅醬，減低肥膩感。🐖 燒味叉燒佬 $40價錢抵！蜜汁香甜，肉質唔柴，肥瘦適中。鹹甜嘅叉燒送飯一流🤤。🐔 麻辣手撕雞(半隻) $60份量幾多，麻辣香🌶️同芝麻香混合，令手撕雞食落惹味🔥但唔會太辣，雞肉都幾嫩。每次去長沙灣店都好多人，好受歡迎，加餸斬料必到地方🙌🏻。

去長沙灣街市買平菜，順便買啲燒味返屋企。燒味滷師 算係燒味店當中比較乾淨企理，因為好怕食到燒味唔衛生。燒味佬叉燒丫囡話要食叉燒，而家叉燒貴咗好多，見有優惠，$78一斤，$40半斤。買左半斤，份量都唔少，最後我哋仲有食淨留返第二日炒飯添！叉燒肥瘦適中，唔會太肥，但係啲肉又唔會乾到食唔到。至尊燒鵝老公上次話呢間燒鵝好食😋$180半隻。一樣係啖啖肉，拎到返屋企一樣皮脆，下面有少少肥膏，仲好味添呀😋麻辣手撕雞佢有原味同麻辣，我又覺得麻辣都唔算太辣，少少辣惹味啲。呢個手撕雞係凍食，買一盒食剩左，第二日下午黎黎煮面做餸，個湯底微微變左麻辣味🤓🤓

又打風又落雨😫😫街市多人又濕立立，即刻沖去燒臘舖斬料🙌🏻方便又唔使煮！ 懶人嘅因物👍🏻話說某個地方嘅燒鵝已經買到六百幾七百蚊一隻，真係貴到嚇死人🤭🤭見到呢間嘅燒鵝只係$360蚊一隻！！！！即管睇吓平嘢得唔得先！加埋都係二百幾，真係平過煮餐飯。至尊燒鵝半隻 $180燒鵝皮好脆，肉汁都非常之多，肉質都算幾細嫩，唔會有梅同紙皮嘅感覺！原味手撕雞半隻 $60分量十足嘅手撕雞，大大盒！但略嫌覺得鹹咗少少，自己買咗啲青瓜加落去！好好味，撈埋一齊食啱啱好，又多咗爽口嘅感覺！叉燒佬叉燒 $40雖然鍾意食肥叉，但今次呢盒都唔錯，好夠林。每舊叉燒都沾滿左蜜汁，夠晒味而且唔會乾爭爭，送飯一流！

📍燒味滷師📮長沙灣長發街28號安發大廈地下D號舖.講到港式風味, 第一時間會諗起燒味😎近來少左返屋企食飯, 返去前決定斬料加餸, 燒味加餸無得輸.燒味佬叉燒 HKD40眾多燒味入面最愛叉燒, 貪佢無骨啖啖肉😋叉燒肥瘦均勻, 厚薄適中, 外層查滿麥芽糖, 燒完之後食落甜甜地又香口🙎🏽‍♂️偷偷地留起左幾舊叉燒第2日帶飯返公司食, 仲話一樣咁好味添, 打工仔不妨考慮買多少少第二日叮返熱就可以做埋lunch👍🏻胡麻海蜇手撕雞 HKD65嫌食淨手撕雞太單調既朋友可以試下呢個有埋海蜇既版本, 一個價錢兩種款式😙手撕雞份量好多, 海蜇爽口彈牙, 手撕雞用麻油調味曬上芝麻好香, 沾埋旁邊既胡麻醬好開胃至尊燒鵝 (半隻) HKD180要食梗係食好啲, 斬半隻燒鵝返屋企當然唔少得啦😏半隻都唔使$200, 性價比超高, 裝燒鵝個盒仲大過部iPad mini, 返到屋企係咁依整返熱佢就食得, 岩晒我呢啲上班一族🤫燒鵝皮香肉嫩, 有濃郁既鵝味, 只係稍為油分多咗少少, 間唔中一日半日無所謂啦.好耐無返屋企食飯既你仲唔快啲好似我咁斬大舊叉燒返去孝敬下你地既父母💖.食物味道：🤤🤤🤤🤤物超所值：💰💰💰💰.

今日去親戚屋企食飯，幫手一齊落街買餸，見到原來長沙灣呢度都有燒味滷師，就提議屋企人斬啲料嚟食。因為之前試過葵涌同屯門食燒鵝同叉燒都覺得好好食😋今次買咗半隻燒鵝（我因為屋企人俾錢所以今次貴先買多啲😝），半斤叉燒同埋半隻手撕雞 燒鵝依舊高水準👍🏼叉燒都唔錯但係個人比較鍾意屯門分店嘅調味🤓，手撕雞有麻辣同原味，擔心有屋企人唔食得辣所以揀咗原味 ，手撕雞偏重口味。至尊燒鵝半隻 $180燒味老叉燒半斤 $40 原味手撕雞半隻 $60

每逢放工想買燒味，我都會揀燒味滷師。每次嚟到呢度都係人頭湧湧，因為實在太抵食。呢度嘅燒味比起其他燒臘店真係平好多，而最抵食嘅就係佢嘅燒味飯只係$22。除咗燒臘，仲有其他冷盤。今次仲特別睇中咗呢件乳豬，放工時間，最後一件，唔買就走寶！乳豬返到屋企稍稍翻熱，個皮即刻脆返晒。仲買咗半隻燒鵝，皮脆肉嫩，鵝肉又夠甘香。斬料又點可以冇叉燒，燒味滷師嘅叉燒味道調得啱啱好，我就鍾意食瘦叉燒，佢嘅瘦叉瘦得嚟又唔嚡口，真係幾正。阿姐推介我買埋麻辣手撕雞，麻辣味道唔會太嗆，返到屋企煮個米粉配呢個麻辣手撕雞真係夾到不得了。