燒味滷師 (成城大廈)

Open Now

Now Closed

燒味滷師呢間對上果次食呢就係長沙灣食過🤔而家越嚟越開得多分店，新分店就係屋企樓下已經係人流好旺😳外面算係乾淨,分開咗買嘢食同埋排隊攞，超好生意小編食過第二間嘅燒味都唔錯除了燒味外, 仲有冷盤海蜇鳳爪開胃清爽，鳳爪無骨爽口，醬料汁味道開胃👍🏻海蜇乾淨爽脆帶小微辣，小朋友都食到叉燒叉燒基本肥瘦剛剛好,唔算太肥，連埋蜜汁送飯啱啱好，食唔曬第二日可以將叉燒切碎做炒飯👍🏻👍🏻鹽焗雞本身諗住鹽焗雞會好咸，食落又岩岩好😳而且雞隻唔會太老，重點份量多價錢平，性格比高至尊燒鵝燒鵝相對就肥美得多，啱晒爸爸食，飲啤酒一流，油脂非常香口，外皮有炭烤嘅感覺，帶煙燻味道，鴨肉唔鞋口👍🏻呢間小編好推薦大家去加餸，因為真係唔貴嘅質素唔差，重點係份量好多👍🏻好似小編咁樣已經夠晒一家大細食2餐😂

路經葵涌，看見不少人在排隊，原來開了一間新的燒味店，價錢相宜好抵食，我買了燒鵝、叉燒、鹽焗雞等回家來一個燒味大餐....海蜇拼泰式鳳爪 $42炎熱的夏日，不能錯過開胃冷盤，爽脆的海蜇，酸甜又爽口的無骨鳳爪，它不僅能開胃，酸甜的味道又易送飯...至尊燒鵝 $110燒鵝外皮脆脆，鮮香味美，吃起來啖啖鵝肉脆嫩爽口，蘸取一些冰梅醬，就再適合不過了，口感清爽得來，也有助於解膩開胃...可謂是燒鵝最佳拍檔啊～燒味佬叉燒 $40叉燒是我最愛食的燒味，紅噹噹外皮帶有蜜汁少少濃，吃的時候非常滋味又無太乾的感覺，半肥瘦叉燒實在令人吃不停口。客家鹽焗雞(半隻) $25不得不說，除了價格便宜，這裡的鹽焗雞整得很香，吃起來不會太鹹，雞肉內裡嫩滑，我真心覺得就這樣鹽焗配搭雞肉就很美味了......❤️💛🧡

想食燒味，原來唔洗行好遠，想買得好味又豐富，原來係friends屋企樓下就有一間。dinner time買餸番屋企，今次試咗四款，全部都好大份好抵食。至尊燒鵝，叫咗下莊，大大隻燒鵝脾，皮薄香脆，油脂甘香。食落肉質厚實，而且點埋醬汁，一解肥膩之餘，實在太美味。而且friend覺得鹽焗雞，同樣好正，因為特價，價錢望落已經超級吸引，優惠抵食$25，已經有半隻，鮮嫩可口，鹹香野味，餸飯真係一流。好好味，會再幫襯。

要探媽咪，決定吾好兩手空空，加d餸上去先得，係附近發現左間新開無耐既燒味鋪，望落去d燒味好正，流曬口水，好想食。決定買d上去媽咪到！簡左鹽焗雞，滷水鵝，燒排骨同鳳爪海蜇！加埋全部都係$18x,成一大袋，好抵！吾同一般燒味鋪，呢間個門面望落好干淨，職員又著制服，服務有禮貌！感覺食落都安心d!姐姐好好服務！個海蜇好好味👍媽咪至愛個燒排骨，鹽焗雞，滷水鵝！成家人都食得好開心！加左好多餸今日！下次再利幫襯下！

好鍾意呢間燒味店，知道佢又開左新店，仲要係我屋企附近，唔洗講咁多，即去！依家新開張仲要做緊優惠，一盒22蚊既燒味飯真係邊到搵，唔怪得黎到已經見到排晒隊，師傅都斬到冇停手至尊燒鵝(下庄)淨係下庄已經成盒，超抵食燒鵝一貫高質外皮燒得岩岩好，又香又脆又唔會燶食落去索索聲好似食緊薯片咁肉身勁新鮮，完全唔會霉，仲有陣陣鵝香咬落去仲會ＦＥＬＬ到有少少鵝油必出黎，超級正燒味佬叉燒(半斤)好鍾意呢到的叉燒因為佢係燶邊叉燒呢Ｄ燶邊位真係最正，次次食都要搶黎食而且佢又唔會太燶，岩岩好加上佢本身個蜜汁香得黎有層次，食得出落左唔少心機真係淨係Ｄ汁已經可以送幾碗飯客家鹽焗雞(半隻)呢到既雞真係性價比超高半隻都只係$30隨時你買生既都係差唔多而且呢到仲要整埋比你仲要整得咁好味食落Ｄ雞係又滑又嫩既呢個性價比真係邊到搵海蜇拼泰式鳳爪次次都淨係食燒味，今次就食下新野，食冷盤，一樣高水準海蜇非常爽口，泰式鳳爪入晒味成個汁酸酸辣辣地勁開胃，仲有冰涼既口感，夏天食一流

今日去朋友屋企經過燒味滷師，忍唔住要斬料返屋企，因為上次食過真係好味😋今次外賣左：至尊燒鵝(上莊)$110賣相好吸引，聞落充滿油香，食落肉味濃，肥美而不油膩。點埋酸梅醬食，酸酸甜甜更惹味！客家鹽焗雞(半隻)$25呢個價錢勁抵啊！雞肉一啲都唔鞋，好肥美，鹹香味十足，推薦！燒味佬叉燒$40蜜汁叉燒香噴噴，色澤鮮明，勁吸引，未食飯已經食咗幾舊！肥瘦適中，軟嫩可口。海蜇拼泰式鳳爪(半磅)$42係夏天濕熱天氣下食呢個海蜇拼鳳爪就啱曬啦！鳳爪酸酸辣辣好滋味，海蜇口感脆嫩，夠曬開胃我覺得價錢都公道，而且質素真係高，你見咁多人排隊就知點解。希望我屋企樓下就開一間，咁就可以成日斬料返屋企食啦！☺️

媽媽懶得諗煮乜餸,就叫我買燒味加料,同時好多親戚朋友來也我家食飯, 就是要宣報好妹妹要結婚了。剛巧經開這新開燒味滷師, 也目測燒味都幾靚下,又好抵食。店門面乾淨,地方寬敞。吊住不同燒味,見到都流口水。除了燒味外, 仲有前菜冷盤選擇。最後決定買了三款燒味及一款前菜冷盤加料。**前菜冷盤【海蜇拼泰式鳳爪】(半磅) $42這泰式鳳爪無骨的,酸甜爽口可口, 還有好爽脆的海蜇,兩款是必食開胃冷盤。**【燒味佬叉燒】半斤 $50叉燒香甜, 入口肉肥瘦剛剛好,肉香嫩可口,還有少少肥肉甘香不油膩,並有香濃蜜味。**【客家鹽焗雞】 (半隻) $30客家鹽焗雞而且吃起來味香濃郁鹽味夠,皮爽肉滑,另有沙姜油鹽佐食,風味味道不錯。**【至尊燒鵝】(半上庄) $110燒鵝味香濃,入口皮薄帶脆,精粹就是中間甘香的鵝肥油,是肉質多汁嫩滑,帶煙燻甜甜焦香,回味無窮 。* **

燒味滷師 (葵涌)葵涌和宜合道90-114號成城大廈地下13號舖至尊燒鵝$110燒鵝非常肥美，油脂非常香口，燒得外皮香脆，皮下一層香香的油脂，連着嫩滑的鴨肉，新鮮可口！份量算多。一大盒，加上甜酸醬，送飯一流。客家鹽焗雞$30好喜歡吃鹽焗雞，但係好吃的鹽焗雞不是處處找到。這裏的鹽焗雞不但份量多價錢合宜，而且水準不錯。鹹鹹的雞皮，醃製得度適中，雞件嫩滑，半盒也都只是$30 ，全隻雞都只是$60。泰王鳳爪$30泰式鳳爪，非常開胃清爽，鳳爪要做得好食就是要爽口，也就是醬料要夠酸甜。加上爽口的海蜇，入口索索聲。

適逢父親節🧔🏻‍♂️，決定買點外賣在家輕鬆吃想起最近討論度甚高🗣的燒味店在葵涌新開分店，就打算買幾款回家🏡與家人共享玫瑰豉油雞 $30半隻 $59隻燒味佬叉燒 $98斤胡麻海蜇手撕雞 $65半隻店家有三款雞🐔都是特價款：豉油雞、貴妃雞跟鹽焗雞，最後選了第一款半隻的size也不少，有雞味亦有淡淡豉油香，肉質爽嫩，雞胸也好吃👍🏻買了半斤的半肥瘦叉燒，份量多得有點令人驚訝🤩 媽媽說這個量是否正常🤣叉燒偏瘦，但未到乾韌而嚡口，如果帶點肥膏位會更香🤤手撕雞已經醃好帶鹹香而不會死鹹，有雞味，海蜇爽口，另外配上🇯🇵日式胡麻醬，拌勻味道更香口😋，還有點吃不夠呢！這間人氣燒味店實在風頭無量🔥短短半年已經擁有4間分店，而且好評如潮👏🏻 全因燒味的性價比高，價錢相宜加上老闆曾經參加🗺世界粵菜廚皇大菜（燒味及滷水組別）且奪得至尊金獎🏆，食物質素有一定保證！這次幾款燒味的評價都甚高，要想想下次要試什麼好了🤔

同事傾開煮飯經，講開大家都好怕要諗煮咩餸，其中一個同事就話燒味滷師最近係公司附近開咗新分店。之前路經長沙灣幫襯過對呢個鋪頭非常讚賞，絕對稱得上價廉物美。既然同事咁好報料俾我知，所以今晚都決定買返幾款外賣加餸，又可以慳返煮飯功夫。 ▪️ 燒鵝上庄外賣拎到翻屋企都有一個鐘左右，但燒鵝皮食落仍然香脆。鵝肉本身都好味，唔會太騷，再配埋燒鵝汁及酸梅醬，相得益彰。▪️ 燒味佬叉燒 - 半斤名副其實既蜜汁叉燒, 少少肥加埋有少少燶邊，肉汁味濃，食落好香軟，好味。▪️ 泰式鳳爪併海蜇海蜇好爽滑, 有麻油香味，配上惹味酸辣鳳爪，當涼盤前菜食一流，非常開胃。▪️ 客家鹽焗雞 （半隻）鹽焗雞本身都好夠味，唔止雞皮好滑，連雞肉都好嫩滑。 咁出色鹽焗雞都講緊只係$30/半隻，絕對好過自己煮。以上咁多款食物合共只係$232，簡直係上班一族，又要放工趕住返屋企煮飯既人既福音，又抵又好食。

9 0 後 的 味 蕾 一年一度既父親節黎到啦！諗唔到買咩孝敬👨🏻，一於落街買盒燒鵝加餸，等呀媽唔洗煮咁多餸🤪-節日斬料加餸應該係香港人指定動作，一去到門口人頭湧湧，個個都等緊新鮮出爐。-燒味滷師好似都有好幾間分店，環境都幾乾淨，有時食燒味，衛生都好重要咖-燒鵝 遲咗去買，又適逢節日，淨係買到上庄，不過師傅斬得好靚，件件大細都差唔多。-佢隻燒鵝好好食，皮夠脆，肉質唔會”鞋口”，最重要係佢唔肥呀，好驚食個啲一入口成咀都係油淰淰，同埋佢隻鵝唔會好咸，岩哂點醬食。-叉燒好好食呀，未開飯已經俾人搶晒😂，叉燒完全唔肥，咬落去淰淰地，然後啲汁咇哂出黎，佢用左蜜汁去煮，好甜，好lam lam 脷，唔使翻熱都好食-海蜇拼泰式鳳爪 呢個小食正，海蜇爽口，幼身容易入口，又無整得好油，鳳爪可以連骨食，又爽又彈牙，補番啲骨膠原，酸酸辣辣又開胃-客家鹽焗雞半隻 呢隻雞真係平到喊，夜晚唔知食咩，買一盒返屋企煲過飯，夠哂兩個人食，用鹽焗過嘅雞滲出鹹香味，唔使加任何醬汁，已經好夠味-今次買四樣嘢埋單$230，好抵食！宜家新開張仲做緊優惠，見到有$22蚊燒味飯，真係拯救月光族之選

燒味滷師係短時間內已經開了第四間分店，就知佢咩料啦！呢排搞搬屋，最近我就係葵涌開嘅新店！之前幫襯過長沙灣分店一到放工時間就勁多街坊排隊。透明櫥窗望落乾淨光鮮明亮～新張優惠貴妃雞、豉油雞、鹽焗雞都係$59/隻 仲可以買半隻$30 好抵！單雙拼飯盒都係$22/盒，真係無咩邊度可做到。唔想煮飯斬料做餸就最好！至尊燒鵝（上莊）$110 鹽焗雞 半隻 $30燒味佬叉燒 $50泰式鳳爪 $42燒鵝唔會過肥，肉質都唔算韌。叉燒食得出淡淡玫瑰露酒調味，叉燒軟稔，好好味。鹽焗雞熟度剛好，唔會乾柴。泰式鳳爪配海蜇意外地鳳爪同海蜇都幾入味，而且海蜇份量都幾多。燒味配紅酒都幾夾。

咁岩今日早收工 經過屋企附近有間新開既燒味舖 就決定斬料番屋企孝敬下老豆老母呢間野真係好多選擇 賣相又靚 所以一唔小心就叫左四樣野食,有叉燒,有鹽焗雞,有燒腩仔,仲有海蜇拼五香牛展叉燒個蜜汁真係無得彈,而且呢食叉燒最緊要係要有少少燶邊!佢完全做到呢個效果!燒腩仔同鹽焗雞我老豆老母本身都好鍾意食,食左幾十年咁話,如果話佢地係專家都唔過份!佢地都俾呢兩款燒味好高評價!又入味又啖啖肉!最後碟海蜇拼五香牛展真係食唔落,因為實在太飽於是乎就留番黎做宵夜,一路睇歐國盃一路食又係好入味,雪凍左拎番出黎配啤酒食真係一流呀!

今日同朋友去葵芳廣場行完街,返屋企又唔想煮餸,於是去燒味滷師的葵涌分店買啲燒味返屋企,炒碟菜又當一餐😄今日買咗幾種燒味：1.至尊燒鵝好入味,皮脆肉滑,咬落去肉汁四濺,忍唔住食多幾舊.2.阿仔最鍾意食叉燒,於是買咗半斤燒味鹵叉燒,濃濃的蜜汁味,入口鬆化的叉燒肉,阿仔都食多半碗飯.3.客家鹽焗雞做得非常出色,淡淡的鹽味不太鹹,軟滑的雞肉,一點也不嚡口,雞並沒有雪的味道😄4.炎炎夏日嗌咗個海蜇拼泰式鳳爪,海蜇爽口,而且帶有少許麻油味,吃起來簡直令人透心涼；泰式鳳爪帶少許辣味,最啱愛吃辣的人,鳳爪不太硬,非常爽口,呢個夏日涼拌值得向大家推介👍👍

近日疫情好轉，係時候又要搵吓D老朋友見面，上次同朋友見面佢個小朋友已只得幾個月，今次見佢個小朋友都差唔多兩歲，可想而知呢個疫情😷真係搞到D朋友都無哂咁，今次上佢屋企食飯，梗係要斬料去朋友到晚餐。原來係佢屋企附近又係有間燒味鹵師，呢間燒味我曾係第二區買過，燒味又平又靚又好食😋，原來呢度又新開咗一間，咁就一於係到斬返幾味同老友傾吓計，咁耐無見又可以雞啄唔斷😂————————無論去到邊區，昵間燒味都係排隊、犀利👏👏👏⋯⋯———————-🟥燒鵝：熱辣辣..皮脆肉嫩滑食落口..有肉有咬口鵝脾正..有酒更加正好朋友..傾計無厘頭食晚飯..開心快活人🥳———————————🟧叉燒：半肥瘦..肉質有咬口肉質嫩..又爽又嫩滑叉燒靚..燒得香又正自家燒..鹵師你好嘢👏——————————-🟩客家鹽焗雞：客家鹽焗雞…又係好鬼正又平又好味…啖啖有雞味不咸又不淡…味道剛剛好客家味道好…千祈咪走寶👏———————————-🟫泰式鳳爪配海蜇：泰式鳳爪又係靚配埋海蜇更加正咬落又爽又好味辣味合哂你口味買齊晒就返屋企老友見面傾吓計仲有多款小食揀想食乜嘢自己揀————————————🥰燒味鹵師又一餐做人就係咁簡單飲酒傾計又