燒味滷師 (成城大廈)

Open Now

Now Closed

之前都有食過呢間 不過係其他分店 估唔到佢開親既地方都好近我都係我會經過既地方🤣 所以我時不時都有買黎食下😆至尊燒鵝（下庄） $120燒鵝整體偏肥 但燒鵝唔肥邊好食🤣 食完鵝油既香味停留左係我口中☺️客家鹽焗雞（半隻） $30雞都係嫩滑 咁多個餸中比較普通 但勝在夠平！泰式鳳爪拼海蜇 $42鳳爪唔會好辣 爽口既～ 海蜇都幾多 同埋厚切一啲 口感再豐富啲😍燒味佬叉燒 $50叉燒係我食過幾間分店中最好食 叉燒好淋 唔會有太多肥膏～ 叉燒汁偏甜 但都好好食 同白飯好夾😆

一家大細帶埋小朋友返屋企食飯, 又唔想老人家煮得太辛苦, 決定落街斬返幾碟燒味加料, 附近新開嘅呢間燒味店好受歡迎, 次次行過都見到好多街坊幫襯我哋揀咗鹹雞, 燒鵝, 叉燒同埋鳳爪海蜇, 咁多嘢加埋都係$200鬆啲, 非常抵食! 😍食物質素亦唔錯, 特別係叉燒同燒鵝, 叉燒唔會太瘦同埋太柴, 咬落有少少肥肉, 而且味道亦唔錯, 鹹淡適中👌🏼燒鵝夠晒肥, 啖啖肉!😋入口非常香, 而且唔會有羶味, 做緊新張優惠仲特別抵食, 屋企人亦都大讚!

之前新墟，荔枝角分店試過呢間燒味檔，今次佢喺葵沖開咗新分店，當然要去試吓啦😍去到依然出面好多人等！好彩職員夠多，廚師手腳快，等咗5-10分鐘就有啦😍😍見到客人多為街坊客，家庭主婦等！就知道呢度係做熟客生意嘅😚品質唔錯值得一試至尊燒鵝餐廳選用清遠黑棕鵝母，鵝肉肉質紮實又唔會韌， 燒鵝皮算薄，食落好香口🤤客家鹽焗雞鹽焗雞肉質嫩滑，鹹香味十足，令人想食完一啖再食，送飯一流😍🤩叉燒佬叉燒叉燒肥瘦適中，蜜汁嘅甜味令叉燒咁出色，同叉燒夾得好好好海蜇拼泰式鳳爪呢間仲有好多各類型嘅冷盤，鳳爪大件惹味，配埋爽口嘅海蜇冇得輸呀😍😍📍燒味滷師 (葵涌)葵涌和宜合道90-114號成城大廈地下13號舖

今日路經葵涌和宜合道，遠遠望到間門面好光鮮既燒味店，門口人頭湧湧，好奇去睇下有咩咁吸引，玻璃櫥窗內掛住各式燒臘，又望到有個櫥窗好多開胃小食，忍唔住買左幾樣返屋企加餸。泰式鳳爪併海蜇鳳爪酸酸辣辣，好惹味開胃。 海蜇好入味，仲帶有麻油香，口感好爽滑。燒味佬叉燒 （半斤）叉燒紅彤彤外皮帶有蜜汁既亮澤，食落去肉味香濃，帶有陣陣豬油的甘香,叉燒有少少肥肉和些少筋，唔會有太乾的感覺。客家鹽焗雞 （半隻）鹽焗既味道唔止停留於雞皮表面，更滲進雞肉內層，鹹鹹香香, 很惹味, 雞肉嫩滑，雞皮都好滑，食用時加埋沙姜醬及薑蓉油，味感更佳。至尊燒鵝 （上庄)燒鵝嘅皮夠晒香脆，燒鵝唔算太肥，但係充滿油香，肉質嫩滑，肉味都好濃多汁。 燒鵝汁都好夠味帶油香，加埋酸甜醬，令味道層次更豐富。樣樣都好味，價錢又經濟，加埋都係$232, 唔怪之得門口咁多人等外賣。 仲有好多款小食燒味未試，下次可以試埋其他款式。

年初曾光顧過「燒味滷師」在長沙灣的店子，當日「斬料」與一眾親友共享，大家都讚賞這小店的燒味不俗。近日，經過葵涌一帶，發現這家燒味店己俏俏在葵涌開了新分店，而且，店子位處上葵涌舊區一帶，附近有不少舊樓、屋苑，真是不愁沒有客源。就像這次，才兩時左右，已見不少街坊光顧。鋪面吸引之處，就是櫥窗之內，掛滿了不同的燒味，琳瑯滿目，鋪內深入之處，就是工場，不時看到新鮮燒味出爐，好不吸引。而所有燒味的價錢，已全貼了出來，一目了然，定價亦很相宜。定價相宜，就自不然多人光顧，在這勢頭下，很多基層生活都很艱苦，所以，店家的燒味單雙拼飯非常有吸引力，更可以幫到不少基層「有啖好食」，因為，無論單拼，還是雙拼，都只是$22盒，絕對是基層恩物。而另一邊，有不少涼拌小食，如手撕雞、大墨魚、麻辣醬蹄、五香牛展………等等十多款，單買又得，雙拼又得，配飯都得。左揀右揀，心多多，一下手就買多了，不過，才只是二百多元，性價比十分高。今晚在親友定的晚飯，灼一份菜、蒸一尾魚，加上這些「斬料」，已變得十分豐富。先介紹「至尊燒鵝」（$120/下莊），雖然燒鵝只是一份下莊，但份量十分之多，滿滿的填滿一整盒。將奉送的燒鵝汁翻熱，熱辣辣的淋

門口勁多人，原來做緊新張優惠，單雙拼飯盒一律都係$22🤗忍唔住走去睇下有咩岩我胃口😃----------燒味佬叉燒 $50呢度有半斤，全部都好瘦，意外地好腍👍叉燒汁香甜得黎又唔膩😍燒得好均勻，冇燶邊，所以完全唔鞋😜至尊燒鵝(下庄) $120打開個盒就大大隻燒鵝脾進入眼球，真心吸引💕啲皮好脆，燒鵝肉好軟腍，juicy又甘香🤓點埋酸梅醬仲正😁客家鹽焗雞 $30依家做緊新張優惠：$30半隻 $59全隻堅抵食，仲要估佢唔到裝滿成盒😀雞皮色澤油潤，少少鹹香😋海蜇拼泰式鳳爪 $42海蜇爽口彈牙，泰式鳳爪酸酸辣辣，好開胃，可以balance燒味既油脂😗

加餸燒味🐷🐔🦆🎈燒味滷師/Among different types of Siu Mei, what is your favorite one?/要買野加料 相信燒味同鹵味一定系唔少人即刻會諗到既 今次試左幾樣呢間新燒味店嘅燒味鹵味至尊燒鵝 ($120)燒鵝皮十分香脆 閃令令 燒得啱啱好一咬成口肉汁 十分邪惡燒味佬叉燒 ($50)未打開個盒已經聞到濃厚嘅蜜汁味 大概兩成肥八成瘦 蜜汁鋪滿叉燒外皮😍食落甜甜地 蜜糖味好重客家鹽焗雞 (半隻) ($30)雞肉質嫩滑入味 加左蔥油食落更加香 齋食可能有啲鹹 但用黎送飯就啱啱好🍚泰式鳳爪($42)叫左個冷盤 有鳯瓜又有海蜇鳳爪去左骨 剩返軟骨 食落好方便海蜇涼浸浸 食飯之前要用嚟做頭盤先😝

屋企附近最近新開咗間燒味舖，有唔少街坊幫襯，今日懶得煮，索性斬幾味加餸，返去焯碟菜心就開得飯。燒味價錢合理，新開張仲有唔少優惠，特別係燒味飯盒，無論單雙拼都係一口價廿二蚊，非常抵食。大熱天時見到海蜇拼泰式鳳爪零舍吸引，海蜇口感清爽彈牙，鳳爪亦同樣爽口，去咗骨一啖一隻剛剛好，酸辣開胃。先生至愛食燒鵝，見咁耐冇食，揀咗下莊，果然冇令人失望，鵝髀大大隻，夠哂肥美，肉質非常嫩滑，連皮咬落去，滿口鵝油香氣，令人回味！除咗酸梅醬之外，仲有一袋仔燒鵝汁，原汁原味，無論淋上燒鵝到食抑或係撈飯都一流！客家鹽焗雞大件夾抵食，肉質滑溜而且夠哂鹹香，絕對係白飯殺手。叉燒半肥瘦，一打開外賣盒已經香氣四溢，色澤鮮明，入口肉質軟腍，蜜汁亦夠香夠入味，水準唔錯。燒味店食物水準唔錯，特別係燒鵝，隻燒鵝髀簡直令人回味，鍾意食燒鵝嘅絕對唔能夠錯過，而且燒味價錢夠晒親民，最值得一讚嘅係店面乾淨整潔，俾人嘅感覺非常衛生，難怪咁多街坊客捧場，希望能夠一直保持水準，等我哋可以繼續食到優質嘅燒味。

仔在附近補習，不熟路的我，無意中見到轉角位的這間燒味店排晒長龍。人買我又買，反正懶得煮餸😆買了燒鵝（4份之1，下庄）、半隻鹽焗雞、半斤叉燒，和一盒海蜇拼鳯爪，合計$24x。聞說現在多以燒鴨充燒鵝，一來是成本較低，二來是反正吃進口裡不相差太多。這家寫明是燒鵝，當然要試試。鵝髀飽滿，外皮甘香。鹽焗雞雞肉帶鹹香，不錯👍叉燒稍甜，肉質腍滑，非常好吃！海蜇鳯爪是一貫正常好味道，回家冷藏一會是更加好吃的冷盤😉

之前喺長沙灣斬過一次料，覺得性價比好高，今日去開葵涌工廠大廈，又見到呢一間嘅分店，梗係二話不說又買返屋企斬料！👍🏻1/4 燒鵝喺玻璃窗望到一隻隻燒鵝色水好靚，好有光澤，買咗¼隻下莊。鵝油滿溢，肉質唔鞋，塊皮番焗左之後仲有少少脆添！👍🏻半斤叉燒叫咗半肥瘦，油脂分佈得好平均，食落幾有咬感、肉質好腍軟，蜜汁做得濃醇香甜！（下次買嘅時候一定要叫師傅多汁黎撈飯）👍🏻半隻鹽焗雞只係$30就有半隻，性價比好高之餘仲要非常好味。雞皮，雞肉都夠鹹而且非常嫩滑，雞皮嘅皮下脂肪唔算太油膩，骨位比較鮮紅，但係食落絕對熟透，可以話係啱啱好添啊。👍🏻海蜇泰式鳳爪見到旁邊有一盒盒已經pack好哂既小食，忍唔住買返一盒嚟試下。泰式鳳爪已經起晒骨，唔會好辣，海蜇爽口入味！相信我會有第三次購買嘅機會！亦都希望佢可以越開越多分店！！！

最近葵涌開咗間燒味舖行過見到咁吸引決定今晚加餸！店舖裝潢睇落去好新穎，唔會好似舊式燒味舖咁睇落咁污糟放工時間都好多人排隊燒味選擇好多，而且價錢唔算貴除咗燒味呢度都有唔少滷味選擇價錢又平又正我叫咗個鳳爪海蜇味道酸酸辣辣好開胃蜜汁叉燒肉質好新鮮而且食落啖啖肉，肥瘦分布均勻油雞食落肉質亦都好滑味道岩岩好唔會好鹹最推介一定係至尊燒鵝我叫左下庄部分肉質好滑，而且份量好多，唔會全部都係骨加埋甜酸醬送飯真係一流

之前喺長沙灣食過一次，覺得唔錯。今次開到嚟葵涌，等我又再幫襯下先。新開張好多人支持。新開張仲有優惠啊！🦢至尊燒鵝開（下庄) - $120果然冇令我失望！拎到返屋企啲皮仲係脆嘅。肉同油脂嘅比例岩岩好，每啖都好Juice。🐔客家鹽焗雞（半隻) - $30雞就偏瘦，但好入味，肉質嫩滑。🐷燒味佬叉燒一斤- $50呢個價錢就有一間嘅叉燒，真係好抵。叉燒有少少肥，但都係正常嘅，半肥瘦叉燒先係最好味。🍴泰式鳳爪 - $42除咗鳳爪仲有海蜇，一盒都幾多份量。得閒經過買返盒返屋企加送都幾好。

見呢間野新開又做緊特價所以就去試吓拉，叫左個油雞燒鴨飯，先唔講佢斬既位置完全無咩肉，得骨同皮🙄🙄🙄🙄🙄仲要咸到一個點，真係咸痴晒線👎👎👎👎👎👎👎👎👎👎真係強烈唔建議去食，除非你想食到有腎病要洗腎拉🙄🙄🙄重要事情講三次!!!!!!Blacklist 唔好去食！！👎Blacklist 唔好去食！！🙄Blacklist 唔好去食！！🙅‍♀️雖然真係好平但你睇我張相就知佢咩料😒😒

經過附近見呢間新開張 諗住試下個燒肉買左50蚊 結果打開個盒真係令人失望 見佢得d切頭切尾既骨外觀已經唔得 好似臨收工20蚊份既質素肉好擺左好耐咁 鞋拾拾 試左肉係霉既皮係唔脆 好唔新鮮真心覺得搵笨 價錢唔平 但質素差過唐s興的出品呢個價錢呢個質素 係差過之前同一個位開既燒味檔真心唔改善 好難令人回頭再試