燒味滷師 (成城大廈)

Open Now

Now Closed

天氣凍凍地，又係唔想煮飯既時候，梗係要斬料，斬大舊叉燒啦睇下Ｄ街坊都黎呢間就知道係好野因為呢到價錢又唔貴，野食質素好，難怪咁多捧場客啦燒味佬叉燒食燒味就梗係要食叉燒，直頭係鐵膽呢到既叉燒肥瘦勻稱令你食落口會食到油脂香之餘又唔會膩而且口感軟熟唔柴皮佢既蜜汁更加係超級正咸香中帶點甜，勁開胃淨係Ｄ汁已經夠食一桶飯至尊燒鵝(下庄)講起燒味，除左叉燒，梗係靚靚既燒鵝脾燒鵝皮燒得都幾脆鵝肉唔會乾身，仲啖啖肉，仲幾有鵝香客家鹽焗雞呢隻都可以話係一隻黃油雞啦睇外皮已經見到幾油潤雞皮皮薄，雞肉亦都好嫩滑泰式鳳爪食得燒味呢Ｄ熱氣野多都想食Ｄ清爽Ｄ既呢個就岩晒鳳爪辣辣地，勁開胃，而且好入味海蜇超爽口，勁正

返屋企經過呢間燒味店好多次，之前一直冇咩機會買嚟食，今日決定買嚟加餸！1/4隻至尊燒鵝一打開蓋超級香，外脆內軟，肉汁滿滿，配埋冰梅汁， 絕配！而且份量好多，好多肉半斤燒味佬叉燒係最鍾意嘅半肥瘦，外皮甜甜，入口軟腍，一啲都唔會柴，仲有啲燶邊位，食落好脆口。半隻客家鹽焗雞一打開盒就聞到鹽焗嘅味道，鹹度適中，肉質好嫩滑，加埋蔥油、豉油，味道更加豐富。半磅海蜇拼泰式鳳爪呢個份量都超多，海蜇好爽口。我最鍾意就係無骨鳳爪，平時嫌麻煩，好少食。呢個係無骨，食落酸酸甜甜，好開胃

打風前的超市和街市都被瘋狂掃貨，連冰鮮雪藏肉類都通通賣光，經過和宜合道斜路，見到呢間燒味大排長龍，價錢又抵，一於就買去加餸。 斬料講求快靚正，而今次外賣由下單到取餐都不用5分鐘，效率好高，果然深受街坊支持 (人流不斷) =至尊燒鵝 ($110)=燒鵝肥瘦適中，燒得香脆皮薄，沒有鵝羶味，食落油脂又多，相當juicy ! 而且份量又多，而燒鵝醬汁另外裝起，可以打開後自行倒在燒鵝上。 =客家鹽焗雞 (新張優惠$30)=超抵食! 雞肉嫩滑肥美，加入另上的沙薑醬和薑蓉，屬於傳統的客家風味，而且鹽焗雞的調味適中，唔會過鹹，推介! =燒味佬叉燒 ($40)=叉燒半肥瘦，蜜汁甜香，食落油脂重而唔會膩，燒的皮脆香口。 =泰式鳳爪 ($42)=用泰式酸甜醬汁醃得好入味，而鳳爪無骨又夠大隻，食落十分惹味，食唔停口。

收工晏左成日都去快餐店食晚餐有時真係累到連喺街食光速餐都唔想，買外賣就係懶人選擇啦近排屋企附近開左間燒味滷師今晚就偷懶買燒味同屋企人一齊食啦🦆爸爸最鐘意食燒鵝，呢個皮脆油脂薄，連皮食都無油淋淋，肉質嫩滑有鵝香，佢地嘅鵝鴨每日都新鮮送店，洗淨後入風乾櫃吹乾保溫，難怪外皮做得咁出色🐓 鹽焗雞聞說都係招牌菜，雞以味水浸20分鐘再鹽焗，非常入味肉質細緻，雞皮唔厚油脂，夠哂爽皮🐖 叉燒用梅肉製作，食落唔霉有肉香，秘製醃汁味道分明，外層搽上大量麥芽糖，有少少焦脆粒粒好香口，送飯認真一流🌊 泰式鳳爪唔辣，醬汁味道開胃討好，配上海蜇做前菜豐富咗成餐飯燒味滷師由三位資深燒味及滷水師傅主理，對燒味有團火🔥志力將燒味與時並進，所以每間店舖裝修都好光猛，店員亦非常有禮，呢種態度真係非常難得🌹

適逢中秋佳節，今日經過葵涌這間燒味店，決定買幾種不同種類的燒味回家和家人一起慶中秋！店舖位於道路的轉角位，店舖雖小但五臟俱全。店內掛滿各式各樣的燒味，也有雪櫃存放凍食。在店外看了看各款燒味推介，決定買鳳爪拼海蜇、鹽焗雞、燒鵝、叉燒回家！從店家手上接過外賣，濃烈的燒味香味從袋子內散發出來，令人急不及待想回家打開品嚐。泰式鳳爪拼海蜇(半磅)($42)。無骨的泰式鳳爪微微酸辣，配上新鮮爽口的海蜇，非常清爽，是一道很好的開胃菜！開飯後不久就被全家人一掃而空。客家鹽焗雞(半隻)($30)。鹽焗雞是中國廣東特色的客家菜餚，是在早年間客家人遷徙中流傳下來醃製雞的方法，家人們一向很喜歡。這盒客家鹽焗雞，雞皮軟滑，肉質鮮嫩，滿滿雞油香，鹹淡恰好。至尊燒鵝(上莊)($110)。燒鵝實在非常香，外皮煙煙韌韌，肉質新鮮不嚡口，多肉而且肉汁滿滿。再配上用袋子另外裝載的燒汁和酸梅醬，十分惹味，滋味無窮，推薦！燒味佬叉燒(半斤)($40)。半肥瘦叉燒外層甜甜的，微微烤焦的部分又脆又香口，令人垂涎欲滴，一口接一口，是家中小朋友的至愛。以上份量配着白飯和蔬菜吃，已經足夠滿足六個人，豐富又美味的一餐！

放工想買d燒味番屋企做餸，經過呢間新開的燒味店，見到有不少人幫襯，就買了試燒味回家試一試。至尊燒鵝1/4隻（$120）都幾多肉，有隻大大燒鵝髀！燒鵝都幾有味，連骨都入味。泰式鳳爪加海蜇（$42）泰式鳳爪已經去了骨，帶點醋味。鳳爪爽脆之餘，又不硬。個人十分推介，很少吃到那麼爽脆的鳳爪。海蜇都是偏爽脆，並非外面那麼煙韌。客家鹽焗雞半隻（$25）荃灣新開張特價$25，十分抵。雖然是特價菜式，份量都不少足半隻。隻鹽焗雞都幾香滑👍🏻叉燒半斤（$40）有d部位比較瘦，有d部位半肥瘦。屋企人都覺得這間新開燒味店不錯又抵食～下次都會再買！

好好味燒味係公司附近開咗間新嘅燒味，日日見到都好多人排，就算等埋返屋企加餸！燒鵝睇相都睇出去皮脆肉嫩！超級好味！份量都好足夠！😍😍叉燒燒得啱啱好，唔會太窿～肥瘦比例都啱啱好！師傅亦都將每件切得均勻！可以時時買返屋企加餸！雞反而令到我有啲失望嘅係雞～切得我每件都太大😓不過味道都好好食！鳳爪出乎意料嘅好味😋本身只係諗住見佢平平哋買來試吓，點知竟然有surprise！味道十足～有泰式鳳爪嘅感覺！值得一試！

長期多人既燒味滷師，今日終於有機會買到返屋企加餸啦。呢度有好多選擇，有燒烤類，滷水類，雞類同埋涼拌小食。淨係雞類都有7款咁多俾你揀，日日加唔同餸都可以試成個星期，涼拌小食仲有麻辣味添。另外仲有燒味飯，雙拼飯都係廿幾蚊！真係好抵食！至尊燒鵝-皮脆肉嫩，腌尖既阿爸都話好味，唔怪之得改個名叫至尊啦！燒味佬叉燒-叉燒肥瘦適中，肉一啲都唔鞋唔乾，好好味。客家鹽焗雞-鹽焗夠香夠雞味。海蜇拼泰式鳳爪-海蜇爽脆，鳳爪冇骨啖啖肉。

我相信冇乜邊個唔中意食燒味啦，我今日去咗葵涌成城大廈地下13號舖嘅燒味滷師幫屋企加餸。裝修都幾新淨下（好似唔係幾關事⋯⋯），仲有好多唔同嘅選擇添。我買咗四樣嘢食：1/4隻至尊燒鵝($110)諗咗好耐買唔買，好在最後都買咗。外皮脆口，肉質都嫩滑。仲有啲梅醬，點落去食都唔錯、幾特別。斬得好，舊舊都有肉㗎！半斤燒味佬叉燒($40)買燒味叉燒當然係必叫啦！半肥半瘦最好食，外皮紅紅的，唔會太乾又唔會肥膩。蜜汁叉燒真係真係好滋味！半隻客家鹽焗雞($25)我要睇返張單有冇叫錯，心諗點解半隻咁平都咁大？呢盒超級香，食落去啲雞肉都幾嫩滑。鹹度適中，撈飯食一流。半磅海蜇拼泰式鳳爪($42)我超中意食海蜇，屋企人就中意泰式鳳爪！好爽脆海蜇，係一個唔錯嘅開胃冷盤！鳳爪仲要冇骨嘅添，酸酸甜甜好好味。炎炎夏日唔好錯過呢到嘅冷盤。葵涌有少少遠，我唔係成日去開。但其實嘅間燒味滷師有好多間分店，你地可以睇下邊間方便再去試下～

客家鹽焗雞半隻 ($25)皮滑肉嫩，雞皮透薄唔肥膩，肉質鮮味又唔乾柴。燒味佬叉燒 ($40)係我最鍾意嘅半肥瘦質地✨外層蜜汁烤得焦香又甜，內層肉質軟腍，口感不錯。至尊燒鵝 ($110)皇牌燒鵝係最好食！鴨身好大隻，外賣飯盒塞滿仍然係啖啖肉，無斬頸、斬碎料欺場。皮脆肉厚，咬開油脂香味爆發開來🤤 肉又滑口，香味濃郁，必試推介👍🏻👍🏻泰式鳳爪併海蜇 ($42)鳳爪爽口彈牙，配酸辣汁食好開胃。海蜇都好爽口，唔係久放變腍身嘅貨色。幾樣燒味都好食，門面仲好企理整齊，唔怪得放工時間舖頭出面經常有排隊人龍啦！

今日路經葵涌呢間燒味店 - 燒味滷師，見有咁多街坊排隊幫襯一定有D保證啦！至尊燒鵝($110)外賣拎到返屋企個皮都仲係脆，燒鵝肉質細緻紮實，唔會軟趴趴，食落肉味很香。燒味佬叉燒($50)豬肉同脂肪比例恰到好處，叉燒有油香之餘又唔會肥膩，留返D切粒炒蛋一流。客家鹽焗雞半隻($30)呢隻鹽焗雞色澤鮮黃，雞肉腍滑多汁，色香味俱全。泰式鳳爪、海蜇($42)呢碟冷盤甜甜酸酸，鳳爪無骨，海蜇爽口美味，醬汁味道唔會過濃，正呀！

Honestly not the best location as it requires a bus from the station but I was so surprised by the line outside the store! A small corner shop but there are tons of people waiting for their food. We got a feast of bbq pork, chicken, goose, jellyfish and chicken feet. The portions were big and the sauces were delicious! The meat tends to be on the leaner side so my diet feels a lot better eating it. 🤣 Unfortunately I spilled about 80% of the sauce and so was just scraping whatever is left of it 🤣

行過見到好多人排隊，於是就斬啲料返去同同事一齊食。冇諗過價錢咁實惠都咁大碟咁好食。 至尊燒鵝（上庄）$110 皮脆肉嫩，真係只可以用呢四個字形容，又夠juice又夠油香。本來以為咁平嘅燒鵝層皮會唔脆，結果係我錯，超級脆。叉燒（半斤）$40 唔肥，但係又好滑，又唔會鞋烚烚。調味都好好，唔會過甜或者過鹹。應該同師傅講要厚切，咁樣會更加滋味。客家鹽焗雞（半隻）$25見到咁平順便買半隻試吓，肉質非常嫩滑，唔會死鹹，好入味。泰式鳳爪拼海蜇$42啱晒夏天食，爽口過癮，調味都非常好。

呢一間燒味舖頭開到通街都有，由長沙灣支持到葵涌，而家連屯門，慈雲山都有啦。（果然有人情味，水準穩定，價錢平嘅餐廳特別容易成功）佢嘅價錢非常親民，做優惠嘅時候$30就有大半隻雞，去街市斬幾舊都差唔多價錢！！當然唔少得有燒鵝、叉燒、蜜糖烤骨、紅腸、燒鴨、手撕雞等等。最欣賞嘅係師傅全部都有戴口罩，帶手套，喺疫情期間都注重衛生。小店有佢嘅可貴之處，期望喺更多地方見到佢嘅蹤影，為我哋帶來更平更好食嘅燒味 ！！！

星期六日family day，仔女話同小朋友趁weekend一齊返嚟。未準備好啲咩餸，一於落街斬個料，叫咗4份，燒鵝，鹽焗雞，叉燒，同埋泰式鳳爪，每一份都好大🤩好豐富。燒鵝見佢好新鮮，小朋友最鍾意食燒鵝，今次就買咗半份特登獎勵畀佢。鹽焗雞好有特色，🤓同白切雞唔同，更加多咗一份鹹香。買返嚟嘅時候已經覺得好正，因為皮薄，而且金黃色，🤩非常之有油雞嘅味道，而且肉質香實，食落去更加回味。另外嘅叉燒，同埋泰式鳳爪都好唔錯！