燒味滷師 (大廈街)

Open Now

Now Closed

星期三做到咁攰，懶人真係唔想再煮飯，要想快手。🥢當然要斬啲燒味返屋企加餸。叫咗四樣嘢，❤都覺得好好味，佢哋嘅至尊燒鵝喺買嘅時候已經見到大大隻，金黃色真係好正，我哋叫咗下莊個皮夠香脆，而且啲燒鵝嘅肉好實，好有肉香味，好正🥰燒味佬叉燒，因為屋企人鍾意食肥。所以叫咗肥嘅部份。有得揀真係唔錯👍食落去好香蜜糖味，叉燒燒得好啱啱好，好香口。瑤柱貴妃雞，🐤半隻先$30，性價比真係好高，雞肉皮薄，夠嫩滑。

原來呢一間燒味店嘅鹽焗雞，都做好唔錯！今次dinner 試咗下佢哋特色客家鹽焗雞，因為屋企人鍾意食得健康❤所以鹽焗雞就最啱佢哋胃口🤓鹽焗雞金黃嘅外皮，同樣皮夠薄，雞肉夠嫩滑，食落去唔會老，做得啱啱好👍加埋少少鹽焗嘅醃製，香料好香，好好味。海蜇彈牙，食落去好爽口，泰式鳳爪嘅辣醬教得唔錯，🌶酸酸味味好醒胃，就算係冷盤，一樣做得出色，配埋美酒一齊食，🍷果然係一個take away方便嘅開胃小食之選。

高質燒味店，因為今日係屋企人放假🥰所以都想食得豐富啲，叫咗幾樣燒味返屋企加餸，大家都食得好開心！因為夠晒足料，而且好好味，細妹最鍾意食佢嘅至尊燒鵝，😍因為皮夠薄而且燒得好香，再加埋甘香嘅燒鵝皮，就算係平時怕肥嘅我，都忍唔住食多兩件！😚燒鵝嘅肉質好厚實，食落去肉質Juicy非常之香濃。另外佢哋嘅叉燒同樣唔錯，係店舖出色出品。外表塗滿左蜜糖，睇落去有光澤，好吸引😍我哋試咗下佢哋半斤燒味佬叉燒，蜜汁嘅口感好好味，而且肉伴隨住蜜糖味，更加香甜！

我買半隻雞，半斤燒腩仔，返到屋企竟然變咗少量叉燒同埋半斤燒腩仔。我相信係因為佢啲叉燒剩返好多，所以將叉燒代替半隻雞。咁唔老實，我以後都唔會再幫襯！做生意唔應該咁短視！

見到食評幾好,幫襯嘅人都幾多, 所以嗌咗半隻鴨 。特登叫佢唔使斬過大髀 ，打開個盒一睇先知冇咗隻鴨翼， ok 我知佢好忙 ，忙中有錯都唔出奇, 我打番電話落去同佢講， 一句話"冇喎 已經清曬砧板" , 講真啦我由攞到就鴨,到發現呢件事起碼有十個客,你隻翼畀埋下一個客都唔出奇，但你係咪覺得我連雞翼嘅骨都唔識分？ 仲要特登打電話嚟講大話貪鴨翼？？冇禮貌到 ， 唔該老闆睇到呢個食評幫手教下你啲員工, 街坊生意唔使趕客ar 不過講番鴨，除咗鹹咗啲都幾好食

有日行街無意中發現一間超級好食嘅燒臘店，初頭只係抱著食普通燒味嘅心態去嘗試叫個外賣，最後，估唔到佢咁正咁好食！！..至尊燒鵝——肉地飽滿皮漲，聞起身香味四溢，一啖咬落去，皮脆肉香、肉汁四濺😋😋燒味佬叉燒——佢哋嘅叉燒真係別具一格平凡嘅外表之下蘊含豐富嘅口感。肥瘦度適中且顏色通透，口感軟腍、肥而不膩、入口即融，可謂色香味俱存👍👍客家鹽焗雞——成隻雞都好有光澤，顏值滿分💯食起身原汁原味、味道鮮美，裡面嘅肉質Q彈又嫩滑😋😋泰式鳳爪拼海蜇——食完肥膩嘢之後食返啲酸酸甜甜又涼涼地嘅小食簡直係完美！「民以食為天」滿足味蕾又餵得飽個胃，夫復何求？

燒味食完一轉又一轉，真係唔會厭架，今次燒味滷師係荃灣開新分店，再向燒味進發！至尊燒鵝(上庄) ($110)食燒鵝，就真係想揀上庄，實肉味道口感好，一口咬落最多肉既部份，仲有滿滿鵝油，香口皮脆。燒味佬叉燒 ($40)叉燒不能過肥又不能過瘦，燒味佬叉燒肥瘦剛剛好，唔會乾柴，肉質相當細緻！客家鹽焗雞(半隻) ($30)鹽焗雞全家人都可以食，好有咬口，咸咸地非常岩口味。泰式鳳爪拼海蜇 ($45)微辣既鳳爪，爽口彈牙既海蜇，冷盤非常開胃，送飯一流。到現場真係超多人排隊，最緊要平靚正，等陣外賣都值得既，即刻拎返屋企同家人分享。

疫情關係，好多時都買飯返屋企食，外賣燒味就成為咗我嘅好夥伴，無論係燒味飯或者加送都一流。晚飯時間一去到門口已經好多人排緊隊，因為當時做緊特價，好多街坊都紛紛購買。今次一次過點晒燒鵝、叉燒、鹽焗雞，仲有雞爪、海蜇做冷盤。特別要讚下叉燒，香甜蜜汁味，肉質緻滑，識叫一定係要半肥瘦，有油脂香亦更加嫩。鹽焗雞肉質鮮嫩，就算雞胸位置都唔會乾柴，稍為有少少血絲，但不影響。雞肉肥美，好足料。燒鵝非常入味，唔算好肥，亦唔會成盒都係油，加埋酸梅醬一流，超級下飯，最後食返少少海蜇清下油膩感。

燒味鋪質素一向好參差，近排都係中伏居多，所以好耐無食今日放工行過呢間畀佢既格局吸引左埋去睇.裝修比較新派乾淨之餘、小食類居然有凍櫃雪住行入去重見到個掛鵝櫃、對我黎講都幾新奇.加返一句食後感喺度先，話說食左一堆燒味都無乜飲水，過左一排都無扯水感，加分！.見佢門口寫住有各分店優惠、數一數呢間係第5間分店、開得咁多分店、應該都有返咁上下水準，我即刻有晒精神入去揀野食.揀左幾款必試之選、有好有普通、整體好滿意.至尊燒鵝1/4隻已經一大盒、食落啖啖肉皮下脂肪豐腴、唔會燒過龍溶到一patpat夾起已經鵝油香味四射.客家鹽焗雞半隻雞肉幾嫩、不過血左少少🤏同燒鵝相反皮下脂肪唔多、唔會食到成口油配左個沙薑醬，好香、不過鹹左少少，唔好點太多.叉燒半斤叉燒唔係燶邊叉燒無咁啱我口味、不過已經好食過好多間燒味鋪半肥瘦偏瘦唔會死甜死咸、肉身偏札實、但唔會乾柴.海蜇拼泰式鳳爪可以話係兩匹黑馬、份量足稱、好味又抵食海蜇脆到不得了、食落去格格聲、啲味醃晒入去唔係喺表面鳳爪寫就寫係泰式，食落就覺得偏向中式唔係酸既、得少少咸味、容易入口而且都係爽脆嘅朋友

收工不知吃什麼我每次都會去買燒味吃因為方便快捷加上今日是老公生日所以吃得豐富些在家吃飯又不用在外等位今日買多左燒味回到家急不及待打開今次選了四款美食❤️至尊燒鵝上庄吃燒鵝我最愛吃皮因為吃皮可以知道師傳的功力皮要做到香口而不焦味道適中而不油色澤亦要均勻這碟燒鵝差不多皮的部分全部被的解決因為老公不吃皮😂😂😂肉質厚身啖啖肉所以非常滿足🧡燒味佬叉燒叉燒切得好厚身而且很容易嘀開可見事前功夫做足肉質不會死實而且啖啖肉肥瘦分別均勻👍🏻👍🏻👍🏻👍🏻👍🏻💛客家鹽焗雞半隻鹽焗雞一般味道都會偏咸但這隻鹽焗雞咸度剛剛好不會太死咸咸度適中可以更帶出雞的鮮味雞肉非常滑我們兩個把半隻雞吃光了還想再吃💚泰式鳳爪拼海蜇值得一讚的是鳳爪已去骨吃起來非常爽口而且去骨的鳳爪就更加方便海蜇爽口咬落去脆脆的很有咬勁📍 燒味滷師 (大廈街) (荃灣)荃灣大廈街17A號地舖

-🔸燒味佬叉燒 $40🔸泰式鳳爪拼海蜇 $45🔸至尊燒鵝（上庄） $110🔸客家鹽焗雞（半隻） $30-自從搬咗出嚟住就好少返屋企食飯，今晚難得返去食飯，緊係要斬幾樣燒味返去加餸啦！依間燒味滷師好受街坊歡迎，排晒隊咁，我都買咗幾款燒味返屋企。叉燒係我嘅至愛，特登叫師傅斬瘦啲冇咁肥，但都好淋身鬆軟，蜜汁亦好甜。鳳爪拼海蜇啱晒夏天食，涼拌又酸酸甜甜好開胃，份量都好足。仲有鹽焗雞醃得好入味，肉質新鮮嫩滑。燒鵝係鎮店之寶當然要試啦，斬咗上庄都好多肉，個皮烤到脆卜卜，正！

今日去外婆屋企前係附近加料，見到呢間燒味既鹽焗雞同燒鵝好似好抵咁🤣$30有半隻，燒鵝上莊$110🙈，價錢真係好吸引。買完之後諗諗下唔知夠唔夠食，就加單「叉燒半斤$40」同「泰式鳳爪拼海蜇$45」。.燒鵝真心👍🏻 皮脆肉滑有光澤，肉汁多又不帶腥鹽焗雞$30半隻，份量同口感都幾好，雞幾有雞味叉燒半斤最抵食，叫左半肥瘦叉，半肥半瘦岩岩好 略嫌汁唔夠多 下次要叫多汁泰式鳳爪拼海蜇，呢個酸酸辣辣幾惹味又開胃，無骨鳳爪好入味

收工路過呢間新開燒味店，見到勁多人排隊😂😂我份人就係覺得多人排一定有好嘢果d人黎，所以都諗住買份返屋企加料😂鹽焗雞半個$25真係平到冇得輸，而且肉質嫩滑，仲配埋沙姜，超乎想像！至尊燒鵝$110燒鵝皮夠脆，肉都好香燒味佬叉燒$40阿媽話唔錯，有蜜汁既香味，肉都鬆軟😆😆泰式鳳爪拼海蜇$45海蜇爽口彈牙，鳳爪都好入味，有時好怕買到d冇味既，但呢間唔會😂總體黎講都幾滿意，唔怪得咁多人排隊，個鹽焗雞真係好抵食

日頭阿囡係荃灣學琴， 今日工人姐姐放假 。唔想煮，一於買外賣。喜歡食燒味，一於斬料，斬料，斬大舊叉燒。上網一查，嘩，還有荃灣有一間人氣燒味店。通常啲燒味舖 都係污糟邋遢又諗諗 但呢間「燒味滷師 」好企理， d燒味掛得好整齊。原來佢已經有幾間分店，管理有D集團式規模。啲外賣盒都有印自己個名 感覺好high class。 並唔係一般燒味鋪。叫咗四樣嘢，埋單都係二百零蚊。雖然中午買嘅，晚餐先食。但啲叉燒依然好爽口彈牙。啲燒鵝皮仲好脆，肉質亦都算嫩滑。鹽焗雞皮滑肉嫩，亦都好入味海蜇無骨鳳爪啲海蜇彈牙爽口 撈咗啲辣味酸酸辣辣好醒胃食鳳爪我最鍾意食無骨鳳爪。唔使剝，而且酸酸咪咪又有辣味，好醒胃! 忍唔住開返支法國波爾多拉菲紅酒你嘆一嘆

婚後就多左身份，過時過節就要播時間返去做節，陪陪老人家，跟家人聚天倫之樂          今晚媽咪落廚，唔想佢煮咁多餸就買燒味加餸，大人細路都岩食                                                                         荃灣呢間燒味滷師有做優惠，叉燒燒得好靚，買左半斤$40, 半肥瘦就最好食，仲好有肉汁鹽焗雞半隻$30 好抵，肉質嫩滑，加埋葱油撈飯，可以食多碗飯燒鵝都好好食，皮簿跟冰梅醬就最夾海蜤鳳爪酸甜恰當作前菜十分開胃 一家都十分滿意