海天一色燒烤場 (Closed)

先講地點, 門口無公共交通直達, 可以話不便, 但又可以話方便. 駕車的可以泊後面空地, FREE OF CHARGE. 行返出去青山公路 (約 5 分鐘), 有 MTR 巴士可以入屯門, 熟路的話行多 10 分鐘其實就係屯門公路轉車站, 搭乜都得.食物呢, 其實又無乜特別, 都係 BBQ 場的例牌野如各種扒類, 丸類, 雞翼, 蕃薯等. 非肉類的食物不多. 棉花糖同面包好似係要另費購買. 飲品都係例牌的一樽水 + 一罐野.食物不是自取, 要埋去 COUNTER 叫佢比, 理論上次數不限, 職員都算友善, 唔會見你食咁耐就咀蔑蔑.前面見到有些評論話食物太咸, 但我又唔覺, 可能我本身鐘意食辣野掛. 雖然此網站鼓勵食家多寫和食物有關的資迅, 但 BBQ 場又真係冇乜特別野好寫, 味道差亦未必係餐廳問題, 可能只係自己燒得衰.環境呢, 0個度唔算大, 半個場係有蓋燒烤區, 另外半個場如無客光顧, 就會丟空, 小朋友可在該處玩耍. 有個 SIR 滑梯, 一個藍球架, 十幾部兒童單車, 仲有幾部夾公仔機. 最好既係個場四邊都有圍欄, 圍欄不高不阻視線, 感覺不局促之餘, 又可防止細路仔走左出去

今日突然想食燒烤，我住荃灣，想搵近近地燒烤場，之前一向去小欖，但食物越來越差，上網search好耐，海天一色好似比其他同區燒烤場好味，就坐左百幾蚊的士去試試，交通真的很不放便，坐巴士或小巴要步行10-15分鐘，我呢類因病不能行太久的人一定要坐的士 來回二百多元，最慘是地方辟靜 走時的了很久的士，以下是我的評語：入場費 - 官網沒有更新，今日是假期，每位$145（貴過官網寫的好多），開爐費$30，例牌包一支水，一罐飲品，跟住汽水收九蚊，支裝飲品13蚊，好貴呀，一家大細去好唔化算，粟米都要另買😩環境- 沒小欖空擴，頗焗，有背膠椅小量供應，全都是圓膠櫈，夏天去一定中暑食物品質- 款式很多，腸類ok，豬扒、雞腎醃得不錯。但豬扒無拍鬆好實，金沙骨、豬腸很咸，我勁愛金沙骨但只吃了一件，太咸，麵包不新鮮、但恐怖是免費供應的蕃茄醬，外型似辣椒醫，無蕃茄味，蜜糖第一轉供給的最正常，之後自行潻加的蜜糖，稀到水一樣😩，其實收費唔平，係咪應該在食物品質方面做好一點整體來說，雖然比小欖好，但都係講的上算差 ，唔值得我再去第二次😖😖

最近發現一個bbq的好地方, 叫海天一色儘管食物不是一流, 但尚算合格, 種類基本的都會有, 仔仔最鍾意食的多春魚味道都唔錯蒜蓉豬扒同埋南乳雞翼係我至愛  雖然係星期五, 但人不算太多, 地方闊落, 坐得好舒服, 最重要係, 價錢唔貴

（心痛）希望店主能看到改善 - 曾是這裡的粉絲，但已不會再有下一次！小欖幾間燒烤場中這間較好，服務友善，食物好味 (一年前來說)今天再次到來，環境一樣，食物種類差不多，但質素已不同。只有幾項值得說一下：脆肉瓜－不錯，燒好後充滿水份咬下去爆水渠一樣，加上味道清清地，不錯，安哥了幾次雞中翼及雞全翼　－　一般，因其他食物較差，今次都是主力吃這個其他款　－　沒有味度或難食，肉類特別比較咸，以前最吸引人的金沙骨特別咸。除非你味覺十分遲鈍，否則你食了一件便不會再吃（致命傷)。另外，連那＄１Ｘ買的金菇包都異常咸（第一次食連這個都做不好的食店）。燒烤的靈魂＂蜜糖＂－　似麥牙糖多過蜜糖。救名。如果只是食一兩件還好，但燒烤是不斷地燒，這便有點討厭（可能是商業決定）。希望有一天看到這裡有好評再次回去。今天初到來已大不如前，只有一，兩臺而上年同時間最小都有十多臺，現終於明白原因了。

復活節家庭樂有老有少燒烤日!本來去小欖那個燒烤場，點知未入場就畀人激到一肚火。後來上網睇先搵到依個「海天一色」!一到門口，職員已經好好態度 ，因為落微雨，我地又唔想坐太入簷頂怕太焗，職員安排我地坐出少少又有得遮雨嘅地方。見我地有老人家，安排坐位近攞食物，好細心!之後落勁勁勁大雨，職員/老板又多次主動幫我地移入較乾爽位置，由於同之前去唔成o個間成太大對比，依喥實在太好了!!至於食物!款式算多!一般豬、牛、雞排，還有魚排，一啲都唔腥亦無雪櫃味，另外香腸類都有5款，雞肉腸、芝士腸、紅腸、珍寶腸，仲有我好喜歡嘅燒烤小紅腸(唔係喥喥有)，又有魷魚(好入味!正)雞翼都有全翼，有中翼任揀! 金沙骨、叉燒都好好食!雖然地方較小，無所謂「全港最大」標籤， 但勝在服務周到，留意到客人需要! 大讚!!

好耐冇燒過野食, 尋晚同朋友黎左呢閒名為海天一色既烷烤埸BBQ, 好想介紹比其他朋友仔. 朋友們話呢度既野食好正, 所以點都要黎試下啦! 我係第1次黎, 大約8點, 我地到達門囗, 首先要買飛入埸, 跟住好快就有人幫我地準備好個爐喇( 效率幾高) ! 我就好心急去睇下有咩食, 頭一round 拎左快熟既食物, 有唔少得既廚司腸, 各式丸類, 其中一定要讚下d 墨魚丸, 真係好好味, 好彈牙之餘,仲有墨魚粒架, 唔似出面一般既麵粉團咁.跟住就試下d雞亦, 有蒜蓉同麻辣, 我就覺得個麻辣可以再辣d, ( 因為本人好鐘意食辣既關係) , 而蒜蓉都幾入味, 唔錯! 雞全亦係南乳味, 好香好野味, 之前真係未試過. 最特別係個豬大腸, 醃得勁入味, 又夠辣, 燒到脆脆地, 入面就好juicy, 真係好正!!! 扒類方面, 黑椒牛扒good, 好夠味, 肉質唔會太林, 有囗感. 另外仲有雞扒豬扒咁. 食到呢度已經飽飽地......不遏朋友仔話呢度d叉燒粒好好味, 點知一試, 真係超正!! 重點係我覺得要加多d蜜糖黎燒, 就似足蜜汁叉燒咁 仲有個魚柳good, 清清地又快熟, 其實仲有好多野

上次去1月1日...有放煙花有點睇頭....雖然選擇同其他差唔多...不過員工就真係好極端..1月1日good..個個都好努力依家啊...明顯換曬人...夾多d都話:夠架啦..... 面色仲好多食物..一眼分別到放左好耐....唔新鮮.....仲俾我睇到佢地分類...姐係收返返去見ok再放出來..之後搵人拎返出來.......~~~~!!呢下真係.....其他可能都有..不過唔好俾客見到啊... 希望會改善

海天一色我已來了差不多十次。以燒烤場來說，這裡一直是我的不二次選。原因很簡單︰燈光非常充足、爐/爐之間不會過份擠迫、地方整齊有條理、地面整潔！相比起附近的燒烤場s，這兒實在是一個較為優勝的選擇。來了這麼多次，原來這裡是有燒。乳。豬提供的！6百幾蚊既豬，要燒得靚一啲都唔易。燒烤場啲哥仔著緊過我地，keep 住過黎睇下我地燒成點，教我地點燒，仲會搶埋黎燒！燒好後，哥仔會拎入廚房切埋，排到靚一靚上枱！咁有heart既服務實在令人驚喜！皮燒得不夠脆，但勝在肉嫩！肉夠厚，YUM！而於其他食物，不外乎是雞翼、丸、扒、腸之類的大路物種。雖說是大路0野，但選擇非常充足，而且味道不錯，不會一味死鹹。其中雞翼最得大家歡心！另外叉燒粒亦值得一試，肉排夠淋，再搽上厚厚的蜜糖，燒得微焦，非常香口！

突然想去燒烤，當然去不用自己準備的燒烤場啦！光顧海天一色已是第三次，不算很旺的一個場，星期天的下午，8成滿，比起隔壁較多人果間同大尾篤好多人的XX王舒服好多，因為不用迫，不用排隊。付入場費後就有人招呼，帶位，開爐，介紹如何取食物用具，承惠$98位+$30開爐費，包一支水一汽水。食物方面，選擇很多，除了大路食物，還有方包，蒜蓉包，豬大豬，雞腎，茄子，翠肉瓜等...我比較喜歡以下~~豬扒：不會太咸又沒有被鬆肉粉整到淋晒豬大腸：燒起脆卜卜，好入味咖喱尤魚：我好喜歡吃，好香咖喱味，又大件，又爽口叉燒粒：醃得剛好，加埋蜜糖燒，超正！較差的有~~牛扒：質地好怪，好難咬茄子：無味，用錫子包或者有牛油蒜蓉就好！另外~~腸仔都有4款：雞肉腸，切片珍寶腸，紅腸和芝士腸。還有各式丸類，這些雖是大路貨色，但起碼是正常我們自己買或者茶餐廳那些貨色，不會俾d好難吃的cheap野，我也吃了不小舒舒服服，不用準備，不用排隊加不用自己霸爐（有些燒烤埸俾了錢還是要自己找位霸爐的），食完拍拍手就走得，玩得好開心。會再來！

星期日到達小欖的海天一色燒烤場燒烤, 好想推薦給大家去收費是很大眾化的, 開爐費廿蚊, 一位七十八蚊任食, 可以租麻雀打, 仲有單車踩, 場內有四部電視, 正值秋風起, 在這裡燒野食, 很寫意!食物的種類雖然唔算好多, 但大路基本就好齊, 雞翼有分辣同唔辣, 我覺得辣味好食D, 牛扒, 豬扒, 雞扒, 腸仔, 多春魚, 墨魚, 紅腸, 墨魚丸, 黑椒牛丸, 通通我地都試過; 墨魚丸係最好食的食物, 豬扒比牛扒好食, 醃得好好味, 當然我燒烤的技術都好高先可以配合啦翠玉瓜片都有得供應, 但我試過燒, 效果麻麻, 因為翠玉瓜係無味的食物, 就算查密糖, 味道又唔係好夾, 菜蔬類就依靠六件用錫箔紙包好的蕃薯, 其中有舊特別甜, 但唔係糖心的, 不過都幾好食另外要左一份金菇椰菜包, 好食過翠玉瓜, 不過要另外俾錢每人送一枝蒸餾水之餘, 仲有張COUPON換一罐汽水, 嘩! 好抵下次會再黎的, 一定

loube第2次寫食平:有過上次的大美篤經歴,今次都打定輸數,起碼都會服D自然D,點知又要我第2次寫食評,綠色燈光就是大欖涌村海天一色,海天一色對開釣的足一呎長,釣完魚之後就走去 BBQ 一入門口,一個有笑容的哥仔說,歡迎兩位,78/位20開爐=176蚊,幫我地起爐時說食乜飲乜叫我地羅,走去冷櫃睇種類,幾十種眼都花,Round 1,先點4中亦2牛扒4粒朱大腸8叉燒粒2腸仔先吃腸仔OK,中亦OK,味精指數中級度,牛扒縛身細塊好燒Good,朱大腸燒起果然卜卜脆Good,叉燒粒Good Round 2 2麻辣中亦2全亦1茄子2金沙骨2牛扒,12片雞腎麻辣中亦OK小小麻但好辣,全亦肉質好靚,雞腎Good,Round 3 我隻乸細食,我唔想食太飽,所以6叉燒粒 2默魚丸Ending,默魚丸咬落爽有默魚Good, 朱扒同好多野未燒過,下次去燒Q過佢間舖D食物地方和廁所很清潔,廁所門外仲有3個洗手盆3桶鹼液Good滿意度很高,我一定會再去,除非變質,否則仲會經常去!

下星期便是母親節, 但老公的家人並不是個個有假放, 所以便提早一星期慶祝, 以往次次慶祝, 都是飲茶+晚飯, 今次諗住搞下新意思, 點知高高興興的來, 谷住氣走 首先一去到該燒烤場, 開爐的那位職員非常"出色", 爐是放低了, 但一點火也沒有, 我們撥了差不多十分鐘也沒有反應, 可想而知, 那個所謂"開了的爐"根本就"冇料到", 之後有一位相信是該燒烤埸的負責人過來幫忙, 我們才"有得食" 但離譜的是, 該負責人竟然在該爐內發現一隻正在著火的勞工手套, 請問勞工手套就是他們的炭精嗎??食物方面, 我們之前已經上網捜集資料, 清楚知道該燒烤場有甚麼食物, 但去到才知, 有很多食物也是要另外收費, 認為該燒烤場有誤導之嫌個人認為, 海鮮等貴價食物, 需另外收費, 絕對合理, 但"蕃薯", "栗米"也要另外收費, 就有點兒過分 服務方面, 負責幫我們夾食物的員工, 個個都好似未瞓醒咁, 一係講幾次都聽唔到, 一係就愛理不理, 叫都唔應 叫佢地夾食物, 仲好似阻住佢地咁.......我們之前都有去過同類型的燒烤場，但從未遇過此等服務及不合理的收費，相信都唔會再有下次。

簡直幾千幾萬個憤怒!!!!呢間咁既海天一色 聽個名以為有海有景 點知出面咩都無 只有對住馬路一條入到去!!! 明明上網睇話星期六日公假$88 點知去到話要$98 (今個5月1係星期日黎咋大佬!!難道勞動節都係特別節日?) 都算喇!!!!但呢間野真係好呃人!!!好取巧囉!!!當人水魚咁!!!! 話明任食!!!上網睇明明list晒d野食出黎(無標明話某d要額外收費架) 已經少款啦 仲要夠膽死連平日最基本既粟米...蕃薯...等等都要逐件or磅收錢!!!!!!收成$98一位 又要$20開爐費 又唔係多野食 都仲要額外收費!!!!!!最大問題係你上網無講明!仲要list埋出黎!!!人地係睇完覺得ok先揀你食架咋!!!好過份更火滾既係 佢收完開爐費 燒到無晒碳 問佢加碳又要$10包嘩!!!開爐費$20都連2包半碳丫!!!! 你宜家要收$10細細包!!!! CRAZY真係咩都要錢最最最最過份既係 同個老闆理論 佢竟然話 "係任食呀 不過無話任燒"果然好野! 無話可說啦呢間咁既海天一色 真係名副其實既老千店黎食物質素一般 款式少 相比其他同類型bbq場真係好唔掂!!!!!忠告大家唔好試!!

PLAN左好耐同班同事去BBQ, 唔想煩, 所以周圍搵邊度有D好評而又近公司既燒烤場, 元朗其實有好多好既場, 但最終選擇左呢間, 一早已經準備多卷廁紙&幾對手套, 因怕唔夠用...收工一班人去到, 都算旺, 但無風景睇, 因為佢個場唔係近海, 每日盛惠$78(包一支水&一罐裝汽水), 一坐底有人會出黎透爐, 基本上次之後就會無員工行過黎理下, 去到櫃台, 每人分配到一套碟&餐具, 但13人內都係得一個盤裝野食, 有D孤寒, 基本上一定要清左盤野食禁上下先可以再出去攞, 可能唔想D客人一次攞禁多, 但成日出出入入攞食物真係好煩, 比我感覺有D小家, 食物選擇亦好少, 數埋我諗ONLY得廿幾款, 亦無咩新意, 燒到中段已經係攞D重覆既食物, 好悶, 以下係我地食過既...豬扒有兩種味道(蒜蓉&蔥), 都OK入味, 但款式少..雞扒仲衰, 得一款味, 好彩燒出黎都算滑...牛扒又係得一款味, 唔太LIKE食牛扒, 無試...雞亦, 分全亦同中亦, 中亦ONLY得兩款, 都叫入味...丸類, 有牛丸, 墨魚丸, 但好大陣雪味, 好難拮, 基本上仲未解凍, 唔好食...腸類比較多款, 有司華力

今日是囝囝生日, 囝囝同以往兩年一樣要以 BBQ慶祝。是日是星期六, 晚上6:30到達, 當時並不多人, 好容易找到一個近 TV 位置,又可以一邊看,一邊燒的享受。每次11月來到, 晚上天氣都是清涼, 雖然落車時有點烟霞, 但去到郤是完全消失。同以往一樣, 入去俾錢後會派每人一支水,一卷質料都OK的全新廁紙, 有人幫我們SET爐,放了一包炭, 之後就自己,拿碟、膠手套、食物, 牛扒是否真的貴了嗎 ? 不會自動拿給你, 要叫多一次先至拿給我們,所謂: 物以罕為貴! 至於其他食物就會份量上加多一點, 肉片薄薄的一塊, 醃味十足, 雞翼SIZE雖小,但勝在易燒, 可以滿足小朋友的耐性, 的確是考慮周詳。至於豬扒, 略嫌咸味多了一點, 只叫了一次吧 ! 其他味道就剛剛好, 至緊要新鮮。蕃薯5元一磅都 OK, 甜之餘價錢都唔貴,亦沒有任何爛的地方, 抵 !唔使自己托 。 不知幾時開始, 可以自行帶東西入去燒, 隔離的幾枱食客相信不只光臨第一次, 9:00 P.M. 又是人山人海的場面, 都幾旺場 。還有球類租借, 地方又夠大, 可惜當晚風不大, 不能放風箏, 唯有等下次機會。