Sky House (Closed)

原來荃灣福來邨附近的海霸街有好幾間裝修得不錯既食店 意,日,韓 任君選擇心大心細下揀選了有扒鋸的Sky House食西餐餐廳樓底高 有不少裝飾品 增加品味 另外座位亦寬敞 感覺悠閒舒適又想食扒又想食意粉 同朋友叫左一客安格斯西冷同煙肉Carbonara share食Carbonara +15蚊可跟田園沙律/餐湯田園沙律既sauce係健康清新既黑醋汁 炎炎夏日食黑醋沙律就最醒神沙律岩岩食完 西冷扒即刻上場 同朋友都覺得牛扒好juicy 配菜有南瓜甘蔗翠肉瓜等 仲配左我同朋友仔喜愛既焗薯Carbonara既味道亦不俗 意粉面有濃濃既芝士粉 喜歡食芝士既朋友應該會加多幾分其實食完兩個main course後已經好飽 但不過女孩子係有兩個胃既 有得加錢跟cheese cake又點會放過呢 cheese cake兩邊有芒果醬同朱古力漿 變相有多兩種口感 我同朋友都認為個cheese cake好好食 不過如果可以大件d就更好了By the way呢間餐廳有d平日少見既手工啤酒飲 見其他食客都有點 只可惜同行友人唔飲酒精 唯有下次黎再試啦

荃灣廣場最近搞左個蠟筆小新展覽，作為fans既我當然叫埋朋友一齊去啦！行到咁上下，都已經到中午要開飯既時候，都打算起廣場附近試下佢地連鎖餐廳以外的美食！跟著就黎左呢間sky house雖然都想試下甜點，但都係食飯要緊！叫左3個午餐，每人送左個餐湯先！南瓜湯，不屬於creamy個種，比我感覺唔會太肥膩，唔係飲緊個種麵粉溝出黎既湯咁！好奇怪地個牛柳同意粉分開上，西餐例牌地會少左中式的鍋氣！如果一齊煮，等意粉吸下個黑淑汁個味會好d！不過，個牛柳都煮得幾靚既，唔會煮到太up! 烤雞pizza，充滿粟米，茄汁醬，芝士，雞肉粒！拉出黎有一絲絲芝士咁，餅底又薄！最後，豬小腿用左日式燒汁小丸子既味道，個味係入左落肉質入面，係3個餐中最值得推薦的一味！行得有點累起度坐下先沙冰系列消下暑

今日同朋友行左一整日街經過依間餐廳門口有好幾個是日餐牌同推介睇完好似唔錯，諗都唔諗就入左去我地兩個女生一人叫左一個set dinner+飲品碳燒豬頸肉飯:豬頸肉燒得唔錯，一D都唔乾口感好爽口，配埋個醬汁一齊食味道好juicy，另配菜有炒雜菜，雜菜內有菇、豆、紅蘿白同南瓜食落都覺得健康均衡同去左油膩感澳洲西冷扒配紅酒燒汁配薯菜:我地叫左西冷扒七成熟牛扒入口好冧同有肉汁，好重牛味再配埋個紅酒燒汁，好好食配有薯菜同薯蓉，薯蓉烤焗過，薯味好重同食落幾香滑薯面放左塊炸蓮藕，將蓮藕片沾上薯蓉一齊食，軟脆兩種口感幾特別綜合鮮果汁:入面有蘋果/橙/紅莓，好難得西餐廳有鮮榨果汁，果汁味道清甜，飲落感覺幾健康整體上，餐廳用心製作，價錢亦相當合理，環境寧靜唔嘈吵，如果大家想靜靜地傾計食飯飲野，依度係個唔錯既選擇

藍天白雲的廣闊天空，令人心曠神怡，但在香港這石屎森林裡，想眺望一望無際的晴空，恐怕要出長水遠地前往沙灘或登山去，才能享受如此自然美景。早前在荃灣區內蹓躂時，發現離愉景新城不遠的街道上，一間《Sky House》把我的眼睛吸引著。店內裝修簡潔中見特色，每度牆都油上不同的色澤：黑、白、紅，形成強烈對比，卻又予人合襯的感覺。這裡樓底非常高，座位間的距離亦寬敞，空間感十足，非常舒適。 先來一碗湯品，是日餐湯是「忌廉湯」，湯身較稀，味道卻濃淡合宜。對我而言，這碟食物只屬觀賞品。我可看它的色澤；聞那香濃帶甜的味道，但卻不能吃，因為友人點選了一客「日式咖喱雞扒飯」。餐飲不用多說，一看便知，我們揀選了經常飲用的檸茶及檸水。其實，有時簡單就是一種美。我的主菜終於上桌，是「西班牙黑毛豬扒配柚子燒汁」，甫上桌已覺賣相非常吸引，佈局細緻精美。柚子燒汁是分開而上的，客人可按自己的口味調校份量。香甜的燒汁中透出淡淡的柚子香氣，感覺很 fresh。黑毛豬扒肉質軟綿，啖啖肉，沒有半根骨，蘸上柚子燒汁更添滋味。伴菜也非常有特色，尤其那輕燒過的血橙，十分獨特，莫非這就是西班牙風味!?雖然只是午餐時份，但只需加 HK$25

朋友介紹我去荃灣食西餐，近愉景新城，話d野食幾好味，於是同朋友行完山，6點半就入座了 都幾早下餐廳環境同格調的確唔錯呀！ 油潤濃郁既鵝肝配上烤得脆口熱辣辣既多士，味道非常突出，配埋蕃茄沙律，fresh。 虎蝦肉質好鮮美，口感真係好好，食得出呢間餐廳用料好講究!!!!!!!意粉個汁都好惹味、意粉硬度適中、仲有三色椒同什菌、感覺上清淡得黎同時又好健康。 個意粉好好口感, 辣辣地, 炒得乾身，值得一試既。 賣相唔錯, 叫左七成熟 ，牛肉外層有焦香, 肉味濃香,調味得宜, 係一件幾好食既牛扒。 除左外皮燒得靚，切開時唔會血淋淋，但咬落又好夠肉汁，而薯菜好香同好入味。餐廳上菜速度都頗快 好滿足，只係用小小牙力，就可以輕易咀嚼。  味道方面，牛扒既香濃肉汁配埋燒汁，令到啖啖都係滋味。由於肥肉位唔多，冇乜油膩感覺，感覺上都健康d

這間位於荃灣福來村對面的『Sky House』，門面看起來沒什麼特別，然而餐廳內的裝修不俗，帶點簡約歐陸風格，且樓底很高，感覺頗舒適。今次只點了一款晚餐「醬燒豬小腿配薯菜」，跟餐有一碗粟米湯，粟米湯每口都吃到粟米粒，不過味道不是很特別。飲完湯後等了20分鐘左右，期待的主菜終於來了。豬小腿有3大隻，燒得剛剛好，肉質非常幼嫩，燒烤醬汁很惹味每一口也令人回味無窮！蔬菜也很好吃，不會燒至太乾身，保留到本身的味道。焗薯雖然沒有加什麼醬汁或調味料，但配上濃味的豬小腿就剛剛好了。這間餐廳實在頗有驚喜，加一後90蚊有找，相比起其他連鎖集團的西餐實在抵食很多！------------------------------By alvahana (ig: alvahana)

每隔兩至三個星期嘅星期六晚就要過嚟荃灣依邊開組長會，有時匆匆忙，就會隨意一餐再開會，有時時間多就會搵間好坐少少嘅餐廳坐吓、準備吓，食番餐好嘅之後再開會。今晚嚟到Sky House，就喺後者，而時間好鬆動，6:00pm入座時簡直就喺被小弟包場。不過，未到7:00pm已經有唔少客，見有啲枱仲被放上「留座」牌子，真喺生意唔錯咁，其實，附近有幾個屋村、屋苑，客源應該唔使太擔心。餐廳嘅格局頗得意，由於有啤酒及餐酒供應，所以入門口位附近設咗個酒吧區，更有一排吧位，不過，又另有兩張二人餐枱，如果吧位坐滿晒，唔知坐入面餐枱嘅客人點出入呢 ？其實，餐廳嘅面積都唔細，一室長條木地板，紅、黑、白牆身，掛咗唔少巨型食物照，配以木枱木櫈，裝修較摩登；最好喺樓底超高，空間感十足 。而全部枱櫈都可以自己郁動，所以2、4、6、8人嚟都配合到，當然，超過6個人嘅時候，一字長枱傾偈就無咁方便。由於經過門口時，見到啲水牌，晚市套餐平平哋都只喺六、七十，望入去環境又唔錯，所以，抱着不妨一試嘅心態 。翻閱一轉餐牌之後，俾人嘅印象會喺較大眾化嘅西餐廳，所提供嘅食物類別包括：前菜、沙律、湯、甜品、意大利薄餅、主菜、扒類、意粉

嚟到荃灣福來邨，呢次放棄成日去嘅寶星，試咗附近嘅Sky House。 其實佢開咗成年多，不過同其他餐廳比，確係比較新嘅一間。 樓底非常非常非常高。 其中一面牆油咗黑色，另一邊就係鮮粉紅色。 當日不時落雨，人流唔多，感覺都幾悠閒。 酒精類餐牌嘅封面好靚。 午餐由五十幾到九十幾不等，同埋無加一服務費。 薄荷青檸梳打，薄荷味道較青檸突出，甜度唔高，同行朋友話幾啱心水。 綜合鮮果汁，可以晌六款指定生果之中揀三款，我試咗蘋果、紅莓同菠蘿，酸味都幾天然。 田園沙律，豆苗、車厘茄同雜菜配酸酸甜甜嘅醬汁，餐前食多啲蔬菜，感覺都健康啲。 雜菜湯，湯內除有常見嘅番茄、椰菜、馬鈴薯、胡蘿蔔、西芹同洋蔥外，仲有啲折斷咗嘅意粉，佢啲味較輕，係蔬菜夠多。 澳洲西冷扒配紅酒燒汁及薯菜，西冷扒比朋友揀嘅五成熟較熟，食落鬆化，只係某啲筋位較韌。 醬燒豬小腿配薯菜，豬小腿表面沾有甜甜嘅醬汁，並灑上辣粉調味。伴碟嘅薯菜有椰菜、胡蘿蔔、翠玉瓜、四季豆、雞脾菇同炸薯角，對女仔嚟講，食吓食吓都幾飽肚。想食宇治抹茶芝士蛋糕，可惜當日無供應，於是試咗原味芝士蛋糕。細細件，餅身扎實，質感滑溜，旁邊嘅鮮藍莓同芒果醬有中和作用。走嗰陣仲拎

餐廳環境好乾淨，座位間好寬闊坐得好舒服。天氣熱一坐低就先叫咗一枝手工啤酒，呢枝手工啤酒有蘋果味所以飲起來不會像平時的啤酒那麼苦，容易入口和開胃。主菜我叫了一個美國頂級肉眼扒，廚師煮牛扒嘅廚藝非常好，五成熟剛好把肉汁鎖住，食落口鮮嫩多汁，不點其他調味料，味道已經非常美味，看得出在選料方面很認真，值得下次再試

今晚收工和朋友去了荃灣Sky House食晚飯，雖然這裡離荃灣地鐵站有一點距離，但是都很容易行去，大約10-15分鐘路程就可以去到喇。店內環境很不錯，裝修簡潔，最緊要是座位夠寬敞，不會太擠迫，傾密傾唔會比隔離枱偷聽到。小食拼盤（雞翼3隻，芝士春卷3條，黑椒雞肉軟骨3件）這碟小食拼盤最好味既係雞軟骨捧，啖啖肉，肉裡夾著雞軟骨，咬起來很有口感，肉質也不韌。朋友很喜歡吃芝士，這款芝士春卷就是她的最愛！春卷皮內包了一條芝士。炸雞翼反而雞翼的味道可以再濃一點，味道會更好（不夠味也可以點甜酸醬）芥未蟹籽松葉蟹肉凱薩沙律良心沙律！真的是松葉蟹肉嚟㗎，並不是蟹柳當蟹肉。綠色最頂一粒粒的是蟹籽，這個沙律除了有麵包糠之外還有一片蒜蓉包㗎。大熱天時，食個沙律降吓溫先再食主菜。主菜-黑松露帶子蜆肉意粉最近既天氣又熱又焗，攪到個人無咩胃口，所以叫咗個意粉同朋友share食啦！這個意粉最值得讚既係個汁，香濃黑松露醬+芝士粉，意粉麵質軟硬適中，蜆肉都幾多粒。奇異果特飲-酸酸的奇異果+梳打，食太飽飲這杯飲品，既能解渴亦能消滯。藍莓特飲-我朋友這杯藍莓特飲反而有點特別，她說飲起來有點椰汁味，我就未試過喇，不過聽起來都覺

黎到海霸街交收，順便食埋飯。記得上次黎呢條街時好多野食，今晚黎試下呢間西餐廳先。環境唔錯地方濶落，最緊要夠冷氣，香港夏天真係好熱，熱到滆呀～睇睇餐牌，都幾多野揀喎，簡簡單單叫兩份set dinner，轉杯特飲加雪糕先。先上餐湯，是晚係薯仔湯，幾creamy，唔錯呀。黑松露帶子蜆肉意粉，份量意外地大碟！意粉彈牙好味，不過黑松露味唔太食得出了，帶子有兩粒，蜆肉同雜菌下得很多，抵食。另一份要左燒豬仔脾，其實豬仔脾即係咩位置嘅肉呢？！幾正喎，好嫩滑，啖啖肉得中間一條骨，落了bbq醬同七味粉，幾惹味。好想飲杯啡而轉左特飲，呢杯係榛子咖啡，咖啡味香濃，奶比例不錯，帶發出淡淡榛子香。另一杯要了朱古力咖啡，兩者平衡做得好，有咖啡香又有朱古力的苦甜味。升級的雪糕原來亦只有一球，一般雪糕球味道無驚喜，有點失望呢。價錢不算貴，食物有水準，杯咖啡最令人回味。

同朋友去開荃灣行街，想食啲特色野，所以決定一齊捐窿捐罅覓食，行離咗市中心，去到比較少人嘅海覇街，但原來呢度都有幾間特色小店，我地最後揀咗Sky House食西餐。1) 比利時魚蓉湯 $free ---> 雖然有set dinner, 但我地都選擇咗散叫試啲特別野，好好人嘅侍應哥哥話送兩個餐湯比我地，so nice呀，而佢呢個湯真係幾得意ga，小小杰身嘅魚蓉，飲落好creamy, 辣辣地好開胃2) 避風塘虎蝦配香蒜片欖油意粉 $92 ---> 兩隻好大嘅虎蝦，配埋香噴噴嘅熟蒜真係幾有避風塘風味，不過無避風塘嗰種辣味，啱晒我。意粉較幼身，食落煙靭，配合埋橄欖油，乾身得嚟又唔會覺得油膩。3) 安格斯肉眼配紅酒燒汁 $168 ---> order咗5成熟，切開後，um... 我同朋友都覺得佢應該係7成熟，不過食落都算肉嫩嘅，牛味亦都相當重。最有驚喜嘅係個side dish, 波菜薯蓉，一絲絲嘅波菜，睇得岀係用新鮮波菜同薯蓉混合，兩者唔會互相搶味，食到停唔倒口呀。4) 綜合鮮榨果汁 +$20 ---> 可以自選三款心儀水果，我選擇咗蘋果、甘

一間座落荃灣同荃灣西之間既西餐廳食物以西餐為主 dinner set, 特飲 甜品蛋糕 啤酒 手工啤酒 紅白酒 等等Dinner set 會有是日餐湯 係蕃茄肉湯 蕃茄味比較淡而肉味偏濃 我覺得落d 黑胡椒會比較好味， 而主菜 點左黑松露帶子蜆肉意粉 78 蚊意粉都算大碟 上面有兩粒唔大但新鮮既帶子 咬落去都冇雪味而且都算有帶子鮮味， 醬汁比較多忌廉同creamy, 黑松露味好香濃 , 離遠已經聞到， 而麵質比較爽口有咬口 同黑松露汁配合得幾好， 加上有洋葱碎 磨菇碎增加口感 當然仲有好多煙韌彈牙既蜆肉 配合 係十分推介既意粉！任何餐加20 蚊可以飲到hooagarden同正常枝裝一樣hooagarden係偏甜既啤酒 清淡卻有陣陣幽香德州燒豬仔脾 88 蚊豬仔脾有三隻 出面 燒得比較香口 入面幾林身十分滑溜幾易入口 可以點燒烤醬汁 而配菜有 椰菜花 菇 而仲有菠菜蒜蓉， 菠菜蓉比較粉身同淡味， 而豬肉脾比較咸同濃味 整體感覺食落都ok除左dinner set另外再點8寸 煙三文魚田園沙律pizza 72 蚊Pizza厚度唔算厚又唔算薄 比較脆身 上面有沙律生菜外 仲有4至5塊三文魚 而

今日岩岩好行過見到呢一間餐廳,見價錢都吾系貴就想试下。兩個人食晚飯,叫左個豬手,一個pizza,仲有個沙律都系二百蚊多小小,個豬手超級好食,咸味岩岩好,絕對值得一試d侍應服務態度幾好,下次可以再去食過

睇完早場就係荃灣覓食, 行到教遠的海霸街頭有間不顯眼的小店, 應該是新開不久的, 假日的下午時段難得人流不算多, 走了半場客, 很快又有半場客, 不用等位直接入座.bar枱位透自然光, 晚上來也應該不錯, 我們選擇坐入面的位, 因為舒服夠空間感.起初是被門外的木架MENU 吸引的, 因為款式超多又抵食. 有 lunch menu, all day tea set, 升級特飲.餐廳內高高的樓底給人悠閒寫意感, 簡潔清爽的裝潢, 牆上梗有幾副掛畫.淺木色木枱櫈舒服又夠大, 望落乾淨整潔, 最緊要夠光, 襯哂夏日的午後.討論左幾耐下先決定到點既菜式, 因為好多款式, 不過最後還是決定每人點個主食的飯, 還叫個小食share, 因為加錢飲品可升特飲, 也可加錢要甜品, 自由度好大.附送的餐湯是菠菜薯蓉湯, 暖熱滑身, 菠菜蓉幾多, 薯味都有, 不是濃稠的質感, 飲完幾舒服.吉列流心芝士圈 (5個) $28, 我吸引的小食, 望落都覺得好香口.芝士味突出, 質地似薯蓉混合芝士, 鋪上吉列炸粉去炸, 不油膩而又香脆.綜合果汁, 用新鮮水果製作, 雖然冇咩渣, 但見到有西瓜肉打完隔後的肉. (紅莓,