麻辣川米線

Open Now

Now Closed

葵芳最愛食肆之一，湯底味美，每次來都驚喜咁大碗。新飯餐牌，見送餐時主菜都很大份。點了豬軟骨，椰餃，豬大腸(普通), 因為食過長沙灣的薰甘同味(請看舊評)，真係入口即溶,經常都想試下其他地方，永遠都係失望收場，但這裡的豬軟骨雖沒有入口即溶，但都算軟，可以咬開，增加鈣質。老公話這裡的奶茶好飲，我沒有試，應該試一口嘛! 我喝了話梅柑桔蜜，整粒話梅置頂，用了可愛的杯，份外吸引，這裡的飲品都算特色，但今天的話梅飲比較澀，要溝多點水。額外點了麻香三色豆腐，原來是麻油醬油，我以為是麻辣啊！沒有得後加，只能加辣油，如要點麻辣豆腐要點菜時說清楚!!!見到牆上的雞煲餐牌，真係食咁多次都冇見人食雞煲，但可以外賣打邊爐二食，好似好正咁，以這裡的麻辣水準，很有信心。

同男朋友行完葵芳 ，食晚飯睇openrice搵下野食見到呢間米線好似不錯 就試下啦。叫左個麻辣干鍋，簡左黑柏葉，金茹菜， 脆魚鯇。都好食既 不過不失，但個黑柏葉好一般，好鞋。大陸食過其實好爽口好味，香港真係好難搵到好味既。個皮蛋真心好食 不過2個人食太多會好流。服務就一般啦。

行完葵芳就搵野食見到呢間米線未食過就試下原來除左米線仲有乾鍋食 下次可以試下今次食左米線先我嗌左雞肉酸辣米線同埋麻辣涼拌小食（臉豬肉同金錢肚）米線黎先過小食 雞肉煮到岩岩好 個湯麵好酸 勁開胃 個米線都吸晒d湯 唔洗連湯食 單食米線已經夠晒味 可惜湯底有d油 如果唔係就更正食左陣個小食就到 小食係偏咸同辣 但咸味多過辣味 食完小食再食番個米線係完全無味十分失望 因為我覺得太咸啦 食到都唔想食最後食完米線就算米線係值得一試 但小食就唔建議試

其實離開葵廣出面有好多小店，呢間開左無幾耐既店就係好好既選擇，我試左佢既牛𦟌撈米線，個牛𦟌甜甜地味道岩岩好，面米線既軟硬度都岩岩好，如果唔想係葵廣入面同人逼就可以試下呢間小店！

呢間店感覺係authentic四川風味！鋪外見到餐牌見到有地道菜式干煱，同埋好多款麻辣小食同烤物，就諗住試下佢既係咪有料到。我同友人一人一碗米線，一個雞湯一個麻酸辣湯，一次試哂兩個湯底。我點左木耳豬軟骨雞湯米線，木耳爽口既，份量可以，本身冇咩味道可言，豬軟骨都只係好一般既味道，冇咩特別醃過味道，同埋骨唔係咁軟。米線呢就覺得略為軟同糊，呢隻口感唔係咁岩我，湯反而覺得可以，雞湯夠味唔似味精湯，少甜有微香。另外試左友人既麻酸辣湯，都覺得唔錯。我估計餐廳應該湯同重口味既食物會較佳，先可以試真佢既風味。環境唔差算企理的，食物性價比一般。

工作至晚上，去到葵芳揾野食，本來想光顧一下譚仔，快快食完回家瞓！幾經辛苦在信芳街附近揾到個車位，步行去譚仔途中，遇然看到一間叫麻辣川的北方麵館，大概同譚仔都是同類，思前想後，都覺得可以一試，於是就走去試下，當將來可以多個選擇！當晚都已經差不多10 點， 人流不多， 打開門已有陣麻辣味撲鼻而來！餐牌選擇眾多，見到比較搶眼的招牌大碗雞湯米線，我見到內裡的材料都多，有肥豬肉，魚蛋，雞肉，大腸等。。都是一d啱我口味的食物，於是我就點左呢個麵加麻辣，再加杯豆漿！麵好快就嚟到，份糧超大，其實2 個人食都ok, 麻辣味濃， 我習慣未食麵之前先試湯，味道令人精神為之一振開胃！ 酸辣適中唔會搶左其他食物既味道，特別要讚既係腩肉，肥膏入口即溶，魚蛋彈牙，雞絲也是好味！ 久違一碗用心煮既麵！ 如果您覺得譚仔好食的話，呢個保證唔會令您失望！

呢間既湯底真係會一食愛上 夠哂麻多哂辣因為比起其他連鎖米線鋪特別而且米線既軟硬度適中 而且水準穩定仲有好多特別配料可以選擇 例如 飽魚粒 黑牛栢業 全部都好正蜜糖雞翼都好好食

我非常愛麻辣 去譚仔食親都大辣既～最近譚仔食厭了 想食d四川風味 充滿花椒麻辣籽果種米線～尋日獨自吃飯 睇到麻辣川米線評分幾好 決定去試試～嗌左個韮菜餃 + 花雕糖心蛋麻辣米線湯頭夠辣但完全唔麻 其實係有點失望 好彩2個餸都唔錯尤其係花雕糖心蛋不過以麻辣為主既小弟 應該唔會再去第二次啦～

之前都係食開長沙灣分店嗰間，今日經過葵芳就決定來試吓究竟兩間分店嘅水準是否相同今日叫咗黑牛柏葉同腩肉；麻酸辣小小辣湯底因為之前都未食過黑柏葉，而且分店都推介黑柏葉而且坊間亦少有黑柏葉作為配料所以就試吓佢啦個人覺得黑柏葉比較膻及韌，同平時經過處理嘅白色牛柏葉截然不同。我就唔太喜歡因為我怕食到膻味腩肉方面比較細片若果能夠切得厚D及闊身D相信質感更佳湯底方面同長沙灣分店味道差不多，葵芳分店嘅湯底較甜一啲

本人嚐辣，誓要找出感動味蕾的麻辣米線。葵芳新開了兩間麻辣米線，一間一早嚐過，不太對口味，今次來到麻辣川。店內裝修型格，用紅綠色形成強烈對比，增加視覺效果。中午時份來到，人客不算多，點了麻酸辣，大辣米線$33，包一款$6的配料，選了豬肉椰菜餃，另外加了一隻花雕酒浸溏心蛋$7。一看見湯底，有點懷疑是否來錯了，湯顏色較淺，是深啡偏紅的顏色，表面也沒有花椒的蹤影，比較像一碗酸辣米線，看看收據，沒錯啊是大辣米線果然湯底不夠辣，也沒有麻的香味，唯一好的是酸味夠突出。兩隻椰菜餃沒特別，皮稍厚。溏心蛋不錯，花雕味突出。另外叫了一客香草雞翼，四川菜用上西方香草，感覺怪怪的🤔🤔味道也沒特別。餐飲加錢轉了特飲，柑桔蜜話梅七喜，杯子雖可愛，但建議用高身杯，柑桔蜜沒攪拌勻沈澱在杯底。荃灣區暫時只有老x娘米線能滿足到我，真想快點再去試試她的蟲草湯米線

秋風起，三蛇肥，木嘴我更肥。雖然木嘴對食物要求唔高，但天氣涼涼地就特別想食野，尤其係辣野。木嘴既朋友見到最近IG推介緊個平價麻辣鍋，就力邀木嘴去試下。夜晚7點左右去到間鋪，原本以為IG出得名，就一定勁多人排隊，但可能因為時間尚早，可以直入唔駛等仲有大把位揀。坐低見到隔離個個都係食米線，心諗唔係入錯鋪頭咁老尷呀。但睇睇Menu，又真係有麻辣干鍋嫁喎。既然係咁，即嗌。呢個麻辣干鍋需要自己揀辣度，同埋揀鍋入面有咩餸，木嘴我呢個凡事講求求其既人即時放棄，全部交俾木嘴既朋友決定嗌乜。搞左一輪，最後叫左個麻辣小辣，餸就有鯇魚片、豬腩肉、金菇、海帶、蕃薯苗、薯粉。特登叫多幾個菜，自欺欺人覺得食完煲野會又健康又唔會肥。上到黎，賣相都幾OK喎，一開始食個辣仲覺得岩岩好，但越食越辣，個嘴差d變左東成西就入面梁朝偉個孖膶腸。不過人就係咁犯賤，木嘴雖然一路嗌辣，但一路keep住食，因為真係辣得好過癮。雖然係咁，木嘴建議平時無食開辣既就唔好叫小辣喇，除非你好嚮往梁朝偉條孖膶腸。不過個煲唯一唔好既地方係無個火係度熱住佢，所以涼得有D快，難以想像到左冬天個煲會點樣秒速降溫。建議如果想食熱野既人另外加湯加爐變成火鍋，

一向偏向食川菜的我，成日都會失驚無神想食川菜，今日我又突然勁想食，所以就拉左妹子陪我去食，咁當然又係我俾錢佢就大食特食咁喇~~可能時間尚早，所以餐廳都唔算好多人，真心覺得好好，因我本人堅憎要排隊....入內安頓後就當然要快快叫野食，係一輪快速目測餐牌後，就order左碟紫薑皮旦，係我恨咗食好耐嘅，好期待又好開心，味道合乎期望，唔會太辣又軟香滑溜，係我細個時食到既味道來，令人懷念啊！食完小食後，就到左我同妹子都好期待既四川干鍋，因為我同妹子都未食過，所以在一坐底睇到就立即話要食喇！這個鍋入面有栗米芯、紅薯珍珠粉、臉豬肉、枝竹等，好夕料又入味，重口味！我最like！全部野都好惹味，搞到我越食越肚餓，食個不停，最後當然又係清哂～正！！好滿足！！！

今日去同老媽子去左葵芳行街街，係行之前就當然要醫醫肚先，行左一輪都唔知食嘜好下就隨意咁入左這間米線舖食米線去入到去環境都好乾淨同舒服，冷氣又夠，對熱底既我黎講就最正！我同媽子就叫左呢款係其他店舖好少有得食既花雕雞翼，送來時已好香口，烤得外脆內軟，花雕味唔算好勁，係幾好食！之後仲叫咗個大腸腩肉金菇糖心蛋酸辣米線，酸辣味適中，夠晒味之餘亦唔會好咸，而腩肉係五層肉，肥瘦分明，豬大腸明顯有消除多餘嘅腸內肥膏，清洗乾淨而冇異味，麵質亦很爽彈！大熱天時就當然要飲返杯凍檸檬茶潤吓喉先舒服，我同媽子都係點左凍檸檬茶，夠凍外，茶底又唔會澀，好飲！

天氣又開始熱，又要轉季買衫去，是日就去咗葵芳打算大出血入貨，咁大運動量，梗要食飽個肚先得，於是就入咗呢間米線食飽飽先~呢間米線既選擇種類都幾多，我同阿妹就梗叫到成枱都係喇呢碗豆卜菜肉餃麻辣米線真係正！ 辣度適中 豆卜超入味，餃子皮薄餡多，米線煙煙靭靭 牛栢葉軟香入味， 唔經唔覺就食玩都食曬麻辣雙牛夠曬辣味， 好啱重口味嘅我， 牛肉切得厚薄適中， 每啖都能夠食出牛肉本身嘅鮮味呢一碟香草雞翼單係個樣已經滿分成隻雞翼內內外外都係好入味， 肉質仲好嫩滑， 食到阿妹好開心最後飲返杯凍檸茶， 飽曬之餘條氣都順曬， 之後就當然又係時候埋單走人大出血買衫衫衫衫衫衫衫啦

麻辣川呢係深水埗嗰間呢就成日食啦葵芳開左呢都有食嘅但係呢發現葵芳呢間有深水埗嗰間冇嘅麻辣幹鍋咁樣就專登揸車過嚟試下啦先講下裝修裝修好明顯就好過深水埗嗰間嘅都算幾靚靚哥譚仔少少啦咁呢位就唔係好多你大約30個位度咁啲staff都好快手嘅叫佢都會即刻應 一樣有得揀麻辣酸辣呀咁樣嘅最少就點四個配菜咁因為今日我哋得兩個人所以我就點咗腐皮 麵筋 墨魚丸同埋雞只係點左4個炒出嚟就係咁嘅樣喇夠曬麻辣而且嗰啲腐皮同埋麵筋夠曬入味鍾意食辣嘅人一定要食如果唔夠飽仲可以加多碗米線㖭叫多罐汽水都係150蚊埋單可以講話係好抵好抵食食完嚟緊今晚又要去再食