Sodam Chicken (Closed)

餐廳非常之骨致，雖然有兩層，但都係的的式式的。沿住暗窄既樓梯行上去，上面唔單止有落地玻璃景觀開揚，而bar 檯個邊對出更加望到藝穗會大樓同聖保羅教堂。我不嬲都好鍾意有殖民地色彩既建築物，有咁既環境真係加分唔少！先叫個芝士薯條配芝士麵包脆脆，d 薯條係好似shake shake 粉咁加d 芝士粉上去，麵包則可以yam 芝士醬，令到兩者都好濃芝士味！魚串湯我覺得唔係好抵叫，$98 好細兜，再每人分到少少咁。不過味道黎講係幾好既，好夠辣。呢間果然係韓國烤雞專門店啦，炸雞係好食的。焗到外面層皮岩岩微燶好脆卜卜，淋上鮮甜蜜糖，仲黐左d 我平時買穀類早餐都鍾意買果隻本身係甜既粟米片，大家食唔停手！叫左兩杯mocktail，兩杯個賣相都好靚同埋算幾大杯。睇menu 最初見菊花蜜特飲有棵大菊花做伴襯，黎到原來係假花來的...我果杯提子特飲(提子味梳打水) 則有真•雪條，食落透心涼呀！

今晚約左朋友去蘭桂芳飲野減壓，飲野前當然要食個飯打底啦，沿住斜路一路行上去搵到Sodam Chicken, 大家都鍾意食炸雞，所以就直接入去了位置係藝穗會斜對面門面以黑為主，幾配合蘭桂芳呢個地方既風格。餐廳分左2層有紙巾同膠手套提供我地簡簡單單叫左個2人餐首先有個炸薯條，有原味/紫菜味/芝士味選擇粗薯條炸到好脆，熱辣辣的，明顯即叫即炸之後就係水冷面，面質口感彈牙，湯汁有陣陣泡菜味，酸酸辣辣，非常開胃，夏天食真係涼透心，正!!如果唔想食水冷面，仲可以選擇魚串湯或凱撒沙律。主角登場，我地叫左雙拼炸雞《無骨》(黃金咸旦炸雞拼芝士)，分量好大，足足10舊雞。外皮炸得好脆，內裡雞肉鮮嫰多汁，重要啖啖肉，好味芝士味炸雞係係雞上面舖上大量芝士粉，芝味十足，咸咸甜甜咸旦炸雞邪惡得黎非常好味，炸雞沾滿左蛋黃蓉，每啖都有雞肉鮮味之餘，仲有豐富既咸香味，食指大動，不禁一舊接一舊，真係不能錯過。蘋果特飲: 蘋果綠茶提子特飲: 提子味梳打水大大杯，食完炸野飲返杯解渴岩岩好

忙裏偷閒， 今日是七一後的公眾假期， 天氣時晴時雨， 約了妹妹到中環Sodam Chicken聚一聚， 閒談一下，舒緩一下緊張的節奏位於 LKF雲咸街的Sodam Chicken韓國人氣餐廳，樓面面積不算大，地方分為兩層，樓底特高，典雅的木吊扇和燈飾配搭很型格，空間感十足，向街玻璃窗令採光效果特別理想單看餐牌已經被食物圖片吸引， 因為炸雞款式好多，每款都想食，卻不知選什麼才好最後選了二人套餐，因為可以揀選二種口味，而上菜速度頗快， 下單不久食物就陸續送上， 對繁忙的都市人來說，絕對是一個重點，哈哈！最先來到的是水冷麵， 分量比我想像中多， 雞蛋配泡菜青瓜絲， 已經給人很舒服的感覺， 所以急不及待先來一口， 涼涼清新的感覺加上煙韌的麵條 已經將悶熱的天氣驅走了不少。香脆的薯條加上濃濃滿滿的芝士粉， 實在非常誘人， 吃上一口之後真是欲罷不能。最後二人套餐的主角出場， 我們點了 雙併炸雞， 單是賣相已是欏足滿分，蜜糖芥末炸雞， 味道甜甜帶著芥末味， 為味覺帶來第一波的衝擊 。另 一款是季節限定黃金鹹蛋炸雞， 嫩滑的雞肉加上香濃的鹹蛋味，啊！幸福的感覺油然而生。我試了荔枝啤酒， 初時覺得荔枝配

上星期日全家出動一齊去食炸雞 😍😍😍 雖然係熱氣，但可以試到唔同花款嘅炸雞款式真係滿足嘅～其實最想試嘅鹹蛋炸雞最後因為只有套餐嘅關係冇點到，有機會一定會為咗佢返黎。😎 強烈建議大家如果鍾意食嫩滑啲嘅炸雞就嗌有骨嘅雞肉啦，感覺連骨位比較冇咁容易乾太陽芝士炸雞 ❤️ ($198)冇得食鹹蛋炸雞嚟到點都有食番啲鎮店菜式嘅～雖然全家除咗我之外好似都冇乜邊個好芝士 T^T 中間香脆嘅農夫包獲得全家嘅讚賞。麵包中間載住水牛芝士、車打芝士、同秘製芝士醬，堪稱「芝士三重奏」🤗 不過芝士蓉宏觀份量就唔系真係咁多，而且好快就凝固 🙈 如果麵包同雞兩樣嘢都點佢食嘅話其實係未必夠分的。雞件加咗 basil leaves 作為芝士以外最濃艷嘅主調，清清哋但未至於淡口。韓式炸雞最特別嘅地方應該係炸得好乾身，完全唔會滲油，呢度嘅雞件都係一樣。蜜糖芥末香蔥炸雞 ❤️ ($155/7件有骨)其實越試得多炸雞越嚟越欣賞甜味嘅組合。蜜糖芥末呢個配搭幾乎從來都唔會難食。我覺得佢地隻醬其實偏少芥末添，但就有種清新嘅酸味 (?) 醬汁份量好多，可以不斷 double dip 都仲有剩。香蔥嘅作用反而唔大，冇只係裝飾用途(？) 其實我

期待左成個星期約埋朋友專程出中環試 Sodam Chicken 嘅黃金鹹蛋炸雞 (係呀， 又係鹹蛋野呀😝, 我認我係勁鍾意鹹蛋味), 點知臨時要入科學園開會，差啲趕唔返出嚟，唯有忍痛叫朋友食住等啦😭！好彩最後都只係遲左廿分鐘， 坐低個炸雞仲係熱辣辣(佢上枱時應該好滾燙🔥) 。呢個黃金鹹蛋炸雞因為係期間限定，所以只能跟套餐冇得散點，我地得人丁太單薄，點左套餐就冇辦法再試其他野喇。炸雞好有鹹蛋香味， 皮很薄，雞夠嫩，掛住食雞所以對餐嘅其他配菜冇乜留心添。唯一遺憾係，因為太趕太遲到， 我竟然唔記得應該配啤酒🙄🙄🙄。。囉！

近日面對唔少的工作壓力，真的有點吃不消。大家既為同事，亦為朋友，所以找了一家酒吧吃晚飯飲嘢，吐一番悶氣。這家酒吧位於蘭桂坊附近，中環雲咸街，亦是一個拐角位，旺中帶靜, 看見在openrice 總共有成754篇好評，而中環佔284篇，心想...相信我們都不會失望吧。「Sodam Chicken」感覺好像一間立足係韓國既餐廳因為深色既外牆同一整橦兩層既餐廳好有韓國Cafe既Style...設計得非常型格！入到去昏暗既燈光感覺酒吧味很重...一樓空間感不大...但望到街景二樓就空間感大很多仲有落地大玻璃同樣都係望到街景，視野好廣闊好舒服！坐低後店員遞上餐牌餐牌非常厚呀...招牌炸雞款式仲有好多選擇!仲有其他主食、沙律、小吃每樣食物都好吸引！我們同行四人...決定點了一個四人餐來一個痛快，不夠再點吧！滋味套餐 4人套餐$788-炸雞_揀左黃金鹹蛋味(無骨)(限量供應)-太陽芝士炸雞-凱撒沙律-水冷麵-紫菜薯條-熱帶風情Pizza-飲品4杯枱上有紙巾及手套供應十分貼心...不怕手髒髒呢先來飲品提子特飲、菊花蜜特飲、 青蘋果特飲同埋柚子蜜。每款特飲＋$10三款特飲都有落到梳打汽水...同埋都有特別

我終於食到咸蛋黃炸雞啦😍今餐仲食到好正嘅太陽芝士炸雞👉🏻🌞🧀🍗💜.要食黃金鹹蛋炸雞就一定要叫呢個$398嘅二人套餐。$398二人套餐包括有：1️⃣全份黃金鹹蛋炸雞/雙拼炸雞2️⃣原味炸薯條/芝士薯條/紫菜薯條(任選一款)3️⃣水冷麵/魚串湯/凱薩沙律(任選一款)4️⃣飲品2杯.所以呢個套餐可以揀淨咸蛋黃炸雞或雙拼炸雞，咁我地就揀雙拼，可以試多隻味🤩叫埋柚子檸檬炸雞試吓。話說炸雞味道選擇都幾多，仲有韓式、蜜糖芥末、甜辣、辣味同雪花芝士炸雞㗎！.雙拼炸雞兩款口味都各有五件，所以其實絕對唔止係二人份量😂炸雞都係即炸熱辣辣，皮脆肉嫩。未食已經見到咸蛋黃炸雞表面沾滿咗起沙、有油份嘅咸蛋黃醬😍黃金鹹蛋炸雞唔係得個名，食落有好香濃嘅咸蛋黃味😍咸蛋黃炸雞難免係偏重口味點，食落會比另外口味嘅炸雞heavy啲嘅感覺，但只要你本身係愛食咸蛋黃食品嘅人，就會食得幾滿足😆我本身就係咸蛋黃食品超級fans🤤但同行朋友唔算太好咸蛋黃，就會覺得過咸。另外柚子檸檬炸雞其實就似係淋咗平時用嚟沖嘢飲嘅柚子蜜喺原味炸雞上，食落酸酸甜甜咁，都唔錯😆.本身炸雞份量已經多，呢個套餐仲有份薯條+水冷麵/魚串湯/凱薩沙律👀我地揀咗紫菜薯條，即係會灑咗

同屋企人見識下蘭桂坊又諗唔到食咩好，行行下見到呢間韓國炸雞店就入左去喇，店舖細細樓高2層，上層環境裝修似工業風但都幾舒服檸檬柚子炸雞 （無骨）7件 ＄148炸雞即叫即炸，上枱時仲熱辣辣，柚子係用了柚子醬另加了新鮮檸檬，柚子的香甜又帶少少酸，都幾開胃。 炸粉唔厚而且雖然得7件但每一件都份量十足，喜歡食骨既都可以揀”有骨”，現場仲有好多款選擇，唔同口味都有蜜糖蒜香焗雞 7件 ＄140呢款係焗雞，好似相對上無咁熱氣但同樣即叫即製，要小心D食，因為入面真係好熱！肉質焗得岩岩好，入面仲好Juice，一D都唔乾同連鎖店真係唔同。蜜糖好多而且唔會死甜，就算沽多左蜜糖都可以接受到熱帶風情薄餅 ＄138薄餅係十分薄，好似餅乾咁但材料好多，整個薄餅都可以鋪滿哂材料。材料有蕃茄醬、菠蘿、蘑菇、火腿同大量芝士。可能用了比較薄的餅底，所以食完都唔會好膩泡菜豬骨湯烏冬 ＄80烏冬份量唔算好多但2個人食都可以，不過個湯底偏咸唔係好食得出豬骨湯既味道。豬肉同泡菜份量都比較少，不過食完炸雞食返D有湯既野，感覺好舒服熱帶水果茶／ 蜜桃水果茶 ＄382款水果茶小妹都有飲，不過味道偏淡，每杯仲有椰果，為成餐做一個完美Endi

我估大家平時食黃金鹹蛋炸魚皮同薯片就食得多，黃金鹹蛋炸雞應該未食過，我去韓國咁多次都未試過呀，今日約埋班姊妹一齊去中環蘭桂芳食韓式炸雞，哈哈哈~又要嘩囉喂～😂😂Sodam Chicken 嘅黃金鹹蛋炸雞🐤🐥可以話好睇又好食😋😋炸雞外脆內軟，而且非常juicy，鴨蛋味好出，仲帶少少辛辣味，好正囉～好食到停唔到口😁😁2人套餐包括10件炸雞同埋薯條及小食，包2杯飲品都係$398，份量十足，3位美女去食嘅話份量剛剛好😆😆我哋仲叫多個瑪麗嘉塔皇后薄餅🍕#pizza 熱辣辣♨️仲有好多水牛芝士添，勁好味～😃😃下次唔駛去首爾都可以食到咁好食嘅炸雞，連飛機票都可以摼番，哈哈哈😉😉

參觀過大館後，想起很久也沒有吃過韓國菜，最後來到位於蘭桂坊附近的Sodam Chicken 。店內分成2層，我們就被安排坐在上層。2層加起來的面積不大，只有數張桌子。雖然店內用了一塊大鏡提升空間感，但是最後也無法解決店面小，更甚的是有點侷促的事實。檸檬梳打 ($38，左）熱蜂蜜檸檬綠茶 ($38，右）兩杯飲品都是天然的檸檬味道，沒有化學合成。份量都符合預期。凱撤沙律 （$80）凱撤沙律的賣相不太吸引，沙律菜已經不多，醬汁亦幾乎欠奉。菜的質素也不太理想。蜜糖蒜蓉焗雞 ($140)夏日炎炎不想吃太多油膩的炸物，卡米拉決定轉戰比較小清新的焗雞。蜜糖蒜蓉焗雞看起來較為健康，店方亦用吸油紙墊底以減少油分。蜜糖味香甜，雞也很嫩滑。泡菜豬骨湯烏冬 ($80)泡菜浸過湯後味道偏淡。豬肉感覺就是沾上韓國辣醬，質感有點乾硬。烏冬順滑，不是最平價的貸色。不過其他材料的選材真的不太理想。紫菜薯條 ($55)薯條比較軟身，味粉也下得比較重手。整體感覺不是即炸的。總括而言，Sodam Chicken的食物及服務也在中上水平。

今日本來諗住同friends 去飲返工, 點知忽然肚餓想食野。我地又唔想食kebab, 最後搵到呢一間韓國炸雞餐廳。我地叫咗個芝士炸雞同啤酒。個芝士好濃郁, 炸雞又夠爽囗又唔太油。值得一試係LKF。

中環蘭桂坊除咗有得飲酒之外仲有韓式炸雞食！餐廳分開咗兩層充滿韓式格調呢度除咗有多種嘅花茶果茶之外仲有唔同嘅啤酒同埋燒酒仲要超有特色嘅擺法有各式各樣嘅炸雞可以揀有甜酸啦有蜜糖芥末等等分量都好似幾大而且佢仲有套餐可以選擇價錢當然比散叫便宜啦而且都有好多口味可以挑同埋仲包埋餐飲小食同埋沙律或者麵我就特別鍾意甜酸口味充滿傳統嘅韓國風味出邊好香脆入邊嘅雞肉一定唔會乾再加埋甜甜地嘅醬汁同芝麻另外一隻都同樣香脆係芝士口味食落去就比較乾身而且係新鮮炸嘅用來送啤酒真係一流份量真係幾多如果係女仔嘅話三個人都夠食薯條都夠香脆我會建議叫返一個水冷面食落去份外冰涼而且啲面夠晒彈口咬落去非常有口感入邊仲有啲蘿蔔絲青瓜絲同埋雞蛋同芝麻

是晚橫風橫雨係對面fringe club聽完concert就走過對面同幾個友人一齊食炸雞飲啤酒點解？當然係為左佢最新出既黃金咸蛋炸雞啦！呢個係一個set黎既，我地就揀左黃金咸蛋炸雞，紫菜薯條同埋水冷麵野飲揀左蜂蜜綠茶同埋蜜桃汁再加左個蜜糖蒜香炸雞同埋兩枝啤酒先黎飲品友人話個蜜桃汁唔係流料喎，係似日本果啲玻璃樽裝蜜桃汁！紫菜薯條黎到變左好多芝士粉少少紫菜粉既芝士薯條😂，不過係新鮮即炸，所以外脆內軟好好味，照食都食到lamlam脷 （7.5/10）水冷麵唔會un到咬唔斷，煮得剛剛好，不過個kimchi可以再辣啲！（7/10）重頭戲！黃金咸蛋炸雞！果然重要既都係要等耐啲，都等左成半個幾鐘但出黎絕對係新鮮炸起，辣手架，等耐少少又有咩所謂！個炸雞一啲都唔覺得熱氣，因為果啲咸蛋黃汁吸哂落個皮同肉度，但仲係超脆，雞肉仲超嫩口，係我食過最好食既韓式炸雞（9.5/10）難度今日黑仔神降臨？食哂啲野先發現漏左單！再等多半個鐘先有得食最後一個雞，又真係另一樣抵等既菜式，又係辣手既！絕對證明左呢間野全部雞都係新鮮即炸/焗無花無假！蜜糖絲同雞拉開果一刻真係令我地成十點幾都仲食指大動！蒜香撲鼻加上蜜糖既甜味搭上嫩

人在中環突然好想食韓國菜，諗起朋友介紹過呢間炸雞店，就直接去試一試。餐廳裝修吾似一般韓式餐廳，反而似酒吧，比人一種優閒輕鬆的感覺。好想食炸雞但又怕熱氣，呢到正正有另外一種健康啲既選擇就係焗雞，而且有細size份量，正好適合少人又想試多啲款式既朋友gathering。我跟朋友二人點了原味焗雞，雖然係焗，但表皮焗得很香脆，似炸過的質地但没有油炸的油膩感皮下的雞肉仍然好嫩滑而且仲有肉汁，吾似有啲平價炸雞好乾爭爭。另外叫咗個水冷 麵，拉麵麵質彈牙，吾似食公仔麵。湯味帶點酸，感覺清新又開胃。又叫了個煙肉年糕串，配上茄汁同芥末，減低了煙肉的油膩及年糕的飽滯感，又一美味之選呢度既飲品亦绝不欺場，size 巨大到差啲飲吾晒，仲配上一串果汁軟糖，真係超級滿足

在轉角的位置，我預上了最愛的炸雞店_Sodam Chicken 在中環食飯，其實也沒有想象中貴。 這兒的二人餐，價錢合理$398而且在中環區食飯，大多座得舒服，環境濶落。這兒看似門面細少，但入內便會發現原來有上下兩層舖。而且，亦可以邊食雞邊欣賞繁華既街景，感覺就像你有你忙碌，我有我享受😁😁😁凱撒沙律，成座山咁高。沙律菜鮮嫩爽脆，混入大量芝士和煙肉脆，沒有黏黏甜甜的沙律汁，口感更清新怡人，可以中和番炸雞既油膩感。主角出場啦要左半份咸蛋炸雞同半份柚子炸雞，各有5件。咸蛋炸雞， 外層金黃色，每一口都吃得出充滿咸蛋味，比以住吃的黃金蝦更為出色。內里雞肉嫩滑，啖啖肉。吃這咸蛋炸雞，要去皮的女士千萬別吃，否則就浪費了它的精髓了。檸檬柚子炸雞很有韓風特式，微微的檸檬柚子酸，令人提升食慾。它的外層沒有因柚子汁而弄至軟腍，仍能保持皮脆肉嫩的口感。薯條，大量芝士粉滿薯條上，甜甜的，感覺好像吃跟餐的密桃汁和菠蘿汁，清甜解渴。提子特飲 $58King Size, 大杯到嚇死人。味道有點似巨峰，提子味香濃甜蜜，沒有酒味和藥水味。還有那支軟糖捧捧，七彩繽紛，大人細路見到都開心，夏日消署解喝推介。其實是第二次來這兒