Soi Eat Thai Cuisine

Open Now

Now Closed

🍽SOI EAT———————————————🐈：呢個餐廳有種好溫馨嘅感覺，細細間但係座位闊落，坐得好舒服。平日去都滿座，大家可以嘅就訂位先啦。叫咗個二人晚餐，性價比幾高👍🏻👍🏻，每一碟都覺得好好味🥰。———————————————🌟鳳爪沙律少少辣，沙律菜新鮮，鳳爪整得好好味😋！爽口！正！_🌟蝦餅蝦餅大大件，真材實料嘅蝦肉😍，唔會係好粉又好膠嗰啲質素，個皮又薄又脆，唔錯！_🌟通菜有啲驚喜，以為都係求其普通一碟通菜，但係估唔到佢係鹹香味之後會慢慢滲出一隻香辣味，但又唔會太辣，加上我好鍾意食通菜😆😆，喜上加喜。_🌟芭堤雅烤雞配蒜蓉包推介💯💯💯！烤得好入味，一路食一路由心幸福笑出嚟🥰，啲肉質仲好腍，仲好細心會幫你切開一件件，咁食嗰陣就唔會咁麻煩。呢個下次嚟都一定會再叫！_🌟泰式千層糕+椰汁糕呢個餐到最後仲有甜品😍，椰汁味勁香，食完成個餐再加埋甜品真係好似去泰國咁。

去長沙灣，好多時都係比較多茶記、平民美食，但偏偏俾我見到間餐廳設計好唔泰式既泰國餐廳，佢好fusion既裝修同掛畫吸引左我入去🥸青咖哩雞：一有咖哩食，我就自不然會揀左青咖哩，一上到黎就已經香噴噴，雞肉食落好嫩滑，唔會有雪味👍椰香味好香😇係咁配蒜蓉包食，完全唔想曬左個汁🥺waitress見凍左，過黎幫我地點返火興返熱佢🌸💓蒜蓉包：即叫即整，所以都要等10分鐘左右！佢用左法包，所以夠厚身，做到外脆內軟🥰點埋熱辣辣既青咖哩，一流配搭👍冬蔭公湯：酸酸辣辣，入面有大頭蝦、菇菌，幾欣賞佢個大頭蝦都算多膏，所以好鮮🥰一路飲一路覺得有點辣，但又想繼續飲落去，煲起來好香！waitress都好好，話如果凍左可以幫我地點火加熱返🥰泰式炒金邊粉：炒金邊粉幾乎係食晚飯泰菜必選，顏色呈橙，炒到好乾身，唔會話好濕好淋身！惹味🤤

荔枝角附近見到呢間泰國🇹🇭餐廳簡約水泥風 有種寫意既感覺而且係Thai select餐廳之一味道方面有保證😋睇完戲之後想食泰菜 啱啱好內部有特色掛畫同燈飾同外部一約簡潔😚點左個小食拼盤-$188份量足 每粒足料 仲香脆可口食完其實都飽飽地🤣兩個人食係多左啲正宗泰式生菜🥬包啖啖滿足 而且肉碎個大細剛剛好唔會太乾身惹味香辣多肉汁😋正宗泰式牛頸脊船粉大大碗湯底濃郁但又唔會太鹹金邊粉入味之餘仲有啲炸脆脆 煙煙韌韌 吸埋啲湯汁 飽都要食多啲😋例牌 唔少得泰式奶茶同珍多冰同埋佢個炸蝦片都係值得推介黎開不妨試試😋而且佢全日外賣自取9折Lunch 個午市套餐見佢都係$60～70以後又可以多個選擇啦🥰

二人晚餐A $388扎肉沙律微微酸辣好開胃，配上紫椰菜絲、洋蔥、車厘茄、黑椒扎肉，口感爽脆有咬口。炸蝦餅上枱熱辣辣，炸得香脆，唔會好油，好啱點泰式辣醬食。青咖喱雞煲配薄餅濃郁的椰奶味，食落微辣，蔬菜份量多，有豆角茄子，咖喱當然要配薄餅或白飯，如果薄餅煎耐就更好，更香脆。炒通菜加了蒜蓉辣椒，夠穫氣，通菜依然保持翠綠，冇黑晒又爽口。甜品甜品有我最愛的班蘭大菜糕、椰汁西米糕，大菜糕好重班蘭味，西米糕椰汁唔會太甜膩，入邊有粟米粒芋頭粒。飲品龍眼茶 珍多冰Soi Eat Thai Cuisine (長沙灣)長沙灣青山道454號地舖

經過見到入面都幾多人食😎我心思思試吓❤️天氣開始凍凍地好想飲冬陰功湯普遍喺香港飲冬陰功湯都未有邊一間特別覺得個辣到啱啱好，一係就太酸太過辣一係就好鹹😂我終於搵到一間味道係啱我飲㗎啦😳湯入邊仲有兩隻大頭蝦，好多時出邊飲冬陰功湯嘅蝦都唔夠爽口，呢隻大頭蝦仲有好多蝦肉，而且爽口新鮮👍🏻值得一讚而且湯入邊每一種配料都好新鮮用了好足好好味😊小食拼盤要特別提及下每樣食物😎 墨魚餅-香口而唔油膩，而且混合左粟米，再多個口感炸春卷-炸漿好夠薄，咬落去非常脆口又唔會界口魚餅-食得出係自家新鮮垛嘅感覺，魚餅混入左香茅 風味👍🏻蝦餅-爽口彈牙 食得出蝦嘅鮮味正宗泰式牛頸脊船麵-金邊粉雖然混合左唔同嘅香料，但係食物嘅味道唔會比香料蓋過，而且金邊粉係比較軟滑似貴叼嗰種，但係我鍾意呢一種口感，而且麵條好掛汁 ，每一啖麵條都充滿船麵湯❤️好入味佢將珍多冰入邊嘅椰汁條切到好碎用飲管飲都容易飲到，唔會好似平時出邊咁好大粒而卡係飲館入邊😊（完全唔需要用匙羹👍🏻）龍眼冰嘅甜度亦啱啱好，龍眼肉好好味😋服務員介紹燒雞好好食，等我下次又試吓先😎

約咗朋友今日放咗工晚飯，一於順便試吓啲新餐廳，搵下搵下就話試下呢間泰國餐廳。晚上7:30 黎到好快可以入座，餐廳環境幾舒服，有啲裝修，座位空間感唔錯，我過嚟餐廳啲位太迫，食餐飯同隔離台太近好辛苦下。睇吓個menu 都好多選擇，第一次嚟梗係叫啲泰國菜大路野試下個水準：1. 牛肉船麵 （金邊粉）2. 魷魚3. 豬手4. 生蝦5. 通菜馬拉盞6. 野飲：咸檸7 ，珍多冰必食推薦牛肉船麵我食麵通常都有個習慣，一上菜就試左個湯先，嘩個湯濃到爆，船麵嘅湯底之所以味濃，在於湯底用左牛血豬血牛骨泡制，再加上各種香料，金邊粉好彈牙，吸晒湯汁，牛肉新鮮。泰國船麵其實係平民食物，價值亦平民化，但呢間餐廳個船麵高質，睇得出製作有心機，當然價錢都有番噤上下，只可說品質對得起個價錢。食物 : 💛💛💛💛/ 5 分服務 : 💛💛💛💛/ 5分價錢 : 💛💛💛/ 5分環境 : 💛💛💛💛/ 5分

只要細心搵,荔枝角其實都係一個好多嘢食嘅地方😆今次就發覺左呢間性價比高嘅泰國餐廳🍴環境幽靜而且地方空曠,坐得好舒服☺️泰式明爐魚盲鰽 [$168]大大條魚一路滾住一路食,相信食開泰國野嘅你都唔陌生😋雖然有魚骨但係都係大大條,怕魚骨嘅朋友仔就冇有怕啦!魚食落都新鮮😙值得一提係個菇真係好好食!吸曬個湯底,好入味!菠蘿炒飯 [$88]炒飯大大個而且面頭有3隻大大隻嘅蝦,側邊除左有配菜青瓜之外仲有一堆肉鬆😎認真足料,炒飯鹹淡適中,粒粒分明😇串燒拼盤 [$88]同人聚會有人想食豬肉,有d又想食雞肉,其他人又想食牛肉嘅時候點算？呢個串燒拼盤就可以幫到你地🤣串燒即叫即燒所以需時,肉汁鎖得好好,肉質鮮嫩好易咬,唔使蘸醬都好夠味

男朋友係附近返工 就同佢去試下哩間泰國餐廳餐廳環境幾唔錯 裝修以木為主座位闊落,乾淨 坐得舒服而且食物水準都幾高👍🏼👍🏼👍🏼❤️正宗泰式牛頸脊船粉 $88(米粉/金邊粉/蛋麵) 揀左金邊粉湯底好足料好濃郁呀 😊金邊粉彈牙 唔會煮得太過淋身牛肉岩岩上枱時微微粉紅色 浸住個熱湯 慢慢食熟度岩岩好食到最後都唔會太老同靭同埋啲豬皮係脆卜卜的🤩❤️羅勇豬手 $168我好鍾意食泰式豬手!!!哩間既豬手好好食呀 推薦💕 份量好多🤩 大概有4人既份量架配菜有芥蘭,酸菜,兩舊切開一半既雞蛋每一舊肉都係連皮 肉同皮都煮得夠曬淋又入味☺️👍🏼啲酸菜係帶有甜味 酸酸甜甜咁 正😆❤️原隻酸辣汁鮮魷魚🦑 $238第一次食泰式魷魚 有驚喜喎估唔到配泰式辣汁同青檸係夾到條魷魚 好fresh呀啲汁酸酸辣辣好開胃😋❤️泰式生蝦 $108夠大隻 彈牙 我覺得都幾新鮮呀😃👍🏼❤️馬拉盞炒通菜 $68份量都係好多 好夠味😊飲品叫左去泰國餐廳例牌會叫既珍多冰同咸檸七☺️👍🏼

🍴烤芭提雅走地雞（半隻） HK$126一上菜就香噴噴，走地雞皮薄脂肪少，燒至微微焦脆，雞肉腍滑得嚟不失彈性，依然保留住肉汁，滲出香茅、南薑等香氣，點少少泰式酸辣汁更惹味。🍴咖哩軟殼蟹 HK$238某啲餐廳嘅黃咖哩得個甜字，而呢度嘅黃咖哩就夠晒泰國地道風味，咖哩加入洋蔥炒香，再落蛋漿兜幾下形成蛋花，質感較濃稠，香甜有層次，味道同軟滑南瓜好夾。軟殼蟹分開上，唔怕浸腍，酥脆唔油膩，盡吸咖哩香氣。🍴蛋網海鮮炒金邊粉 HK$138蝦同魷魚幾彈牙，金邊粉炒得夠爽口，唔會黐埋一團，酸甜味濃，落少少辣椒粉更滋味。🍴泰式奶茶 HK$26、泰式咖啡 HK$28📍Soi Eat Thai Cuisine長沙灣青山道454號地舖

早2日同朋友長沙灣上完堂，本身諗住去舊時有間 neighbour食 burger😢執咗，行行下見有間舖個雪櫃放滿泰式甜品好吸引，於是就入去開餐😂點知原來新店，但我哋又揾到寶喎😍.🟥泰式生菜包🥬🟥食泰國野必點生菜包啦~呢度的肉碎香得黎唔會過油，但保持到肉汁，個人覺得如果再辣 d會更惹味。.🟧船麵🍜🟧有魚蛋及豬肉，甜甜的肉湯味，金邊粉索哂汁好好食。.✨ ! ! 必食推介！！✨🟨泰式柚子沙律 🥗🟨好鍾意食呢個😍看似普通，但超級大粒及大量的柚子肉，混有炒香咗小蝦乾及腰果(好大粒好香) ，十分脆口極惹味，仲有少椰絲更帶甜味，甜甜酸酸非常開胃。.🟩走地雞🐔🟩全餐最愛♥店員極力推介，開頭覺食泰國野點解要食燒雞，好彩有叫！ 😂烘脆的外皮，加上超嫩雞肉，輕輕有油脂流出，真正外脆内嫩，雞肉又滑又甜，食唔停口！。其實有醬，但係唔點一樣夠味，2個人完全食得哂半隻💯.🟦冬蔭功薄餅🍕🟦 開頭以為泰式/印度款的油酥薄餅，點知係薄脆近西式的薄脆餅。但新奇地好食😍一食有冬蔭功香，但食食下帶點蕃茄的甜，仲有紅油滴滴下，加上芝士的加持，十分惹味💯.🟪芒果糯米飯🟪同朋友每次食泰國野都要叫的"long果磨米飯"😂(一次

估唔到有間咁正嘅泰國餐廳，見佢好新淨仲以為新開，原來已經4年啦，仲有分店架。真係失禮🤪🤪🤪🤪約左朋友，係佢介紹嘅，一入到餐廳內，侍應好有禮貌。講真我唔太知有咩係佢地特色主打，於是佢地介紹我食咖哩軟殼蟹。黎到成個賣相好靚，好豐富。咖哩好香，又唔太辣，唔會遮晒軟殼蟹嘅味。咖哩放在原個南瓜入面，仲可以挖埋南瓜一齊食，真係好甜好正。配埋蒜蓉多士，完全唔洗再叫飯類。另外叫左半隻燒雞，唔單止好入味，外脆內滑，真心係好滑又有汁。好出奇點樣可以半隻都仲保持咁多汁。柚子沙律都係必食的

去完長沙灣睇戲，睇下附近有咩好嘢食，見到有間泰國餐廳，好似好耐無食泰國菜啦，就揀咗呢間啦。 首先，我哋揀咗個小食拼盤，有炸春卷、魚餅、蝦餅，墨魚餅，蝦餅同墨魚餅都爽口彈牙。 咖喱軟殼蟹賣相非常吸引，用個南瓜裝住啲咖喱汁，軟殼蟹炸到金黃色，夠熱夠香脆。蒜蓉包配埋香濃惹味嘅咖喱汁，再加少少南瓜蓉食，味道一流。 蛋網海鮮炒金邊粉賣相吸引，成網狀嘅蛋將金邊粉包住，味道甜中帶酸，加上大量花生，充滿泰式風味。 門口都有啲炸雞皮、炸泰國豬皮、炸蝦片、泰式千層糕、班蘭葉菜糕、椰汁西米糕售賣，啱嘅不妨都買啲返去試下。外賣自取仲有9折呀。

今日經過開長沙灣，見到呢間食泰國菜嘅餐廳，睇睇餐牌都幾多走款式，因為呢區比較少泰國餐廳，所以就決定試吓。小食拼盤，包括有4款，墨魚餅好爽口，有粒粒墨魚肉，炸春卷入面有d芋頭絲菜絲，唔太油膩，外皮炸得好香脆，魚餅好香香料味，而炸蝦餅食落彈牙。羅勇豬手，炆得好淋好入味，但又唔會因為炆得耐而鞋晒，仲好juicy,d皮入口即溶，下面仲有酸菜，加埋一齊食，可以減低油膩感。青芒香茅炸魚，原條炸魚都幾大條，餐廳仲好細心，將d魚起完肉先炸，所以我地食起黎好方便，d魚炸得好香脆，連d骨都好脆，上面鋪滿勁多爽口嘅青芒果絲同好香嘅香茅，酸酸辣辣，好惹味。青檸梳打，食辣野配埋梳打，好解渴。泰式奶茶，個茶味好香濃，配上好滑嘅鮮奶，唔錯。

今日行至長沙灣泥度有間泰國菜，裝潢舒適，員工熱情。嗌著羅勇豬手：呢個豬手同平時食德國豬手唔同，有酸菜、唐心蛋，滷透透的豬手很軟很好入口，帶皮帶肉，肥瘦蠻剛好的，覺得不會太油膩！配上酸菜酸酸甜甜，好Q彈！滷汁都好味如果慫飯好正。牛頸脊船粉：近乎啡黑色的湯頭，味道香浓，粉条晶瑩剔透完全吸收汤汁鲜美，爽滑弹牙。牛肉大片爽嫩软滑，具咬口。泰式蠔饼：微脆中帶煙韌， 蠔仔超多都係一隻隻，味道鮮美，配上辣醬必試佳品！下次可以試下其他菜式

放工搵舊同事食飯，我哋行咗去長沙灣嗰邊，以前午餐時間行過嚟始終係有啲遠嘅。由於想食泰菜，所以幫襯咗「Soi Eat Thai Cuisine」，佢係呢區少有嘅泰菜館🇹🇭。店舖面積唔大，一眼睇晒，整體感覺都幾四正。再加上老闆同店員服務態度親切，好有家庭小店嘅感覺☺️。小食拼盆($188)，拼盤內容幾豐富，有四樣項目，包括炸春卷、墨魚餅、魚餅同蝦餅🍤。後面三樣就咁諗落其實會覺得差唔多，因為都係爽口小食。不過每款味道確有明顯分別，魚餅令人印象最深刻🐟，因為好重薑味同香茅味，而墨魚餅就係三款之中最彈牙🦑。炸物配酸辣醬食好搭調，而且亦好似無咁熱氣。黃咖喱牛腩煲($168)，咖哩以煲仔上，全程熱辣辣暖住，好啱呢個天氣食🥘。黃咖哩幾香，但略嫌辣度偏弱，唔夠惹味。牛腩有好多件，肉質唔韌，又夠大粒，食落富有咬口🐮。薄餅($38)，食咖哩一定要配嘢食，如果嫌白飯太單調，就可以選配薄餅。🥙薄餅一客有六件，每件均烤至外脆內軟，就咁食都經已幾正。蛋網海鮮炒金邊粉($138)，炒金邊粉造型幾精緻😍，蛋網完美包裹住Pad Thai。金邊粉炒得夠爽夠均勻，條條分明，並無漿埋一餅。另外，金邊粉加入咗唔少配料，例如有鮮蝦、