Soi Eat Thai Cuisine

Open Now

Now Closed

住喺度咁耐，附近呢間泰菜係我覺得最好食架啦！ 都開左有三年幾四年！佢地既門口好正。唔多似食店，如果無出面個凍櫃，都唔知係餐廳。老闆話有客人以為係一間泰式按摩店添吖🤣疫情關係都係外賣啦！但佢地外賣都唔馬虎架！有啲菜裝飾墊底👍生菜包(豬)：最小辣，keep住水準！次次食泰國嘢都一定要叫！馬拉盞炒椰菜苗：我自己麻麻椰菜苗，都覺得好食！炸蝦餅: 脆，彈，正！黃咖喱牛腩: 我冇跟飯配左個薄餅，如果有飯肯定食幾碗吖！但配薄餅都好好食！薄餅好脆酥皮，牛腩淋，好夾👌泰式炒金邊粉: 都係keep 住個水準！燒豬頸肉: 有燒到脆邊架，刀功扁得好！塊塊均勻。個汁少辣，但惹味😆冬陰功湯：最少辣但係都好辣！好飲既。

冬陰功雞絲扎肉湯粉冬陰功個湯地覺得好普通，不過不失。其實叫得冬陰功都係因為鐘意飲冬陰功湯，所以對佢期望過高左，以為尼間應該會做得好出色。點知出尼嘅口味係咁普通，而且又無乜鮮味。扎肉就都係正常啊，唔會整得難食，因為都係淥一淥就食得。海南雞飯個飯係白飯，而唔係雞油飯。海南雞都算係幾滑，點下醬食都唔錯～ 但無跟返個雞湯，又無左精粹嘅雞油飯，變左好普通了。同我心目中嘅海南雞飯，有點出入。個人覺得，下次再尼嘅話都唔會再叫尼個餐。

久唔久我就會黎soi eat 食lunch~~好難得食個lunch set有咁多選擇～飯粉麵全齊，仲有得加小食/甜品～最正係特飲都只係加$5 ！今次叫左3個lunch set :A02 泰式清湯米粉（魚蛋/肉碎/蘿蔔）由於大部分食物都比較重口味～想淡口d就可以選擇呢款湯粉～簡單嘅配料，但蘿蔔清甜，魚蛋彈牙有鮮味～出黎味道清淡但絕對唔係冇味～B11 泰式船蛋麵（牛頸脊）佢地嘅船麵絕對要試，非常香濃牛湯味～配蛋麵，麵條仲有啖啖蛋香～一啖湯一啖麵確實好爽！至於重點嘅牛頸脊更加係錦上添花～有少少牛花，又嫩又滑又重牛味～A07 紅咖喱龍脷柳配絲苗飯佢地個紅咖喱都算辣，但椰味香濃～用黎襯海鮮一絕！龍脷柳都嫩滑，冇雪味，整體黎講都唔錯～咖喱送飯更加係冇得輸，隨時可以再叫多碗呀！

呢間泰國野係我吃過最滿意的一間，雖然細細間，但老細同員工都好nice，呢野吃我最滿意嘅係：碳燒豬頸肉，超級正，每次去都必點，又脆又霖，好好味，仲有金邊粉，炒雜菜都勁正，個味好啱香港人口味，一喃唔到吃咩就會過黎吃呢間泰國野，不過個甜品就唔係好推薦，本人覺得一般。極力推薦：1.碳燒豬頸肉：口感外脆內霖，味道帶少少甜味2.炒雜菜：如果比小朋友吃就記得走辣，因為我以為唔辣，結果我女3歲吃覺得辣3.炒金邊粉：口感有小小彈牙，唔會碎，好好味4.無骨雞腳沙拉：因為加左紫洋蔥🧅所以有D辣，酸酸辣辣好開胃，我鍾意5.芒果糯米飯：芒果🥭好甜，同在泰國食嘅一樣6.甜品拼盤：我本人覺得一半，個人口味，但賣相OK的每次去記得都要book 位，唔係好有可能無位外賣感覺份量細左，但味道無變，公司同事一致話好味😋

前排搬咗嚟青山道，一直都發掘緊附近有咩好嘢食🧐😚，咁啱經過見到間泰國嘢招牌同門面都幾靚仔，就吸引咗我哋去試啦。.餐廳行工業風混搭木系元素🔩🪑，配搭昏暗嘅燈光同油畫🕯🖼，俾人感覺型格得來又唔會太冷漠，有Taste嫁。.📍泰式瑪莎曼紅咖喱雞配絲苗飯（$60）Mussaman Curry Chicken with Rice呢個咖喱超級啱口味🍛，味道帶甜辣🌶，草根妹妹估計應該落咗椰奶調味🥥🥛，所以辣度比較溫和唔刺激，感覺食落好舒服😌，適合大眾口味😆。雞肉唔係特別滑又啱嚡，冇乜特別，不過勝在份量慷慨，另外配料仲有薯仔🥔同洋蔥🧅。.📍 泰式豬頸肉配絲苗飯（$60）Thai Style Stri Fried Pork Jow with Rice薄切豬頸肉有十幾片🐷🔪，肉質爽口🤤唔油膩，亦完全冇豬氣除👍🏻。表面焗至金黃色🤩，仲帶少少焦香👅，唔錯😎。不過，重點係旁邊嘅泰式酸辣醬汁，唔單止刺激味蕾，仲令人更加開胃😍。俾個意見🍴，雖然豬頸肉好好味😋，但由於冇汁餸飯😌，令整個飯感覺好乾👉🏻👈🏻，如果可以配番個瑪莎曼紅咖喱汁送下飯應該會更加好啊😆。.📍凍龍眼冰（跟餐+$5）Longan Ice.📍熱柚子蜜Hot

今日lunch全公司一齊叫咗泰國餐外賣。非常豐富叫咗勁多嘢食。食完之後真係好掛住布吉啊，好想飛番轉🤭🤭🤣泰式鳳爪沙律味道不錯酸甜度適中，雞腳十分爽口，只係如果雞腳嘅份量可以再多啲就好啦。串燒拼盤拼盤包括豬，牛，雞各兩串，肉質不會燒到好乾但味道比較淡如果有埋沙嗲醬一齊食會比較吸引。小食拼盤小食拼盤十分豐富，有墨魚餅，炸春卷，魚餅，蝦餅。雖然係炸物但係一D都唔油。泰式燒豬頸肉燒豬頸肉有驚喜，第一次食燒豬頸肉係唔會乾身同唔鞋口泰式金邊粉炒金邊粉味道比較淡唔會好濃香料味，炒得都幾好比較乾身唔會好濕👍👍菠蘿炒飯菠蘿炒飯炒得比較好很乾身見到粒粒分明。甜品拼盤椰汁西米糕，泰式千層糕，班蘭葉菜糕，芒果糯米飯如果比多d椰汁仲好味😋。

今日我哋又來第一間好精緻嘅泰國菜館。其實之前都幫襯左，佢哋啲咖喱係做得好出色，尤其午餐絕對要推介一下😝今日我哋叫咗：1）泰式燒黑椒雞扒配絲苗飯呢個有少少落差因為啲雞有啲乾。但佢配嘅醬汁好好味，可以彌補番。2）青咖喱雞配絲苗飯呢個真係要推介青咖喱汁充滿咗椰子嘅清甜。雞肉軟滑彈牙。咖喱汁裏面既茄瓜同埋青豆好新鮮，絕對唔係浸到好耐梅晒嗰種。分量十足基本上食晒啲飯都仲有雞肉同埋啲汁淨。正呀3）推介泰式奶茶。我本人要咗少甜但係都好夠味。*唔知點解加唔到食物相。有機會再補加返。

今日朋友嚟咗，諗住過去創食薈搵吓有咩新野食去咗嗰邊睇完之後都係想嚟呢度食點解真心覺得呢一間啲泰式船河整得好好食呢？因為佢個粉 同埋佢個牛脊肉成個配搭都好好味二話不說即刻點左個菜食泰國嘢點可以唔飲泰茶呢我最鍾意嘅泰式船河成個組合，配搭豬皮好脆金邊粉好煙un 好努力慢慢品嚐食完超級滿足我仲加多左一個椰汁西米糕一碟有四件 +20 我同朋友一人兩件椰汁煮得好好好creamy，好香椰汁味入面仲有粟米同埋芋頭食落去香如果我每星期過嚟食我都絕對食唔厭

前排天氣熱，想食啲酸酸辣辣嘅嘢開胃。食泰國菜就啱晒啦！食親泰國菜都會諗起青咖喱、冬陰公。喺長沙灣到搵到呢間餐廳轉食泰國料理。晏晝同晚餐嘅餐單唔同嗰日我食嘅係晚餐。我哋嗌左個馬拉盞炒飯，同埋紅咖喱雞煲。馬拉盞炒飯好香、紅咖喱雞煲配埋蒜蓉包好夾好好食😋！其實佢哋嘅份量都算正常，價錢屬於中上每樣野$80至到$150不等。肚餓嘅時候總係眼闊肚窄我哋仲帶咗個串燒拼盤可能太飽嘅關係覺得比起雞煲就遜色左少少。不過佢燒到有啲照向係唔錯嘅。但係個醬料好味過串燒本人龍眼冰超多龍眼肉！總括而言呢一間餐廳食晚餐同午餐價錢都係偏中上但係幾好坐，環境唔錯同朋友拍拖你傾吓計都係一個好好嘅選擇。之前食過青咖喱同埋佢個算可都好好食！午餐嚟食，跟餐仲有嘢飲送。比較抵食！

好食嘅餐廳不防多次幫襯，今次去食又有驚喜，聽有型老取闆講最近又多了好多新款菜式，唔洗考慮立即試吓呢。除了試新野都一定耍食番燒鸡，燒鱼，燒羊㗎另外杯仔蠔也是必食的，今次帶咗一個居港的泰國朋友一齊去食，佢的評價甚，特別在個船米粉湯底一流芳香濃郁，每次都想食哂餐牌內的特別菜式，但係冇可能一次做到，唯有下次再去吧。

經過入去試下，點知就出事，未食過咁難食泰國菜，同個老闆娘反映個老闆娘仲話自己連泰國領事都去佢到食，講野又寸，去食既朋友請諗清楚，講話自己船面幾出名，食完就知有幾出名……難食

今日難得朋友來探班當然選擇佢喜歡的東西啦，佢最愛當然就是泰國菜，而我工作附近就有一間裝修不錯的泰國餐廳，而佢門口都有午餐的餐牌，價錢約五十多至六十多元以這區來講都叫中上價錢，入去到都幾舒服，我地今次一人一個午餐加一個小食。我最喜歡當然最後叫了辣肉碎煎蛋飯，辣肉碎都幾香又惹味，煎蛋熟晒偏硬冇咩蛋味，飯都幾多，食完堅飽。朋友的豬手飯，豬肉偏肥吾夠濃味。之後我地食到一半見小食(配$20鳳爪沙律)都未有，已經同待應講左再等多陣先有，等偏耐，而份量的確一人份量，一隻鳳爪切二隻，約有六細件，味道不夠酸。飲品堅甜:凍咖啡的咖啡味都有但都甜了一點。我叫的熱龍眼水好好甜，連隔離桌的人都講甜過之前好多，我諗一杯可以沖二至三都不過份。

長沙灣深水埗地區，當然要 避開啲連鎖餐廳，搵啲小店支持下啦。搵搵下食，幾到有個易拉架，就俾佢吸引左入去嘆個下午茶入面環境幾靚，有啲幾relax 嘅英文背景音樂。一般泰式餐廳都播啲泰文野，佈置都好泰式。反而依間就走返cafe路線，用環境吸引人入去，可能順手坐耐啲（唔知會唔會叫多啲野食呢）坐底叫左個肉片扎肉金邊粉，熱飲38蚊都ok啊。叫果陣睇漏左，原來仲送兩舊小甜品（斑蘭椰汁糕），突然有驚喜嘅feel haha。其實碗粉、飲品都係十分一般，不過真係環境搭救！閒日人唔多（身邊得3個客），又靜靜地，當佢係cafe入去食個tea睇下書，38蚊就宜真係抵晒！

上次屋企人來食過話正，今次一家再encore。店面小小，裝修係modern thai，有高級餐廳feel. 食物叫左蟹肉炒飯，因小朋友唔辣得，一上枱班餓鬼就等唔捷食，張相少了一忽。飯炒得乾身，但蟹肉多d就好喇。拼蓋係炸虾餅，魚餅，墨魚餅同春卷，細仔食虾土我諗應該好好味:m有幸食到兩條沙哋雞串，醃得好入味，亦唔會燒到鞋哂:l他就俾d小鬼拆哂，沙哋醬都冇凈。再叫了蒜蓉通菜，不過不失，食材是鮮嫩的。好快K.O.哂所有嘢:yummy:

星期日在荔枝角返完教會，揾食好地點，價格抵食得來食品有質素，幾正宗的泰國風味！今次一嘗她的泰式炒金邊粉，金邊粉炒得好乾身，一d都唔油，配料味道剛剛好！見到其他人食的🐷頸肉飯都好似好正！下次一定來試！