Soul Cafe

Open Now

Now Closed

Hehe 已經好耐冇堂食 呢間小店雖然係街市入面但都好高質 十點幾黎到排左好多人買早餐 呢個benedict egg 加野飲都係$50 係出面一定食唔到 另外仲叫左個waffle 加埋加特飲mocha 埋單都唔洗$100 #hkfoodiego_深井

喺深井呢個小社區入面有一個臨時街市，平時街市通常都係好污糟，但係呢度環境都ok，仲要開左間細細地嘅Cafe，室內座位有10個左右，而出面嘅熟食中心亦都可以坐。呢間cafe成日都冇乜人知，但其實啲嘢都幾好食，最緊要勝在平，真係好平！➡️ Egg Benedict (With smoked salmon) ($60) ⭐️⭐️⭐️💫好考功夫嘅一道菜色，其實真係好難整得好，咁嘅價錢都做到應有嘅效果同口感，實在唔錯！配上新鮮嘅沙律菜，超值！➡️ 車打芝士煙肉牛肉漢堡配薯條 ($69) ⭐️⭐️⭐️💫漢堡包大大個，牛肉亦都好Juicy好香。薯條係粗粗地，係新鮮炸，所以好好食。➡️ 黑松露野菌忌廉意粉 ($47) ⭐️⭐️⭐️⭐️份量一啲都唔細，$47有一個意粉，仲要有嘢飲啊，你話係咪抵到爛！黑松露味道好香，意粉食落彈牙而且好入味，真係價廉物美😍Soul Cafe地址📍: 深井深井臨時街市熟食中心CF8號舖.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

一有時間，我就會去深井臨時街市soul cafe 食早餐 。室內座位有幾個 ，full咗可以坐出面。我次次去都係食all day breakfast , 同飲熱咖啡 先生 就食egg benedict 我由細到大都唔食蘑菇 ，但依度個all day breakfast 入面嘅蘑菇 我會全部清曬！價錢方面 一個all day breakfast 加一杯咖啡 ，盛惠$59 好食 價錢唔貴 在小社區 有間小cafe 比居民選擇，算唔錯呀👍🏽深井脫離美食沙漠又行近咗一步

過去一有機會路過深井，都會想去呢間咖啡店食野。位於熟食市場內一個角落，如非朋友介紹，都唔知入面有間咖啡店。試過一次就完全愛上了，呢度食物性價比高，而且咖啡同樣做得非常出色。每次都會掛住車打芝士煙肉牛肉漢堡($69)，大大個漢堡包，漢堡扒夠Juicy亦好香牛味，薯條係粗薯條仲好脆口。黑松露野菌忌廉意粉($47)看似平凡，但菌味香濃，忌廉唔會太厚身，仲加左大啡菇，意粉口感彈牙，價錢亦好超值。其實佢跟餐個咖啡都已經好好飲，啡味適中，味道香焞，只係今日突然想飲奶啡，就加$6轉Latte，啡味隱約滲出焦糖味。

星期日租了車遊車河，去了平常很少會去的深井😆 男朋友揀左呢間係深井熟食中心裡面既Soul Café一齊食lunch😋雖然係街市入面，不過有點簡潔的裝潢，坐得都幾舒服～男朋友無幾耐之前食左早餐，話想食light d，所以揀左egg Benedict☺️味道都唔錯，不過我覺得底部既English muffin有點太濕，缺了口感🥴。旁邊配搭的沙律菜挺新鮮爽脆的🤩我就點了香草蕃茄鮮蝦意粉，蝦有醃過再煎香，蝦肉爽口😋。意粉醬味道略嫌普通，好像在超級市場買回來的一般😲咖啡出奇的驚喜，不酸不澀，又滑又濃。看到鄰座的人點了Latte，拉花也很美。吃的津津有味

食物水準好，而且價格唔貴，一個窩夫配煙肉抄蛋都只不過係$34，豪小小食個豐富歐陸早餐都只不過係$59(包熱飲/汽水)，入面有炒蛋、煙肉、多士、蘑菇、煙三文魚、茄汁豆等，絕對係深井暫時最抵食、最好味嘅早餐，午餐亦都唔差，叫個漢堡餐$68，仲要有薯條跟，但塊漢堡牛肉好juicy，肉汁味重，但份量都唔小，1個人好難食得曬，絕對係大胃王之選。而另外嗰個黑松露意份都好正好抵食，黑松露味重，而且份量亦都好大，味道好正，絕對係深井最抵食嘅餐廳。

作為街坊 無野食就會落去覓食 soul cafe 係食意粉同飲靚coffee最好既選擇，亦都係我常去既其中一間。卡邦尼意粉煙肉煎得又脆又香，忌廉汁惹味香濃。真係可以話係我食個既卡邦尼煮得最好味既一間。一定會番點！黑松露意粉黑松露意粉可以話係每次黎食一定都必點既意粉。濃濃既黑松露既香味混入淡忌廉既香滑非常配，味道亦調得好好。每次黎都保持到水準。布朗尼蛋配西班牙火腿布朗尼蛋賣相都唔錯，但係我會覺得只係簡單食材：蛋同沙律菜加西班牙火腿。簡單食材好難整得話好食得去邊，但又好難整得難食。只可以講食材新鮮，賣相唔錯。即磨咖啡香滑香濃，好香咖啡味，飲得出唔係開粉哥種即溶咖啡。總結Soul Cafe 一路都保持到水準同有heart!值得推介！

星期日訓醒落街食lunch,想食西餐，所以去咗深井街市裏面的soul cafe,雖然好多人，但係啱啱有冷氣地方有位，我同屋企人就入咗去坐。我叫咗個香草煙肉蘑菇意粉同埋一杯熱嘅榛子咖啡，再叫咗個番茄大蝦意粉同埋一杯熱檸水。先食了香草煙肉蘑菇意粉，意粉質地非常好，有少少彈口感覺，味道又唔係太咸，杯咖啡好好味。蕃茄大蝦意粉就等左耐一點，但係個味道都較得幾好食，意粉又唔淋，蝦都ok! 意粉都係40幾蚊一個，女士就份量啱啱好，兩個人夾埋唔使$100。所以價錢尚算OK ！

放假跑青公,順便去深井食個全日早餐,份量唔多,但每款食物都好有心思,連兩條腸仔都唔係一般腸;炒雜菇好香;煙肉煎到好乾身,脆脆的;好似連搽面包既果jam都特別好味,咁都可能係我好肚餓既關係啦,最最最讚就係杯即磨咖啡,好香好味之餘,直頭有回甘,飲完好耐陣咖啡味仲喺嗰口腔徘徊，收費$69都算物有所值。等食期間都有望下隔離左右既食品,嗰份漢堡薯條,雪糕格仔餅都超大份，望落相當唔錯但無可能一個人食得哂囉，下次要揾人陪跑了

深井有一個臨時街市，意想不到裏面竟然隱藏一個小小cafe。主打英式食品及自家製咖啡，雖然cafe內只有十多個座位，但感覺不覺擠擁，且很舒適。如果cafe滿座，也可以選擇坐外面的大眾位置。Lunch set 有很多款式，有意粉、burger、沙律、all day breakfast等等，套餐奉送熱飲，有柚子蜜、伯爵茶、可樂等。黑松露野菌忌廉意粉 $47黑松露味很濃，很喜歡這忌廉烹調方式，有creamy的感覺，分量剛好，很好吃。車打芝士煙肉配牛肉漢堡拼薯條 $69賣相非常吸引，厚厚的牛肉漢堡，很有牛肉味及多汁，配上芝士煙肉蕃茄口感超級豐富。厚粗粗的薯條熱辣辣香脆可口，吃過不停。感覺這間cafe很有誠意，真材實料，下次會來嘗試早餐。

卡邦尼意粉係唔少香港人最愛食的意粉系列之一，我都唔例外，好中意卡邦尼意粉既Creamy感覺同香濃芝士味。但最怕個汁太杰/太稀，呢度就做得恰到好處。重點係夠哂平！認真唔錯！

每次到青公跑步，必會來這間深井cafe嘆一嘆。位於深井熟食街市入面，初初以為街市入面食野會很污糟，呢間cafe算乾淨，我比較鐘意坐入面，出面會比較污糟一點。星期六日如想坐入面，就要等等位，因為裏面唔多座位。我今次叫了這個All day breakfast, 有炒蛋，茄汁豆，牛角酥（還有多士選擇，如不提出要牛角酥，就會係多士，想食牛角酥就要同職員講），煙肉，腸，煙三文魚，車厘茄....我仲會叫breakfast tea。每次飲完一杯都會叫職員加熱水比我😜價錢都比出面cafe平，都算抵食，假期中慢慢嘆個早餐都係一個唔錯既選擇。

因為住係深井當然要評下深井既食店~Soul Cafe 絕對係首選之一 作為街坊既我，已經去過無數次。店舖位置位於深井街市熟食中心近球埸，那位置比較偏僻區外人可能比較難搵得到~雖然店舖雖小位於熟食中心，但座位都算幾多，環境都幾乾淨。首推食品一定係黑松露意粉價格實惠，超抵食黑松露醫香濃加上淡忌廉既香滑，意粉彈而不淋。太好食!!!講真真係係第二度都未必食到咁好食既黑松露意粉。又平!!!食多碟都可能平過出面其他店!!飲品 咖啡 奶茶 都試過無數次: 四個字:香滑香濃!!!漢堡餐一黎到  嘩!真係好大舊!!正!!薯條炸得非常外脆內軟!! 漢堡好足料，牛肉好香!!! 我由其鐘意哥一條醃青瓜!!  香甜清新 味道不會太酸太甜 岩岩好!!Soul Cafe 既食品真係非常出色。 色，香，味都係五星~~ 平民既價格更加有理由值得去幫襯！如果住係附近既街坊或行山人士經過絕對值得去試一試！！！

首爾咖啡竟然出現係深井區🤔星期六早上8點30分，已經有超過10枱客人，主要係深井街坊，亦有行山人士。食物: 由於係早餐時段，只提供西式及港式西餐。食物品質&味道正常，不過唔夠熱，可能出餐至送餐時間比較長。價錢: 大衆化，平均HKD30~50, 港式西餐比較平。英式早餐為HKD50地方: 由於店舖位於臨時熟食中心入面，而街市就在隔離，有點街市臭味，不見意有潔癖嘅朋友去。平心而論，香港租金太貴，小本經營無計。推介: 咖啡，好飲過連鎖店，睇到係用咖啡豆即磨特點: 可以帶小狗一齊去，大家都十分自律。真心推介😎

同老公入深井揾呀哥食個tea，極度推介我地去食soul cafe,話又平又正，正宗隱世美食，講到咁正，就試下啦！我無乜胃口，老公嗌左個burger,佢話爆汁又足料，大胃王如佢，淨係食一個餐都夠，正宗抵食夾大件！加10蚊有份熱辣辣waffle,好味！抵呀！呀哥嗌左意粉，食左一啖，又真係幾好味喎！下次泥深井唔使再食燒鵝，食soul cafe都得喎！題外話，呀哥話以前呢個平民大飯堂好污糟，呢兩年翻新左，乾淨企理無小強mickey，只有得閒飛下入泥既麻雀仔，與世隔絕，世外桃源咁款