Soul Cafe

Open Now

Now Closed

餐點沒大問題，之前試過漢堡同意粉，味道是ok 的，但唔休做的服務態度令人卻步。 今天去到坐了枱，沒號碼，職員一直要枱號才給下單，像之前給個電子牌就解決吧？ 之前有食開，但之後不了。

佢嘅早餐水準其實都差咗一段時間，不過真心講佢夠平，所以都仲係有咁多人食。但係而家啲員工包括老闆嘅態度都越嚟越差，我唔知道佢係咪越嚟越多投訴，自己心情都唔好？！我要一杯cappuccino，你俾柸奶茶顏色一啲泡都冇嘅飲品畀我。我以為你畀錯咗同你clarify，你反問返我“呢杯咪cappuccino囉，你識嘅cappuccino係點㗎？”我同你講cappuccino應該有一層奶泡係面，你唔明白，我google埋圖畫畀你睇“你要拉花呀？”“唔係拉花呀，係面嗰層奶泡呀”個職員之後攞起個匙羹，直接放入去嗰杯奶茶色嘅飲品搞，跟住有啲泡走出嚟“呢啲咪泡囉”最勁係連個老細都唔覺得有咩問題。你哋咁樣嘅態度，真係多謝晒。

前些日子，我和一行10位朋友來到深井一家隱世Cafe晚飯。由於晚市時段，人客不算多，亦可在室內用餐。整體而言，這裡的價格十分親民，所有套餐均配上甜品及飲品。同時也見證了餐廳出色的料理水準。首先上桌的是香濃可口的蘑菇湯,入口滑順,湯頭醇厚,令人食指大動。熱騰騰的餐包也為我們奉上，香軟可口。接下來是美國安格斯牛肉壽喜燒鍋。牛肉新鮮，與日式風味的醬汁完美融合，配菜亦都很豐富，豆腐金菇等等…旁邊的炸魷魚圈和雞軟骨拼盤也相當出色，外酥內嫩。另一道亮點菜式是美式醬燒豬仔骨配薯條沙律。豬仔骨肉質鮮嫩，入口即溶，醬料風味濃郁醇厚。不太喜歡豬仔骨的我亦都禁不住吃了兩件。最後，我們品嚐了香草青醬雞肉蘆筍意大利麵和美國特選安格斯肉眼扒。雞肉配上青醬汁清新爽口；而肉眼扒則肥瘦相間，肉質嫩滑，五成熟煎得恰到好處。總的來說，這家深井隱世Cafe無論是價格還是口味，都令人非常滿意。強烈推薦大家前來一探究竟!環境：🏅🏅🏅🏅味道：🏅🏅🏅🏅🏅性價比：🏅🏅🏅🏅🏅

今日黎到深井熟食中心，試呢間隐世西餐廳，食左個帶子海鮮喇沙$66, 另加日本凍綠茶$3, 喇沙湯底一般般，另外有蜆肉，帶子，魷魚圈同兩隻蝦等配料，中規中距，加上天氣熱坐得耐會流哂汗，環境同衛生麻麻地，但勝在客人唔多價錢算親民

好似未煮熟咁，勁難食！一口粉漿！問佢發生咩事，又話無問題，質數奇差，不再下話，職員態度其差！真係好難食好難食！！！！！！！叫個脆煙肉又唔脆，乾柴咁，咬都難！叫佢換返比我地，又話係咁，唔肯換，我要比錢再買過才有得食！真係未試過！食個早餐食到咁！！！唔會再來！！！！！！！！！！！！！！！！！！！！！！！！！！！！！！

今日去深井閒逛，老公帶我食隱世好野。原來我老公平時都會自己去食。係個街市入面有間cafe都幾出奇，價錢係茶餐廳價，但出黎係西餐料，都算唔錯。閒到咖啡香，我仲同老公講有無Decaffeinated，老闆已經大叫無，我就同佢講我既需求，佢咁都做到比我，Yeah小咖啡多奶肉醬意粉 - 我太餓，食左兩啖先醒起影相。佢有新鮮刨芝士片，超正。不過我覺得汁唔夠味唔夠多，因為佢意粉比好多勁creamy西松露忌廉汁 - 呢個相對出色，好多汁。每條意粉都掛汁。下次會去再試其他

工作關係今日嚟到深井🧚‍♀️Lunch唔知食咩好，好彩同事介紹咗依間隱藏喺熟食中心嘅｛Soul Cafe☕️｝環境清靜悠閑，幫襯嘅都係街坊～✴️香辣蕃茄汁煎雞扒意粉✴️份量澎湃！雞扒出哂煙，肉汁非常豐富💦意粉偏硬身，我個人幾鍾意～可惜係香辣蕃茄汁唔夠辣&酸，味道上較單調🍝✴️雪糕窩夫✴️$72全份窩夫，件件窩夫都有一節手指咁厚身，加上3球雪糕，實在太抵食啦😍特別鍾意朱古力雪糕，唔係得死甜味，配上充滿蛋香嘅窩夫好正🤤

#搞串個pantry大家去到#深井 ，可能會去食乜記乜記嘅燒鵝🦆，但係深井又點止得燒鵝啊😜！！今次就發掘咗一間隱世小cafe！！呢間#cafe 開喺深井臨時熟食中心，細細哋嘅門面，坐喺餐廳嘅放喺熟食中心嘅木條枱凳🪑，別有風味💕。而我哋就叫咗一份All day breakfast($72)🍳，同埋一份全份鮮果窩夫配雪糕($92)🧇🍨。論價錢，就同其他cafe差唔多。全份鮮果窩夫配雪糕，一嚟到就比個份量嚇親😱，竟然有三大球雪糕🍨🍨🍨！！！唔似大部分cafe或甜品舖，得一球，食嗰時要就住就住。既然有三大球，就可以一啖窩夫配一大啖雪糕，勁爽🤤！！窩夫相當脆口，但就無咪蛋香味。而All day breakfast份量同其他Cafe差唔多，有雞肉腸🍗、煙肉🥓、煙三文魚、炒蛋🍳、蘑菇、茄汁豆、蕃茄仔🍅、多士。每一樣嘅味道都普普通通，不過見到成碟咁大份都幾開心🤩！！下次大家嚟深井，唔一定要食燒鵝㗎，都可以嚟間Cafe坐喺度感受吓熟食中心嘅慢活人生😎！！

位於深井熟食街市入邊，超級抵食！！係假日之選。好多區內人士都嚟食！好附近做完運動黎嘆個早餐，勁chill，亦都可以體驗下深井。呢個價錢食到呢個質素，簡直冇得頂😋飲品亦好好飲

去深井行一行，影吓相。肚餓又唔想食燒鵝，就去咗一個臨時熟食市場，搵到間Soul Cafe, 叫了一份班尼迪蛋配煙三文魚！我之前在UK食過一次，但係HK是第一次。雖然不是用多士墊底，而是M記豬柳漢堡既包做底，但都好味！如果塊包脆啲會更好！

每次約呢兩個朋友踩單車都要諗埋邊樹飯局。我提議了弋深井。朋友就介紹到Soul Cafe食個平靚正 All Day Breakfast. 由於踩到身水身汗，所以會想食啤酒。坐出面係可以自帶啤酒，我哋就過隔離一人一罐。我點左All day breakfast 中我最喜愛的 egg Benedict，再加杯凍茶。

價錢平，漢堡沒有肉汁、偏干，薯條反而唔錯。位於熟食街市都尚算合格。員工態度都唔錯，但老闆態度就差到不得了。因朋友去過話抵食味道又唔錯，所以純粹去試試。因為唔太肚餓，所以兩個人食一份Burger餐再加另叫一杯凍飲。$91都唔算cheap 啦！Burger餐送到來我禮貌地叫店員幫忙將Burger切開兩份,店員答應了，但她最後攞返轉頭話老闆唔肯幫手切開兩份。還行出來望吓我哋，我當時與他對望及怒啤他一段時間……..呢間嘢以後唔使再幫襯。今時今日咁嘅服務態度有咁嘅老闆，真係辛苦了員工！

幾次去深井都係工作, 難得今日 (星期日) 放假又咁好天, 就去行下順便食個下午茶~ Soul Cafe 喺深井臨時街市入面 (聽老闆講, 個"臨時" 都臨咗好多年 ), 不過要附近搵位泊車就難少少。餐廳有冷氣的位置唔多, 出面係無冷氣 food court 形式任坐, 好似今日咁好太陽嘅夏天真係有D熱, 而餐廳可以用 qr code 落單都幾方便~ 今次點了卡邦尼意粉 (多汁) $48, 餐飲 double shot 凍拿鐵 +$9, 再加一客薯條(+18) 一共 $75, 如果無我咁大食又要飲 double shot 咖啡, 應該人均消費 $55 左右。工作關係, 無咖啡不歡~ 但放假係要對自己好D, 唔可以求其飲D即溶咖啡吊命, 所以要去 CAFE 飲好咖啡! Soul Cafe 嘅咖啡濃郁, 就算凍飲都無俾D冰沖淡咗D味  而喺漢堡同意粉次之間, 我揀咗意粉, 卡邦尼意粉真係無令我失望~ 揀了多汁, 足料又好大碟! 薯條就正常熱辣辣, $18 份量都算好大~ 下次要試試漢堡, 我見周圍都有不少人 order~

同一班朋友遊車河路經此地，諗住求其醫下肚，略知相當有驚喜見到價錢嚇咗一跳，三十零蚊已經食到一份西式早餐，有班尼迪蛋、All day breakfast等。其實咁平都冇乜野好挑剔，所以開始對食物質素都冇乜期望。點知原來性價比相當高。賣相唔求其，質素都唔太差！

一般人想到深井一定諗住食燒鵝，當然有這個想法是正常的，當深井這兒還有很多好野食。我最喜歡去深井這間cafe 吃早餐，好chill,大大份，味道好，尤其是杯咖啡好正。今日也千里召召搭架小巴去深井歎下美式早餐。原來宜家用QR code 落單再去俾錢。今次點了最喜歡的窩夫套餐及榛子咖啡，怕唔夠飽，加多碟即食麵。奇怪的是兩塊窩夫一塊新鮮、脆，另一塊凍及淋。而榛子凍咖啡不知是否冰多還是其他原因，味道比以前淡而且較稀，有小小失望，今次食剩個炒旦及麵，明曬