Soul Cafe

Open Now

Now Closed

同老公入深井揾呀哥食個tea，極度推介我地去食soul cafe,話又平又正，正宗隱世美食，講到咁正，就試下啦！我無乜胃口，老公嗌左個burger,佢話爆汁又足料，大胃王如佢，淨係食一個餐都夠，正宗抵食夾大件！加10蚊有份熱辣辣waffle,好味！抵呀！呀哥嗌左意粉，食左一啖，又真係幾好味喎！下次泥深井唔使再食燒鵝，食soul cafe都得喎！題外話，呀哥話以前呢個平民大飯堂好污糟，呢兩年翻新左，乾淨企理無小強mickey，只有得閒飛下入泥既麻雀仔，與世隔絕，世外桃源咁款

環境:👌🏻係深井熟食街市入面，一聽到街市就會覺得不乾淨，但店舖入面裝修得不差，很西式的環境，環境是乾淨企理。但佢營業時間很短，佢主打早餐同午市。食物:👎🏻建議少人幫襯既時候先去食，因為試過多人幫襯時食物等得很耐，無侍應理你，重要係煮到好難食，仲難食過起市買既意粉叮叮。但深井無咩野食可以選擇，又見食評甘多好評，所以近排星期日3點幾去食，今次意粉幾正常很多，但肉及者菇份量就好少，份量女士食剛剛好，男士/大食既人就不飽肚。值得一提今次叫左車打芝士煙肉牛肉漢堡，配菜薯條鮮炸不錯，漢堡俾足料，但68蚊一個不抵食。服務:👎🏻要主動叫人先會有侍應理，侍應得一個。住深井及者經常去深井的人可以試試，但特登去深井食就不建議了，因為真的很普通，又不抵食又不好食。

✈️✈️✈️✈️住咗喺呢邊咁耐，都唔知原來呢度有間咁正嘅cafe,因為超級隱世啊，😊😊😊完全察覺唔到啊，如果唔係上網睇，都唔知道，上網睇，已經勁多好評，今日去食咗個早餐，英式早餐，,超級好食，意粉都好好味，份量啱啱好，環境同埋員工都好好🔵🔵🔵🔵另外帶咗個蘋果茶，好細心呀，仲買咗一杯蜜糖仔係隔離😁😁😁😁😁我會再去食多次，呢間真係好適合呢頭住嘅居民，快啲宣揚出去，我住咗三年先至知

位於深井臨時熟食街市裏有一間coffee shop，佢只做早餐、午餐、下午茶，街坊坐到爆曬棚，最近仲多咗好多外來人士，佢哋踩住單車已經識路嚟搵好野食。早餐由廿幾蚊起錶，認真抵食！呢款多士餐及出前一丁腸蛋套餐，配熱咖啡都只係$28起。佢嘅咖啡質素相當唔錯，係即磨咖啡，以前人少的時候仲會拉花，但而家人流太多，就冇乜時間拉花花了！中午時間開始有三款意粉供應，味道及質素相當之高！下午茶最好味嘅係鮮果雪糕窩夫！都係街坊嘅至愛，記住四點鐘多就收舖！

朋友推薦的，閒日放假來朝聖。知道在深井臨時熟食中心內，心裡其實期望不大。門面的確是cafe feel, 和街市熟食中心似乎格格不入。Soul cafe除了價錢貼近街市價之外，其它都是cafe應有的感覺和質素。cafe小小，意粉丶漢堡飽丶all day breakfast 都有，價格親民。先來latte 兩杯，光看那拉花，巳覺得比那些集團式咖啡店更有誠意。再來「黑松露野菌忌廉意粉」雖則野菌只得幾塊，但整體很好吃，意粉軟硬適中，濃淡恰到好處。「車打芝士煙肉牛肉漢堡」材料方面交足貨，牛肉煑得剛好，頗juicy。如果芝士再多一點就更讚。會再來

逢親秋風起，就會落留下街市食野，呢個天氣去感覺特別寫意！🍃雖然係街市入面， 聽落隔隔不入，但環境好乾淨、闊落、清靜，到某個時候有啲太陽光照入黎🌞雀仔飛過，悠閒至極，絕對唔係想像中咁突兀。（不過屋企人好驚有雀飛過滴💩落去）我下晝2點零鐘去到，鋪入面坐滿晒人，出面就有位揀，我地兩個人就坐左出面。母親大人話起身冇耐唔想食咁飽，佢叫左個沙律配咖啡，我就叫左個benedit配伯爵茶煙三文魚凱撒沙律（$58）啲菜雪得夠凍而且好新鮮爽口，煙三文魚大塊之餘仲好肥美唔會好咸，醬汁和芝士下得剛好，冇左焗麵包粒就稍為遜色左少少。跟餐飲品：即磨咖啡Cafe黎講咖啡都算係一樣重要既菜色，但是佢杯咖啡有點失望。咖啡底比較淡味，自己落完少許奶同糖，咖啡味幾乎蓋過晒。班尼迪蛋配巴馬火腿（$58）佢有三文魚同火腿選擇，因為叫左個三文魚沙律廢事一樣，就揀左巴馬火腿。個蛋都整得好滑，有做到流心，麵包有烘過，唯獨是荷蘭汁得個色水但冇乜味，不過我選擇左火腿，佢既咸配搭一齊食，味道又岩岩好這個價錢吃得呢個水準，絕對物超所值。兩人total 120蚊有找，好抵食，係出面可能只係食到一個餐。希望Soul Cafe長做長有

深藏不露的深井Cafe, 離開鬧市感受海風也好, 行完山跑完步也好, 或者漫步完沙灘也好, 來到深井不選擇燒鵝的話我一定會選這間cafe 作為假日加油站👍。店鋪雖然不大, 但勝在是街市內的食店有數張門外的座位選擇, 秋天涼風輕輕吹過比冷氣舒服自然。食物整體選擇多, 質素不錯, 小店的服務比那些商場分店來得親切而且優質。英式早餐可以讓你選擇多士或牛角包, 煎雙蛋或炒蛋👍,店內還有額吸睛的班尼迪蛋, 窩夫及西式意粉, CP 值亦非常高。

位於深井街市熟食中心的soul cafe，價廉物美，一直深受深井街坊歡迎，每逢週末早上店內外的座位都滿座。當日四時左右，店內仍有座位，店外正在擺賣手沖咖啡。午餐價錢由四十元起，我們點了兩份斑尼迪蛋和一杯巴西咖啡。荷蘭汁有點淡，但是配上水煮蛋和西班牙火腿味道還不錯，不過三文魚若可以稍微調味的話會更好。配菜的沙律有點零亂，味道跟賣相一樣一般。手沖咖啡由店外的女士沖調，味道香而不苦澀。個人覺得Soul cafe的質素不錯，是一家值得支持的小店。

難得放3日假，同男朋友渣車周圍走～今次去左深井食下野，其實我自己好少黎深井，係有次同朋友傾開，佢話深井有間文青cafe😱，講真我同男朋友都唔係文青派，但見今日放假，有時間就周圍搵下野食啦！呢間cafe係街市入面，完全比個舊式街市新影像！我叫左個egg benedict,上菜好靚，睇住個蛋黃流落下層既三文魚同包好治癒🤤咖啡仲有拉花，好有心思，最重要係，價錢認真親民，都係50幾蚊就嘆到個西式早餐，我同男友大概坐左個半鐘先走，好耐無咁悠閒☺️

前幾日去深井探朋友,好耐無黎,當然係佢車我啦😆如果唔係自己都唔知搭咩車去,去到已經差唔多12點,成朝未食過野,當然去左醫肚先再去探bb😊我仲驚佢咁早就帶我去食燒鵝,好彩去左間cafe~呢間cafe雖然係街市入面,但裝修都算幾好,可能因為要貼近番街市熟食中心既價錢,係到叫個all day breakfast都係40幾蚊😆岩晒我呢d長期糧尾👍🏻40幾蚊,都好大份,成個餐好足料！煙肉,炒菇,孖腸,salmon,茄汁豆,仲有我至愛既雙太陽蛋🍳🍳天啊,真心怕佢蝕本！唔講食物質素,淨講份量都誠意滿分👍🏻當然呢d配搭都好難難食啦,好飽😆抵食！

港九新界，街市內的熟食中心一般都係茶記居多但深井呢到嘅熟食中心，有間cafe 。餐牌上只有一頁紙嘅選擇。有早餐及午餐，傍晚就收工。午餐由開業至今只提供3款意粉1。羅勒醬煙肉蘑菇意粉2。黑松露蘑菇忌廉意粉3。茄醬大蝦意粉。另外有Benedict egg食，印象中可選煙三文魚及巴馬火腿。甜品則有雪糕窩夫。飲品方面，咖啡類有拉花添榛子latte很不錯。店鋪很有親切感。雖然長期不變餐牌，但客人還是一直多呀果然要留住客人，必須要靠味道【當然價錢亦是重要一環，此店意粉類只賣4x蚊，仲可以免費加大，對上班族及男士黎講非常貼心】。味道方面，意粉首選黑松露蘑菇忌廉意粉，食極唔厭，好神奇，當然口味根據當天主廚的手勢啦，有時會淡了點黑松露味好香，配埋忌廉汁，不會太奶太漏但10次入面9次都好好味蘑菇嘅量亦不少而且包埋熱飲，好抵食。大蝦意粉就比較“杰”身，會食到茄溶，蝦就不及開業時大大隻，但計返價錢是不錯啦，味道不是太酸的茄味 。羅勒醬煙肉蘑菇意粉就為不愛白汁意粉嘅朋友提供選擇，較油身，橄欖油黎，煙肉量亦很多，較另外兩款意粉有咬口

星期日悠悠閒閒，入去深井嘆個午餐，次次都食燒鵝，今次試下意粉嘆杯咖啡意粉煮得剛剛好咖啡好正，香濃味美😍雖然餐廳係街市，環境麻麻地，但食物質數真係唔錯，四十幾蚊有咁嘅質素，認真不錯

一直係深井生活，睇住一間間有人情味既鋪頭關閉。直到見到soul cafe,好開心有返呢d 小區cafe。兩年來經常都會去食。 食物質素其實算係ok。 蛋同意粉都唔錯。 其他食物還可以。 咖啡真係好飲。 好多時都真係為咗杯咖啡去食。但近呢半年覺得服務開始下降。 好多時員工都好似唔想理人， 見到又扮見唔到咁。 感覺好似係連鎖食店嘅店員咁。 星期六日好多人比較忙嘅話都理解， 但係我星期一至五去食lunch都係咁樣嘅服務。 唔係想投訴， 只係覺得好可惜。 作為小區cafe， 服務慢 上食物慢甚至落錯單計錯數 都覺得可以接受。 可以係慢活特色。 但係如果態度係唔想做唔想理，講多句都唔想咁樣 我諗呢杯高質素嘅咖啡都唔會令我想返轉頭。

一向都知道深井街市裏面有好多美食，有一排冇去，發覺開咗呢間咖啡室，最開心就係見到有全日早餐食！第一時間叫咗一個，都唔錯！總好過食出面茶餐廳嗰啲常餐下午茶，全日早餐乜嘢都有啲，美中不足係茄汁豆係凍嘅。再叫多一杯咖啡，咖啡都唔差，不過相對比其他附近的食肆比較貴，久唔久過來食下都OK !我老公唔鍾意食全日早餐，由於餐廳坐落街市，座位都是共用的，結果佢走去隔離買咗個海南雞飯，我哋可以同台食，呢個都算係優點之一！

Soul Cafe位於深井臨時街市入面，應該開咗有兩年，家人都好喜歡幫襯。因為佢杯咖啡真係好正！今日一個人自己落去食早餐，叫咗出前一丁套餐，飲品係latte! 只係三十多元！12點後佢哋冇早餐，仍然有all day breakfast，其餘就係做意粉！佢嘅意粉都煮得好出色！有機會下次食完再報道！