港久新街

Open Now

Now Closed

星期六下午食lunch,由於是2點左右，没什麼人坐得舒服，我们點了4份午餐，其中是鹵水3拼跟湯河，其實之前已食過幾次，食物是ok的，但服務態度真係一次人比一次差!他们上了米線但我们點河粉，其實厨房做錯就硬說河粉埋哂!但如果賣晒，應該告知客人改换白钣,菜钣定改米線，最後死死地氣换番河粉!最嬲係講大話!上次晚飯book了8人6:00,去到成個場無人但俾2張圆细枱我，我說book時無說明，如果分枱緊係唔要，佢話其它枱俾人book左，但我都打上來book枱，更何况人家book7：00-7：30，於是最後给我们一張大圆枱要我们7:30前交枱，都ok.。不過當晚食物一般，特别係燒，趕住俾你上抬時都未熟。這間店如果服務態度仍不改善，遲早都無客做唔住!

玩味十足既 #港久新街 呢到既裝修、menu 都好有趣味性，港久新街提提你：🍻飲飽食醉先好諗出去😏Gentle Reminder from SOUL GUIDE:🍻Please satisfy your Hungry Soul here😏😏-🐟豉蒜蒸大鱔 $168: 鱔魚肉質彈牙爽口～爆香左既蒜蓉同豆豉， 令大鱔香味充分散發， 加埋調味醬汁， 濃郁惹味，食啖下飯🍚配合鱔肉既油香， 大家都讚不一定絕口🐖秘製沙律醬燒骨 $108 炸排骨本身好脆口，拌入沙律汁同洋蔥之後增一份酸眯眯既甜味，吮得好滋味～花膠螺頭燉竹絲雞$68 呢個燉湯好特別，係用茶壺倒出黎好似飲茶咁。清湯鮮甜，飲落喉嚨好舒服😌除左 #撚手小菜 ，呢到都有燒烤串燒等😗蒜蓉燒生蠔$10 新鮮多汁，見住佢係open kitchen 既冰上面拎黎燒～宜家仲要特價$10隻！蒜蓉娃娃菜 $48 除左叫普通炒菜，燒既娃娃菜夠特別🥦再配埋啤酒，高興😃👏🏼

有無人同蕃薯妹一樣都好鐘意老港式大排檔風味？！但係而家香港天氣真係唔講得笑，坐喺無冷氣嘅大排檔食飯分分鐘會中暑😂最近喺尖沙咀發現呢間大玩懷舊大排檔風味嘅餐廳！以後就可以涼住冷氣食大排檔啦🤩餐廳一邊係大排檔圓檯，另一邊係卡位雅座復古加時尚風格，裝修非常特別，加上霓虹燈設計同一系列復古餐具擺設，影相打咭一流🥰餐牌上嘅菜式款式非常之多，地道大排檔小菜、潮州滷味以及新嘅派創意中式小炒都一應俱全🥰 睇倒樣樣都想試！ ============ヽ(○´∀`)ﾉ♪ 燒生蠔 $10 ⭐️推薦🫶🏻‼️$10一隻燒生蠔！係$10一隻！！🤤✰每人限叫兩隻🥹 唔好以為咁平一定俾啲好瘦好細隻嘅你食～ 呢隻燒生蠔粒粒都好飽滿，唔細隻㗎！ 仲燒到好juicy半熟，個辣椒蒜蓉仲好好食！一定要試🤩🤩沙茶芥蘭炒A5和牛 $138 ⭐️推薦🫶🏻✰見到餐牌見到用A5和牛炒菜仲要係沙茶味？ 咁有創意唔試唔得🤩係蕃薯妹最愛嘅和牛！✰估唔倒咁好味，沙茶味唔算好濃，唔會遮蓋左和牛嘅香味，A5和牛大概7成熟，入口即溶🤤 芥蘭都好新鮮唔苦澀。大廚脆皮鹹豬手 $168 ⭐️推薦🫶🏻✰勁大份！其實睇相已經估倒兩個人會食唔晒🤣 但係實在太吸引～✰真係皮

四人歡聚，吹足一晚，由於掛住吹水部份餸唔記得影相食物：滷水拼盤 - 滷汁香食物入味、元蹄唔肥、腩肉肥瘦適中、鵝片算滑、滷蛋香、大腸肥美雞蛋焗魚腸 - 呢個真係不得了，面脆有蛋香、唔腥菜脯肉碎煎蛋角 - 不過不失蒜蓉炒唐生菜 - 正常嘢，份量就細咗d乾鍋花菜 - 由於友人唔食辣，所以我哋走辣菠蘿黑醋骨 - 一般貨色、炸粉硬咗d及舊肉乾咗少少福建炒飯 - 呢個比較失望、淡口菜粒淋曬，無咗口感總結：上個月幫襯過，有朋自遠方來，自己傾到無食咩食過餸，所以今次要試清楚，有85折價錢合理，食物及味道都OK，一定有下次，可以再試其他餸

天氣雖然熱熱地，但都有少少掛住大排檔既鑊氣小炒同滷水拼盤，上OpenRice搵咗呢間位於尖沙咀既新式大排檔，可以比我涼住冷氣咁食鑊氣小炒，岩哂夏天黎食🎈椒醬炒通菜（$68）椒醬好夠味，而且夠熱，上一枱已傳來陣陣香氣！而且通菜份量一啲都唔少，仲好夠鑊氣！🥙🥙🎈滷水拼盤（$218）潮式滷水拼盤有鵝片，鵝件，豬大腸，腩肉等滷味，豬大腸好淋好入味，鵝件肉更係一口一件，食得好爽😍😍滷味唔會過咸，好食🎈瑤柱蛋白炒飯（$88）炒飯炒得粒粒分明，而且好乾爽，瑤柱炒到好乾身得黎又夠香，加埋蛋白味香，唔會過咸，加埋餸菜一齊食都幾香口架🍚🍚🎈懷舊雞蛋焗魚腸（$98）🐟🐟呢款懷舊小菜真係好耐無見啦！聽講煮呢道菜都要幾花手工，今日見到即試熱連辣既雞蛋焗魚腸，入面有少少姜絲，食落唔腥而且仲好香滑！送飯一流整體味味菜都好高水準，而且味道香口好食，份量都好足夠👍🏻👍🏻👍🏻👍🏻👍🏻👍🏻

尖沙嘴好特別的港式大排檔feel餐廳🍴小柔真係要推薦比大家🥰第一次來到呢間港式大排檔——港久新街😍真係顛覆我對大排檔的想像，呢度主打大排檔風味，環境也參照大排檔設計，但裝潢超靚而且有冷氣，位置又舒適，宜家想感受大排檔風味，真係唔需要再咁辛苦坐街邊，呢度真係誠意推介。再次一提，呢度裝潢好靚，值得打卡😆食物方面，都有驚喜，點左幾個風味菜式，大大份，味道👅又有優惠美食，正宗好味😋今次真係無揀錯啊。1. 蒜蓉燒生蠔🦪特價$10 一隻，每人限量2 隻，必食之選啊🤭2. 蒜香🧄燒元貝$38一隻，大大隻元貝，喜歡海鮮的都係十分推薦架。3. 魚香茄子🍆炆米粉$88 ，呢個就普通少少，但都係大大碟，一定夠飽肚🤣4. 沙茶芥蘭炒A5和牛$138， 呢個就夠曬火侯啦，用來送米粉就剛剛好😁5. 潮式蠔仔🦪餅$98， 呢個就真係必食啦，炸得超香超脆，賣相超靚超大塊😋好抵食。大排檔，又點少得飲返兩杯，呢度有酒飲架，我就點左最新hoegaarden $22/支，有好幾隻味，甜甜地岩女仔飲，大家鍾意飲酒可以試下啊。

懷舊雞蛋焗魚腸 🍳$98好少可以食到嘅一味餸，魚腸食落一d都唔腥😄，配埋薑及蔥絲一齊焗，蛋皮金黃香脆，充滿口感。秘製菠蘿黑醋骨 🍍$108黑醋骨散發香醋味，酸甜香脆好開胃。用上新鮮菠蘿，減少左油膩感。烤生蠔 🦪$10/隻生蠔好鮮甜，加埋蒜蓉、蔥粒食好惹味。$10真係超級抵食！😍蒜香燒元貝 $38/隻元貝有成隻手掌咁大，燒得啱啱好。加埋蒜蓉及少少辣椒粒🌶️一大啖食，鮮到不得了🤤✨✨✨串燒脆玉瓜 $28脆玉瓜配上日本木魚碎上，燒得唔會好乾身，而且仲可以食到脆玉瓜本身嘅鮮甜味道🥰✨✨✨串燒牛脷芯 🐄$38牛脷芯都算厚身，容易入口唔會韌，鍾意食牛脷嘅朋友一定要叫😉！✨✨✨串燒羊肉串 🐑$28羊肉有微微羶香，燒得好均勻😌✨✨✨Hoegarden生啤🍺$78食小菜又點可以少左啤酒，鑊氣小炒加透心涼啤酒係一絕！🤪✨✨✨港久新街小菜精美有特色，串燒都有驚喜，最岩一大班朋友叫到成枱都係餸，暢談一晚！

尖沙咀新開的港式大排檔港久新街整個裝修像走進了未來科幻世界一樣，未到六點已經差不多坐無虛席，無論是一大班Friend定係兩三個人都照顧周到。而且餐廳的菜色種類都十分豐富港式即炒小菜、串燒、打冷、川菜同海鮮仲有好多款懷舊風味的菜式，十蚊隻燒生蠔基本上每檯必叫吧～-十分推薦港久鑊氣小炒皇超！澎！湃！小炒鑊氣夠，韮菜爽脆無渣，仲有好多蝦乾、魷魚、腰果材料勁足, 食落鑊氣勁香。-懷舊雞蛋焗魚腸都十分足料，焗得金黃燶邊，外脆內軟層次分明。陳皮落得足，魚腸、魚膶乾淨食落又腥氣，入口甘香。-即使簡單如菠蘿咕嚕肉即叫即炸，咕嚕肉食落夠爽 咬落juicy酸酸甜甜，好好食。-唔好忘記叫埋福建炒飯，菜粒雞肉蝦仁，飯底炒得粒粒金黃，芡汁鹹度適中，抵食。

出黎賀一賀朋友轉新工，揀左間新式大排檔叫港久新街，哈哈，好多野揀裝修又潮，地點係尖沙咀鐵路站出口附近，夠晒方便。估唔到星期四晚都全店full book十分旺場，坐了中間的長枱，用qr code快快落單先，枱上有水同紙巾提供，幾貼心吖。🥢欖菜肉鬆四季豆欖菜下得夠多好夠味，四季豆爽脆甜，正喎😋🥢椒鹽炸鮮魷出街食點少得香口野，叫左椒鹽鮮魷，份量幾多呀，椒鹽亦很香口，可惜係鮮魷未炸得夠仲好濕身，扣分了。🥢啫啫豬潤雞煲呢味上枱時超香，個煲不斷發出咋咋聲，油花四濺😆豬潤爽口雞件滑，配菜嘅洋蔥吸飽汁好甜，味道認真唔錯，不過記得要翻動下，個底都易燶㗎。🥢懷舊雞蛋焗魚腸個人喜好叫左焗魚腸，呢個好多地方都唔做了，功夫多又唔健康，所以少人食嘛，難得呢度有得食，當然要回味下舊時味道。入口甘香蛋嫩滑，裏面嘅芫荽同薑香口又去腥，好正😍🥢蒜蓉燒生蠔見枱枱都叫燒生蠔先醒起枱上立牌寫住有優惠，即刻追加返四隻先🦪蠔肉隻隻肥美飽滿，蒜蓉鮮味鹹香，熱辣辣勁正🤤其實仲有啤酒特價，但朋友話聽日返新工要認真啲，今晚先不喝了，哈哈，食左咁多野呢個價錢都抵食吖。

今晚約咗朋友尖沙咀聚舊，佢帶咗我嚟呢間食大排檔入到門口好醒目，一排光管配上大大的燈牌感覺好新穎入內真係好有大排檔隔局，不過就乾淨整潔窗口位仲有一排sofa 食排記可以坐sofa真係夠舒服餐牌設計都幾有心思且簡單明瞭朋友睇中咗十大招牌之一蒜蓉燒生蠔 $10 ｛推廣價每人限叫2隻｝生蠔鮮美多汁，配埋濃香的蒜蓉醬汁、蔥香及辣椒粒，十分滋味潮式蠔仔餅 $98賣相夠哂吸引，蠔餅外層炸得酥脆香口 ，內裡軟嫩滑爽，配埋魚露真係一絕～香酥脆皮牛肋骨 $288估唔到都幾大份表皮香脆酥鬆，食落肉味濃郁，肉質豐潤而細膩柔軟，啱哂傾偈送啤酒Hoegaarden $78生啤500ml 大杯裝-整體既有大排檔風味而環境乾淨整潔食物味道不錯，服務細心適合朋友知己傾偈聚會～

位於尖沙咀金馬倫道的「港久新街」第一間新式風格的大排檔餐廳 ，裝修像八、九十年代的「走鬼檔」風格，有多款港式地道美食，如撚手小菜、潮州滷水打冷、惹味串燒，仲有多款懷舊菜式，如雞蛋焗魚腸，亦設有開放式小菜檔、食客可親自到攤位前揀好食材後下單，重現舊香港情懷的車仔檔風格👍🏻🧆▪️潮式滷水拼盤 $ 218擺盤超靚，食材好豐富有豆腐、大腸、腩肉瓜、鵝片、鵝肉、鵝掌、雞蛋，滷水汁味道帶點點藥材香，滷得好入味，而且食材質素非常唔錯，配返杯啤酒就最啱🐷▪️港式菠蘿咕嚕肉 $ 108每台必點，色彩繽紛，咕嚕肉外層冰涼超級香脆，內裡熱辣辣，肉質半肥瘦非常爽口，口感超正，配料有新鮮菠蘿、洋蔥、青紅黃椒，好味道🥦▪️沙茶芥蘭炒A5和牛 $ 138經典粵菜，超級有鑊氣，芥蘭炒得新鮮脆口，最特別係用上A5和牛，入口軟腍肥美，配合沙茶醬好惹味🦪▪️蒜蓉燒生蠔 $ 10隻 $ 40超級抵食，推廣價只係 $ 10 每位限點兩隻，生𧐢新鮮肥美好飽滿，配合炸蒜香辣醬，夠惹味🍲▪️姬松茸螺頭燉豬展 $ 68如媽媽的湯一樣，一打開非常香的姬松茸香味，湯頭清澈帶有螺頭的清甜 ，好好飲

前排去過戶外大排檔，覺得太熱啊，上網見到「港久新街」呢度靚裝修，好想過嚟一試寶寶話晒都係室內，起碼唔使熱辣辣，又可以食到鑊氣小炒、特色串燒，今晚真係有時間，啲食物又真係唔錯😋😋沙茶芥蘭炒A5和牛粒（$138）🐂🐂以高級的A5和牛肉粒和新鮮的芥蘭為主要食材，搭配沙茶醬炒製而成。A5和牛肉的質地嫩滑，肉質鮮美，與芥蘭的清爽口感相得益彰。沙茶醬的香辣味道為這道菜增添了一層風味，好吃。秘製薑蔥台山蠔煲（$188）🦪🦪台山蠔的鮮甜口感非常突出，而薑蔥醬料的香氣和味道提供了豐富的層次感。這道菜以砂鍋上檯，保持蠔的鮮嫩和湯汁的濃郁，非常適合作為開胃菜。蒜香燒元貝（$38/1隻）🐚🐚元貝肉質鮮嫩，口感豐富，而蒜香的味道為帶來濃郁風味。燒烤過程令元貝表面稍微焦香，增加口感層次。生燒活白鱔（$48）🐟🐟白鱔肉質鮮嫩，口感彈牙，經過燒烤後，鱔魚的肉質更加香甜。羊肉串（$28）🐑🐑羊肉切成小塊，肉質鮮嫩多汁，搭配孜然粉、辣椒粉等，增添風味。沙嗲金菇肥牛粉絲煲🐂🐂肥牛的脂肪和肉質相輔相成，金菇的口感鮮嫩，而沙嗲醬的香辣味道十分突出，又唔會死咸。最正係粉絲吸收了湯汁的滋味，用嚟撈飯非常一流！👍🏻👍🏻港久新街地址：

今日同朋友gathering，去左間老香港大排檔風味既餐廳，裝修感覺唔錯，好適合一大班人去。坐低之後，朋友點左呢度必食嘅滷水拼盤，好鬼入味 ，一個字正👍🏻之後又點咗豬耳同燒蠔，可燒蠔真係冇得頂，好想encore多次然後就叫咗個煎蛋同炒菜 ，都叫不過不失最後叫多兩個主菜，分別係香酥脆皮牛肋骨豬手同芥末豬手，呢兩個餸完全滿足鍾意食肉獸嘅朋友，香口肉汁豐富，食完呢一餐應該都有排減肥😋😋不過都真係唔食對唔住自己🤣🤣

放工嚟尖沙咀搵食，大排檔小菜大家都啱食蒜蓉燒生蠔($10/隻) - 頭盤揀咗燒生蠔，蠔本身算肥美，簡單配蔥、蒜同少少辣椒燒熟已經好好食燒半架($58/件) - 好驚喜，受熱好均勻，熟得嚟完全唔韌，肉質軟腍，羊香味好濃，肥瘦適中，高質竹蔗茅根水($28) - 食完串燒嘆杯清熱嘅竹蔗茅根水就啱晒，清甜爽口薑蔥魚雲煲($138) - 薑蔥好香，魚雲新鮮嫩滑，非常入味，煲仔夠晒熱得嚟，魚肉依然好滑金銀蛋浸莧菜($78) - 莧菜好翠綠好新鮮，咸蛋白同黃、皮蛋同蒜粒都好足料，湯底清甜，冇諗過呢道家常菜整得咁好食秒製沙律醬燒骨($108) - 肉嫩入味，秘製沙律醬甜甜地好開胃，洋蔥好甜好脆，加埋芝麻好香小菜碟頭勁大，款款都有3-4人份量，賣相亦唔錯好彩算早過到嚟，一到7點就坐滿晒咁滯，裝修用色都幾特別幾靚，座位闊落，有現代大排檔嘅感覺之餘好乾淨，環境唔錯餐具都有特色，大排檔應該有嘅菜式都有齊，小炒、滷水、川辣、粉麵飯、湯品等都有，選擇亦好多，連雪糕都有，係同朋友聚會嘅好地方

我最近去了位於尖沙咀金馬倫道的「港久新街」餐廳，真的讓我留下了深刻的印象。這家懷舊港式風味茶餐廳充滿了八九十年代香港電影的特色，而且環境設計更是讓人仿佛置身於那個年代。我特別喜歡他們以霓虹光管為靈感的創作，營造出一種復古又浪漫的氛圍。除了獨特的環境，港久新街的位置也非常方便。它位於尖沙咀站B出口附近，步行只需2分鐘即可到達。這對於那些想要在尖沙咀享受美食的人來說，絕對是一個理想的選擇。讓我來分享一些我在港久新街品嚐的美食他們的油浸泰國筍殼魚炸得金黃鬆脆，魚肉香滑，每一口都讓人回味無窮。另外，他們的魚香肉碎茄子煲也非常出色，香口入味，配飯一流。如果你喜歡海鮮，我強烈推薦他們的避風塘豉椒炒蜆，蜆的份量十分大，鮮味十足，絕對能滿足你的味蕾。總的來說，港久新街是一家有大排檔特色的餐廳。不僅環境寬敞地點便利，還有美味的港式風味菜餚。如果你想要一個充滿懷舊氛圍的用餐體驗，這裡絕對是一個值得一試的地方。我期待著再次光臨港久新街，品嚐更多他們的美食。