四湯八麵

Open Now

Now Closed

香港嘅飲食業就係俾呢d餐廳影衰晒。雖然只係好少事，但就係呢d細位就睇得出呢間係咩餐廳。我哋1點半到，等位都等咗20 分鐘。坐低就落單，套餐包餐前涼菜加熱烏龍茶，凍飲加3蚊，飲其他嘢加$10-$18 不等。我哋1行4人，叫咗1個雞飯同3個麵，QR code落單，只有午餐，搵唔到其他選擇。本來想食梅菜豬肉餃，點知賣晒，於是叫咗第二樣。最先嚟係雞飯，有前菜，但之後嚟嘅湯麵，全部都冇前菜，於是我問員工，佢先講話沽清。其實係咪應該system度顯示，或者入坐時都要通知聲客人呢？呢d係基本嘢，唔係個d嘢食嘅問題，只係餐牌寫咗有，如果沽清係咪好應該話聲俾客人知呢？其他食物賣晒都會update system啦。仲有出餐好有問題，雞飯差唔多食完(重點係小朋友食) d麵先開始嚟。跟餐嘅熱烏龍茶仲要20分鐘先出現，但其他凍飲特飲已經上咗就係呢d位會令我唔想再嚟，希望呢d真食評會出到啦

食咁耐海南雞飯，只有呢間舖頭好似叫做海南雞皮飯，雞已經唔得；啲飯有隔夜，令人太失望。好似尋晚買淨食淨俾你哋食，價錢又唔係平，唔會有下次幫襯。大家要諗清楚先好去幫襯。

位於觀塘APM商場嘅❣︎四湯八麵❣︎主打每日新鮮熬製嘅湯麵，裝修已木色為主，簡約舒服，下午茶套餐$46起，價錢好大眾化👍🏻下午茶餐❣︎紅燒牛腱麵拼阿嫲·滷肉飯❣︎$58 會有3種麵比你揀，我地揀左台灣扁麵，口感軟中帶嚼勁好掛湯👍🏻湯底用新鮮牛骨熬製而成好夠味，牛腱軟嫩，配料有埋腌酸菜。阿嫲·滷肉飯，滷肉香醇濃郁，配料有溏心蛋同腌酸菜，呢個餐有飯有麵，岩晒有選擇困難症嘅朋友。下午茶餐❣︎福州湯麵拼私房焢肉刈包❣︎$55鍾意食清淡啲嘅可以揀福州湯麵，湯頭鮮甜而清淡，呢個我配上海幼麵，配料有魚片同筍。個焢肉刈包內有滷肉同酸菜，口感超好😋滷肉軟嫩多汁，充滿層次。❣︎寧夏鹽酥雞❣︎$38肉質軟嫩好香口。跟餐❣︎楊枝甘露甜飲❣︎$28酸甜清爽，啖啖芒果肉。跟餐❣︎桂圓紅棗薏米水(熱)$12超真材實料，杯底有桂圓紅棗同大量薏米，甜度岩岩好，好滋補。

上星期同朋友喺apm搵食，見呢間大家都未食過就入去啦，一人叫咗一個餐。上菜好慢，等咗差不多25分鐘🫥嘢飲先嚟，侍應一放低已經聞到陣膠味，杯白桃茶飲落去又膠又甜🤢朋友嗰杯柚子烏龍都話太甜🥶另外套餐有個撈麵，個汁又係好甜，完全唔expect 撈麵係甜😵‍💫最重要係隔咗一陣個肚好唔舒服🫠最差係佢哋要趕收工要賣單先，其實無問題理解嘅，但啱啱先食咗啖，叫佢放低先，佢唔肯仲要企喺隔離😑 要我哋俾埋先🤷🏻‍♀️真係無下次💀

四湯八麵 (觀塘)📇地址：觀塘觀塘道418號創紀之城五期(apm)4樓L4-18號舖🕐營業時間：星期一至日11:30-22:00💸人均消費：～$100/人👏🏻抵讚位：雖然要等位一陣，但同啲staff想坐咩位，佢地會盡量安排俾你。staff都係偏向後生個批，啲態度都算係幾好，無人等位嘅時候，坐幾耐都唔趕你走👍🏻🍴Food QC：晚飯套餐價錢包飲品、前菜、主食及甜品，全部都係$100以下，其實都幾抵食，食物質素都值番呢個價錢🙌🏻 「海南雞配雞油香飯 · 配藥膳湯 $98」配麻辣滷鴨血豆腐不過不失嘅海南雞，但個油飯幾好食，乾身唔太油，唔會一patpat咁。小食個份量超出預期，好大份😂 豆腐同鴨血唔太辣，但都入味「宜蘭紅燒牛肉湯麵(滷牛展 · 濃汁牛筋丸) $96」配滷味雞翼 個湯麵正正常常，無乜特別。小食黎講，個雞翼份量勁多😂 個味道就不過不失😯有待改善位：暫時未發現到😼私心回應區：喺觀塘食飯，唔想去工廠區，但又想平平地，$100以下同朋友食一餐飯，呢間台式餐廳係一個唔錯嘅選擇😆

係APM睇完戲又係醫肚的時候, 同BUDDY揀左係APM商場4樓的四湯八麵餐廳, 晚餐有套餐及散叫, 睇返套餐最抵, 由$88起而且款式選擇多。餐廳光猛整潔,裝修以木色系列, 簡單舒服, 還有數張卡位, 可以自成一角。我和BUDDY選擇了最旁邊位置, 有些枱面配有橙色懷舊燈, 款式獨特。我同BUDDY 叫左2個晚市套餐,  食物會職員送上時, 職員細心說明, 甜品會稍後奉上。 :古早藥膳燉排骨手工麵 $89配小食 : 滷味雞翼配糖水 : 四季桂花雪耳糖水飲品 : +$8 轉熱桂圓紅棗茶 (可免費享用熱檸水 / 季節茶 – 當日係烏龍茶)阿嫲無骨豬手便當 $93配小食 : 沙爹豬皮蘿蔔配糖水 : 四季桂花雪耳糖水飲品 : +$12 轉無糖冷泡薄荷烏龍茶 (可免費享用熱檸水 / 季節茶 – 當日係烏龍茶)古早藥膳燉排骨手工麵 (配有燉排骨, 肉丸, 肉札)麵類有3款可選, 有台灣扁麵, 上海幼麵, 日式食拉麵。燉排骨好入味, 而且炆得好淋, 易咬又JUICY。小食 : 滷味雞翼滷水味重, 但又不會口乾, 趁熱食最滋味熱桂圓紅棗茶桂圓紅棗茶可以補血, 養氣, 治失眠, 味道有桂圓的甜, 口感

天氣好凍就入咗apm 商場行行同食個下午茶餐廳好光猛同埋座位都幾舒服！可以選擇單人高枱或二人及四人枱呢間主要台灣菜幾鐘意古早藥膳湯雞卷蛋拉麵 藥膳養生湯底，味道香濃微甜感覺好養身手工麵好咬口，易於咀嚼雞卷肉嫩滑紅燒牛腱麵  拼阿嫲滷肉飯牛腱麵的湯底濃郁鮮美，牛腱十分軟嫩又入味手作扁麵有彈牙口感。牛湯味道非常濃郁湯底有微微辣滷水雞翼小食好淋每隻雞翼都好入味養生飲品桂圓桂圓紅棗薏米茶紅棗可補血熱熱地，甜甜紅棗薏米味道蜜桃柚子烏龍茶好香蜜桃味道入口淡淡的好特別四季桂花雪耳糖水點返個滋陰潤肺糖水飲下雪耳就滋補生津，補肺益氣味道甜甜地好滋潤下午時間上菜速度唔係好快要20分鐘耐心等等服務態度都算一般四湯八麵 Soups & Meens觀塘觀塘道418號創紀之城五期(apm)4樓L4-18號舖

早排喺觀塘APM行街嘅時候，偶爾之間發現有一間麵店。唔好睇佢細細間，入去試完一次之後真係發現有驚喜同埋一啲都唔簡單。🤩古早藥膳燉排骨手工上海幼麵首先係個湯頭，未飲已經聞到好香嘅藥膳湯味，飲完之後更加覺得上晒頭。而啲燉排骨亦都燉得好夠淋，入口即化。暖胃之餘又有啲藥膳嘅滋味，食完真係意猶未盡！🥰福州蝦湯手工蛋拉麵離遠拎碗麵過嚟嘅時候已經聞到好濃郁嘅海鮮蝦湯味，試一啖入口，嗰種蝦湯獨有嘅海鮮鹹香味即刻係口腔湧晒出嚟。再配合埋手工打嘅蛋拉麵，咬落口超有彈性，兩者真係夾到絕！😍寧夏鹽酥雞啲鹽酥雞亦都保持到水準，佢炸得外脆內嫩，加埋啲微微嘅鹽味，真係一道好香口令人開胃嘅小食。👍🏻紫蘇白桃果茶同古早冬瓜茶呢兩杯飲品都係各有特色。本身白桃果茶係偏香甜，但係係佢哋加咗個紫蘇葉入去就令到成件事唔同咗，成杯嘢飲即刻感覺甜而不漏又好清新。至於冬瓜茶就係解膩同埋消暑嘅神器，最啱就係飯後嚟一杯，佢嘅冬瓜茶亦都係保留到傳統風味，唔會話覺得好甜值得一試。😋總括嚟講呢間小店真係食得出有驚喜，店主亦都用好多心機放喺食物上面，令到一碗少少嘅拉麵變得唔普通。同時佢亦都有好多款湯底可以選擇，下次我都想試吓其他唔同嘅口味。😜

環境舒適 有卡位坐 對住松樹 打卡一流晚市套餐-前菜+飯/麵+飲品+甜小品好多選擇 揀左一飯一麵前菜1：滷水雞翼 有3隻 好入味 好淋前菜2: 沙嗲豬皮蘿蔔 沙嗲味好夠濃 豬皮同蘿蔔都煮到好淋 蘿蔔入口即溶主食1:宜蘭紅燒牛腱手工麵 手工麵可揀台灣扁麵/上海幼麵/日式蛋拉麵 我揀左台灣扁麵 比較粗身 但彈牙 湯底好夠濃 牛腱淋身 牛筋丸爽口彈牙 仲有好入味既蘿蔔 腌酸菜就可以中和湯既濃味主食2:海南雞配雞油香飯跟養生湯 海南雞份量唔多 但好滑身 配埋醬汁食岩岩好 養生湯好清甜甜品係四季桂花雪耳糖水 唔太甜 好養生 細細碗 份量剛剛好

這天晚上我約了朋友在觀塘吃晚飯，經過家人的推薦，我們便決定來到這間台灣菜餐廳試一試，環境舒適和清潔衛生，地點非常方便，非常鄰近地鐵站出口宜蘭紅燒牛腱手工麵($96)用牛骨，牛油，蘿蔔熬製嘅湯底，十分入味，滷牛腱稔香軟彈，濃汁牛筋丸爽彈鮮美，蘿蔔爽口微彈，完全吸收了湯底的味道，十分入味，醃酸菜，扁面軟彈煙韌福州蝦湯手工麵($89)湯底用蝦殼蝦頭經過長時間熬製而成，十分入味，餐廳非常細心，將蝦殼除掉，蝦爽彈鮮美，肉札爽口微彈，青口軟彈煙韌，糖心蛋軟綿綿，蛋拉麵稔香軟彈，洋蔥麻辣滷鴨血豆腐豆腐稔香軟彈，鴨血軟彈煙韌，用麻辣醬調味，味道廷辣醬油小棠菜小棠菜十分爽口，非常新鮮，用醬油調味，恰到好處，不會太鹹四季桂花雪耳糖水味道十分清甜，十分足料桂圓紅棗茶桂圓和紅棗都是對身體有益處，非常滋補自家伯爵檸檬茶檸檬茶是自家調製，味道恰到好處，不會太酸，不會太甜整體來說，食物的質素非常高，食物的份量非常多，食物的選擇足夠多，食物的用料非常新鮮，食物的賣相非常吸引，一個套餐價錢有齊主食小食飲品糖水，價錢十分合理，而店員亦有良好的服務態度和積極，所以我認為這間餐廳是值得再去惠顧

屋企人因為有糖尿病，所以點了熱檸水，但點知原來杯熱檸水已私自幫客人加了糖請餐廳在餐牌或手機落單功能上添加此類資訊，以免客人誤以為一些無糖飲料，原來已暗自被“加料”。

去到 #Apm ,女兒話想食麵🍜佢係 #商場 水牌嗰啲圖畫度揀到呢間，咁我哋就上4樓。舖頭唔係好大，琴晚星期六去到都幾full，所以都需要等一陣位。等咗大概10分鐘左右，就可以入座🪑小朋友點咗(宜蘭紅燒牛腱上海幼麵🍜)$96餐小食(#雞翼 三隻)+飲品+ #糖水呢碗麵有個小插曲，因為我哋係叫俾小朋友食👧🏻叫咗餐廳要將啲麵煮腍啲，同埋唔可以有辣‼️但係碗#麵 嚟到有啲辣椒絲🌶️問一個男職員，佢話呢碗唔會有辣味，但係另一位女職員就堅持話呢碗係有辣味，然而，我個女食落去都話辣🥵所以食咗幾啖就冇食到🥺究竟呢碗 #宜蘭紅燒牛腱麵 係有冇辣味呢？以我大人食落去，我又真係感受到有啲 #🌶️所以最後我就清埋小朋友個碗🍜另外老公叫咗（🍅番茄麻辣滷牛腱台灣扁麵）$97配小食（麻辣滷鴨血豆腐）呢碗麵個 #麻辣 湯係精粹😍湯底酸酸辣辣好開胃好過癮⋯⋯台灣扁麵就好似日式闊 #烏冬 咁，食落Q彈有咬口👍♥️但係我覺得食物成晚最出色係個 #紅油抄手 ❤️‍🔥$46佢面頭個麻辣醬，好夠麻，又好夠辣😍而且入邊嘅蝦肉好鮮甜，粒粒又夠飽滿😆飲品方面🥤🟣我叫咗杯 #紅豆紫薯生椰乳甜飲 （餐+$28)第一下飲落去,啜到啲一粒粒，好似紅豆

齊來呷一口探險啦！今日食過嘅「海南雞配雞油香飯」同「燉排骨湯配手作麵」唔錯撈嘅🍜。海南雞飯嘅雞肉質嫩滑，雞皮啖啖脆口，啖啖肉，雞油香飯粒粒分明，飯香撲鼻。燉排骨湯嘅排骨滋味濃郁，香而不膩，配上手打麵條嘅彈牙嚼勁，真係好入味！夾落來嘅小食「醬油小棠菜」清新爽口，微甜嘅醬油帶出菜嘅鮮甜；而「私房沙爹豬皮蘿蔔」唔係諗住食得辣一啖，豬皮軟綿綿嘅同時，沙爹香味滿滿，配蘿蔔清甜，起到咗去油解膩嘅作用。無糖豆乳則係清新健康嘅飲品選擇，飲完感覺好清爽🥛。整體嚟講，食物美味，服務周到，無論寵客定同朋友一齊，呢度都算係個唔錯選擇㗎！下次仲要試下其他菜式，繼續發掘更多驚喜！🔍👀🍽

今天12月20日中午去食lunch, 有個女侍應將隔離枱杯跟餐的熱茶放錯我的枱上。兩個媽媽兩個小孩我們叫了3份set lunch 跟餐兩杯熱茶加錢一杯凍檸檬水（檸水勁難飲）。 我朋友兒子剛咳了飲了面前的那杯熱茶，女侍應發覺我們多了一杯熱茶將兒子喝過的爛鬼熱茶收回，仲想將之给回隔離枱！她自己放错了還像我們誤喝了! 熱茶一杯好心啦！ 問餐廳有沒有投訴電話或經理竟然沒有！投訴無門，服務態度咁差，cheap 成咁，d嘢食又不是特別好吃祝佢好運！

這晚跟家姐相約在apm晚飯，她選了這家四湯八麵。木系主題的裝潢，夠簡約。和家姐每人點了一份晚餐，有頭盤、主食、甜品及飲品。頭盤選麻辣鴨血滷豆腐，作為前菜，份量都不少。鴨血及滷豆腐都大大件，鴨血軟滑，微辣入味。南洋咖喱牛肋條飯 ．溏心蛋 ($98)，份量適中，但對男生而言可能有點不夠。咖喱味道普通，沒什麼層次，牛肋條不算炆煮得好軟稔。溏心蛋亦稍稍熟了一點。季節奶凍杯，細細杯，但好滑而且好香椰子味又不會太甜！凍洛神花茶，需另加$12，酸酸甜甜得來而甜度剛好。主食味道並不特別出色，但整份套餐索價一百大元，略略貴了一點！