四湯八麵

Open Now

Now Closed

第一次來四湯八麵，看到餐牌有海南雞飯，又有湯麵等等，簡簡單單和弟弟吃個便飯！有晚餐套餐也可散叫。晚餐套餐很划算，飲品+小食+主食+甜品😳🔸海南雞配雞油香飯配養生湯：雞肉肥美嫩滑，飯也幾香，鹹鹹地的雞油撈飯好味😋🔸麻辣滷鴨血豆腐：少少麻辣，鴨血味道不錯🔸宜蘭紅燒牛肉湯麵：內有牛筋丸，牛腱；牛筋丸多汁，滷水牛腱肉質不錯，紅燒湯香濃。🔸滷味雞翼：單骨雞翼好容易咀嚼，味道不會太濃太鹹，像家的味道！🔸甜品是帶有椰香味的奶凍，味道又幾好，不太甜。

跟同事行apm 順便食埋飯，在四樓見到四湯八麵，門口餐牌都有我哋想食嘅嘢，就進入開餐囉。晚餐包左小食、主食同甜點，飲品是茶，若選凍的便要加$3元。我地點左不同的食物一齊分享，咖哩牛肋肉配糖心蛋，牛肋肉煮得有水準，有煙韌性，薯仔🥔都煮到好淋，咖喱汁濃而不辣，啱晒配飯食。福建蝦配上海麵，食材豐富有青口，大蝦-蝦肉爽口，配料仲有肉丸、豆卜同雞蛋🥚，豆卜索左鮮蝦味的湯汁，香口又juicy，麵質爽滑都唔錯。小食要了咖哩豬皮蘿蔔，味道微辣，煮得很淋又惹味。小棠菜，爽口新鮮健康。

經過APM朋友話有間新嘅麵店試一試，點不知價錢貴之餘質素又唔好，滷水雞翼雞翼非常之大浸雪味，紅燒牛肉麵牛腱肉唔夠淋湯底一般，藥膳排骨麵湯唔夠熱，排骨一浸雪味，如果1個餐收$110，絕對不值得！ 店內明明有位嘅，但係久久唔安排入座，走去問收錢櫃檯小姐說，我不知道的我只是收銀，所有坐係由樓面安排，但後尾收銀小姐又走出嚟做樓面嘅工作，咁其實佢係收銀定係做樓面呢？但係佢話自己只是收銀其他嘢他不知道喎 一間小店可以食物出品唔得，服務亦都唔可以，咁其實佢哋仲有冇用心做嘅呢？不過以後都唔會再幫襯😑😑

今日接朋友係觀塘放咗工之後去左apm度搵嘢食，有一間未試過嘅台式湯麵舖，就同朋友入去一齊食嘢👭🛎 $96 晚市套餐D01宜藺紅燒牛肉湯•配手作麵 配 醬油小棠菜~紅燒牛肉好入味，湯底唔會過鹹，白蘿蔔清甜無渣，麵線好有口感，幾好食！濃郁嘅牛肉配上清新嘅小棠菜🥬，係一個幾好嘅配搭。🛎$92 晚市套餐D05番茄麻辣湯.配 自家製慢煮叉燒配手作麵🛎 跟餐 季節時令熱飲跟餐飲品係烏龍茶☕️，凍飲加$3，食完湯麵之後解渴一流。🛎 跟餐 季節奶凍杯甜品係奶凍杯🍮奶味濃郁加上口感冰涼，最緊要唔係好甜！喺夏天食完飯之後係極美好嘅點缀。🌐 環境/服務鋪頭光線明亮，搭配唐風裝飾，環境整體嚟講頗為整理。落單用網上點餐系統就可以，唔收加一服務費，上菜速度亦都十分之迅速。店員態度幾友善，見到我哋食曬主菜就送上甜品！

私房烤雞髀 配雞油香飯 . 溏心蛋烤雞髀比較乾身，但味道唔錯，有雞味，又唔想柴; 溏心蛋尚可。雞油飯幾香，但都係比較乾身，要看看每個人既口味，我就還可以接受，但未到喜歡。最後送一杯熱茶，整體上算不過不失，可能呢間餐廳既麵食會更好。

去到APM發現一間暖木色系裝修配襯綠色吊掛嘅盆栽裝飾嘅餐廳，感覺令人好悠閒寫意，於是就走進店內試一試四湯八麵。晚餐形式以飲品+小食+主食+甜品為套餐今次點咗兩個套餐，包括：宜蘭紅燒牛肉湯麵（台灣扁麵）+桂圓紅棗薏米水+麻辣滷鴨血豆腐+季節奶凍杯海南雞配雞油香飯（配藥膳湯）+有營檸檬薏米水+麻辣蓮藕片+季節奶凍杯先上咗前菜，麻辣滷鴨血豆腐，豆腐入哂味，鴨血夠滑麻辣蓮藕片夠爽脆宜蘭紅燒牛肉湯麵嘅湯味濃郁，牛肉夠淋，連不起眼的配菜蘿蔔都好入味！海南雞配雞油香飯嘅雞好夠份量，最重要呢度嘅海南雞雞肉嫩滑程度及味道媲美我喺酒店$3xx食嘅海南雞，而雞油香飯充滿雞香蔥油味，真係想食多碗。嚟呢度食真係唔好錯過海南雞呀！

裝潢清新，價錢合理。只係飲品方面，見所有檸水、檸茶都要加十幾蚊，就唔加錢叫咗佢杯「季節時令熱飲」。估唔到，原來係.............. 飲落嘅口感係熱茶一杯。唔知如果加$3轉凍飲，係咪即係凍茶一杯？XD但食物方面質素不錯的，食咗個宜蘭紅燒濃汁牛丸湯麵，幾好食嘅。都可幫襯。

午市時間，我與同事去了apm，見到這間小店有特色湯麵拌麵，又有私房飯，所以就入去試吓。 餐廳以開放式設計，整潔明亮，提供有台式、南洋菜等，午市套餐帶廿多款，飲品加主食，價錢由$5x-8x，亦可以追加小食宜蘭紅燒牛肉湯麵手作麵可以選台灣扁麵、上海幼麵或蛋拉麵，我哋揀咗台灣扁麵，喜歡其煙韌有口感，配料除了有牛肉味濃帶嚼勁的滷牛腱，還有惹味的濃汁牛筋丸。自家製慢煮叉燒拼滷肉飯•配溏心蛋用咗比較肥嘅叉燒加上慢煮，非常軟腍，滷肉味道剛好，拌飯一流追加了藥膳濃湯餃子🥟，可選韭菜餃或梅菜豬肉餃，湯底有淡淡藥材香，梅菜豬肉餃飽滿，鹹味剛好，食到爽口嘅梅菜跟餐有茶及升級桂圓紅棗薏米水

“南洋咖喱牛肋條飯配溏心蛋晚市套餐”($98)“番茄麻辣湯麵配慢煮叉燒”($73)Apm開咗間叫四湯八麵嘅餐廳主要提供各款麵食同飯類而晚市更有套餐提供當中包咗頭盤,主食,甜品,飲品首先點咗份南洋咖喱牛肋條飯配溏心蛋🐮牛肋條肉質腍滑,完全唔韌☺️而且好入味😋咖喱唔會話好辣,但就好香好惹味☺️送飯一流😝頭盤小食點咗沙嗲豬皮蘿蔔,味道都好唔錯😚甜品原本係奶凍杯,但當晚冇供應🙈變咗做菠蘿椰子沙冰,十分清爽😆飲品就加咗$12點咗伯爵檸檬茶🍋另外單點咗個番茄麻辣湯麵配慢煮叉燒🍅🌶🐷個湯底比想像中辣🥵愈食愈過癮🤣配料仲有滷鴨血同豆腐😍慢煮叉燒食落同睇落去一樣有點乾😂不過味道香香甜甜係ok嘅🤣

約了bff 睇戲，開場前就到APM吃個下午茶。 逛了好幾間餐廳，最後就來到4樓的「四湯八麵」試試。 茶餐的選擇多，價錢由HK$38起，已包一杯季節時令熱飲，當然，可以+$12-$18將飲品升級為有營飲品。 無骨海南雞配雞油香.配養生湯海南雞入口啖啖肉，雞皮爽滑，雞肉嫩滑，肉汁挺豐富；雞油香飯入口有濃濃蒜香，口感油潤但不肥膩；養生湯很好喝，藥材香味超濃郁，喝後整個胃都感到暖暖的。 古法藥膳餃子湯麵 (梅菜豬肉餸)餃子皮落餡多，味道有點像家裏做的梅菜豬肉一樣，只是變成了餃子模樣，而麵條口感挺彈牙，配上香濃的藥膳湯底，非常加分。 咸蛋黃單骨雞翼雞翼炸得酥脆，內層肉質嫩滑，容易脫骨，入口有滿滿咸蛋黃香味。 炸墨魚餅墨魚餅送上來時熱辣辣，口感超級彈牙，很香口。季節時令熱飲及桂圓紅棗薏米水季節時令熱飲就是高山烏龍茶，茶味非常濃郁，味道清新香醇；桂圓紅棗薏米水味道香香甜甜，紅棗香味突出，非常潤喉。

觀塘APM $100樓下的餐廳選擇不多，這間餐廳餐單比較健康價錢又實惠，餐廳設計乾淨企理。麻辣滷鴨血豆腐辣味幾溫和，鴨血軟熟，豆腐亦吸滿了汁。醬油小棠菜有甜甜地的醬油味，加上小棠菜和梅菜粒，味道好夾。藥膳燉排骨湯麵湯底味道幾香，很像台灣的藥膳豬骨湯，清淡得來又有種涼爽感覺。配料有兩條排骨和肉丸及扎肉片。私房烤雞髀雞油香飯，雞髀烤得香脆，外皮呈現金黃色，中間保留到鮮嫩的質地，略嫌調味較淡。鹹蛋黃單骨雞翼鹹香味道濃郁，蛋黃加埋香炸雞翼真係香口，油份唔算太多不太肥膩。椰汁奶凍杯好重椰奶香味，非常高質的奶凍！

同朋友嚟觀塘 apm 食晏，揀咗呢間近排有唔少人推介嘅「四湯八麵」。餐廳門面好 Sharp 醒，以白色為主調，店內裝潢簡約，溫暖木質、純樸風格，再配以場內和天花上嘅植物裝飾，為空間增添一抹清新綠意。店舖主打真材實料滋補湯麵，湯頭每日自家新鮮熬製，再配搭以新元素創作嘅各種麵飯同私房麻辣小食，啱晒觀塘人嚟朝聖！ 點咗 2 客午餐，套餐附送季節時令熱飲，轉凍飲+$3，另外仲可以追加小食、升級有營飲品及甜品。福建蝦湯麵 ($75)：湯底以新鮮蝦殻、蝦頭、薑同乾蔥等香料熬製，湯身輕盈少油，入口蝦味好鮮甜，有飲西式龍蝦湯嘅感覺。配料有大蝦、扎肉、豆卜、青口、肉丸、筍同溏心蛋等。蝦肉彈牙味鮮、扎肉爽口、豆卜吸汁好吃。麵條選了上海幼麵，麵質不錯，軟硬適中之餘又帶點煙韌。海南雞配雞油香飯及養生湯 ($73)：海南雞浸到啱啱熟，入口滑嫩油潤，啖啖肉有雞味。油飯亦唔輸蝕，夠香又唔肥膩，配埋養生嘅藥膳湯，夠晒滋補。飲品：凍高山烏龍茶 (+$3) 同 凍桂圓紅棗薏米水 (+$15)，薏米水清熱祛濕，紅棗桂圓活血又養顏。升級甜品：季節奶凍杯 (+$30@)  奶凍質地挺幼滑，奶味香濃，甜度適中。

今日同屋企人係觀塘APM行街見到依間麵店，屋企人係佢新開張時已經食過覺得唔錯，所以就決定係到食晚餐啦！見到餐廳都有哂set dinner，包左前菜、主食同飲品，而且仲有甜品，以晚餐黎講價錢真係超值👍🏻餐廳環境亦都有心思地設計，牆上面都有店鋪既金句☺️✨慢煮叉燒雞油香飯配溏心蛋雞油飯夠香但唔會太油，而叉燒亦都燒得幾香，偏硬身但都幾好食！加埋溏心蛋既蛋黃撈埋一齊食超好食😋✨宜蘭紅燒牛肉湯麵餐廳主打手作麵，果然係唔錯！有咬口而且掛湯，好食😋😋另外湯底都好入味，飲到係真係牛骨真材實料煲出黎，而牛肉都好淋好入味，我好快食哂成碗😂🤪甜品每人有個牛奶布甸，非常濃味同滑！雖然食完碗麵同前菜後我已經好飽，但依個甜品真心有驚喜，不比出面甜品店既差🥰我直頭秒速食哂haha🤤🤤非常滿足既一餐💓👍🏻

今天來了觀塘探姊妹班，當然要一起吃個午餐。好友在創紀之城上班，於是就帶了我到四湯八麵吃麵啦😋這裡的午市套餐有很多選擇，有飯、湯麵、拌麵揀，麵之中亦可揀上海幼麵、台灣扁麵，及全蛋麵。跟餐亦有飲品，及可以用優惠價追加小食、甜品。我們叫了藥膳燉排骨上海幼麵，加$15 配桂圓紅棗薏米水，及加$30 追加季節奶凍杯。另外也叫了無骨泰式滷豬手拌台灣扁麵，跟餐有養生湯，亦加了$15 配有營檸檬薏米水。～ 藥膳燉排骨上海幼麵：湯底真材實料，有當歸、杞子、蟲草花，補身益氣。燉排骨大大件，入味肉稔，上海幼麵彈牙。～ 無骨泰式滷豬手拌台灣扁麵：跟餐有養生湯，味道濃烈。滷豬手很有驚喜，不單止夠大隻，而且肉質軟滑，台灣扁麵很有咬口。～ 桂圓紅棗薏米水：養生保健，很適合女性飲用。～ 有營檸檬薏米水：味道酸咪咪，有益健康。～ 季節奶凍杯：奶凍滑溜溜，奶味很濃。整體來說，食物水準高，款式多選擇，招呼親切，座位寛敞，下次再來。

四湯八麵餐廳是一家以各地風味的湯和麵為主打的餐廳，其中最受歡迎的是福建蝦麵，雞油香飯配白切雞福建蝦麵是一種以蝦湯為底的麵條，湯頭清甜而鮮美，蝦肉彈牙而多汁，配上細嫩的豬肉片和香脆的油條，每一口都是一種享受。麵條則是手工製作的，彈性十足，不會過於柔軟或過於硬。這道菜的特色是在湯裡加入了一些辣椒油和醋，增加了一些辣味和酸味，讓整個口感更加豐富和開胃。雞油香飯配白切雞是一道經典的菜，雞肉經過水煮後切成薄片，肉質細嫩而不乾柴，皮膚滑溜而不油膩。雞肉上淋上了自製的醬汁，有點甜、有點咸、有點辣，讓雞肉更加入味。雞油香飯則是用雞油和雞湯來煮的白飯，飯粒飽滿而香氣四溢，每一粒都帶有雞肉的鮮味。這道菜還配有三種不同的蘸料：姜蔥油、辣椒醬和甜醬，可以根據個人喜好來調節口味。飲品自家伯爵茶是一種以伯爵茶為基礎的熱飲，伯爵茶是一種添加了佛手柑精油的紅茶，有一種清新而芬芳的氣息。這裡的伯爵茶還加入了新鮮的檸檬汁和蜂蜜，讓茶味更加甘甜和提神。這款飲品既能暖胃又能消除疲勞，四湯八麵餐廳讓人品嘗到了不同地方的風味和文化。如果您想要嘗試一些新奇而美味的菜色，不妨來這裡試試看吧！