SOYmart by 豆乳狂人

Open Now

Now Closed

豆乳狂人黃大仙分店生意勁火爆，因為真係好好味😋今日就試佢哋新出嘅：🥭🍉芒果西瓜豆花 $55有芒果西瓜加埋佢哋嘅自家豆乳奶蓋、同豆腐花，超級無敵好味，滑嘟嘟嘅豆腐花+清爽嘅水果，打破我對豆腐花嘅固有印象😜個多芒仙草（$ 45）都好正，大量嘅芒果蓉同芒果粒，芒果味濃郁，仙草質地Q彈，仙草味道香。比較經典嘅黑白芝麻豆腐花，只需要$28，好抵食呀！佢個黑芝麻唔係平時芝麻糊嗰啲質地，唔知係咪溝咗啲濃豆漿，不過都好濃郁芝麻味。下邊嘅豆腐花同樣好滑飲品就叫咗焙茶小丸子，非常濃郁茶味😝包裝仲好打卡見到勁多人大贊佢嘅粢飯，就嘗試咗炸豬扒粢飯，裏便當然有經典嘅肉鬆同埋油炸鬼，仲有雞蛋同埋吉列豬扒，口感味道豐富、食完好滿足！

難得返屋企食飯😚打完邊爐當然要食埋個甜品啦😎我自己超鐘意食豆乳狂人😙所以就去咗買嚟同屋企人分享啦😚✨超煙韌豆花有豆花、珍珠、芋圓、小丸子、奶蓋🩷哩個真係一試愛上，由其係個奶蓋好滑好香甜，鍾意食甜嘅你一定唔可以錯過😎✨夏日之選用咗夏日Don做嘅水果西瓜做主題，加入三色芋圓同埋豆花，令人食落有一種清爽嘅感覺✨豆豆仙草有豆花、仙草紅豆、三色芋圓、特製椰奶、黑糖，配料非常豐富，食落好有口感✨黑糖豆花黑糖嘅獨特味道令豆花食落更有層次✨鮮芋泥豆花芋落非常軟綿，加上豆花嘅香滑，難人一試難忘

突然之間好想食糖水，喺黃大仙經過呢間豆乳狂人，喺門面見到佢嘅甜品相當吸引🤩叫得豆乳狂人，佢嘅豆類製品梗係款式好多，見佢門面排咗一支支唔同嘅豆漿，除此以外原來呢度仲有粢飯，同埋一啲小食😊最正嘅就係佢有一個打卡corner，真係佈置得好靚🥰多芒小丸子：呢個攞起手，真係相當吸睛，芒果同小丸子佈滿咗成個碗，基本上每一啖都食到芒果同小丸子粒，真係足料又抵食❤️滋潤之選：呢個材料相當豐富，有芋泥、桃膠、西米、三色芋圓，食落去真係大滿足，唔同食材嘅口感喺個口入面，佢嘅配搭仲要係好正，直到我舔舔脷😋粢飯：狂人粢飯，吉烈豬扒粢蛋飯，最估唔到呢度都有粢飯賣，兩個粢飯真係落足功夫，基本上食一個都可以當一餐，而佢味道仲要相當唔錯🥳海苔肉鬆脆皮木棉豆腐：最後忍唔住食埋呢一個消息，佢個豆腐真係相當滑，仲要佢係即叫即整，熱辣辣，真係相當好食😆

去探朋友，經過黃大仙原來豆乳狂人在這裡也開了分店買了幾款上朋友家一齊開心sharing➿黑糖桃膠豆花（$32)凍凍地吃這個很不錯，桃膠份量好多；豆花好嫩滑，好香豆香！加入黑糖增加香甜感➿桃膠豆乳（$32)豆乳超濃的，每口喝下去都有桃膠！建議飲用前先搖勻➿多芒楊枝甘露（$48)除了豆乳，最愛就是他們的楊枝甘露芒果比例好多，加入西柚、西米，口感層次豐富➿多芒仙草（$45)多芒絕不欺人，好喜歡店家加入芒果汁做底，是滿滿的芒果香甜配上嫩滑彈牙仙草，超愛這組合➿黑芝麻奶蓋（$42)芝麻同豆乳味道原來如此協調！喜歡芝麻的，試過一定會大愛。芝麻很濃，繼而慢慢散出的豆乳香，還添加了珍珠豐富口感

牛油果鰻魚玉子粢飯～非常足料又大份，內裡的餡料比飯還要多，每口吃下也是滿滿的滿足感～多芒楊枝甘露～柚子肉超多，柚肉香甜又果味濃，相比自己平日買的柚子更好吃，芒果肉更多至半杯果肉，厚肉香甜，太好吃了～夏日之選～頂層有西瓜，芒果及芋圓，芋圓煙煙韌韌，水果量豐富，底層的豆腐花更是非常嫩滑～奶蓋西瓜波波豆乳～珍珠Q彈，腍軟有彈性，加上西瓜及豆腐花同喝，味道有驚喜，又香又甜～芒西豆花～芒果及西瓜非常多，大大杯，水果非常甜，加上西米露的口感，絕～

拜完黃大仙後去行街，見到呢間好多人排隊，就一於試下，原來除咗豆花好食之後，小食粢飯都非常不錯👍🏻海荅肉鬆脆皮木棉豆腐面層鋪滿海荅肉鬆，木棉豆腐炸至金黃色，外酥脆內裡綿滑，搭配上海苔肉鬆嘅咸香，真系好好味😋狂人粢飯呢個系經典配搭，油炸鬼非常香脆，榨菜肉鬆比例剛剛好，配上煙韌嘅米飯，就算外賣返到屋企先食都依然美味可口吉烈豬扒粢蛋飯第一次食吉列豬扒粢飯，豬扒比想像中好食，炸到酥脆香口，而且仲🈶肉汁，配埋日式玉子➕青瓜絲🥒，感覺好fresh ，口感非常豐富芒西豆花賣相好靚，夠曬色彩鮮艷，清爽嘅西瓜🍉加上香甜嘅芒果🥭，入面仲有奶蓋同豆花，飲落更有層次感超煙韌豆花🈶珍珠➕芋圓➕小丸子➕奶蓋，滑溜嘅豆腐花配上奶蓋真系超正，加埋其他配料，超煙韌美味

好開心係屋企附近都開了豆乳狂人，不過這間分店無得坐底食，只有少許企位。好鐘意他們的豆乳款式多，大大支，豆味特濃，又不會太甜，最鐘意黑白芝麻豆乳及仙草豆乳，前者充滿芝麻香，有點似芝麻糊般，後者多了仙草的咬口。他們主打大大碗足料糖水，巨型筒裝，款式特多，如豆腐花、仙草、紫薯、芋泥、芒果等選擇。超煙韌豆花，珍珠，芋圓及小丸子都是超煙韌，有咬口的配料，配上豆花及奶蓋，又香又滑。多芒楊枝甘露，超級足料, 有酸甜柚肉、足料西米同多肉芒果，酸酸甜甜。除左糖水，仲有小食提供，有粢飯及多款炸物。狂人粢飯，即制熱辣辣，糯米煙靭有口感，薄薄一層糯米，包著肉鬆，榨菜，油炸鬼，油炸鬼脆卜卜，好飽肚。

由沙田總店食起，估唔到而家近近地就有。✨和風白玉 $45✨豆豆仙草 $45 ✨滋潤之選 $45✨蕨餅丸子 $45呢幾款望落去有啲似，不過各有特式。煙韌控啱食和風白玉、蕨餅丸子。有一半食材都係煙煙韌韌。滋潤之選有特別幼滑嘅芋泥，仲有極大量桃膠。真係未食過咁多桃膠嘅甜品🤪。豆豆仙草係仙草配豆花，口味比較傳統，勝在豆花夠滑夠豆香。✨吉列豬扒粢蛋飯 $45吉列豬扒新鮮炸起幾香脆。雞蛋軟綿到都好似日式玉子燒咁。加埋榨菜、肉鬆，有返啲傳統粢飯嘅感覺。

豆乳狂人豆乳狂人原來開咗過去黃大仙，一出地鐵站就見到啦！今次試咗佢哋嘅咸食Gold純度鹹蛋黃Mini豆卜，呢一個都好推介大家試吓，豆卜份量勁多，兩個人分享絕對冇問題，又有鹹蛋黃嘅起沙感覺，豆卜脆卜卜，勁正海苔肉鬆脆皮木棉豆腐呢個肉鬆脆皮豆腐都超級好食，豆腐仲有汁，肉鬆好似成個山咁高！呢一個同豆卜一樣都好推介大家食。牛油果饅魚玉子粢飯佢哋嘅粢飯估唔到咁大舊，入面嘅用了勁多，牛油果同埋鰻魚一啲都唔吝嗇，絕對係每一啖都食到餡料多芒楊枝甘露咁經典嘅香港糖水，呢一度都做得好好，有柚子肉，又唔會太甜，芒果夠晒新鮮黃金脆脆豆乳茶豆乳茶口感好豐富，又有丸子，又有珍珠，佢哋嘅奶蓋超級好飲，再配埋豆乳，飽肚又滿足

放工啦！去咗買甜品回家，黃大仙開咗間豆乳狂人店，買咗4盒甜品 + 粢飯嘩，超級多嘅鮮甜芒果 + 超多汁嘅西瓜，呢款 [ 芒西豆花 $55 ] 賣相吸引，底下裝滿滿滑溜溜嘅豆腐花，入口絲滑，口感豐富有塊Oreo係芝士奶蓋上面嘅 [ 超煙韌Oreo 奶蓋 $48 ] 芝士奶蓋夠濃滑，食之前先要落咗啲Oreo 粉落去先食，奶蓋下面係三色芋圓，最底層分開咗兩邊，一邊係小丸子，另一邊係珍珠，真係塞到滿滿，口感超煙韌桃膠滋陰養顏，女士們愛食嘅 [ 黑糖桃膠豆花 $32 ] 呢碗黑糖桃膠份量滿滿，桃膠份量多，入口滿滿軟滑桃膠，配埋香滑豆花真係好好味，黑糖味有少少甜，甜度適中滿滿三色芋圓浸哂係特調椰奶中間嘅 [ 豆豆仙草 $45 ] 入口又唔會好甜黑糖，中間放滿大大粒嘅紅豆，底下有滑捋捋嘅仙草 + 滑溜溜嘅豆花，食落口感豐富有層次最後就係 [ 牛油果吉列蝦青瓜絲粢飯 $52 ] 粢飯包得勁厚實，入面嘅餡料塞到爆滿，新鮮嘅牛油果同玉子，仲有2隻香脆吉列蝦，卜卜脆油條，爽口青瓜絲，滿滿肉鬆，配沙律醬好夾，口感豐富，食落有層次感，真係好正

老公前幾日去黃大仙工作，話地鐵附近有間食豆腐都好出名，原來係豆乳狂人，見到有不少人都排隊買，同埋打卡位置影相區都好闊落，唔會阻住通道。紫米豆乳紫米健脾胃，煙韌香糯,豆乳香濃，樽身方便攜帶，拌勻後更顯風味。多芒楊枝甘露芒果香甜，大大粒，柚子肉清甜而不澀，西米煙煙韌韌，芒果控至愛。超煙韌豆花豆腐花係香滑，煙韌既係配料。配料爆滿，有珍珠，煙韌既三色芋圓，軟糯的小丸子。上層仲有咸香既奶蓋，很滿足。桃膠芋泥小丸子滿滿都係香滑既芋泥，仲有滋潤又大粒，充滿膠原既桃膠，加上軟糯的小丸子，增加口感。滋潤之選有香滑的芋泥，煙韌的三色芋圓，晶瑩的西米，滿滿膠原的桃膠，仲有黑糖，椰奶調味，滋潤十足，仲好飽肚。

相對其他分店失望而回因為地點方便，所以試試去 ，竟然品質有區分別每次也是仙草豆腐花及芋泥豆腐花 仙草豆腐花看上已經很多水份 ，入口質地非常水 ，正一般街市就花差不多 ，完全缺了豆質濃烈味道芋泥豆花也是一樣 芋泥 也是 相比下稀 一次已經足夠 還是回返元店

🛍️之前買過一次返屋企，屋企人都好鍾意飲佢地既豆乳，知道豆乳狂人最近係黃大仙開左新分店，咁岩去開附近，緊係要順便買啲返去，除左招牌既豆乳，仲有好多款既糖水同小食😋✨食材大多來自日本宮城縣，其蛋白質、口感、豆味都比其他國家既貨源高質，係製作方面，🇯🇵採用日本熟漿技術，除左保留黃豆本來既豐富蛋白質，同時令豆香味道更加濃郁😍🔸鮮芋泥豆乳鍾意食芋泥既我點會少左佢🤭芋泥既份量好足，差唔多佔左一半，飲之前搖勻佢，每一啖都飲到芋泥既味道，豆乳味好濃郁，飲到芋頭粒粒肉，豆味同芋頭味好平均，而且好有飽腹感🔸夏日之選👀見到幅圖好吸引，配料好豐富，最底層係豆腐花，面頭係有西瓜🍉芒果同芋圓，西瓜同芒果都好甜，芋圓煙煙韌韌，豆腐花超滑嘟嘟😙加埋一齊食，口感好豐富🔸多芒小丸子本身揀左一個多芒小丸子，一個楊枝甘露，點知變左兩個一樣🫣成個糖水好足料，底層係新鮮芒果汁，面頭有椰奶🥥西米、小丸子同芒果🥭小丸子口軟糯，芒果份量都好多，而且好甜，每一啖都食到濃濃既芒果味🤤

黃大仙食乜好？食粢飯！豆乳狂人黎左黃大仙啦你又點可以唔去？🥑牛油果鰻魚玉子粢飯鰻魚既香味加上牛油果既smooth口感玉子既香甜慢慢出黎加上香酥脆豬肉鬆🦐牛油果吉列蝦青瓜絲粢飯比牛油果鰻魚玉子粢飯口感更好而且更清新🍪Oreo 奶蓋珍珠布丁朱古力控必食除左oreo同奶蓋仲有濃厚質感既朱古力豆乳凍另上既oreo 脆脆食前一刻先灑上面係超讚既貼心位🥭多芒楊枝甘露楊枝甘露食得多但新鮮芒果肉鋪滿既真係好少餐廳會提供整杯甜品都好足料柚子肉同芒果夠甜🍨和風白玉芋圓最啱喜歡煙韌口感既人上面係白玉同芋圓加上粒粒紅豆下層係原味豆乳凍甜度低，食完唔驚月巴巴🥰

將粢飯同豆漿做到極致的狂人成日都聽呢間野 但自己住得比個偏僻，今日終於經過，幾大都買返嚟試吓！睇到門口已經感受到非常受歡迎，超長人龍！🌯狂人粢飯個人認為呢度嘅超凡係超水準之作，狂人粢飯係經典款，飯身煙韌，外賣返到屋企先食，油炸鬼仍然保持香脆酥香，榨菜肉鬆比例配合得好好，好味！🌯炸豬扒玉子粢飯男朋友叫咗創新食飯，配合咗吉列豬扒日式玉子及青瓜嘅粢飯，有新鮮感之餘係出奇地好食！豬扒有肉汁，炸得酥脆，肉質配上青瓜覆蓋咗草青味，但又有浸Fresh嘅感覺，出色！🍗鹹蛋黃蛋骨雞翼我由黃大仙買完就搭地鐵返屋企，途中都一直聞到自己外賣傳嚟嘅鹹蛋黃香，雖然只係鹹蛋黃份量一啲都唔馬虎，非常足料！🥭芒果小丸子🍧牛乳桃膠🥛杯芽豆乳甜品呢個價錢但係咁大碗，有咁大支，非常抵食！特別推薦嘅芒果小丸子，西米又多，小丸子又多，連芒果肉都好多，性價比極高！