醉辣鮮 (天空之城)

Open Now

Now Closed

🦀🦀《醉辣鮮》有日呀大人無啦啦問小編，有d咩係春夏秋冬都好好食嘅呢？係海鮮呀！哈哈哈哈！🙄🙄🙄🙄呢個暗示會唔會太明顯呀？🙄🙄 小編風聞呢間醉辣鮮係由新田購物城搬過嚟元朗嘅天空之城的⛅️，喺購物城🛍果邊早已享負勝銘，好多fans的👍🏼！店舖空間頗大，在店外已看見幾排大大個嘅海鮮水缸💦，入面放滿活生生嘅龍蝦🦞、鮑魚、蟶子王、蝦🦐、蟹🦀等！店面一角設蔬菜🥬、醬料自取區😙！凡海鮮套餐都包時蔬任食😋！醬料區除咗一般生蒜🧄、芫荽、醬油等之外，還有店員也自誇要試👍🏼嘅自家製麻辣醬油🤩！♨️♨️♨️♨️♨️♨️♨️♨️♨️♨️♨️♨️🏮人氣龍蝦🦞海鮮餐 HKD$268@=======================小編為食二人行😙，又想食龍蝦🦞又想食蟹，咁揀呢個兩者皆有嘅餐就最啱喇🌟！Order完店員就帶小編二人走出去海鮮養殖區，比咗個筒同鉗，教我哋自己點去揀靚海鮮喇🥳！係有點興奮嘅😆！佢哋都唔係想像中咁易夾😅！龍蝦又重又活潑😅、鮑魚就自己死啜住個玻璃缸底😂、隻蟹仲惡到鉗返住小編個鉗轉頭😆、d蝦🦐走佬快過何詩蓓🤣🤣！經過一輪打仗之後，就將戰利品交比店員處理😋！回到坐位，店員已為小編開蒸爐及放入第一款食材：杞子紅棗松草花蒸雞🐣。

這幾天秋風起 想食熱辣辣的鍋 但又不想打邊爐或者韓燒🧐這裏是個很值得的新嘗試 同朋友一起點了個$198套餐 食物種類好豐富老火湯係椰子海底椰蜜棗煲雞老火湯 🥣好清甜蟲草花蒸雞🐥好滑最正係可以自己慢慢揀 鮑魚同本地生蠔 🦪 隻隻好生猛 🧡日本元貝、蟶子、海蝦 、花甲、蜆 全部都好新鮮又大大隻 再點辣椒豉油 鮮味更出任食時蔬🌽🥗：翠玉瓜、粟米、番薯、小棠菜、生菜、金菇、冬菇、秀珍菇海皇粥底 係南瓜雞粥 所有海鮮蒸熟後 當中嘅精華都會融入喺雞粥中但實在太飽了 最後打包回家再吃～仲有桃膠紅棗糖水 天氣乾燥飲就好滋潤侍應都好悉心講解怎樣使用蒸氣鍋及花多少時間蒸食物 最後個粥煮極都未成形 原因係我同朋友食得太少野😂要多少少時間才蒸好另外 好彩book左位 星期六日去都有不少客人🤭平日已經在市區工作假日去郊外地方就更放鬆特別最近流行到錦田紅磚屋同cafe逛逛之後 去食海鮮餐慢慢坐低食嘢、聽下歌就好完滿 我同朋友都好滿意行程🧡📍醉辣鮮 (天空之城) (元朗)元朗錦田高埔村110號天空之城地舖

朋友介紹任食蟹，一於拉隊去試吓。一行6人。食咗任食蟹套餐。蟹任食之外，花甲、沙白、蜆都係任叫任食。一開爐係粥底蒸鍋，先來個蟲草花蒸雞。朋友仔先去捉蟹。捉完番來啱啱好啲雞蒸熟🤣因為得二個半鐘頭，爭取時間食、食、食。揀完蟹交俾師傅洗淨、切割。便跟埋套餐海鮮上檯。蒸完蟹又要趕住其他海鮮。洗得好乾淨。仲有好多膏半個鐘前last call,送埋桃膠糖水。食足兩個半鐘。最後個粥底食唔落。唯有打包返屋企唞一唞再食。蟹味超濃。真係好飽

睇完fb廣告，為食團呢站滿心期待試食海鮮放題，泊車ok既，唔駛錢一去到感覺環境很不錯，我在努力尋找因為疫情失去了的泰國感覺食野前去個wc先啦…哇，我1730第一round 喎，個廁所環境會頓時喪失胃口好了，坐到自己個位，有店員來用左10分鐘講解餐牌...準備...開始：有蟹食，冇龍蝦食，有龍蝦食，冇乜乜义义任食，要有什麼的任食，要就只係半隻龍蝦，如果想要食全隻龍蝦，就要食果個貴d呢個餐，但呢個餐，冇蟹任食，又但如果要食澳龍，就位位加168，因為唔加就只係食波士頓龍蝦，拿……如果呢個餐，蠔就一人一隻，鮑魚就果個餐先有一人一隻...蝦就俾一次，但如果呢個任食，就唔好食龍蝦囉.....下刪1000字，經過店員滴曬汗一輪詳盡講解，我地四個精明的OL當然完全唔知個餐牌想點啦，在迷失同迷惘之間徘徊左一陣,咁又唔得咁又唔好，想呢樣冇果樣...為左輕鬆唔好煩，就求其揀中間價位的任食蟹餐，之後店完來一句，飲品唔包，你地千祈唔好自己出去攞，我即時有地球好危險的感覺，速逃！唔係要保持大方得體的形象，真想拍枱走人，呢個價位駛唔駛咁計較呀？ps.職員滴汗原因除左個絕世餐牌外，還有呢間野真的模仿泰國的……天氣，一

今日同男朋友揸車黎左錦田天空之城呢間醉辣鮮食蒸氣火鍋。餐廳位置容易搵，而且有免費停車位，對揸車既朋友仔黎講十分方便。環境方面相當唔錯，座位好闊落，坐得非常舒適。除左套餐指定既海鮮，另外仲有自助蔬菜區，可以任拎蔬菜同調味料。最抵食係$198既海鮮套餐，套餐包左元貝、生蠔、鮑魚、蟶子、海中蝦、同蜆類。生蠔同鮑魚都係自己去捉，好玩又有得食，無論係情侶，一家大細定同朋友黎都岩晒。咁我地就加錢升級左做$268套餐，呢個套餐除左包晒$198套餐既食物，仲多左龍蝦同肉蟹。龍蝦、肉蟹、生蠔同鮑魚都係自己捉既，祝號之後拎去比員工加工，員工處理好之後就會連埋其他海鮮一齊拎去我地枱，我地只要坐定定就有得食啦！除左海鮮，個套餐仲包左紅棗杞子蟲草花蒸雞，雞肉嫩滑，雞味香濃。蒸熟左既雞油就會跌左落下面粥底，下面既粥係豬骨粥，連埋雞油食落香噴噴。粥底食唔晒仲可以打包返屋企，咁就唔怕浪費食物啦。食完之後仲有甜品，今日既甜品係椰汁紫米西米露，正呀！

呢家蒸鍋係元朗高埔村, 係元朗打的過去 大約30零的車費, 唔算貴亦唔算遠.晚市分兩個時段, 我們揀了頭輪 (5點半到8點),  5點4已經去到, 亦已經有人入座了去到先揀套餐, 我們揀了328/位的, 包一只波龍, 半隻蟹, 蠔, 元貝, 鮑魚, 貝類等海鮮.最好玩就係自己揀海鮮, 小朋友大朋友會玩得好開心, 波龍同蟹都好生猛, 夾起時仲不停掙扎, 所以現場好多"嘩嘩" 聲.鮑魚和生蠔都係自己夾的, 夾好就拎俾檔口處理再送上來檔口隔離就係蔬菜的自助區, 老實講, 唔係好多選擇, 十款左右的菜及菇, 甚至幾款菇疑似無洗過的.雖然蔬菜任食, 但我們只夾了兩輪就收手了玩完夾海鮮, 店員先送來溫泉蛋, 湯及安排粥底同蒸雞.溫泉蛋普通, 湯好多味精,  蟲草花蒸雞味道都唔錯.然後海鮮拼盤到了,  除了自夾的海鮮, 仲有每人兩只海蝦, 一只蟶子,一只元貝, 一籃仔的貝殼.個鍋唔算大,  龍蝦只能蒸到三件半邊的,  每款海鮮都有建議的蒸煮時間但唔知係咪個鍋落唔夠水, 反正按建議時間蒸出來的海鮮都係剛熟 (甚至未熟)例如龍蝦, 蝦身熟了 個鉗仲有少少生的感覺.蒸貝類最明顯, 建議2-3分鐘, 但蒸了

朋友話去呢到試新嘢，坐咗個幾鐘車終於到去到見到海鮮缸，心諗自己捉都幾有趣。由於好full,被安排坐房，入到去好似去咗K房。我地一行六人，坐低竟然得一個爐，朋友們互望⋯但一場嚟到又無理由走⋯2個人又係一個爐，4人又係一個爐⋯6人又係一個爐，呢個安排我地唔係好明🤭由於實在好肚餓，嗱嗱聲去拎海鮮⋯是日叫咗個任食蜆/蟹餐⋯啲蟹又幾活潑嘅，捉佢會逃走返位就見到蒸雞⋯嘩，好多杞子，好甜😂仲有一份溫泉蛋同椰子雞湯。由於6人得一個爐⋯最快手嘅情況吓我共食咗三隻蟹到。 呢間餐廳啲海鮮都尚算新鮮，但無肉落肚好似差啲咁 同埋六人一個爐真係好啲唔開心。 我諗2至4人去會抵啲😂 住新界西嘅2-4人可以一戰，但好似我住咁遠我就未必會再去啦題外話，我食果晚有live band, 阿妹妹唱得妹難聽⋯😅

今日同一大班朋友夜晚食飯，我book位嘅時候知道有分兩段時段，一段時段係5:30至到8:00，另一段時段係8:30至到12點，我覺得時段嘅安排都不錯👍🏻另外因為我哋係揸車入去食飯，都覺得搵位泊車冇難道！但最緊要book位嘅時候一定要揀冷氣房因為咁熱嘅天氣好難會出去露天食蒸氣邊爐🫕餐牌有唔同嘅價錢嘅選擇，都好分明好清楚，服務嘅姐姐都好熱心去介紹，當然有不足之處，就係安排人入座嘅時候唔多唔少都有少少出錯，問題都不大。當我哋出去揀海鮮嘅時候，有職員叫阿Ken，好細心解釋點樣去選擇海鮮點樣揀最新鮮嘅海鮮同埋會落手落腳幫我哋選擇幫我哋去捉💯同埋食物嘅質素都不錯👍🏻雖然揀咗冷氣房，但係因為太多人用蒸氣鍋打邊爐啦，局限左係一個空間裏面，所以令到房裏便都比較熱，建議可以加設風扇令到空氣比較通爽加涼快同埋服務人員不錯啦，服務員姐姐都會每次都會幫我哋介紹點用幾多分鐘去蒸，幫我哋執枱啦👍🏻晚飯到尾聲都會問我哋食唔食糖水啦，服務態度算係好有水準食物質素都不過不失！PS:最後都要多謝姐姐請咗我哋食小籠包啦，同埋阿Ken 真誠嘅服務態度，值得為呢一餐飯加分💯

之前係舊舖（落馬洲新田購物城）食過呢度既蒸肉蟹放題念念不忘想食返原來搬咗新地方好彩上open rice 睇吓如果唔係就摸門釘啦呢度比以前既地點更加方面咗，同地方都比以前大咗今次試吓佢哋呢度嘅王牌推介龍蝦海鮮餐$268啲海鮮全部喺魚缸嗰度自己想揀邊隻就邊隻啲職員幫我哋清潔完就會送上嚟我哋張枱嗰度啲龍蝦超級多高又彈牙好好味呀啲大蜆沙白同花甲仲有海蝦都好新鮮好鮮甜蟶子好大隻同超鮮甜大家記得去自助區嗰度攞埋粉絲同蒜蓉呢個配搭係超完美嘅蒸扇貝同埋生蠔扇貝好大隻好新鮮又鮮甜，生蠔都係好新鮮好有蠔味蒸鮑魚鮑魚超級新鮮爽口又彈牙蒸蔬菜（任食）成個餐唯一任食嘅就係蔬菜蒸完海鮮，係時候將佢哋嘅精華聚埋一齊就係呢一個海鮮粥啦充滿海鮮既鮮味到最後就係是日糖水，今日係桃膠糖水（超養顏）

山長水遠入左元朗食粥底火鍋，因為話有新鮮海鮮而且係open rice買coupon 有65折就$238/位，但會收返正價嘅加一，每人$300左右一開頭有會有隻溫泉蛋送比你，之後就有醉雞件比你蒸，不過d雞冇咩肉，仲有老火湯，今日應該係椰子煲雞，因為好香椰子味之後出去夾海鮮，出面有一個個魚缸比你夾龍蝦，蟹，蝦，鮑魚，蠔，負責人好好教我地點揀大隻啲嘅生蠔，點揀新鮮嘅鮑魚。不過d蟹就好細隻冇乜肉，其他海鮮就普普通通🥲到最後食話粥底係一d鮮味都冇好失望，最後有糖水送。

餐廳位於元朗錦田，揸車入去有停車場泊車好方便，分兩個場坐位，一個位處較上位置，要行幾級樓梯，冷氣很勁，完全可以涼住冷氣食蒸海鮮。待應招呼很殷勤，知你未來食過會講解得很詳盡，無論幫你倒枱上垃圾筒d殼或是協助你，都很主動。我哋食左$268@人氣龍蝦海鮮餐！食物很豐富，佢某些海鮮如龍蝦、蟹、蝦、鮑魚等會比客人自己出去養缸，自己揀選想食邊隻，店員仲會教你點樣揀海鮮。佢嘅是日老火湯係椰子煲雞湯，椰子味很濃郁，好清甜。前菜有溫泉蛋，鍋上第一味餸是紅棗蟲草花蒸雞，鷄肉很鮮甜。龍蝦和肉蟹每人各半隻，龍蝦肉很爽，蟹肉很鮮味！還有蟶子、日本元貝、鮑魚、帶子、生蠔各一；此外，每人還有海蝦兩隻，一大堆蜆、沙白和花甲，時蔬仲仼食。個餐很豐富，就算是男人都必飽。在蒸煮過程中，一路蒸不同海鮮等，d雞汁同海鮮汁會會一路跌落最下層既海皇粥底度，最後食粥時d粥夠鮮甜又好味。餐廳最後有桃膠紅棗糖水送，好潤好正！！

中午天氣仍然炎熱,但晚上已經感受到秋意了😊有點涼的晚上 最適合是BBQ，打邊爐或蒸氣火鍋。今次與表妹來到錦田吃活捉海鮮蒸氣火鍋-吃蒸海鮮前,侍應帶我們往餐廳門外的魚缸自行挑選生猛的海鮮。拍照後,挑選海鮮的活動,我們交給侍應幫我們代勞。🤪🤪-HK$198海鮮餐~套餐包含以下食物是日精選老火湯~椰子雞湯,材料豐富,湯頭清甜又滋潤,非常適合女性飲用；喝湯後我們便吃前菜日本溫泉蛋~精瑩剔透半凝固的蛋白包著半熟蛋黃,真性感哦！吃下去沒有半點腥味,伴上醬汁及我喜愛的蔥花,👍；我們首先吃杞子蟲草花蒸雞,大約蒸8分便可以吃了,打開蓋的時候聞到一絲絲的杞子香味,肉質軟滑又入味,每人三件好像不夠吃哦🤣_套餐包括8款海鮮~厚肉的日本元貝、爽口又彈牙鮑魚、肥美的本地生蠔、爽滑蟶子、肉質爽甜海中蝦、沙白、海甲及蜆。還有老闆送了肉蟹給我們,看,嘩好多蟹糕🥰🥰🥰全部海鮮鮮味十足,只要配上我們倆表姊妹也喜歡吃的蒜蓉、蔥花及芫茜已經好好味了。粥底是最滋味,因為吸收了海鮮及蔬菜的精華,非常鮮甜🤩-蔬菜是任食,有冬菇、金菇、粟米、娃娃菜、生菜、粉絲也是任食😚。所以我哋兩表姊妹蒸生蠔元貝及蟶子也放了許多粉絲及蒜蓉油,吃的時間

同朋友元朗黎醉辣鮮食海鮮蒸氣粥底火鍋今次去叫左個198個套餐 呢個套餐都都抵食除左有海鮮仲有雞 餐前仲有碗椰子雞湯加溫泉蛋而海鮮仲可以自己出去揀 都幾新鮮之後蔬菜類 醬料 都係自助吧不過我覺得呢到最正既個蒸氣爐係自動timer較左時間就自動熄返 超級方便另外環境好大好舒服 仲有live band睇都真係幾正食物味道亦一流 而且都好大份兩個人食 都食到飽飽個粥底 除左份量超級多之外 d粥都好入味 而且好有味 唔洗加仼何調味已經十分出色 個份量係充夠二至三人而且到最後仲有兩碗糖水跟埋好岩女士飲 不過糖水就好似日日都唔同 另外值得一提 員工都十分友善 好細心講解菜單上同點樣食法❤️

疫情之後已經好少出街食啦，今次可以同朋友一齊去食海鮮餐，大飽口福！今次近近地去到屋企附近食呢間醉辣鮮！環境擺設有心思，而且地方都好闊落我哋今次揀咗$198嘅套餐，首先一開始店員就會比一個粥底鍋，仲幫我哋蒸埋蟲草雞，啲雞肉用咗少少料酒去醃製，好嫩滑，再加埋蟲草花，更加滋補跟住店員就請我地自己出去捉海鮮，好驚訝，因為第一次食海鮮係可以自己去揀可以自己夾鮑魚同埋生蠔！呢度除咗固定嘅海鮮之外，其他嘅蔬菜都係自助任食嘅，啱晒我呢啲鍾意食菜嘅人佢呢度嘅特別之處係，會有椰子雞湯，同埋溫泉蛋俾你做前菜，雞湯冇落任何味精，好重老火湯味開始蒸海鮮啦，鮑魚係我哋揀好咗之後，已經即刻幫我哋清洗好咗，食落好爽滑新鮮跟住就到蠔啦，隻蠔大大粒，再點少少醬汁，更加鮮味我哋食完之後仲想加多隻龍蝦，就加咗一隻波士頓龍蝦，呢度係連蟹鉗都俾埋你，龍蝦好新鮮，仲有好多膏，啖啖肉最後嘅粥底火鍋，好鮮甜，仲好足料，有豬骨、南瓜、芋頭、蘿蔔，食落好滿足最後加分位係有埋糖水食呀，仲要好啱女仔食嘅桃膠糖水，滋潤又養顏，畫上完美句號！

今晚朋友用電單車載我遊車河，順便在附近吃海鮮餐，非常開心。位置: 地點較偏遠，可駕私家車或從元朗西鐵站坐的士前往，如果坐的士，大約10分鐘可到達。環境: 有室內，有室外，設有自助式蔬菜區和自助式海鮮區。星期六，日還有Live band 演唱！服務: 服務非常好，很細心(經常留意客人蒸氣火鍋的情況)，很勤奮(經常幫忙倒垃圾殻)。晚市: 晚市有不同海鮮餐提供，價錢不貴，200元也能吃到8款海鮮: 元貝、鮑魚、 生蠔、 蟶子、 蝦、 沙白、 花甲、 蜆！當然也有其他價錢的海鮮餐。而鮑魚，生蠔，蟹，龍蝦都可以是自己抓的，非常生猛和新鮮，很適合一家大小來抓，非常好玩！由於海鮮是活捉，所以用蒸的方法才能吃出鮮味，當中是鮑魚最貴，爽滑彈牙；蜆類沒有沙，夠鮮甜，蠔亦夠肥美。另外套餐還包有老火湯、桃膠糖水作甜品，女士們最適合了！至於蔬菜是任食的，非常物超所值！連最後吃不完的粥底也能打包回家😆總括來說: 平，靚，正！