星巴克咖啡 (Closed)

這個時間，當然是走遍不同的商場去拍聖誕裝飾吧^^今天的目標是銅鑼灣，當走到累的時間就想找個地方飲一杯野休息一下。雖然在銅鑼灣的每一個角落都有咖啡店，但每一間都人頭湧湧。就對比來說，位於恒隆中心的這家是比較少人的了 (因為本身這商場沒有什麼好行的)接近聖誕了嘛，Starbucks已經推出了聖誕系列，連杯也已經轉了新裝！先來試試 薑汁鮮奶咖啡(Grande) $44如果您喜歡吃薑餅，那麼這款會合您的口味 ^^ 每一啖也像在吃薑餅的味道呢~就只是飲到最尾的那幾啖會覺得太甜了。另外一杯是普通的Mocha(Venti) $42因為新的3款也不合心水~ 那麼點這咖啡店普通的飲品就不會出錯吧 =)

香橙罌粟籽蛋糕 Orange Poppy Seed Loaf Cake ($21)蛋糕濕潤唔乾，其實蛋糕唔覺有橙味，不過裡面有大量橙皮粒，有韌性咬口有微酸橙味，幾正；頂層有一片白朱古力的，不過白朱古力味唔太出，相信罌粟籽係冇味的吧？但咬落有微粒脆感都幾得意，呢件蛋糕幾好食。雙重碎朱古力蛋糕 Double Chocolate Chip Loaf Cake ($21)朱古力蛋糕味已一算濃郁，再加上蛋糕內外都有碎朱古力，蛋糕濕潤又唔甜，ＯＫ喎！芝士通心粉焗鍋 GPMacaroni and Cheese ($55)貴！不過係正嘅！面層有６塊燶脆腸好味，裡面充滿芝士白汁，短身通粉吸收熱辣辣白汁一齊食更正，通粉咬度啱啱好。抹茶栗子蛋糕 Green Tea Chestnut Loaf Cake ($21)蛋糕質感濕潤，非常有抹茶味更帶點抹茶苦添，又估唔到抹茶加栗子配搭都幾好，又飽肚。 

見到FACEBOOK, STARBUCKS出了兩款茶類推廣飲品幾吸引,即時去試下,加上1月3日至9日期間用STARBUCKS卡可以免費UPGRADE.GREEN TEA LATTE同HOJICHA TEA LATTE,GREEN TEA LATTE是原有MENU上有的,不是新品,我叫了另一杯,我叫了杯HOJICHA TEA LATTE,ORDER時要求了脫脂奶同小甜,但CASHIER話係沒有甜的,我一飲都約好飲,係有甜味,但OK淡甜,好香,清清地,我會再飲,幾好飲,另叫了一個牛角包,都好食,向來STARBUCKS的食物品質同味道都很好

食完華姐清湯腩後，沿住維園行返去銅鑼灣會合朋友相約到呢間starbucks 飲野 ,因為要留肚夜 d 一齊食大閘蟹我地都唔想飲 d 奶類咖啡類o既野，以免太漏太飽不過選擇唔多，於是揀左兩杯最有吸引力o既果茶星冰樂1.芒果熱情果Starbucks o既 frappuccino 一向都打得好夠碎無冰顆粒雖然果汁口味唔及咖啡或綠茶星冰樂有奶成份o既咁香滑但同樣入口幼順，味道比我想像中新鮮，芒果熱情果各有千秋兩者佔據味蕾o既比例不相伯仲，香甜好味，帶微微熱情果o既酸不過佢叫做果茶系列，認真咁飲清楚都仍然係唔覺有茶味2. 野莓黑加侖~紫紅色o既沙冰，酸甜醒胃，黑加侖子味唔重，唔會好似飲緊利賓納咁，野莓偏酸，但味道唔濃相比芒果熱情果o個杯 , 呢杯清 d 無咁甜，因此較為解渴## 銅鑼灣o既 starbucks 可能仲多過 MCDONALD,呢間分店環境幾大幾寛敞，我見西餅甜點櫃仲好整全添

撞正starbucks搞買一送一既時段,當然唔可以錯過啦不過今次靜係可以揀指定飲品,仲要得兩個選擇....朋友之前飲過青檸果杯,話唔好飲,所以今次要咗兩杯野莓芙蓉口味既收銀唔係問我要咩size,而係拎個中size既杯問我呢個size夠唔夠不過其實太大杯一個人都飲唔晒,就要咗佢個中size, $29 兩杯,係starbucks黎講真係好抵架啦等既期間,waitress整好兩個綠茶星冰樂,用好快既英文講出佢個名,第一,唔會聽得切第二,有冇人真係會理杯野個英文係乜(除咗老外)我明白佢係標榜自己係外國cafe,但諗深一層,唔通係香港既法國餐廳,就要用法文?廢話講完,兩杯冰凍既飲品到手了拎起手既第一感覺:好重手睇佢杯野都係就咁果汁,又唔會星冰樂混埋沙冰,好奇怪點解會咁重仔細一看,原來成杯都係冰黎d冰真係幾乎到杯底!連飲管都差d插唔落真係唔知幾嬲定好笑飲落夠冰凍(....)入面有幾粒(應該係)紅莓核?本人覺得係裝飾用途,務求令杯野睇落冇咁"掛"味道方面,酸甜適中,但飲唔出紅莓既新鮮,只覺得似係出面超市買既紙包飲品....外表的確有消暑既感覺,而果汁都好配合今次主題,唯質素有下降趨勢飲完之後,冰仲有

冰沙呀！一向是我的最多，因為喜歡碎冰的口感甜甜的朱古力又是人見人愛的食物這個組合對我來說簡直就是完美～嚴嚴夏日飲就更佳啦啊，它的正式名字好像是朱古力星冰樂

常常說Starbucks的咖啡很貴, 至少三十五蚊一杯, 美國起家的Starbucks明明到處都是, 但點解世界各地都唔平呢?雖然我口講話貴, 但買完一杯又一杯, 甚至還買了星巴克卡, 一去無回頭XD上星期在銅鑼灣, 很想很想喝一杯咖啡! 知道嗎? 我愛咖啡的程度是喝一口就覺得很滿足很relax的那種人呢! 當然, 三合一和一般咖啡很難令我動容啦……. 人係要有要求的, 對吧? 買了杯Caramel Latte, 暖暖的咖啡味道特別濃郁! 喝一口, 幸福的感覺湧出來了! Starbucks雖然多分店, 但咖啡質素一向保持得不錯, 服務員也有禮貌, 感覺良好! 甚至之前某月的星期五, 星冰樂有買一送一優惠的確吸引, 令我也受不住千方百計的去光顧. (當時的我臨畢業要考試呢)

現在變得很怕熱鬧。只要人一多。體力就會消耗得很快，在放工時段走到CWB街頭，還不到45min，已經想坐下歇息，晚餐卻在30min後才開始。上來恆隆逛逛之際，發覺這間空間感頗大的Starbucks有不少位，買了件朱古力林明頓，找個位置來小休。朱古力林明頓是這裡的心水，只是$7，抵吃不過。雖然McCafe等也有此蛋糕供應，但唯獨這裡吃到的永遠不會乾鞋硬實，其他味道都不及原味好，坐了十數分鐘，整理一下行裝，又再起程了。

因爲要等和民的位子，所以到了樓下的星巴克喝特大的牛奶咖啡。出貨速度挺快的。不過味道應該淡了，感覺水還是冰多加……34元這價格就差不多了。沙發位置通常都被人佔滿，不介意的話可以先坐木椅子~

Caffe Mocha (Venti) $37遊魂的人總需要一個地方來停頓, 充電。 Starbucks 絕對是一個歇腳好地方, 呷一啖Iced Mocha, 伸一伸懶腰, 望一望窗外的遊民, 我頓時體會到人衝忙不好。 Iced Mocha 入口首先來啖苦澀味, 乜唔係應該有朱古力嘅甜味咩? 就算怎樣去攪拌, 那些甜味依然失蹤。 就好像人們衝衝忙忙的為口奔馳, 衝衝忙忙的為目標而進發, 衝衝忙忙的困在死胡同, 到頭來EQ低的.....由高處墮下這些新聞讀過很多次, 也為他們及其家人泣過很多次, 究竟是社会迫到要走這一步, 還是自己迫自己走到這一步? 血的用途有很多, 請不要白流吧！邊想邊飲到差不多最後, 朱古力的甜味竟然一擁而出, 我一早已攪拌過, 為到甜味現在才出現? 難道它想告訴我「山重水複疑無路，柳暗花明又一村。」

又到聖誕,又到聖誕,又到聖誕...dadadada...又到聖誕了,星巴克出左聖誕系列的飲品加食品. 我點可以錯過呢~買左木頭白朱古力蛋糕, 聖誕樹曲奇 同埋 聖誕雪花曲奇...因為三款的外觀都非常得..木頭白朱古力蛋糕...好不幸地, 比上年食過個款差好多好多.加上白朱古味道怪怪的..or 可能唔係白朱古力.得閒去睇返先, 所以我唔係咁鐘意食.買聖誕樹曲奇 同埋 聖誕雪花曲奇原因係因為覺得好靚, 擺左一日先捨得食. 估唔到d曲奇仲好鬆脆. 面層的朱古力又出奇地ok喎. 原來有外表都可以有'內涵'既.

電腦的電源用光了, 是時候找個有電插座的地方替電腦和我自己叉叉電。同一條街上的兩家星記, 只有這兒有位。這晚齋飲, 平時我飲開 Skim Latte 的嘛, 不信邪點了 Short Skim Cappuccino ($23), 便出事了...雖然我張相影得朦, 但看官應可看見, Cappuccino 上的奶泡是何等的粗糙...(上面的一舊舊朱古力粉是我加下去的, 但店裡的朱古力粉倒出來一塊塊的也真該抵打!)咖啡底還勉強可以啦。不知我要了脫脂奶對於出來的奶泡影響有多大, 但這一杯可算是我喝了 10 年星記手調咖啡之中, 水準數一數二的差了。如果不是此分店比起名店坊那邊光猛, 也比較好坐的話, 喊臉一定走唔甩!

兩口子一段日子沒出城，結果五一假期一逛銅鑼灣，即血流不止...!! 　當是止血也好，休息又好，二人重訪了這間綠色咖啡店tea一tea。反正老公對新出綠茶甜品/飲品頗感興趣，我也一併來試試黑芝麻甜品好了：　黑芝麻綠茶星冰樂($39)-原來中杯的Frappuccino已經要$39，情傾朱古力迷的我當然會覺得GODIVA的chocolixer抵飲許多，不過沒法啦，有人就是喜歡綠。混合了黑芝麻後，原本已不太濃的綠茶口味再度衝淡，而且甜度亦增加了，我認同大多食家的意見，覺得是不如舊作的。怪事是老公又幾欣賞，說喜歡飲到底有陣芝麻香，味道沒那麼寡。說穿了，老公原是綠魔怪而非綠茶怪，對綠茶的濃度要求比我更低!!　黑芝麻朱古力蛋糕($28)-相比綠色或綠茶，我總更愛濃郁香甜的啡黑系甜品，當然有興趣了解一下兩款我喜愛的食材---芝麻撞朱古力--的效果會如何。切開蛋糕，可見層次分明又豐富，不過每層不是鬆軟海綿蛋糕或鬆餅層，就是軟身慕絲或吉士醬，整體口感就是軟，吃來並無對比感；而且蛋糕的芝麻味或朱古力均不突出，與濃黑外表並不相稱。期望已經不高，但亦有點失望，在此不會推介給大家。　綠茶豆腐芝士餅($28)-老公

逛街逛得累了，在這裏歇一歇。二人共點了凍莫加咖啡和綠茶芝士蛋糕，咖啡十分香濃，綠茶芝士十分清新，甜而不漏。不用消費很多的下午茶欲十分滿意。休息過後再繼續逛。這裡的服務也不錯，店員都是笑臉迎人的。

早幾日係CWB食完飯想食DESSERT, 所以就去左STARBUCKS~~~我叫左MOCHA LATTE, MY FD 叫左green tea latte~~~仲叫多左個chocolate cake! 發覺個cake 原來幾好食, d mousse 好rich 下, d cake 又幾soft~~~