Starry Night

Open Now

Now Closed

大角咀以星空做主題嘅西餐小店，性價比好高，而且質素好好，值得去試下!👍🏻😚1️⃣超值一人套餐 $128 呢個超值一人套餐只需$128，包括是日餐湯同迷你小食拼盤（+$30）同一款主食，迷你小食拼盤方面，提供咗唔同種類嘅小食包括魷魚天婦羅、酥炸生蠔、豚肉雞皮餃子同脆脆雞塊，可以一次過食哂咁多款😋主食叫咗忌廉波菜汁雞肉扁意粉，個意粉好掛汁，個忌廉波菜汁好好食唔會太膩，諗起都想再食😚2️⃣ 黑松露忌廉野菌扁意粉 $128 意粉煮得啱啱好，口感彈牙，好掛汁!!黑松露味都幾重，配菜都好多🤪3️⃣ 日本廣島蠔意大利飯 $178 日本廣島蠔意大利飯好足料，有五粒廣島蠔同表面鋪上蟹籽，個廣島蠔食落好新鮮，口感creamy，意大利飯口感軟硬適中，好食！🦪

餐廳牆上掛滿了油畫，再加上柔和的燈光，營造浪漫又充滿藝術氣息的氛圍。忌廉波菜(HK$58)香滑的忌廉配上菠菜，好味又健康。慢煮霹靂香辣春雞配脆脆薯條(HK$178)雞肉口感嫩滑，醬汁味道酸酸辣辣， 非常惹味。伴碟的還有香脆薯條和沙律，份量十足。超值一人套餐(HK$128)CP值高，必食之選。是日餐湯：南瓜湯 南瓜味道香濃，口感順滑，非常好喝。主菜：忌廉明太子蝦意粉 意粉掛滿了明太子和忌廉汁，好入味，口感好creamy。甜品：福崗芝士蛋糕 味道香甜，口感綿滑。 薰衣草檸檬特飲(HK$38)味道酸酸甜甜，清新爽口。熱鮮奶朱古力(HK$35)味道香濃。

身為女兒的我，已很久沒有和爸爸去吃西餐了，我認為不能再吃普通的茶餐廳了，於是我帶他到大角咀去吃好有口碑又好有藝術格調的西餐廳STARRY NIGHT加上這裡有我最喜歡的藝術家梵高裝飾，令身為設計師的我感覺非常賞心悅目😍。午餐好划算，份量足，更有不少外國人光顧。烤鈕西蘭肉眼扒 9z $158(套餐包湯、飲品)6成的牛扒外層非常酥香，肉質細膩柔軟又多汁，可算是一塊高質的牛扒！要知好唔好吃?當吃完後濃郁的牛味會在口腔裏徘徊，令人回味無窮。當日本身是蔬果湯，如加$20可以轉龍蝦湯，我認為絕對要加，那是濃郁柔味濃的龍蝦湯，好值得一試。必吃日本廣島蠔意大利飯 單叫$178我認為是物超所值，大概一隻匙羹這麼大，肥美的日本廣島蠔既爽滑又彈牙，配上重忌廉又有嚼勁的意大利飯，我覺得非常錦上添花，這是一餐令人難以忘懷的西餐。精緻啲甜品，用上了高玻璃杯，我總覺得朱古力熔岩配雪糕是最好吃的。

Dinner Set for 2 $468是日餐湯 -南瓜粟米湯湯好濃，飲到南瓜嘅甜牛肉薯餅牛肉薯餅唔會好硬，而且一咬落去係外脆內軟，裡面既薯蓉同牛肉粒混合得不錯。溫泉蛋卡邦尼扁意粉意粉既硬度岩岩好，汁夠creamy 掛到麵。香煎紐西蘭肉眼扒 10 oz肉眼扒叫左7成熟，出黎唔止大塊，肉既熟度岩岩好，帶粉紅色，肉質軟身唔鞋口。凍柚子咖啡特飲柚子既甜味混合咖啡既酸味，好夾，唔會有一邊搶哂啲味，小清新既飲品。福岡縣芝士蛋糕擺盤好有心思，用水果整左朵花仔出黎，芝士蛋糕本身唔太甜，份量岩岩好。餐廳既氣氛好岩情侶同三五知己傾計食野，職員仲好友善。

喺大角咀想搵間有情調嘅餐廳撐枱腳 就嚟咗呢間以梵高著名畫作 Starry Night為名嘅西餐小店🌌 我同友人一人吖咗一份一人晚市套餐前菜是日餐湯係羅宋湯 入面好足料啊 入面有勁多牛肉粒粒 中間白色嘅係Sour cream 撈勻咗之後酸酸哋幾開胃🥘 是日沙律 除咗有蔬菜之外 仲有青瓜 紫洋蔥同埋藍莓 都幾fresh🥗輕煎挪威三文魚三文魚柳煎得好香🐟 魚皮部份好脆口 底下嘅魚肉油脂感滿滿 側邊有幾粒脆薯 用黑椒調味 仲有一啲長豆🫛 比較特別嘅係有一啲甜嘅薏米 同埋中華沙律喺側邊 感覺有少少日式fusion菜香煎紐西蘭肉眼扒呢塊肉眼扒粉嫩又有肉汁 側邊除咗有青豆同埋紅蘿蔔仔之外 仲有好多好脆嘅薯條🍟 幾特別嘅係牛扒嘅醬汁竟然係照燒汁 又係幾日式風味 另外餐廳仲提供咗黃芥辣 點牛扒食真係一流🐮 不過我覺得就咁點鹽同埋黑椒已經唔錯迷你小食拼盤一份有齊晒四款小食 魷魚天婦羅 酥炸生蠔 豚肉雞皮餃子同埋脆脆雞塊 我就最鍾意脆脆雞塊🐥 雞肉幾Juicy㗎 點埋千島醬就更正福岡芝士蛋糕一人有一件芝士蛋糕做結尾 芝士蛋糕嘅size啱啱好 唔會食完覺得好滯🍰 口感就係好綿密嘅芝士蛋糕 飲品一人晚餐仲可以用

朋友入嚟大角嘴同我食飯俾咗好幾間餐廳佢揀 最後揀咗呢間我哋都唔食牛 所以其實係咩原因吸引到佢我都唔清楚( ´▽｀)我地七點未到就到左 幾好嘅一坐低會問你飲熱水定凍水( ´▽｀)個舖位係四四方方但係有個角落用嚟做廚房所以啲枱嘅擺法係L字型 自己揀左坐喺 L嘅一個盡頭 變咗好多時都要等待員工行過先可以叫到人🙈直接叫左個$458嘅2人set本身個set冇跟野飲所以我地就開咗枝酒飲酒呢啲嘢我就真係唔識( ´▽｀)揀呢一枝係因為佢嘅產地係意大利佢易入口 smooth 嘅 唔甜 其實我都覺得好OK 㗎啦個餐可以加錢轉龍蝦湯咁就梗係加啦首先要讚一讚個樣係靚嘅 唔係平時就咁望到平面一個湯個味其實就好正常 唔係特別喉嚨蝦味都有啲甜 唔確定 但係似湯粉湯 Parma Ham 已經係包好咗蜜瓜不過佢唔係包住一大嚿嘅蜜瓜 而係包住六條蜜瓜切條 我覺得好食嘅 同易咬咗嘅可能因為蜜瓜表面面積大咗就更加顯得好多汁( ´▽｀)咬落我覺得好正不過朋友就話覺得麻麻地可能因為個ham嘅角色係有啲被掩蓋想食青口 但呢度冇( ´▽｀) 佢得大蜆所以嗌左大蜆少見地個蒜蓉包係全個都係咁嘅色少少白位都冇似油炸多過焗 好脆配個白汁食好

相信大家都知道大角咀有唔少好野食, 小編今次介紹呢間以梵高畫作🖼為主題嘅餐廳,裝修好有格調, 以灰黑色為主, 加上牆上同天花嘅板掛飾, 營造出浪漫氣氛, 💕另外店員服務勁好🤵🏻‍♂, 佢地會留意你食嘅進度而安排上菜, 好細心🌃 威靈頓 2人餐 Wellington Set For 2 $698⚜ 湯 Soup龍蝦湯 Lobster Soup好濃郁嘅蝦味🦐, 又唔會過咸, 啱啱好⚜ 前菜 Appetizer 輕煎鵝肝 Pan-Seared Fole Gras鵝肝夠大塊🪿, 煎到外脆內嫩, 做到入口即溶😳碳燒鮑魚 Grilled Conger Bolled Abalone鮑魚表面有少少燒汁甜甜地, 鮑魚夠爽口👍🏻⚜ 意粉/燴飯 Pasta/Risotto 香煎帆立貝蒜香扁意粉 Pan Fried Scallop Linguine帆立貝足足有4粒咁多, 仲要勁大粒😯, 煎得好香好鮮甜, 意粉吸晒炒香咗蒜片🧄+辣椒🌶+菇🍄既汁,好出既蒜香同少少辣, 食慾大增 😋⚜ 主食 Main Course傳統英式威靈頓牛柳 Traditional English Beef Wellington餐廳主打嘅招

大角咀博文街間有一間以梵高畫作The Starry Night🌌命名嘅西餐廳，已經感覺到老闆會係個浪漫嘅人💕，雖然門面不算起眼，但食物質素絕對令人眼前一亮✨環境：7.5/10用畫作配合特色裝修以帶出浪漫及藝術氣息🎞️，所以燈光相對昏暗，老闆貼心地會提供小枱燈方便大家睇menu🕯️食物：8/10Dinner set menu for 2 $468餐湯轉左做龍蝦湯🦞（+$20）蝦肉爽口彈牙，湯個texture好幼滑唔會有顆粒感，值得一讚🤩前菜轉做鵝肝多士(+$88）好大塊🤤輕煎帶出鵝肝原本嘅油香，配合脆餅增加口感同減輕油膩感😋Main 揀咗香煎紐西蘭肉眼扒，熟度五成🥩，牛扒入口juicy，配合特有燒汁相當惹味，想簡單啲可以配合岩鹽同黑椒，鍾意食牛嘅朋友我會相當推薦佢一試，🎉星期二係steak night buy 1 get 1 free ‼️Pasta 揀左忌廉明太子蝦意粉🦐，意粉爽口彈牙而且掛汁，忌廉明太子汁香而不膩，加🤪甜品係福岡縣芝士蛋糕，同想象一樣冇失望，食西餐一定一定要食甜品keke❤️！💰性價比：8/10 人均$300左右，食物水準高，比不少西餐或cafe優勝👍🏿小店值得🈶更多人支持✔️

- 大角咀｜Starry Night -Dinner Set Menu For 2SOUPS🥣▪️是日餐湯▪️龍蝦湯🦞是日餐湯係甘筍湯🥕，口感幼滑，好香甜。另一個升級咗做龍蝦湯，味道濃郁，好足料嘅感覺SECOND COURSES▪️經典巴馬火腿哈密瓜🍈巴馬火腿帶有鹹香，卷住爽脆清甜嘅哈密瓜，鹹鹹甜甜咁，口感豐富PASTA & RISOTTO▪️忌廉明太子蝦意粉🦐🍝忌廉汁好creamy，明太子味道都幾出。面頭有幾隻蝦，好爽口。意粉有咬口，但唔會太硬MAIN COURSES▪️香煎紐西蘭肉眼扒 10oz🥩叫咗5成熟，煎得啱啱好，中間保持粉嫩，食落軟腍，亦都有牛味。另外伴碟嘅薯條就炸得好香脆DESSERT▪️福岡縣芝士蛋糕🧀🍰擺盤好靚🤩 芝士蛋糕質感綿密，味道香濃，重點係細細件，唔驚太過飽滯DRINKS▪️Apple Lemonade🍎🍋🍹Lemonade加入蘋果，多咗一份甜味，唔會酸Starry Night📍大角咀博文街8號地舖

今晚同老公到朋友極推介的Starry Night食晚餐餐廳環境舒適 配以柔和燈光及輕鬆音樂，令人放鬆心情。食物水準高，職員有善，我倆整體好滿意Dinner Set for 2 $448是日餐湯x2周打魚湯 濃郁周打魚湯非常足料⭐️Second Coures🥢牛肉薯餅 熱辣辣薯餅，香脆可口，內層薯蓉好綿密Main Courses黑松露靈芝菇意大利飯本身好鍾意黑松露，呢款黑松露靈芝菇意大利飯，個人好鐘意，香濃黑松露配上煙靭意大利飯 慢煮霹靂香辣春雞慢煮春雞肉質幼滑多汁 配上香辣調味，微辣惹味。仲有炸薯條作配菜 好滿足Dessert 福岡縣芝士蛋糕甜品芝士蛋糕，賣相好靚，香濃芝士，食落一啲都唔膩，作飯後甜品一流

週末想清靜一點 入咗大角咀吃好東西🍴行下行下 見到呢間Starring Night 中文譯作星月夜 的餐廳 感覺幾有氛圍就入去了🥰menu有很多菜式 最後點了2人餐 省卻思考💭 餐廳環境如同其名🌠深灰水彩筆牆身 牆身掛上各款燈飾💡+油畫🖼️作點綴 吃到捧著肚子走 每人~$330 - Dinner Set Menu For 2 - / Soup /✿ Soup of the Day是日餐湯：餐湯係忌廉粟米湯🌽濃郁的粟米味徐徐散發 / Second Course /✿ Pan-Seared Fole Gras輕煎鵝肝：我哋加咗$88點咗呢道 蘋果蓉🍎同鵝肝一齊食 正好中和咗後者的膩 / Pasta & Rissoto /✿ Korean-style Kimchi Seafood Linguine 韓式泡菜海鮮扁意粉：比起出面食到的泡菜意粉 這道加咗韓式辣醬 食起嚟微甜 更有韓國風味 海鮮配料好豐富 - 蝦仁 青口 帶子 / Main Course /✿ Grilled New Zealand Ribeye香煎紐西蘭肉眼扒 10oz $468：Medium的肉眼扒煎出嚟帶油脂香 肉味

大角咀呢間西餐小店好有情調，用左梵高「星夜」做主題，好有藝術feel😂餐廳環境舒適，menu 選擇多，價錢合理，好適合情侶/朋友聚會👍🏻值得一讚係服務超好，員工好好笑容，會主動添水，又會問客人意見🤓好推薦大家去試吓呢😎1. Dinner Set Menu for 2 ($468)因為懶得諗，見呢個二人set 超豐富🤩有齊湯、前菜、意粉/飯、主菜同甜品😎性價比高，就即刻決定試呢個二人套餐😝首先，南瓜湯香甜濃郁又夠滑，好開胃😋前菜揀左牛油芝士雞翼，雖然係單骨雞翼，但keep到肉質juicy嫩滑，每口都食到淡淡嘅芝士味🤤意粉揀咗香蒜辣蟹肉扁意粉，蟹肉份量好多😬味道唔係太辣，幾惹味👍🏻作為🐮魔王，主菜當然叫肉眼扒😂點左Medium，煎到剛剛好，切落雖然有啲紅，但整塊食落都好嫩滑，點埋個燒汁超正😋最後甜品係福岡芝士蛋糕，size細細件非常好，唔會飽到食唔哂🥰芝士味好濃，又唔會好漏，以呢個甜品作結尾大滿足😛

🌠卡肥近排太忙，今日終於放假得閒，抽到時間同熊妹一齊食嘢。熊妹梗係識做，帶佢食返佢鍾意食嘅西餐喇。📌聽朋友講大角咀有間平價西餐廳《Starry Night》，啲扒好正，一於帶卡肥嚟試吓。《Starry Night》位於大角咀的小巷，門面嘅裝修好有格調，喺小巷入面鶴立雞群🦆，行過路過都會想望佢一眼👀。📌店舖唔算好大，有三四張二人枱同埋三四張四人枱，不過走廊位仲有好多空間，其實仲可以擺到幾張枱，可能想咁樣空間感大啲，大家坐得舒服啲✨。店長話有時有人包咗場，就會將幾張四人枱合併變成一張長枱來做聚餐，有得包場開party好開心喎🎯！📌餐廳以灰黑色系為主，天花板掛咗好多燈泡💡，形成星夜的感覺🌌，就像夜空中的星星🌟，好切合店舖名主題，《Starry Night》。📌牆上仲掛咗幾塊梵高《Starry Night》的臨摹同幾幅藝術畫作🖼，入到去餐廳就好似去咗間藝術館🏛，一路進餐一路欣賞藝術畫作🎨，感覺好寫意，係另類嘅餐飲感受。📌仲有個草織成的星球💫高高懸掛喺餐廳中間的天花板上面，照亮成間餐廳，感覺好有情調氣氛。📌下午兩點黎到，仲係食午餐menu📋，套餐包是日餐湯或者是日沙律🥗，一款主食🍖，同一杯飲品☕️

📍 Starry Night 一直都好鐘意去大角嘴搵食，超多街坊小店！同🐷妹食咗呢間質素好好嘅西餐，waiter 都好nice ! 好推薦！💡就喺匯豐中心對面，平日dinner都好爆場，建議要book定位！—————————————————————❣️Dinner Set Menu for two $468通常🐷見到Set Menu啱食就會直接嗌，佢有幾款main揀，唔同main course就會唔同價錢！🥣是日餐湯-雜菜湯其實就係羅宋湯，超濃，好足料！.🍗 牛油芝士雞翼（轉左焗）因為🐷妹病左，本身嗌Parma ham但冇曬其他小食選項全部都係炸，膽粗粗問下有冇得唔炸，點知真係可以！雞翼係單骨，超愛！好方便，可以好有儀態地食🤣焗到微脆，好好味！.🍝香煎帆立貝蒜香扁意粉帆立貝有3大粒，仲要原隻，煎得啱啱好，好鮮甜！意粉好掛汁，佢嗰sauce係小小蒜香，有微微辣嘅，好夾！.🥩香煎紐西蘭肉眼扒 10oz煎得好靚，肉質好淋，油脂好香，5成熟啱啱好，入面仲好粉嫩，筋都咬得開，真係好高質！最特別係佢側邊嘅薯條真係好好食，脆得嚟又有少少用，咸咸地😍.🍰 福岡縣芝士蛋糕一人一件蛋糕，細細舊，唔怕太飽食

小編係元宵佳節，揀咗間靚餐廳一齊慶祝❤️雖然係間小店，但係呢間餐廳嘅裝潢都好特別，係依梵高畫作做主題，所以都有浪漫氣氛㗎❤️❤️🍟煙肉芝士薯條薯條份量好多，配上拉絲芝士同埋香脆煙肉，每啖薯條都充滿着煙肉嘅鹹香，再用芝士🧀包住薯條，真係食唔停口！一人餐🫕是日餐湯南瓜湯南瓜湯每啖都係南瓜蓉嘅香甜味道，有淡淡的忌廉味。簡簡單單又夠開胃。🧆小食拼盤小食拼盤有雞皮餃子、炸雞塊、炸魷魚🦑同炸蠔🦪，分量就一至兩件。每樣炸物嘅粉漿都有調味，香脆美味！🐥慢煮霹靂香辣春雞呢個香辣春雞好有驚喜！醬汁酸酸辣辣咁，有啲似泰式嘅醬汁，最初食唔係覺得好辣㗎咋，但越食越辣😂😂可能用咗慢煮嘅方法，成隻雞都好嫩滑，出色！🥩慢煮煙燻醬燒豬仔骨配薯條小編可以總結講呢度嘅慢煮菜式真係好出色！因為除咗啱啱講嘅慢煮霹靂香辣雞好食，連呢一個慢煮豬仔骨都好好食🤤表面有微微焦嘅狀態，加埋濃郁嘅醬汁，最緊要係肉質夠哂嫩腍！鍾意食Ribs嘅話，真係唔好錯過😎