Steak Bar (Closed)

今次嚟呢度唔係食吉列牛扒 而係食板腱牛扒定食😎定食包左沙律🥗同飯素飯✨牛板腱可以揀熟度 唔洗再另外自己燒 食落牛味好濃郁 又嫩滑🤤再加少少鹽 吊一吊個味 超惹味呀😍加埋飯素珍珠米飯 一流🍚

💁🏻‍♀️聽個名以為係西餐，入到黎發現係日式石燒肉店😂環境空間寬敞，坐得舒服。好多時燒肉店一入去都有陣燒肉油煙味，呢間就冇☺️感覺幾好► 吉列炸牛扒🥩定食 $188 ☻ 4/5 定食配有前菜，沙律同飯（飯含有飯素），唔想食飯可以加$8轉薯條，前菜係酸蘿蔔，酸酸地好開胃，炸牛扒黎到係半熟狀態，自己再放上石燒到煎，鐘意幾熟自己話事☺️啲滋滋聲真係聽到我流哂口水🤤，牛扒🥩食落juicy有油香，吉列皮咬落外脆內軟。日式飯素量多，味道層次更豐富。〠 總結 ▁ ▂ ▃ 食物都算高質，價錢黎講銅鑼灣算中等，另外如果有埋湯就完美喇😆

今次同阿妹食罕有的石燒牛！套餐包一份沙律、一份牛及一碗飯（可選擇要唔要跟飯素！）🐮吉列炸牛扒吉列邊炸得鬆脆爐上有塊牛油，熱5分鐘就可以燒啦牛扒每邊燒咗20秒，肉質似7成熟不柴不嫩，咬落外脆卜卜，裏面好軟腍🐮 頂級板腱牛扒（每日限量供應）問了店只呢個跟另一款選擇肉眼扒的分別板腱是牛的肩胛部位，帶筋又會食到牛的嫩滑由於肩胛部較瘦所以少少難切餐廳貼心地可幫手切埋上枱每塊切得厚度剛好，咬落較有咀嚼感，帶少少彈性但又不至咬唔到，牛味香濃

不知不覺係銅鑼灣番工已經5個月，都仲係未熟悉附近有咩食，今日又係自己一個放lunch，行到登龍街，原來好多野食！一見到steak bar嘅牛標誌就入左去！每個set lunch都包沙律、前菜同飯(有飯素，好開胃)，好夠飽！今日要獎勵自己食好d！👉🏻澳洲黑毛安格斯西冷 $258大大塊，揀左7成熟，脂肪同肉嘅比例好好，唔會太油膩，肉質亦好幼嫩，肉味岀！👉🏻原味薯條 $38超級大份，即叫即炸，條條都金黃香脆，食唔停！👉🏻熱情果茶 $38酸酸甜甜，夠哂清新！原本想加$68食鴨肝，不過店員話咁啱得番一份，廚師覺得唔係好靚所以叫我揀其他野食，呢點睇岀餐廳真係唔係為左賺錢求其比野人食，真係想人食得開心，好讚！隔離枱好多人叫吉列和牛扒，食得好滋味，下次要試！見到有個二人餐79折只係$499，抵！

今日~去銅鑼灣買完BABY MIRROR之後~近近地黎左登龍街食石燒牛~吉列炸牛扒定食($188)吉列牛外表金黃~內裡粉嫩咁~一上枱已經十分吸睛啦~上爐輕輕烤多三十秒左右就食得啦~唔會過熟~咬落仲好JUICY多汁咁~吉列皮亦都唔會一夾就散~可以一啖過~享受吉列酥脆同牛扒鮮嫩既口感~正呀~頂級板腱牛扒定食($215)跟店員推薦~要左五成熟~黎到真係岩岩好~裡面仲係好粉嫩咁~唔錯~哩個我就冇放上爐度再加熱啦~店員一早已經提示過牛板腱偏瘦所以肉質會比較結實~不過唔會韌既~牛味食落都幾重~整體味道同口感都唔錯~點少少鹽一齊食我覺得更加perfect~定食會跟埋前菜~沙津同埋有飯素既飯1碗~飯素令到碗飯更加美味~食完真係覺得好滿足呀~

吉列炸牛扒🥩表面用漿粉炸過，中間仲係生生地嘅牛肉，最好係用個石燒爐自己加熱d牛肉，生熟程度可以自己選擇，熱辣辣食真係又脆又嫩，配埋撈左芝麻紫菜嘅飯，好完美一個定食😍石燒薄切牛肉🥩牛肉切到薄薄一片，只要放上石燒爐煎一煎就好快食得☺️薄嘅關係夾埋飯一齊食，一啖一口，好似食緊牛肉壽司咁👍🏻👍🏻👍🏻點小小鹽🧂已經好掂。每個定食都配左沙律菜同小食架🤗飲品🥤都點左d有汽嘅飲品，好爽呀⋯⋯

同老公慶祝特別日子，係openrice見到呢間石燒牛，未試過，又見有7百幾個好味讚，就專程黎試下。環境就舖頭好細，好迫，洗手間迫到就黎屎塔貼住個洗手盆，唔緊要嘅，因為之前登龍街都有啲好細好迫但好好食嘅餐廳。但好可惜，食物真係太差無法接受，吉列和牛扒食左1舊發現完全無牛味，un，再食第2舊試真啲，真係唔知自己咬緊乜肉，再望舊肉完全無油花，叫老公試，大家感覺一樣無味；忍唔住問waiter係米比錯野我，無味唔似和牛，答唔到我，叫個waitress黎，我再問waitress係米比錯野我，佢話無我話完全無牛味，又un，唔似和牛佢話呢隻係澳洲和牛，可能同我食過嘅和牛唔同，我話我食過澳洲和牛 唔係咁個喎，佢問：你想取消？但你食左1半咯喎 我要問下經理（碟野10舊都無，食左3舊）跟住我老公話唔洗退（我地黎慶祝節日都想開開心心）我話咁唔退 不過你地自己試下啦佢答我地試過，又問係米想退，老公再答唔洗。其實我目的唔係要退錢入黎呃野食，幾百蚊姐，但係真係好難食囉，我去花園餐廳難食無味我無野好講，你話呢舊係和牛 餐廳名叫steakbar........不過waitress唔係無禮貌，係無質素姐....無認真望有

今日同食肉獸朋友來到Steak Bar 鋸扒食晚餐🥩性價比高和牛入口即溶唔怪得開店2年幾就有過7百幾篇好評👍店裡燈光柔和， 位置舒適店員哥仔問我地想自己燒 定廚房燒，嚟到緊係想自己玩下啦😁😁於是佢就推介左signature ✅#吉列炸牛扒（$188）炸牛扒大塊過手掌，厚身 石板保持一定熱度，用牛油抹底，無咁易痴仲香噴噴已半熟的炸牛扒🥩加金黃色的吉列脆口， 雙重口感，放在石板上微微加熱加熟就食得🫕熱度十足，和牛肉質軟熟 充滿油香 但一啲都唔覺油膩🤤 沾上蒜鹽 增添鹹香味令和牛味道更昇華😋✅#牛舌拼薄切牛（$188）大大塊 好新鮮 充滿光澤見到都興奮牛舌爽口，薄切牛嫩滑兩種口感互相交替說不出的滋味🤤一邊煎一邊談天聽著＜滋滋＞聲就好治癒😚套餐配前菜🌯沙律🥗及 飯🍚 （含飯素） 飯素鹹鹹的脆脆的， 白飯軟糯🍚開心滿足的一晚。

홍콩 코즈웨이 베이 돌판 스테이크 😋中文向下面👇🏻홍콩에서 돌판 스테이크 집 진짜 많거든😂오늘은 코즈웨이 베이 인기 맛집 갔다왔어!!!! 가성비가 좋았다❤️식당을 지하철 출구를 가까워서 넘 편리해요! 그런데 인기맛집이고 편리해서 사람이 엄청 많았다😱 식당을 예약제로 운영돼서 미리 예약하세요 ㅋ ㅋ ㅋ오늘 메뉴:규카츠 전식👍🏻맛이지만 국내의 규카츠 더 맛있을거 같아 ㅎ ㅎ 걍 일반 수준이다프라임 플랫아이언 스테이크🥩규카츠 보다 맛있다 ㅋ ㅋ 고기는 부드럽고 불판위에 다시 태워서 먹고 짱이다銅鑼灣石燒牛😍😍😍其實我都算食得多石燒牛（唔知醜），今次去銅鑼灣呢一間石燒牛，餐廳定位比其他高🤔 試咗之後都發現真係非常唔錯😍首先餐廳位置非常便利，喺銅鑼灣登龍街，夜晚都真係算比較多人，大家如果book咗位過嚟食會更好👍🏻👍🏻兩條友叫咗每人一個餐，性價比都算高，雖然定價比其他同類餐廳高，但係相對質素都唔錯👍🏻❤️而且折扣後價錢都算平！食石燒牛最怕油煙，呢一到油煙唔會好大，食完都唔會一生味🥰吉列牛，肉質有口感，亦都唔會靭，吉列牛亦都唔會皮肉分離! NIC

🥢吉列炸牛扒 $188賣相黎講唔錯份量都多 每塊厚薄適中😉但舊肉本身既肉味唔重要靠蘸番汁先得👀而外層炸皮個位都有少少偏油既感覺🤏🏻一旁加左飯素既飯海苔味都夠出👍🏻推薦指數3.4/5🥢澳洲黑毛安格斯西冷 $258肉既份量幾多而且都幾厚身👍🏻所以口感食落都幾滿足😋肉質大致上都係鬆軟既但會有兩至三舊食落較韌🧐可惜同上一樣肉味唔係咁濃🧐需要蘸埋汁去食先得👍🏻推薦指數3.3/5整體黎講覺得份量都夠大份但調味上如果濃啲會好好多👍🏻用餐環境都舒服既😇食到最後都見開始多人

銅鑼灣鬧市之中，人氣石燒專門店——Steak Bar，位於登龍街，餐廳除左地址方便易搵，食物水準更加令人眼前一亮，個人認為屬於回頭率相當高既一間扒房🥢 晚市二人套餐內包括主食兩份；點選招牌吉列炸牛扒，每邊燒30秒，肉質鮮嫩多汁、外脆內軟，而且唔會過於油膩，口味、味道都好出色，而另一款比目魚柳，亦無令人失望，表面煎到金黃香口，淡淡焦香中同時保留到魚身既滑嫩感，比預期更出眾！而點選既兩款小食類味道同樣好味合格；推介黑松露薯條，口味恰到好處而且唔會炸過頭，令人唔會有種感覺只有主食特別出色～ 二人餐額外送牛舌一客、配有兩款飲品，而且可選非汽水類，整體而言，抵食而又質素高😋

好味指數：🌕🌕🌕🌕🌖回頭指數：🌕🌕🌕🌕🌖牛扒就食得多😋😋吉列炸牛扒就小啲食，估唔到好好食😆😆我地想有多啲野食，所以叫左「二人套餐」！同埋依定特價$499就食到😋👉🏻主菜： 吉列炸牛扒 香煎比目魚柳👉🏻小食：日式章魚小丸子黑松露薯條兩杯飲品，再送石燒牛舌一客！講講個【吉列炸牛扒】牛扒原本只係炸到一成熟，餐廳建議我地再煎到五成左右就可以，好好食哦！外面有小小脆，整體好香牛味，勁軟熟😋😋😋😋再套飯素食！正！【香煎比目魚】外面煎得脆脆地，裏面仲係滑滑的魚肉😋點醬汁食好食！【石燒牛舌】這個也不錯，不會太韌，食牛扒食到膩膩地，轉個口咪食牛舌都唔錯～【小食】松露薯條係出色嘅！喜歡佢有松露香得黎唔會太over!😆日式章魚小丸子方面就普通，始終唔係章魚小丸子專門店～P.S. 環境不錯，有啲燒肉店好逼，但呢間算有空間感，又唔會太嘈，都岩幾個人聚會，傾下計、食下飯！😆

Steak Bar（Causeway Bay）小編平時都好少食吉列牛🐂 今次係銅鑼灣呢間日式扒房就可以一嘗石燒吉列炸牛扒、牛舌同埋薄切牛 大🈵️足呀！！😇😇⌖ Set B：吉列炸牛扒 🪨🔥🐂💰$188店員有提示石燒系列都需要等個爐5分鐘先開始燒㗎🔥 哩個set賣相都好唔錯 跟餐配埋沙律🥗、酸蘿蔔🥕、同埋一碗加左些小飯素嘅白飯🍚 配菜沙律連麻醬夠新鮮 酸蘿蔔就中規中矩🧐 而爐上有一細塊牛油🧈 令到燒出嚟嘅吉列牛更加香口🤤 根據自己嘅喜好燒夠時間就可以點燒肉汁或者鹽 連埋蒜片🧄一齊食 食落油脂豐富又無筋 尤其係牛扒炸過嘅部份 夠曬酥脆添！ 一大塊牛扒分咗九舊 份量都幾足😗 有返咁上下性價比😌😌⌖Set C：牛舌拼薄切牛 🪨🔥🐂💰$188呢款配菜方面大致一樣 牛舌同薄切牛都分別有三塊 燒完之後可以配燒肉汁或鹽或檸檬🍋 牛舌稍稍爽口😙 薄切牛有牛味 送飯一流😛😛 不過略嫌呢個set份量就少咗啲 大食嘅朋友可以嗌下小食 賣相都幾吸引🤔🤔⌖ 薑味汽水💰$25雖然單價來講樽裝汽水小貴🙊 不過食開石燒 都想飲罐夜爽一爽💦 呢款汽水果然夠薑夠解渴😆😆 ☻ 回頭指數：7.5/ 10 （店員好熱心好客 加分

好耐之前已經試過佢哋嘅吉列牛覺得唔錯，呢晚同屋企人行過再嚟試多次，啲水準果然都係咁好(˶‾᷄ ⁻̫ ‾᷅˵)🍽食物✨吉列炸牛扒 $188 8/10牛扒上到嚟只係得一兩成熟，要係個爐頭到加熱到自己中意嘅生熟度。外面嘅炸皮好薄，唔會好油膩，燒到佢外層開始變色就差唔多食得啦(⁎⁍̴̛ᴗ⁍̴̛⁎) 食落外脆內軟，同埋充滿油脂香氣，個人覺得蘸少少鹽就好好味～果然係呢度嘅名物！👍🏻牛舌拼薄切牛 $188 7.5/10呢款係全生嘅，都係燒到自己中意嘅生熟度就食得！薄切牛嘅牛味冇咁濃，不過肉質好軟淋，一啲都唔韌，至於牛舌就比較爽口，燒一陣已經食得，不過夾埋得6塊有啲唔夠喉🤣✨頂級板腱牛扒 $215 8/10店員話呢款係每日限定，落單嘅時候會問左要幾成熟先，店員推薦五成熟，不過我哋比較中意七成熟🫢 一嚟到就見到外面係煎到金黃色，而入面仲係好粉嫩，真係夠晒吸引🤤食落去牛味好香濃，係三款之中最重牛味嘅一款～ 即使油脂感唔係咁豐富都仲覺得好香，不過就咁食略嫌有啲韌，如果係個爐到加熱多一陣，肉質結實返啲，再蘸少少鹽食就perfect～每個set都會跟沙律同飯，個飯仲鋪滿左飯素，好好送飯，不過今次啲飯素就好似重手左🤣食落有啲啲

好味指數：😋😋😋😋😋推薦指數：⭐⭐⭐⭐⭐見到呢間吉列牛好多人介紹😍 係銅鑼灣行完街過咗嚟試😋我地叫咗兩款牛肉定食，Set餐包咗醃蘿蔔、沙律同飯素飯，飯素好好味🥰✅吉列炸牛扒定食$188吉列牛扒外層脆卜卜😋炸粉好薄唔會好膩🤤而且牛扒切嘅size厚薄適中，每邊燒30秒左右就已經熟灑，牛肉味香濃，好滿足💕唔怪得咁多人介紹‼️✅頂級板腱牛扒定食$215呢款係每日限定，而且需要選翻幾成熟🥩我地選咗5成熟，諗住唔夠熟可以再燒吓😆牛肉牛味偏重，勁多牛汁😋隔離有鹽同醬汁可以點，輕輕調味已經好好食👍🏻我地試下再燒熟啲，朋友覺得咁樣牛肉味香啲，不過自己都係鍾意五成熟😋牛肉軟身啲！我地黎個陣都幾多人，好彩一早訂咗位🙊佢地都有訂座link📍Steak Bar (銅鑼灣)地址：銅鑼灣登龍街36-48號登輝大廈地下B號舖