磊犇 (Closed)

西洋菜南街充滿小店, 今天就來光顧磊犇, 真心被其名字吸引。一進去已好多人, 我和朋友用機選了兩款牛扒就搵位坐。自助式點, 有部機跟身等待。襯等期間, 取圍裙著, 取定面鼓湯同白飯, 話咁快, 兩件牛就取得了!大大件呀! 牛肩也好, 磊犇扒又好, 都有份量, 同樣軟熟。一人一份一塊鐵版, 自行烹調至喜歡的熟度。如果想提升味道, 坐位前放著三款醬汁: 胡麻, 照燒及黑椒, 全部都夾架! 但本人最愛照燒, 濃得來有陣陣香。今次經驗係, 扒是十大塊, 最理想一來就切片, 慢慢燒慢慢食! 大家不妨一試!!!

石燒牛肉近期大行其道，熱石既燙熱不單止保持到牛肉既溫度，更加可以自己去控制牛肉既成熟度，配合個人唔同既口味。磊犇係一間好自助化既石燒牛肉店，由落單、取餐、配菜、調味等等，都係由顧客主導。1.西冷牛扒🥩200g~128$~西冷牛味較濃，而口感比較實；2.牛肩肉🥩400g~140$~牛肩肉既肉質相對地較彈牙。個人推薦牛肉醮粉紅岩鹽；同埋燒汁好好送飯，牛肉加調味，配埋白飯都好夠飽，滿足😋另外沙律🥗, 白飯🍚麵豉湯🍵同埋飲品🥤（嘢飲有菊花茶綠茶同埋洛神花茶可供選擇）都係免費任食，令到咁既價錢食到咁既份量，性價比高，係一個划算既選擇。

如何你覺得自己個胃係黑洞又係肉食系又鐘意自己郁手燒呢間嘢就啱哂你留意返呢間係專食牛嘅食店如果素食或唔食牛嘅人士就唔適合不過如果你銀包得一舊水都冇但又想食肉又要飽又要好食呢間好啱你飯，湯，沙律，飲品，泡菜。。。全部任食入去之前只要喺cashier點好自己想食嘅牛同份量然後俾埋錢店員就叫你自己搵位大約10分鐘就有熱石牛出爐等食嘅時候可以拎定飲品等等今次叫左牛肩肉同磊牛扒兩款都好食熱辣辣磊犇就似係肉眼扒較淋牛肩就較有𡁻口提提如果唔想食太生的話最好先快快切哂牛等熱石未冷卻前煎熟四邊

近排好興食哩啲熱石牛扒，開到成行城市😋朋友介紹話太子都開咗間新嘅💓🤩哩度有3款牛既部位，就係牛肩、牛扒、西冷，分別分200g, 300g, 400g😘😘哩度係自助型式，引入日式自助售票機🤩🤩自己想食邊嗰部分、重量☺️☺️豐儉由人，然後直接買單，比完錢之後店員會拎嗰提示器俾您😚店內有多款醬汁可以選擇，有胡麻汁、燒汁、岩鹽同埋胡椒，店內好細心咁提供即棄既圍裙，防止牛既油脂彈上件衫度，值得一讚😚😚😚❤️牛肩既肉質好鮮嫩呀😘😘牛味好香濃，我最鐘可以自己控制熟成度，因為我係鐘意食生啲既牛保留少許的血水😛😛燒到5至7成熟的牛肩就最出色，因為鎖住哂啲肉汁，juicy💓💓💓❤️❤️西冷牛扒非常厚身，勁有嚼勁，好有口感，肉質很結實，又帶點韌勁，我加左小小鹽同黑胡椒，牛既味道更加豐富😋😋哩度仲可以免費配上味增湯、白飯、沙律、及飲品

去過兩次，第一次叫咗300g嘅牛肩肉，第二次叫咗400g嘅西冷兩次都十分滿足，肉質夠嫩又多汁，點少少鹽已經好好食自己燒可以控制熟度，唔怕唔滿意，而且湯、飯、飲品、沙律任飲任食，餐廳設計、價錢貼地，員工服務態度好，食得完全冇壓力不過要小心攞牛扒嗰陣俾油彈親隻手

一個人旺角lunch唔想食麵，行黎行去想食牛扒，但係一個人就唔想去fine dining 既餐廳。入左哩間半自助既日本風餐廳，即刻叫左份石板牛肉眼扒。自助區有牛肉湯同白飯， 飲品有酸梅湯同菊花茶， 飲路唔會係勁甜嗰種， 清清地可以去油膩感。肉眼扒非常厚身， 切開沒有根腱，很容易就切得開。 牛肉質地有咬口， 呢個價錢都算牛味濃， 把刀雖然鋒利，但切多幾嚿都覺得有啲攰。 由於係石板嘅關係，我一次過切曬所有牛柳，整熟先至開始食。 可能牛嘅份量太多，石板去到後段唔係好夠熱。

今日嚟到磊犇為左試下佢地既石板牛,坐低左之後原來係電子化既,用佢地比既IPAD嚟落單點餐,科技真係好先進 又方便.我點左一份牛肩肉,然後佢地比左一個機我,就係取餐提示個個,好方便 坐係到唔洗成日眼望望睇個餐有未,唔錯既提供.而且唔會需要等好長時間,好有工作效率.份牛肩肉 份量好足,肉厚 絕無減少,見到個樣都覺得正,肉係石板上燒緊時散出陣陣肉味再加埋佢既調味料,混合埋一齊再散發出嚟既個種味道簡直係無得頂啊,而且佢會有白飯比你配合一齊食,好味啊!

話說最近又好想食肉，所以最岩食依間磊犇！以石板燒牛做主打～入面主要有三種石燒牛，分別係西冷、牛肩同佢自家嘅磊牛扒！我地就揀咗牛肩肉（300g)同磊牛扒（400g)依度主要係自助形式，自己order完自己拎，有少少似food court，連飯都嘢飲都係自助!等咗幾分鐘就有得拎喇原來所有牛扒上枱時都係一成熟，之後想食幾熟就自己煎！不過小心d油彈到自己！牛肩肉：食落好有牛味，但就少少un,算係幾有咬口磊牛扒：食落雖然冇咁有牛味，但就淋身啲，易咬啲！依度白飯任裝，而就咁叫300g嘅牛都有兩中塊，可以送幾碗飯，真係好啱食肉獸朋友同埋要增磅嘅人！

依加旺角都開左好多間鐵板牛🤤🤤 上次食左另一間 今次試下呢一間😆佢好好有好多飲品可以飲 有菊花茶 洛神花茶同綠茶 有熱有凍 又有沙津白飯同麵豉湯任添 真係好正呀 我就叫左牛肩肉 朋友就叫左磊牛扒 啲肉好juicy 而且啲肉一開始都5成熟 又有好多調味料 都好多味可以嘗試😆😆 個人覺得加海鹽最好味 牛扒既肉會嫩過牛肩肉 真係值得一試整體黎講都會好味 會再黎😆 如果生酮既朋友都可以再黎試下 夠飽 又自助型式 想點就點😆😆 而且個位置近mtr👍🏻

旺角同類的牛扒店越來越多，但這家無論是位置數量、牛扒質素及飲品選擇種類都比其他好。店內有3款牛可選，分別是西冷牛、牛肩肉及磊牛扒，今次買左西冷牛120g試下先。先講店內環境整齊，店員好快咁執拾場地。自助區有海帶麵豉湯、白飯及3款凍飲可無限自取。我試左菊花茶，味道適中，不濃不淡。120g的份量適合女生多點，西冷扒不算多筋，有牛味。最抵讚係因為塊鐵板好夠熱，食到最後都仲可以整熟牛扒。呢一點好重要，我食過深水埗好出名果間，食到一半塊鐵板已經唔係咁熱。

今日特登出到嚟旺角去試呢間磊犇,成日係網上面見到關於佢嘅廣告,佢吸引我嘅特色就在於佢係用石板燒牛,嚟到門口出面已經聞到香氣僕鼻嘅牛肉味,入到去我點左三種部位既嘅牛,分別有西冷牛扖,牛肩肉同埋磊牛扒各200G,份量充足,睇埋個價錢比較下性價比高,可算實惠我先試呢個牛肩肉,佢充滿肉汁,而且店內提供嘅醬汁和配料同呢個牛肩肉混合埋一齊,係口中一咬落感受到嘅味道同口感,簡直係肉食系吃貨嘅幸福,真係完全唔可以唔去試下😆未食過真係好可惜啊🙈

呢排愛上左食石板燒牛排,今日就黎到磊犇食Lunch,試下呢到既牛排係咪真係咁好食😍😍見到餐牌都有幾多吾同種類既牛排選擇😋,而分為左200g/300g/400g💪💪,都係吾同價錢的,落單就非常方便係係門口自己禁機的,我就點左份牛肩肉試試佢,佢係包埋沙律🥗、飲品🍹、飯🍚同埋湯🍲,全部都係屬於自助形式. 唔使叫侍應落單好方便😚😚我份牛肩肉一黎到已經聞到好香好香😎,上菜既時候都係比較生既,但因為有石板的關係,好快就會變熟🍖🍖,燒多左一陣,我就開始食主角牛肩肉了,一口咬落去非常多肉汁,肉味好濃郁,真係又抵又好食💜💜

今日同男朋友係太子行街，行到有d餓，見到呢間石燒牛扒。覺得幾得意，價錢又唔貴，就決定試下去到係門口點餐，我地兩個都叫左最上級既西冷牛扒$128。門口會有個姐姐幫你落單，唔洗怕唔識用部機。牛扒到！上枱個陣佢會用張廚紙遮住，以免彈到四圍都係，店内亦有一次性圍裙提供，幾貼心！有三款醬汁可供選擇。雖然望落塊牛唔大塊，但食落都幾多架。呢度有白飯，湯同沙律比你任裝，不過因為我戒緊carbs所以就無拎到飯。切開牛扒仲係一成熟，咁你就可以自由係石板上燒到你想要既程度。呢類石燒牛我反而鐘意燒得熟d，會更加油脂豐富d架

近排大熱食石燒牛，係附近這間石燒牛肉店試試店舖係日式風格，首先自助落單，點一份牛之後，白飯、麵豉湯、沙律、飲品都可以任食任飲，好抵食👍🏻👍🏻枱上有唔同調味料俾你自己調味牛肩肉-上台有勁熱石板，自己燒想要的熟度，牛肩肉無筋同肥膏，牛肉味濃，肉質都算鬆軟，算係最抵食😋西冷牛扒-相對係比較肥，入口油脂豐富，比較岩男士口味，小編建議五成熟岩岩好👍🏻👍🏻整體餐廳食物質素唔差，以平價牛排取勝，大家經過不分試下，過下牛排癮😋

今日同朋友喺旺角睇戲，之後去咗金魚街嗰度買金魚，行過依間日式石燒，同我之前喺深水埗見嗰間大致相同啱啱過咗lunch時間，人流比較少，見唔使排隊😂咁不如今日就試吓依間啊餐廳嘅燈飾比較昏暗，座位多數都係長枱同圓凳為主。服務員幾友善。首先我哋會去一部自助點餐機嗰度選擇左先，因應自己需要，點不同款嚟嘅牛肉同埋重量。每項食物已包括左沙律、日式麵豉湯、白飯及飲料我點左西冷牛扒 300g牛扒好厚身好大塊，牛扒在滾燙的熱石上發出吱吱聲，店家標榜牛類全部係一成熟上枱，再由客人因應自己喜好，燒至適合的熟成度。簡簡單單落海鹽已經好夠味，西冷牛肉肉味比較濃郁，咬口比較軟稔。✅點解有一樣好細心就係提供圍裙🤣🤣因為牛肉肉汁真的太多