磊犇 (Closed)

呢次同朋友黎旺角食好西🥰用餐方式：提供堂食。輪候時間：平時約5-10分鐘；食品方面：呢間餐廳提供自助式嘅前菜、湯同飯及飲品。前菜：有韓式泡菜同埋沙律提供。湯：提供日式麵豉湯，味道唔錯。磊牛排300g（$100 )：分量充足，價錢又唔貴。包你滿載而歸，啱晒各位喜愛食肉既人士😉啖啖肉，超滿足👍牛肩肉400g（$120）：呢一款好濃既牛肉既味道，肉質相對煙韌。值得一試👍👍店內提供多種醬汁，有黑椒汁、蒜蓉汁同埋岩鹽。當中岩鹽就最配合食牛架喇。飲品：分別有洛神花山楂茶、綠茶及菊花茶。洛神花山楂茶：可口、唔算太甜，值得一試！綠茶：好飲，消暑解渴。菊花茶：味道品錯，清熱明目。有需要嘅顧客可以按自己嘅喜好同埋食量去自行拿取。另外所有嘢都係採用自行取餐既形式。整體來講CP值超級高，可以話價廉物美。絕對得一試。

而家香港開左唔少石燒牛，今晚經開旺角見到有一間好似幾抵食，又同老公試下~~店門口有個大屏幕，基本上就係選擇想要既部位，然後睇下想要幾大份。只要買一份肉，就可以白飯，沙律，飲品同湯任裝!! 店內設置都係長枱，相隔幾個位就有唔同既汁同調味料可取，除左芝麻醬、照燒汁、同黑椒汁外，仲有岩鹽同黑胡椒，真係任你點~~落單後有部機仔俾你，機仔嚮就去取牛處拎牛扒.我哋點咗份牛肩肉300g同埋西冷200g.俾錢坐低唔駛五分鐘就已經出咗餐啦, 好快手。每件牛扒都非常之厚，放好喺熱石上面，為免油脂四處彈，店家喺牛扒面舖上一張吸油紙，仲有即棄圍裙提供，幾貼心~牛肩肉肉味夠晒濃，不過記得唔好煮太耐，西冷都好好味，脂肪較牛肩要多，食落較軟淋。我自己就鐘意燒既時候只落少少鹽同黑椒調味，同埋要切好燒好再用黎餸飯慢慢品嚐。只係百幾蚊，可以自己落手落腳控制生熟度，有得食又有得玩，CP值高呀!

熱石牛🐮係今期大熱，☝🏼佢真係熱～以🌋火山石上碟；✌🏻勁多肉食獸friends 約食....已成為一種新菜系🍴走到店前，已被牛排的香味所牽引🧟‍♀！我和大食積🙋🏽‍♂點了牛肩肉200g和西冷排300g，拎齊任食唔嬲嘅沙律、湯、飯同飲品...就進入⏰等食模式！🥩來了，肉肉在滋滋渣渣地叫📣我開動了,🙅🏾‍♀絕不’冷待’肉肉！上桌是一成熟不調味的Rare牛🐃，於是生熟+調味都係由我主宰🧖🏾‍♀，西冷嘅脂肪少，但肉質細；有嚼口，但不韌！牛肩肉脂肪會多一點，有油香！我把牛排切成小塊🔪，再360度煎封，每一口也是外焦內嫰的美味🤤！我最愛只加岩鹽和黑椒🧂.....不搶牛牛🐮風頭！P.S. 欣賞前菜有KimChi同漬蘿蔔🥕我同大食積🙆🏽‍♂都食得很開心，最後我用熱石炒咗個🥢KimChi 飯，👹野蠻如我！

今日收工約左老公去旺角買下野，就要搵下有咩食，見到個幾多好評既石板燒牛，價錢又抵，我地又中意食牛，咁就決定食呢間個名唔知點讀既磊犇喇佢出面門口有部機，俾你自己揀食咩，再print張單出黎俾錢，不過俾錢就要用現金，俾完錢會俾個震動提示機，震就去攞牛排喇未攞牛排可以攞住d任食既飲品同前菜，麵豉湯，泡菜，白飯，沙律等我地叫左一客400g牛排$130同一客300g牛肩肉$110勁抵食，好厚食落好juicy，自己決定幾成熟，整體黎講又好玩又好食👍🏻

之前係布吉食過一次～當時香港好似未流行熱石牛～知道香港有當然要試下啦～咁岩又要去旺角買野～就睇下旺角有邊間可以試下～呢間都唔錯有克數比你選～200g，300g，400g唔會怕食唔晒～所有餐都會包埋沙律，飲品，飯，湯～叫左兩個牛扒餐～都係200g😋磊牛扒真係好厚身～咬左一口就全口牛～滿足愛牛人士～西冷牛扒好香濃既牛味～有熱石可以自己隨意燒到幾成熟👍🏻麵豉湯，沙律同飯都可以任食～大胃人士唔怕唔夠飽～凍飲有洛神花茶，菊花茶，綠茶～熱飲可以沖綠茶～都算多飲品選擇👍🏻有全牛圖可以睇下食緊邊個位置😆P.S.大家都可以黎試下～熱石真係好棒～

作為一名健身教練, 3個牛字加埋我唔識讀 stone grill石燒牛扒都興左一段時間, 依間磊犇已bookmark左, 會留意到佢係因為佢個名, 上網搵下佢又好似唔錯, 今晚就過黎鋸個扒。先係門口既自助點餐機點餐, 牛扒共有三款, 分別係西冷,牛肩同磊牛扒, GRAM數同樣係三款, 分別係200,300同400 gram, 點餐簡易而且一目了然。係個扒未到既時候就可以出去自助區拎野先, 飲品有冷熱綠茶, 洛神花山渣, 菊花茶 。另外有沙律, 麵豉湯同白飯任裝, 麻雀雖小, 五臟俱全。記得拎埋店舖提供既圍裙, 我就裝好飯, 針好野飲, 攬埋條圍裙時間岩岩好, 個扒就準備好可以拎得啦 。D油真係幾彈下, 好彩有圍裙同埋上面既吸油紙擋一擋, 但係佢D辟力拍勒既聲又聽到人流口水, 唔理啦拎開張紙切開佢, 牛扒好厚身, 所以唔小心放耐左都唔會OVERCOOK到中心, 切開係一成熟, 熱石好高溫, 食開5成熟所以切開一塊略煎佢就可以放入口, 牛肩肉牛味濃, JUICY又軟腍, 加多少少鹽同黑椒吊味, 冇辨法唔一啖肉一啖飯, 唔小心食左兩碗。百幾蚊食到依個質素同份量, 係感到滿意既磊牛扒ORDER

今日下午去左旺角食石燒牛揀左呢間叫磊犇既餐廳, 一入去就有部自助點餐機點餐, 係機上面揀自己想食既牛, 跟住就可以去找位坐低等食牛!餐廳既格局係一排排既長椅除左牛之外, 仲有好多自助既食物, 沙律, 泡菜, 湯,飯,飲品(有三款(綠茶, 菊花茶, 洛神花茶)), 泡菜幾有驚喜, 甜甜地, 可以消油膩感!等到個機震同著燈, 就可以去拎牛LA牛肩肉300g ($110) 牛肩肉一上黎入面仲係生既, 所以自己可以控制自己想要既熟度, 要快手切開, 只要一放係石板上就即刻變熟, 牛肩肉肉味較濃 西冷牛扒400g ($130) 西冷牛扒肉質比較結實, 有咬口, 400G有兩大塊, 真係食肉獸之選一人百零蚊就可以食到牛扒, 仲有任食既配菜, 真係超值之選

今日約咗朋友去旺角行街，晏晝超肚餓，上網見到依家牛扒好吸引，於是拉埋我個朋友一齊過咗嚟食，餐廳好近地鐵站，行左幾分鐘就到，原來依度係自己用電子簡餐，好先進😆依度食物好多種類，有牛又有石鍋飯，店員超友善，仲同我地介紹唔同牛既種類，最後我哋兩個都揀咗牛肩肉$110@300g，店員話牛肩肉冇咁多根，啱晒我！拎完號碼牌等一陣就有得拎，牛扒真係超大塊，仲有張紙巾可以幫我地吸緊啲油，好貼心🤩最正嘅係依度嘅牛係自行決定幾成熟！用鐵板，自己嘅牛自己燒😍重點係牛肩肉食落去勁林、勁多汁！一咬落去好juicy，好有牛味，必食推介！而且呢度仲有飯、麵豉湯、菊花茶、洛神茶、泡菜可以任食！成個set先至係$100左右，性價比勁高，超滿意嘅一餐午餐👅👅👅

#ccbfoodiary-自問自己d中文都唔差🙈 但見到兩隻完全唔識嘅字 就係磊犇原來係讀 ‘呂奔’ 雖然我都唔肯定 但估計應該係同牛有關🐮 就決定入去食 -一入到係好似日本即食既拉麵咁 要先係自動販賣機買飛 再入去搵位坐 而所有野都係自助形式 不論係攞餐 裝飯 攞野飲都係自己黎🤣-🍴牛肩肉300g ($110)本身都唔知咩黎 問返先知原來係牛既膊頭 冇諗過300g都會平過西冷 一上枱仲有炸炸聲 建議拎條圍裙擋下d油😂 一食落口d肉淋 好有肉味👍🏻 但最好唔好煎咁耐 如果唔係會好un 中意濃味d可以點下sauce-🍴西冷牛扒 200g ($128)西冷比較難咀嚼 可能因為有根 切既時候比較吃力 但相對上都多d肥膏 唔會淨係齋食肉 配埋鹽食牛味好出😋-最後一提 細食既朋友可以試下兩個人share一塊扒 再嗌過石鍋飯應該都夠 唔洗驚食扒會口渴 因為野飲係可以refill架😍-磊犇 (旺角)📍旺角西洋菜南街198號地舖

今晚又約左朋友食飯，最近好興石燒牛，見到既間既價錢又唔算貴，於是就去試下。呢間餐廳係以自助形式黎落單，門口會有部自動點餐機，揀好你想點嘅餐之後，比完錢，職員就會俾個機你，跟住你就可以坐低，等部機一響，就可以去取餐處攞餐。呢度除咗落單係自助之外，就連飲品區、湯同埋飯都係自助嘅。我哋點完餐之後，就自己去裝飯同埋斟嘢飲。飲品方面有呢三款：洛神花山楂茶、菊花茶同埋綠茶。我揀咗洛神花山楂茶，因為感覺上食肉類會有少少膩，飲返呢啲酸酸甜甜嘅飲品，就會好開胃🤩🤩🤩而我朋友就揀咗綠茶，會消化得好啲👍🏾👍🏾除此之外，仲有個自助沙律區，啲沙律菜都好新鮮，而且佢每塊菜都會切得細塊一點，啱晒女士！！可以食得斯文啲🤪所有自助區嘅食物都係可以任添既，無論大食定細食嘅朋友，都確保一定會食得飽😆😆調味料方面，每張枱嘅枱頭都會有齊調味料，紙巾同牙籤都有，咁就方便客人每次使用時都唔需要走來走去✌🏾我哋今次揀咗牛肩肉同埋磊牛扒。一上餐嘅時候，就聽到「咋咋」聲🤩我哋已經急不及待咁即刻切開舊牛肉，將牛肉切到細細塊咁，就可以令到牛肉嘅唔同部份都可以平均受熱，唔怕因為其中一面受熱過長，而導致口感一邊過硬，另一邊就太生。兩款既牛肉都好

   自從上次食過石燒牛之後，一直念念不忘... 就算去到沖繩都係食石燒牛😂上個星期去旺角做嘢經過又比我見到有石燒牛食，又衝入去食😋 今次食呢間磊犇，分西冷、牛肩、牛扒，有200-400g揀，岩晒細食/大胃王。 同其他可燒牛一樣都係比較自助式形式，呢間就有菊花茶飲😋 差唔多一樣嘅價錢，磊犇件扒就大件d, 相對抵食d, 但就要自己去拎個餐（都幾重），我同朋友都揀咗牛肩肉，肉質軟滑，有濃濃肉汁，配埋佢個燒肉汁，好正😋😋😋 淨食200g已經飽飽😍又一抵食好味之選，下次再定再嚟！！！

最近石燒牛盛行，經同事介紹，旺角開左間性價比幾高嘅石燒牛，我同老公都未食過，於是同老公行開旺角就打算去會一會佢～磊犇位於旺角，於MTR🚇附近，近過去五分享左右，位置唔難搵～呢度半自助式的，進店後就有部電子落單的儀器～見到上面最主要有三款牛，分別有西冷牛扒、牛肩肉同磊牛扒～唔同份量價錢都唔同，另外唔食牛，都仲有石鍋飯可選雞及豬肉，單價都只係HK$65～所有牛扒餐同石鍋飯都只收餐價，沙律🥗飯🍚湯🍵及飲品🥤都係免費任飲任食🤩飲品分別有綠茶🍵菊花茶🌼洛神花山渣茶，仲有熱水供應👍🏻另外佢哋提供左唔同的醬汁調味料，大家可以按個人喜好自行調味～沙律🥗入面混合好多不同款的蔬菜🥬仲車里茄，好新鮮爽口，伴上芝麻醬微酸好開胃！我地就分別點左西冷牛扒同牛肩肉，可以品嚐到兩款唔同的牛肉部位🤤點餐之後就可以自己搵個位坐低，店員就會提供一個提示取餐牌～當提示牌響起就可以自行到取餐處取餐～他們都好貼心，將牛扒用吸油的紙蓋上，以防因為石燒太熱，油會彈到客人！上枱時盡可能將牛塊襯左石燒熱時切開再行煎煮牛塊，幾熟可以由自己決定～牛肩肉 300g HK$110牛肩肉咬落比較煙靭有咬口，有牛味，筋位不多易咬口，可以加入海鹽同黑

經過旺角，見到依間依石燒牛，半自助咁幾得意，就同男友去試下我地嗌左牛肩同磊牛扒各一，兩款都超大份，，有200g-300g，岩哂佢食肉獸🤣餐廳半自助式，飲品、沙律、湯、飯都任食，又唔加一，一百頭既價錢超哂值講番石燒牛，上碟熱辣辣，超厚身，分量超多！因為係自己燒，所以可以決定食幾成熟，枱仲有3款醬汁揀（黑椒汁，燒汁，芝麻醬），再加黑椒，岩鹽，帶出鮮味☺️☺️牛肉本身已經有肉味，加少少黑椒汁同鹽就正正子！

朝早黎左旺角呢頭做facial，做完之後行去附近搵野食，見到有「磊犇」食石燒牛扒🤤 所以牛魔王又出動🐮🥳「磊犇」有3種扒類選擇：西冷、牛肩肉同磊牛扒。 入座前先用賣餐機揀要咩肉同份量，再拎比收銀姐姐比錢～ 當下比較肚餓關係，我揀左要300g 牛肩肉($110)😎😆 比完錢收銀姐姐就會比個牌你，牛扒ready響就可以去取餐處拎。等待期間（其實都好快），先去自助area拎飯、味噌湯、沙律同野飲。除左水之外，竟然有得揀綠茶、菊花茶或者洛神花茶。 我斟左杯洛神花茶，酸酸地開胃😆 而以上係任食既，大食都唔駛驚唔夠飽！拎好晒野我既牛肩肉就ready喇～ 係取餐區旁邊拎埋餐具，當然唔好唔記得拎圍裙！ 300g望到都覺得好邪惡🤤🤤 切開佢慢慢燒到自己鍾意既程度～ 塊牛肩肉好juicy，啖啖都有肉汁😋 有咬口，唔會太銀、難咬。醬汁方面有3款：黑椒汁、芝麻醬、燒肉汁，另外仲有岩鹽同黑椒可以用黎調味。 3款醬汁我都倒左少少試，自己覺得燒肉汁偏咸左少少，個人黎講配岩鹽同黑椒已經好夠～最後都要比大家望下圍裙既戰績🤣 整體滿意呢一餐😊 又食飽飽😋

今日陪朋友去左太子買相機，之後見肚餓經過一間食熱石牛既餐廳幾吸引，就入左去食啦！先要係門口度點餐，然後比完$就會俾個do do 機你，一響就去取餐處拎餐，所有餐具都係自取，最好係有圍裙免得d油彈係件衫度，我地點左：西冷牛扒（200g)$128及牛肩肉 （300g)$110，西冷牛扒肉質較鮮嫩Q彈，自己可選幾成熟，全由自己話事，不過食個陣要特別小心，因為塊熱石係好高溫，千萬唔好掂到！而牛肩肉表皮香酥，口感較煙韌，切開細細粒食較好，跟飯一齊食一流，點埋燒汁食味道更佳！呢度飯同麵豉湯都係自助任食！前菜仲有任食新鮮爽脆既沙律🥗蔬菜🥬配千島汁、kimchi、飲品就有凍洛神花茶、菊花茶、綠茶，菊花茶唔太甜，仲可以消一消一下熱氣！😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊