營然 (Closed)

<營然 港式小食店>呢間喺跑台山既營然 係食港式野食既小店 好似水餃 撈麵 湯品 仲會有口水雞 皮蛋等食物 食店雖小 但食物味道唔錯 仲見到好多人叫外賣👍🏻🍴雙拼餃子加自家製飲品 59 蚊🥟點左粟米冬菇豬肉 🌽🐖同韭菜豬肉🌿🐖D餃用雞湯浸住 加左 d娃娃菜 水餃大大粒 皮係厚薄適中 入面 d餡多到好似成個波甘 韭菜豬肉入面既韭菜係新鮮既 豬肉 juicy 😃而香菇粟米 好香甜 豬肉當然都夠 juicy點下辣椒油都好味👍🏻🍴口水雞飯 49 蚊🌶🐥口水雞有 d娃娃菜🌿 都唔錯 雞皮爽彈 雞肉比較煙靭 如果淋番 dd更好 個醬汁整得唔錯 辣椒 夠惹味 辣度夠🌶撈飯 good ! 🍚🍴麻辣木耳 38 蚊 跟餐28 蚊🌶大大碟木耳 口感整得好爽彈 醬汁酸酸地帶 d醋香味 加埋芝麻同葱花調味 十分唔錯既凍食小食👍🏻🍴麻辣皮蛋豆腐 38 蚊 跟餐28 蚊🌶首先佢個麻辣汁充滿紅油夠油香 辣度算係中辣 凍食既皮蛋豆腐 豆腐好軟滑 應該係百福豆腐黎 皮蛋係黑色嗰款 雖然唔係流心 但個味醃得 ok 夠彈呀口感 唔錯👍🏻🍴羅漢果菊花茶🌻羅漢果味香甜 帶 d菊花茶味 🍴無花果雪梨蘋果茶🍎好多蘋果

第二次嚟食，叫咗香菇粟米豬肉餃子、白菜豬肉餃子、芫荽豬肉餃子及蟲草花豬肉餃子香菇粟米豬肉餃子餃子形狀均一，皮唔係薄到透，不過有彈牙咬口感。香菇及粟米好香，令成隻餃子都充滿口感白菜豬肉餃子有好多白菜，食落超爽口，感覺冇咁膩而且健康芫荽豬肉餃子芫荽味極度香濃，口味清新，食完成個口都好香！蟲草花豬肉餃子蟲草花數量慷慨，自家製嘅餃子零舍不同！店舖雖然好細，不過坐得舒適。差不多成年半冇嚟過，估唔到仲keep到水準！！

今日同朋友去七海中心做Facial,做完就在附近揾下野食，見到有間餃子店，格局清新簡潔，餃子款式颇新穎，就入去試下。小店雖然座位不多，但係空間感都夠，店員很快就安排了我倆座位和遞上餐牌，又介紹咗今日的推介燉湯同餃子，我們點咗兩份餃子餐。兩款餃子脹卜卜，皮薄饀料多，芫茜豬肉餃子，芫茜配豬肉非常香口，很有特色蟲草花豬肉餃，第一次食，除咗蟲草花，仲加埋D雪耳碎撈埋豬肉做餡料，少少爽口的肉質感，味道又唔太鹹，淡淡地，正！😋手撕雞飯，娃娃菜墊底，雞絲嫩滑唔鞋口，加埋紅蘿蔔，青瓜絲同芝麻，配搭開胃😄今日推介冬菇瑤柱雪耳燉豬，當然要試下，加埋龍眼肉，燉湯很清甜、滋潤，足料，很有住家燉湯的味道😋餃子餐有配飲品，我地分別叫咗無花果雪梨萍果茶同檸檬薏米水，天氣熱，生津止渴，無添加糖，夠健康👍🏻我們見小店不時有外國人到來買外賣，原來外國人都喜歡食特色餃子😄

最近晚餐都想食得健康啲，男朋友提議到炮台山試一下營然，佢話係之前見到介紹想黎試嘅一間小店 店內座位較少，大約可坐15人所以會比較迫。見到大部份客人都食餃子同飲燉湯。而我地都當然為左試呢兩樣野而黎是日老火湯係老黃瓜，燉湯係蘋果雪梨無花果燉豬𦟌。我地叫左燉湯試，味道清甜而且好足料嘅燉湯燉湯係跟餐叫，主食叫左雙拼餃子，芫荽豬肉拼蟲草花，加$8可以要碗上海麵。但因為餃子好足料包到大大隻，所以碗麵接近無食過戈芫荽餃子係驚喜，本來好鐘意食鰂魚涌一間專食餃子鋪頭嘅芫荽餃子，每次去個間鋪我一定係食呢款餃子，但估唔到營然比佢更好食，令我好驚喜！蟲草花餃子反而一般，下次可試下其他口味男朋友就叫左手撕雞飯食，手撕雞嘅份量足夠，調味都唔錯，下次可試埋佢麻辣手絲雞撈麵溫馨提示：小店經營嘅形式係客人到收銀處點餐同取餐，食完後再自行擺返餐盤，黎食嘅人就要注意同保持自律

經過呢間小店，裝潢簡潔，係佢既平實感覺吸引我，店舖細細，座位數目較少，見到好多附近番工既人買外賣！有時我覺得餐廳唔一定要有好多款式，反而貴精不貴多。呢間主要食餃子🥟，亦有唔同口味既雞麻辣手撕雞上海麵$49加麻辣木耳(跟餐)$28加薑棗紅糖茶$10麻辣手撕雞上海麵麻辣手撕雞份量多，冇得選擇辣度，唔算辣，不過辣得來夠香，雞肉嫩滑！附上娃娃菜，雖然唔算濃味，但係勝在健康麻辣木耳辣度適中，加咗麻油撈木耳，幾香，兩個人食都食唔灑雙拼餃子—— 蟲草花豬肉餃子、椰菜香菇雞肉餃餃子大粒，多餡薄皮呢度嘅餃子餡料較特別，有別於一般嘅餃子店蟲草花同豬肉原來幾夾，幾清香椰菜香菇雞肉餃既香菇增加左口感！餃子走健康平實路線，唔會好味精，有媽媽既味道口水雞$41雞嘅份量比想像中多，雞肉夠滑，辣度適中，加上花生同辣醬，成個雞更加香呢度除咗食物較健康，飲品都好特別，有唔同嘅茶、果汁、檸檬薏米水等健康飲品，跟餐都係$10成日出街食，味精味濃，總會掛住家的味道，呢度可暫時一解相思之苦

最近天氣反覆，容易生病，外出吃飯也選些健康的餐廳。今天來了炮台山逛逛，餓了，發現後街，有間小菜，餃子店，客人頗多的。我們點了辣味手撕雞飯和原味手撕雞飯，辣味不算太辣，很開胃。原味則適合喜歡清淡的人士，還有娃娃菜伴碟，更加健康。白菜豬肉水餃，韮菜豬肉水餃，兩款水餃也饀多皮薄，菜和肉份量平均，好吃！檸檬薏米水，雪梨蘋果水，2款均清熱下火，適合正喉痛的我。最後還點了無花果雪耳燉豬展，平日家裏很少煲湯，一碗熱騰騰的湯更有家的感覺。

炮台山北角一帶的好味餃子買少見少，最近連堡壘街果間也結業了，好味的只有呢間。位於小街內，我都是看"一個人喺北角食乜好" 認識這家手工餃子店。算區內較新的食店，小店型式，自助落單上餐。主打五款手工餃，今日食咗其中三款蟲草花豬肉餃比較少見，我眼中主角是它。蟲草花很爽口但咬下去有兩個爽口度，以為是大小蟲草的分別，卻原來是混入雪耳！令口感更有層次更輕盈，有驚喜。粟米豬餃超甜粟米，偏愛未有太多醃製的豬肉，粟米同豬肉不搶大家的存在。韭菜豬餃睇外表已知超足韭菜，韭菜迷聲稱韭菜豬永遠是最好餃子之選，今次亦唔例外。一碗十粒（仲可以加麵底），呢個份量是晚餐都一定夠飽。例湯南瓜雪耳湯住家feel，清甜唔溜。亦無overpriced，屋企無湯飲人士經常忍唔住出街買湯（即係我）

今天來了炮台山工作，放工後一於做無飯主婦，同老公在附近醫肚吧！想起先前去過營然食餃子，印象很好，確要食過番尋味啊坐下後，看完餐牌後，叫左兩個套餐，一個是5隻單款韮菜餃子，配無花果雪梨蘋果茶，追加老火湯青紅蘿白豬骨湯，及10隻雙拼芫茜餃子，和粟米餃子，配蘋果美顔茶，追加皮蛋豆腐。餃子大大隻，湯底清甜韮菜餃子韮菜味超濃，非常可口芫茜餃子同樣芫茜足，粟米餃子清甜爽口，三款餃子都超美味老火湯火候夠，煲到夠入味豆腐滑，皮蛋正，配埋個汁更美味蘋果雪梨茶夠滋潤蘋果美顏茶料足，啖啖都充滿蘋果香，一飲就知係好野嚟嘅

每次一提到在港島區覓食，相信大家第一時間想到的必定是中環或者銅鑼灣，但其實炮台山都有不少值得一試的小店。記得早排同朋友去「友邦廣場」吃拉麵，食完之後到附近四處逛逛，喺宏安道發現有間食餃子嘅小店。瀏覽過網上食評，原來餐廳除了主打自家製健康餃子之外，還有愛心老火靚湯同燉湯等供應，所以開業不久已迅即成了不少客人的 Second Home。餐廳位於宏安道 18 號威德閣地下，店面地方不大，一眼望曬，屈指一數，只有 16 個座位，而且餐桌排得有點密，幸好環境不俗，乾淨企理。先細心研究一下餐牌，原來除了自家製餃子之外，餐廳還有撈麵、手撕雞飯、蔥油雞飯、豬軟骨飯、多款小食、自家製糖水同花茶等供應，選擇亦不算少。店子採自助形式，在收銀處下單後，先搵位坐低，等震動器響就可以自己出去拎食物。選了兩份單款餃子(10隻) +自家製飲品，另外再追加咗兩款小食同是日老火湯。先嚐兩款餃子套餐，餃子共有 6 款可供選擇，包括韭菜豬肉餃、香菇粟米豬肉餃、芫荽豬肉餃、白菜豬肉餃同我哋揀口嘅蟲草花豬肉餃及新出嘅椰菜香菇雞肉餃子。蟲草花豬肉餃包得非常飽滿，皮薄餡足，蟲草花清甜爽口，具嚼勁，配上鮮味豬肉，出奇地 Fresh。另

午餐趁有少小時間，去左一間叫營然既餐廳。呢間餐廳主打自家整既餃子同健康。不過我見到有麻辣手撕雞撈面。就好奇試下啦。手撕雞肉質地係好，食唔到有雪味，而且食落唔會老同乾身，證明無煮過龍。可能店主基於健康同唔想搶左雞味，所以就少左麻辣醬，但變相對中辣既人黎講，可以有辣味又健康都不錯。面底係清煮上海面，配上濃味手撕雞，兩者都配合。再加一杯凍羅漢果菊花，清清爽爽，好清新又解渴既感覺。平時食濃味野比較多，偶然食清小小又滿足肚子，開心呀！

係炮台山出口穿過商場後。見到油店附近就到。容易😀😀是晚大幾6點9。食客都已經坐滿。望望餐牌餃子最出名。所以點了韭菜水餃及粟米豬肉餃雙併大碗。賬卜卜。先試韭菜味。皮唔厚。材料豐富。好香9菜味道。豬肉同韭菜都足料。粟米豬肉肉汁不錯。粟米多。已經好滿足。湯底好甜滿分另加28蚊點了麻辣皮蛋豆腐。辣味名。豆腐滑。連皮蛋一齊食好好味。可以一試心思思見隔離食得好芝味。咁又加來試試。點了麻辣味。果然無錯。雞肉嫩滑。香口夠辣配料有青瓜、羅白絲、芝麻。好爽口。最後點了餐飲羅漢果菊花。甘甘甜甜，有菊花香味。不太甜。

喺炮台山嘅一間小店，賣新鮮餃子同埋唔同款式嘅雞（手撕雞、口水雞...），主打健康飲食，我個人非常鐘意同埋支持🙌🏻呢度係自助嘅模式，俾錢先，跟著等拿食物。白菜豬肉餃是日精選 - 椰菜香菇雞肉餃我地每人叫咗十隻（$47）幾大隻，好飽肚同埋足函，菜同肉嘅比例平均。吃得出係新鮮嘅，食唔到味精味。皮唔會太厚，十分滿意👍🏻。講真，冇期待過D乜，但係出乎意外之外嘅好味，價錢又合理。下次會嚟試食手撕雞🤔😋。

最近油街有新的展覽，順道去了北角附近覓食😂看見一間外觀綠油油的小店，決定進內吃餃子，餃子款式也挺多選擇，有粟米、韭菜、白菜、椰菜等等，我們太餓點了三個餐😂十隻白菜餃子，五隻粟米蘑菇及五隻韭菜，也點了麻辣手撕雞撈麵，及一個小食麻辣涼拌皮蛋豆腐。餃子每隻都大隻，餡料充足，粟米也很鮮甜爽口，蘑菇粒也很多有嚼頭豬肉也不會太肥，湯底清清的，很適合重視健康的朋友。麻辣手撕雞撈米線，嘩份量很多呀，我應該會吃不完😎有紅蘿蔔絲青瓜絲，賣相更吸引，手撕雞很嫩滑，麻辣汁很香口惹味。麻辣涼拌皮蛋上舖上麻辣醬汁，看到如此吸引，也急不及待要吃，豆腐滑滑，夾著皮蛋再沾上麻辣超好吃！餐飲可加錢選一些自家飲品，檸檬意米水清新又去濕，無花果雪梨蘋果茶，滋潤健胃，果肉很多，我一一吃光😂總括來說，很驚喜，食物水準高，份量多，性價比高，我吃不完還要打包走，路過北角的朋友有機會試試。

最近減緊肥 約朋友食飯又唔想食得太heavy於是乎揀左呢間專賣餃子既小店舖頭唔大 有4-5枱 比較逼但食物味道最重要😋我同朋友都揀左5隻餃子加飲品既套餐索價$42 份量都幾細但其實10隻餃子加飲品既套餐好似只貴幾蚊相對抵食好多但我地唔餓所以冇揀到我呢個套餐係粟米豬肉餃飲品係桂圓紅棗茶包😂餃子外型飽滿 餡料足 味道甜甜地 大人細路都岩食至於朋友叫既香菇雞肉餃都唔錯皮薄料多 唔會膩佢地既湯品似乎都幾吸引下次可以再encore😋*以上句句屬實真金白銀俾錢食 2019年3月20日晚上七點食架竟然被人懷疑係鱔稿==會唔會係咁

今日要去銅鑼灣整d野去之前經過炮台山陪朋友食個lunch先朋友知我鍾意飲湯所以特登揀左依間—營然睇個名都感覺到當中既自然同健康雙拼餃子：白菜豬肉餃子、韮菜豬肉餃餃子皮薄細滑 入面舊餡大大舊鎖住肉汁 兩款味道十分唔錯湯底味道清甜簡單 好味而且食得好舒服手撕雞飯手撕雞同飯分開上 雞肉嫩滑加入青瓜絲、蘿蔔絲和香油一起攪拌面上加上芝麻 好味道 成碗飯食晒是日燉湯 冬菇瑤柱雪耳燉豬展同朋友一人一碗 最滿足就係有燉湯飲依到既燉味飲得出冇落味精等調味用料十足 兩粒冬菇 絲絲瑤柱 雪耳夠軟綿配上豬展 味道清甜 必點燉湯薑棗紅糖茶店員提醒要焗一焗 轉頭先飲微甜帶點點辣薑味既紅棗茶紅糖茶味濃 暖身之選今日天氣突然又凍返食完後個人即刻暖粒粒天然味道 價錢又抵 難怪入去時都坐滿人啦