太陽軒飯店

Open Now

Now Closed

同幾個朋友想食潮州菜, 一般食潮州菜的地方都比較"佬", 但我地今晚揀左間"飯店", 賣點係有質素既服務同環境, 而價錢都係合理水平, 地點又夠方便, 好近港鐵站。淮杞燉螺頭$168: 呢排比較忙, 無時間煲湯, 秋風起開始乾燥, 最好就係飲個燉湯滋潤一下, 呢鍋湯份量唔少, 夠3-4個人飲, 相當抵飲, 主要材料有淮山、杞子、雞腳、螺頭等, 清頭很清徹, 味道卻很濃, 以燉的方法將各材料的香甜迫出來, 令我地添飲再添飲, 連渣都食埋唔好浪費, 仲想叫多個添, 哈。凍大紅蟹$320: 潮州凍蟹做法簡單, 卻係貴價菜, 因所用的紅蟹矜貴, 仲要用公蟹, 貪其肉多而味鮮, 蒸熟後放涼, 蟹肉真是超新鮮, 味鮮甜且肉質分明唔會霉, 配上特製醋汁更能提鮮, 無論蟹鉗同蟹肉, 都有細心諗過點樣令客人食得方便, 一剝一咬就食到。呢個質素呢個價錢, 我地都覺得值得食!手拍青瓜$22: 呢個手拍青瓜都要推介, 估唔到份量有咁多, 而且青瓜件件好爽脆甜, 拍過後更入味, 蒜蓉同醋汁好啱口味, 更加有開胃同解膩作用, 必點呀!

位於佐敦道吳松街的食肆，真我多得數不完，但吃過的又有幾多間呢？早前再一次經過這邊，心血來潮熄吃點潮州菜，所以就來到這家叫做「太陽軒飯店」的潮式餐廳吃吃看。 小食 ($15) 每台都會有的小食，是一碟小小的鹹酸菜，用作開胃小食是不錯的，可個人喜歡酸一點的。 選了好一陣子，我們選好了。 沙窩老爺雞 ($168/半隻) 一問之下，原來老爺雞以豆瓣醬作為主要醬料，把雞隻加入砂鍋之中再慢慢煮，煮到剛好熟透就完成了。雞件上的皮，脂肪早已被去除了，雞皮爽滑鹹香，雞件嫩滑得很，配合上醬料，令人引不住一件又一件雞往咀裡送。不得不提的是，窩底之中藏有馬蒂，相當爽甜，不錯。 鮮茄九肚魚烙 ($98) 九肚魚烙相當乾身，粉漿並不算厚，咬落帶點脆脆的。魚肉有夠嫩滑的說，而且相當香口。至於蕃茄味呢，個人而言覺得它並不算濃味，只有數條蕃茄條在九肚魚烙上面，要不是吃到這些蕃茄條的話，基本上是沒有蕃茄味的。或者加多一點吧，也許味道會突出一點。 酥炸蝦蟹棗 ($88) 新鮮炸起的食物真的最美味了，不論是蝦棗，還是蟹棗，兩者均加入蝦肉、蟹肉，但個人覺得味道還不算濃郁，反而被餡入面的蘿蔔搶味了。要是蝦肉蟹肉的味

沒有特別的目的，只是與好友在佐敦開飯時，經過太陽軒，突然間很想吃潮州滷味，就二話不說入內坐下。不過，原來餐廳分了2段用饍時間, 入座時幾本上店員會提醒的, 而我們是需要8時交枱。 正當我們感到有點急趕的時候，待應阿詩為我們點提議了多款菜式，而且服務極佳，還表示若真的超時了，亦可以留多點時間給我們，畢竟食客吃得開心，才是他們公司的宗旨，聽到這一番說實，實在令人感到相當窩心。 由於不想超時，所以只點了3款菜式來吃。 滷味雙拼 本來只是想點鵝腸，不過待應提議我們點雙拼，一來可以多試一款食物，二來價錢較化算，而雙拼我點的是鵝腸拼燒鵝，這裏的滷味做得非常出色，滷水味道不會過鹹，而且食物亦非常入味，鵝腸入口爽脆，脂肪不多，而燒鵝啖啖肉，口感嫰滑。 青瓜煮魚鰾 這個菜式的賣相不算很討好，說實，與餐牌的圖片有很大差距，不過，它的味道還是非常不錯，魚鰾吸收了滿滿的湯汁，入口軟淋，鮮味十足，而青瓜口感爽脆，一軟一淋，營成強烈對比。 豉椒炒花甲 花甲非常新鮮，而且相當肥美，基本上每一隻都是開口的，而且內裏沒有半點沙粒，加上廚師炒得非常夠鑊氣及入味，味道鮮甜，必食。

朋友係潮州冷一名，約食飯好多時都揀潮州菜館，今趟亦冇例外，約左細佬去佐熟吳松街食間新開嘅潮州菜館，菜館叫太陽軒。潮州菜館好多時裝修都較為簡陋，有啲老店仲可以用殘舊形容，但太陽軒嘅裝修就非常泗正光猛。點菜留翻俾同行潮州冷負責，我只係攞住本菜牌揭下揭下，發覺菜價都好合理，依家好多潮州酒家都將菜價定得好離地，太陽軒嘅菜價就定得相當親民貼地喇。最抵食嘅六人套餐只賣HK$680，連加一茶芥每位計唔使HK$150，以晚飯計可算平到笑。友人點左個二人套餐，有潮州翅、鹵水雙拼、鹹菜鱔片、炒麵線同杏仁茶。潮州翅潮州翅同廣東燴魚翅其實大同小異，分別就喺個湯度，廣東酒樓燴翅會用清湯，清湯以老雞、火腿及精肉慢火煲成，湯喺煲好之後，裏面嘅湯料仲係完好嘅，成隻雞會完好無缺，其他肉都係，而湯亦會好清，冇乜油，但潮州翅用嘅係濃湯，煮濃湯嘅湯料同清湯嘅其實一樣，不過會用猛火煮成，湯煲好成隻雞會散哂，湯會好俗好多油，濃湯本身會相對清湯香濃，用作燴翅我認為更惹味。今晚呢度做嘅翅真係好到加零一，湯甘香濃甜，魚翅份量多，估算最少有三兩濕翅，發得相當軟滑，可以用繞樑三日形容佢有幾味美。除翅之外，筆者最鍾意嘅就係下面呢道鹵水雙拼，

講到潮州野 第一時間諗起打冷不過今晚終於搵到間好味又坐得舒服嘅餐廳餐廳位於佐敦 都幾方便食潮州野點可以唔叫鵝翼呢 即刻叫返一碟先滷水味道岩岩好 唔會太咸 鵝翼算多肉 好食家鄉煎蠔烙 蠔仔鮮味之餘好大粒唔似外面食個啲咁油咁熱氣 而且粉醬唔厚 得蛋同蠔仔 好正欖菜肉碎炒四季豆 煮法都幾正宗欖菜肉碎炒得好香 四季豆爽口鮮甜最後係黃金炒飯 材料十足除左好多櫻花蝦之外 飯粒重有蟹籽重有大蝦。粟米同香䓤 口感十足服務方面 店員都非常熱誠 值得一讚

今晚和朋友路經佐敦,搵地方食飯,見到呢間潮洲菜館掛住大大隻鹵水鵝,門面幾靚,好似好正宗,反正好耐無食過潮菜,就試試。菜館楂身有做二至六人餐,二人餐都唔使$400,都幾抵食喎。都係睇埋本大餐牌, 都很多正宗潮食都係決定散叫,可以自己選擇最愛食物。第一味上是香酥芋蓉鴨, 一上枱已聞到很香,表面有層酥炸脆皮,入邊是夾着厚厚芋蓉,好好味呀原來底層仲有薄薄一層鴨肉,令味道豐富很多,廚師很夠心思。酥炸蝦蟹棗,蟹棗炸很惹味蝦棗超大粒,蝦肉超級彈牙,表皮炸得超香脆,點埋蜜糖醬汁真係超正。金沙明蝦球,個人認為是食過咁多間數一數二好食,蝦肉爽口彈牙,一食就知好新鮮,咸旦黃拿掐得恰到好處,唔太咸但好有旦黃咸香,而且完全無殼,啖啖肉,真係超滿足黎得食潮菜,點少得食糖醋麵,麵煎得有水準,表面香脆而乾身,底層麵條仍保留質感,點埋醋同糖一起食, 味道極佳。呢間潮菜正宗得黎又唔貴,下次再來試其他美食。

放早不算太肚餓，於是便由圓方行路到佐敦，看看有什麼想食的。經過吳松街看到上司介紹過的太陽軒飯店，看看MENU都幾吸引，便決定在此午餐。一般酒家格局，每張桌都很夠空間。是晚食客很多，幾乎滿座。黃金炒飯($108)每粒飯粒都金黃色，食落粒粒分明，而且用上多種配料，有蟹籽﹑櫻花蝦﹑大蝦和粟米等，所以味道很豐富。特別是櫻花蝦跟蟹籽，除了令炒飯的口感更佳外，亦有作調味的作用，令炒飯更香口。青瓜煮魚鰾($98)青瓜煮到本身的清甜味道都散發出來，而能保持爽口。魚鰾很軟很淋，而且很鮮味，就連煮湯底都很濃郁很甜。金華四寶蔬($78)四蔬面放上幾片大大片的金華火腿，加上稠身的芡汁，味道相當濃郁。除了津白，還有冬瓜﹑冬菇﹑草菇和節瓜，用料豐富。金沙明蝦球($108)每隻蝦都包裹著滿滿金黃色的鹹蛋黃醬，味道很香濃，用來伴飯食一流。外層不會太厚身，咬落蝦肉都很爽口，不過蝦肉本身味道不夠。外層的鹹蛋黃味道正好為蝦肉帶到鮮味。跟家人來晚餐是蠻不錯的，價錢不算貴，而每碟份量都很足，味道又好。不過可能空間始終比酒樓少，感覺有點嘈吵。

今日放工約左媽咪去佐敦食飯，由於媽咪鍾意食潮州野，所以就search到呢間近近地的餐廳。由於餐廳都坐滿人，我們都要等一陣先可以入座。食潮州菜點可以唔叫滷水呢？今次叫左個小的滷水拼盤，入面包括了鵝肉、豬耳、蛋、五花肉、墨魚、紅腸、蛋及豆腐。除左包羅萬有外，味道仲整得好入味。另外，我們都叫左一份「家鄉煎蠔烙」，由於用煎的方法去烹調，所以會比炸蠔餅少油健康。另外煎蠔烙利用雞蛋的香配合新鮮肥美的蠔仔，所以味道Double up! 呢個菜式係「太陽軒鬆餅」，其實係有塊薄皮包住魷魚肉。呢個菜式好特別，而且口感有層次，我同媽咪好快就將呢碟野秒殺。建議鍾意食香口野的人可以試試！呢份鬆餅仲可以點呢個酸酸甜甜，似梅子醬的醬汁。媽咪係到，我無得淨係做食肉獸，所以叫左一碟「金華四寶蔬」。平時唔多食菜的我都大叫好味，呢份四寶蔬的菜都煮得非常入味，唔會係"烚菜上𣺉汁"。蔬菜加埋金華火腿的鹹香，真係好夾。

和朋友到了太陽軒食潮洲菜""令我對潮洲菜另眼相看食完真係覺得幾正。所以來推薦比大家地方幾乾！所以食飯都開胃d叫左隻潮洲凍大紅蟹，由於凍食既關係，所以一食就會分出高下鮮味與否無得呃人既！！呢隻凍蟹完全做到鮮味肉質細緻綿綿沒有「梅」既感覺。仲有邪惡既蟹膏作襯托成件事非常得再蘸上醋更加味道太美味啦嗎。沙窩老爺雞，成份雞非常豐滿！濃濃既芡汁令到雞非常入味。而且肉質嫩滑，最主要唔會太咸~好味呀！ 鹵水鵝翼既鹵水味道層次豐富，鵝翼雖然無乜肉食，但食細肉已非常心動了整體黎講真係值得去既潮洲店！

好耐冇食打冷，但同啲女仔去食佢地一定會嫌棄，因為一般打冷地方都係比較污糟啲。但我啲friend搵到一間環境幾乾淨個地方。但開頭諗會唔會中伏，因為驚風味唔夠，但原來好好食。冷盤嚟講，份量幾多，鵝肉好肥美，紅腸好爽口，豆腐唔酸。珠菜川椒雞，珠菜好脆口，雞肉唔肥。淮杞墩螺頭，湯好甜，唔會太咸，同份量好多，起碼6碗份量凍馬友魚，馬友骨少，好好食。家鄉煎蠔烙，蠔唔煋，好香口。欖菜肉碎炒四季豆炒飯一粒粒，好香好好食。

好奈都未食過潮州打冷啦, 今日就同班老朋友一齊去間新開既潮州酒家打冷先!先食個潮州凍蟹, 所用的係矜貴紅蟹，都係3百幾蚊, 還要係公蟹，賣相更佳, 蟹肉多骨少，且肉質飽滿紮實，味道鮮甜, ，配上蘸薑和浙醋, 就更能提升鮮味!滷水鵝掌翼, 口感肉質煙韌, 味道醇厚甘香, 入口不鹹渴，肉味因滷水得到昇華, 鮮而不搶喉，越吃越滋味, 食盡滷水精華!淮杞燉螺頭湯, 168蚊,都好大盅喎 , 岩晒捱夜後陰陽失調既我飲用, 最啱秋天既湯水, 響螺頭的香味就撲鼻而來，胃口都被提了起黎, 味道鮮甜又滋補, 正呀!沙窩老爺雞, 懷舊潮菜，餐廳經理介紹我地食, 半隻雞, 但分量已經好多, 色澤鮮亮、雞肉嫩滑，砂鍋KEEP暖之餘，雞肉充分吸飽湯汁, 鹹中帶甜，味道好

今個月喺小妹生日月，好朋友為我慶祝生日，問想食咩，喺openrice 突然search 到呢間太陽軒潮州菜，就唸起好多無食過打冷，所以就呢間。今次試咗:滷水墨魚：無用花紅粉染色，呢個已經好少見，不錯！滷水掌翼：掌翼夠入味，內含好多骨膠原感覺。糯米大腸：大腸做到無尿壓味，腸夠煙韌，不錯。九菜豬紅：九菜略微太老，豬紅不錯。海淅：okay 香煎蠔餅：呢個蠔餅裡面大大隻蠔，幾新鮮，蠔仔量很多，但蠔餅比較濕，唔脆，如果可以做到脆口，呢個菜就prefect 池！方魚蠔仔粥：足料好味！方魚大大片，蠔仔大大隻，好味！仲叫咗炒麵，炒飯，苦瓜腩肉同返沙芋，都不錯。總括，可以再嚟！

去到佐敦美食區，要品嚐真正嘅美食，當然唔係去水平一般嘅豉油牛扒餐廳，要食就要食最好! 潮州美食可謂中菜之中嘅極致，而呢間太陽軒就絕對唔令我失望。既然話要食最好，一開場當然就食最矜貴嘅紅燒潮州翅，一上枱時香味濃郁，已經足夠令人垂涎。用筷子一夾，即可夾到份量極多嘅排翅，絕對無偷工減料。加上黑醋調味，更可發揮當中香味，濃郁嘅上湯、金華火腿等材料，配上粗身而彈牙嘅排翅，可謂潮菜中嘅經典。接著另一經典係蠔仔粥，蠔仔嘅份量都唔少，而且每隻蠔仔脤卜卜，都已經值回票價，而且仲加上豬肉碎，大量米粥，以及濃郁嘅湯去烹調，絕對有令人飽足嘅感覺!

佐敦吳松街真係好多嘢食，而今次就被一個十分搶眼嘅招牌吸引到，太陽軒飯店專做潮州菜滷水。其中一面廚窗就係滷水部，師傅整齊排列出所有滷味材料，仲有凍魚，大紅蟹一般打冷必備嘅都應有盡有我們首先點左條凍黃花魚，size唔算大，但肉質嫩滑，而且十分肥美，魚肚中嘅魚春都好新鮮，配點豆醬真係一絶滷水拼盤，豆醬底，有五花肉，鵝塊，紅腸，墨魚，滷蛋，豬耳份量都唔少$168算掋食，而且大部份食材都滷得入味我食潮州嘢，有倆樣餸一定會點嘅一就係蠔仔肉碎粥，另一樣就係蠔餅粥好大碗，蠔都好多，差唔多每食倆啖都一定有蠔，加左少許胡椒粉，配住個滷水食，真係好食而蠔餅同平時食開嘅比較呢度比較少油，當然口感就無平時食到嘅咁脆，食起黎都唔錯，起碼健康先沙煲老爺雞，係經理哥哥推介之一，用豆醬喺沙煲內炆到個雞入晒味，聽起黎係咪好吸引，但個人認為無想像中咁驚喜，因為個汁比較普通，反而令我驚喜係個煲底有入晒味又好爽口嘅馬碲食左咁多肉叫個菜黎平衡吓，云腿扒四季蔬老實講我都係第一次食反砂糊，比想像中外層嘅糖砂，原來都幾厚，內裏芋頭好香，好好食。

朋友介紹這家新開不久的潮州菜，他誇張到一個月吃了三次...於是今個禮拜家庭樂就帶埋熱愛潮州菜既爸爸黎試下佢盧山真味道餐廳位於佐敦吳松街，離地鐵站數分鐘腳程，都好方便易找~由街頭行不久就見到招牌閃閃發光既<太陽軒>，門面非常光鮮~望望餐牌，有散點，也有幾款套餐供選擇，我地已有幾款菜色心水選擇，所以就散點~鹵水拼盤 $168拼盤包括鵝肉，花腩，墨魚，豬耳，紅腸，蛋，豆腐~鹵水汁味道香，食到陣陣香料味，味道剛好不會過咸~鵝肉口感軟熟不過老~花腩肥瘦相間，肉質鬆化~家鄉煎蠔烙 $98第一次食到完全不油膩既蠔餅，賣相金黃好吸引，蠔肉每顆都肥大飽滿的，味道鮮甜~麵糊部份蛋味夠香，邊位微脆，中間軟綿~真心推介凍黃花魚 $168每次食潮州菜爸爸必要食凍魚~平時食烏頭多，今次食黃花魚，味道都幾香，腩位嫩帶油香，仲有我最愛的魚春~而其他部位肉質較散~沙鍋老爺雞(半隻) $168店員推介的老爺雞，主要以豆醬煮至入味，沒有其他多餘的配料或調味，可以吃到豆醬的原味及雞肉的鮮味，出面比較少有，可以一試~返沙芋 $88聽講製作工序煩複，市面賣少見少，呢度有就一定要試下！芋頭以一層砂糖受熱後形成的脆糖