太陽軒飯店

Open Now

Now Closed

新張期內免加一，今次兩個人食好西。有2，4，6，8人套餐，不過我地散叫四個菜仲正。糖醋麵餅，有甜又得有䤇又得，不過我鐘意唔點，原味食最正。鹵水併盤$168，多都爆滿，食左50分鐘都食唔完。pizza式𧐢餅，有新意，食落好大粒𧐢，不過尾尾可能凍左冇左鮮味最後呢碟椒肉夠哂吊味。環境清新冇異味好舒服，令人想坐多一陣，冷氣又夠凍的地方食打冷係另一番風味。1值得一提，待應部長都主動換新碟同加茶水，服務一流。

係香港我除左去海港城食潮州菜外，好少會食其他，呢間係佐敦既潮州菜，真係因爲日日打邊爐食悶左環境舒適，格局五錯，但企門口果個女支客就五多有禮貌，有少少扣分菜牌種類多，基本所有潮州岀名既都有，蠔仔粥，凍蟹，炸面，凍黃花魚，咩都有，應有盡有，本來想叫蟹食，但我對面條友五食於是叫左蠔仔粥米飯粒粒分明，蠔仔新鮮 加埋d胡椒粉，五錯然後到個鹵味，d汁好正，只老爺雞就少少，個味有少少格格不入，一般，好彩另外果2味好食

開業不久，午市提供了不少的選擇，主要以滷水食物為主。在餐牌云云的選擇中，有一個號稱「驚喜價」的四寶飯。四寶飯，$38，份量算正常水平，不會太少。四寶有紅腸、滷水蛋、滷水腩肉、滷水雞翼，份量亦沒有偷工減料。就價錢而言，在同區之中，絕對算得上抵食。就食物而言，紅腸、滷水蛋只是普通水準，而滷水雞翼亦就不夠入味，但是滷水腩肉卻十分不俗。假如對食物十分有要求，就未必能夠滿足。如果只是追求一個簡單、平價而又不錯的午餐，的確值得嘗試一下。

很久沒品嚐食潮州菜，在佐敦買麵包的時候經過太陽軒，見到有滷水食物，就吸引著我們走進去。滷水併盤 $168，點了個細份量，食物排列得整齊，賣相幾吸引~~滷水鵝肉、紅腸、豆腐、墨魚、豬耳份量也不少，適合2-4人享用至於味道還可以，但如果更入味就好。黃金炒飯 $108金黃色的飯粒，上面灑滿的櫻花蝦，用料十足。飯粒幾乾身、有不少蝦仁。金沙明蝦 $108上檯已嗅到香噴噴好有咸蛋香味，蝦肉爽口，不過有少少汁會比較好，因為有點乾。

大家對潮洲菜有無興趣? 個人真的幾喜歡潮洲菜，曾經到過潮洲品嘗當地美食，當中很多菜式令我念念不忘，例如蠔餅，滷水鵝，牛肉粉一一非常好食。 起香港一樣食到美味潮洲菜，今日選址佐敦，距離地鐵站3 分鐘路程，餐廳環境光猛整潔，食物可以散叫，另外有套餐菜單。 今次我地就散叫菜式，點餐後上菜速度快，店員有幫忙加茶，主動幫忙加水，值得一讚。 <滷水鵝片 $168> 滷水鵝片暖暖的，鵝片油脂分佈平均，脂肪唔會過多，恰到好處，肉質保持嫩滑。很喜歡個滷水好香，但完全唔會覺得咸，滷水味道不會蓋過鵝肉本身的味道，令鵝肉味道更提昇。 <酥炸蝦蟹棗 $88> 外層腐皮包滿餡料，外層炸得好香口脆卜卜，中間餡料仲加入馬蹄，令口感帶爽。蝦膠彈牙，另附上的醬汁跟蝦蟹棗好夾，醬汁甜味中略帶微酸，食完唔會覺得漏，是一道花心思的菜式。 <黃金炒飯 $108> 未講好唔好食，已經覺得賣相好吸引! 味道方面，好有驚喜炒飯入面加左蝦肉，蝦肉幾爽，加埋好多蟹子同櫻花蝦，成個口感都好正，每一啖都食到好多蟹子，飯炒得夠乾身，粒粒分明，飽肚鮮味之選。

雖然我唔係潮州人，但我一向都好鍾意去"打冷",每一次我都好專一咁一定要食三寶見到門面咁金碧輝煌，唔好以為好貴，新開張免茶介又免加一確實好抵食。如果附近返工 Lunch 仲抵。店員推介嘅四人餐好正 $580，不過今晚得兩公婆撐枱腳，下次帶埋爸爸媽媽過嚟先食啦我每次打令都一定要食嘅就係滷水拼盤 ，兩個人食一個 細 $168 ok 了。拼盤賣相非常吸引我最鍾意就係食鵝片，但估唔到呢度嘅腩肉都一樣咁好味紅腸墨魚真係最佳拍檔。入口感覺係陳年鹵水的味道，鹹香中帶點甜全部都好入味。鵝片同鵝肉皆皮香肉嫩。半肥瘦的腩肉口感軟綿。墨魚入口充滿彈牙的感覺。而我的第二最愛就係家鄉蠔仔烙 $98。簡直係色香味俱全，肥美的蠔仔填滿整塊蛋餅蛋香加上蠔香確實係好味道，超水準之作來到最後一宝就是潮州名物返沙芋 $88，不要看小這些小方塊，其實而家已經好少潮州店肯做，功夫步驟都好花費時間，難得師傅做到芋頭嘅外層酥脆口感，好像鋪左雪白嘅砂糖，入口香脆而且甜度適中，啱晒喜歡吃芋頭的我雖然吃了三寶，但老公說肚子仍然感覺空空的咁岩聽到旁邊食客大讚沙嗲牛河 $88，越肥越好食，我們都來一客沙嗲汁浸滿每一條河份正啊！牛肉入口算係嫩滑

前陣子到佐敦做身體檢查，經過吳松街呢間太陽軒飯店，即時比佢金碧輝煌嘅門面吸引住。停低睇睇，原來係一間潮州滷水專門店，店員向我地介紹，新開張免茶芥加一，即管入去試下先。新開張關係，Menu非常新淨，沒有污漬，感覺良好。食品都有幾多選擇，價錢也合理。先黎嘅係潮汕小食--普寧炸豆腐。佢比一般炸豆腐不同，普寧炸豆腐食嘅時候可先蘸上韭菜鹽水，你可以食到佢外酥內嫩，而且豆香滿溢，有一種相當獨特風味。即係我地平日講嘅煎蠔餅，佢嘅蠔夠肥美，加上粉漿調校得好，蛋香加上鮮蠔嘅香氣，撲鼻而黎。用黎做蠔餅，算大隻架啦。滷水拼盤有鵝片、滷水蛋、紅腸、豬耳等等，鵝片相當入味，超讚呀。烏頭魚份量唔算大隻，但鮮甜美味，特別係個豆瓣醬，調校得相當惹味，烏頭沾豆瓣醬食，簡直係完美配搭。最後當然唔少得蠔仔粥啦，同蠔餅嘅蠔一樣大大隻，又夠鮮甜。落埋胡椒粉，成碗即時香噴噴，越食越想繼續食呀。

今晚去九龍公園游完水,肚餓就要同同伴去搵野食又要平又要好食,咁就梗係行兩步去佐敦搵啦搵左一陣,食潮州野叫左4樣野:潮州白粥,鹵水鵝片,潮陽梅羔骨,仲有一個店員話好少有既潮式煮魚,望到隔離枱食緊都好靚仔下碟野咁就叫埋潮陽梅羔骨--個味都唔錯,骨唔肥..有D有軟骨咬埋仲正...用黎送潮州白粥一流鹵水鵝片--夠味鵝片,鵝片唔算太肥,又冇骨...而豆腐又入味,用黎送粥FIT晒潮式煮魚--隻魚好甜好食又無骨,連D汁都好好味......D魚冇骨,入口感覺都好正

今日同幾個朋友系佐敦食飯，見到網上有間太陽軒飯店是食潮州菜，又見好耐冇食潮州菜，於是決定食呢間，仲要是免加一服務👍有二人套餐，四人套餐和六人套餐都是幾百元，仲要免加一。淮杞燉螺頭，有杞子，雞腳，螺頭和瘦肉。湯好鮮甜，螺頭又大大粒又淋好好味。滷水拼盆：豬耳彈牙又夠入味，滷水蛋好香，紅腸和滷水豆腐等，鵝肉肉質嫩滑又夠香。家鄉蠔仔烙煎到金黃色又有好香蛋味，蠔仔又大大隻，又不油膩食落啖啖蠔仔👍欖菜肉鬆四季豆黃金炒飯上面舖滿櫻花蝦，飯又炒到好乾身一粒粒美味可口，又有蝦爽口彈牙。

不知道大家可喜歡「打冷」？我就很喜歡了！潮州美食實在多，滷水、蠔仔粥、甜品等等都充滿特色，這晚我來到了佐敦這間新開的「太陽軒」，門口招牌全是黃色霓紅燈，十分耀眼，「好似太陽咁溫暖」，味道又如何呢？ 蠔仔肉碎粥 ($48) 蠔仔粥材料好豐富，除了脹卜卜蠔仔之外，還有冬菇、方魚、肉碎和芹菜等，十分鮮味。我們叫了一碗，卻原來是很大的一碗，可以分到四五小碗出來，48元十分抵吃！ 滷水拼盆 (小，$168) 來打冷店沒理由不吃潮州滷水吧！這裡做得也不錯，鵝肉、滷蛋、墨魚、紅腸、豬耳、豆腐、腩肉，堆得滿滿的，全部都滷得很入味，沒有一樣不喜歡的。 香酥芋茸鴨 ($108) 這個芋茸鴨是全晚的驚喜所在。面層十分鬆化，一吃即散；中間芋茸香軟綿滑；底部是薄薄的一塊鴨肉，鹹鹹的很入味。我怕熱氣又想減肥，但都忍不住吃完一塊又一塊！ 福果綠豆爽 ($28)最後當然要來一碗潮州糖水，福果即是白果，煙煙靭靭的，與綠豆爽十分匹配，清清的，味道不錯。

放工前收到了媽媽的來電，表示師奶好友推介了一間新開的打冷菜館給她，很想帶我去試試，所以，這天放工後，我便極速趕到佐敦與她滙合，再一同前往吃飯。 太陽軒是新開的潮州中菜店，甫入店舖，店員已報以笑容，感覺非常親切，而店舖雖然佔地不算很多，但感覺開揚潔淨，加上新張其內不收加一及茶芥，加分。 在查看餐牌的時候，待應向我們推介了鳯尾魚小食，見價錢不貴便點來試試，鳯尾魚的外型有點像日本零食，不過，size 就是較大條，味道酸酸的，而且口感香脆，就連魚頭及魚骨都是脆脆的，非常醒胃。 糯米炸大腸 – 炸大腸內釀了滿滿的糯米飯，入口時帶點煙韌口感，雖然糯米飯有點油膩，但蘸上味道甜甜的醬汁，挺好吃的。 滷水墨魚 – 滷水墨魚由於有一定的厚度，所以入口時咬口十足，帶有嚼勁，帶有淡淡的滷水香味，而墨魚下於了一片片的滷水豆腐，口感結實得來又滑溜，加上滷水味鹹度適中，推介。 香芋粒炒飯–炒飯炒得挺乾身，能做到粒粒分明的效果，而炒飯入口時油膩感不重，而口感粉嫰的芋頭，給人”越食越好味”的感覺。 返沙芋–芋頭外層掛滿了白餹返成的酥脆糖片，口感香脆清甜，而芋頭又香又粉，吃後令人感到相當滿足。

今晚又約老爺奶奶出外吃飯，跟長輩吃飯，打冷當然是一個很好的選擇，我們一早訂了枱，也早了幾分鐘到達，可惜入座紀錄出了問題，沒有紀錄，所以我們最後還是要等位，最初店員說安排我們撘枱，但另一枱walk in客人似乎比我們更不想撘枱，所以就走了，我們才可以不用撘枱吃晚飯，說真的，午巿上茶樓撘枱沒辦法，但訂了枱的晚巿還要撘枱似乎不太合理，這方面飯店應該改善一下⋯等了15分鐘，總算有位，我們被安排到樓上房間大枱，起初店員要求我們坐在一旁，以便再有客人來時可以座在對面⋯慶幸到最後都沒有其他客人上來撘枱⋯說回餐牌，太陽軒晚巿有經濟的四人及六人套餐，但基於老爺是要吃十二成飽的人，所以我們還是決定散叫，最緊要老人家飽肚，滿足地離開⋯家鄉煎蠔烙是打冷必點的菜式之一，蠔仔是潮洲菜常用的選料，這個蠔烙的蠔非常肥大飽滿⋯蠔仔的份量不少，但水份較多，令蠔烙中心較濕⋯普寧豆腐值得推介，外層炸得非常香脆，色澤金黃，內裡豆腐幼滑，還有秘製薄油汁，口感層次與味道俱佳﹗凍烏頭魚屬於中Size，肉質結實啖啖肉，已開邊去骨，所以可以放心食用⋯凍烏頭配上豆瓣醬可以說得上是絕配，這個豆瓣醬咸香不失豆味，沾一丁點已經非常入味⋯滷水拼盤

昨天與媽咪有事去佐敦一趟, 處理完事務後, 都差唔多晚飯時間, 本身想吃澳牛的, 但眼尾忽然看到有間新開既潮洲菜館, 全新的裝潢絕對是整條街既亮點, 在門口看看環境和餐牌, 都覺得價位合理, 所以就入來吃個晚飯~ 這間店子名叫"太陽軒飯飯店" , 主打潮式滷味和各式潮菜, 內裡地方又大又骨子, 全新裝修更加坐得相當舒服, 地方又企理乾淨呢~ 而且經理服務員全都有禮細心, 勤換碟勤加水, 店主(經理)更加風趣幽默, 給我們的感覺很好! 看了餐派後, 既然這裡是潮菜館,所以一定要點滷味啦~我和媽咪點了幾樣菜~ 分別是滷水鵝片、家鄉煎蠔烙和蠔仔粥~ 滷水鵝片- 本想點滷味拼盤的, 剛好這個正在做特價,原價HKD 16X 現在是HKD 12X, 好抵食!即叫! 上桌時大大片的滷水鵝片鋪在上面, 下層則是滷水豆腐, 賣相精美,大大件的鵝片閃閃發光,色澤鮮明, 滷水香味撲鼻而來, 好香喔! 味道方面, 鵝片相當鮮美, 而且不老夠嫩滑, 該是年青的鵝吧~吸飽了滿滿的滷汁, 吃下去充滿口感, 肉汁細緻又夠滑, 而且滷汁不死咸, 是鮮甜適中的那款, 用來送酒和佐飯一流! 家鄉煎蠔

佐敦之友又黎喇~上次同佢食過我西環同樂富嘅心水打冷後, 佢今次同番我黎佢呢個街坊心水~裝修好新 菜牌比平時嘅打冷有格調 但價錢就仍舊親民~我係半個潮洲妹, 由細到大成日食, 肚餓嘅我 輕易快快叫咗幾味心水~(其實好多嘢想食架, 不過, 我學識咗 唔好再做 "眼寛肚窄" o既壞人類... 所以, 下次再黎!!!)飲熱茶 食潮洲粥就好似番到細個哥陣咁呢蠔仔粥 一碗 40幾蚊, 2個人 share 食剛好呀!鮮甜足料, 唔腥 又零蠔殼, 明顯擺足心機 做好佢, 抵讚呀!!!連平時吾願食蠔咁滯嘅佢都開心食曬~滷水拼盤 (小)鵝片較瘦, 肉味濃 惟稍靱;鍾意無染色嘅墨色, 軟而有咬口, 𡁻落有甜味;豬耳 Q彈有著滿滿膠原黏香;紅腸 腩肉 豆腐 各樣都食得出認真~煎蠔餅(好似係 98蚊, 我唔肯定個尾數係 8蚊定 6蚊... Sorry T^T)嗯嗯嗯, 呢個蠔餅 係我鍾意嘅蛋餅口感, 正呀! (我唔鍾意哥啲炸到一堆脆漿嘅, 一口油同粉, 唔 ok 囉我真係~)蠔量足, size 剛好 又 arm arm 熟, yumyumyum!!!佢食咗 2件仔, 其餘我清曬!涼咗都唔腥, 同樣係零殼, 讚啊

舅父牛一，舅母訂了一間潮洲菜館跟他慶祝！太陽軒飯店是佐敦新開的潮洲菜餐廳，很意外，我們來到發現都已經坐得滿滿，食物應該很不錯吧！潮洲菜怎少得吃滷水，滷水拼盤(小)主打有滷水鵝片，另外的就是廚師選的，有爽脆的豬耳、爽口的墨魚片、入味的蛋和豆腐！滷水汁很出式！再來就是香酥芋茸鴨，我真的非常喜歡這道菜！芋茸入口溶化，很粉很滑，上面則炸得酥脆，底層還有鴨茸，非常甘香可口！絕對是巧手工的菜色！黃金炒飯又是另一道推薦！一來到看見炒飯上滿佈櫻花蝦已令人垂涎！炒飯粒粒分明，還有彈牙的蝦，飲又不會很油，我偷偷吃多了一碗！舅父特別喜歡沙窩老爺雞，雞肉特別嫩滑，連雞胸也很嫩，味道剛剛好，不會太濃，吃完沒有口渴的感覺，夠熱，好惹味！以食物的質素來說，這裡的消費挺划算的，服務又非常好，新張期免茶免加一，真的不錯！