新興棧食家

Open Now

Now Closed

一兩條街之內...有四間粥品店,都各享盛名....先講價錢...白灼鯇魚皮..新興棧 $15,最平,...."和 x",.."x 鋮"..分別貴1,2蚊......."x 城"就最過份,收 $30鯇魚皮..其實爽滑程度都在佰仲之間...份量多少亦差不多....調味都係甜豉油+麻油....但金童係薑蔥怪人....每塊魚皮都喜歡夾大量薑蔥進食.....叫新興棧 d 阿姐加薑蔥絲,佢地有笑容兼好樂意..."金x"收最貴,但卻最惡最黑面......根本都唔敢問

2009年07月24日，20:10本週諸事不利，決定到這店來碗好粥，去去霉氣。(超強借口)在油麻地下車後，經過數家粥店(宏興、明記…)，戰勝誘惑，成功抵壘。店是如常的全滿，幸好阿姐帶我攝位。賊佬試砂煲，麻煩魚卜粥粥一碗。月前慘遇滑鐵盧，21:00佐敦三名店，魚卜同時沽清澎湃如常的魚卜粥五分鐘內到位。粥底：薄而極鮮甜，偏鹹？剛過大暑，還是補充多點失去的鹽份好配料：粗壯的蔥段夠鮮甜；生菜絲清甜。(溫馨提示：生菜和薑絲是任添的)魚卜：九大個，個個爽脆、鮮膩。我吃粥次序，先吃蔥段、再喝粥湯、生菜、最後才是魚卜。店的客路廣，暨有街坊、熟客，亦有慕名而至的街客。怎分辦？衹看他們點粥、和阿姐間的對話，便能知一二

來到新興棧食家叫了碗魚卜粥~大量生菜絲在粥面，粥底未算綿，亦有點稀，粥底味道沒有蓋掩魚的鮮味。用生滾粥來烹調的魚卜,可以吃到魚卜的鮮味。其實魚卜本身的味道偏淡，用霸道的調味料更加好。

我是一個十分怕魚腥的人，吃生滾粥至今還沒有試過點「魚類」，就連最簡單的魚片粥也未曾主動點來吃。但一場來到「新興棧食家」又怎能不點魚類生滾粥品。在各式各樣魚部位中選了「魚卜」，因為想在同一時間品嚐，魚卜在生滾及薑蔥爆的烹調下有何分別。最後共點了三款食品，包括「魚卜粥」($31.00)、「皮蛋瘦肉粥」($26.00)及「薑蔥魚卜」($40.00)。先來的是「薑蔥魚卜」，在吃魚卜前先吃已爆香了的薑蔥，香口野味，很有爆炸力。魚卜爆得金黃，脆口中帶著魚卜自身的煙韌，索價四十元，幸好份量足夠，算值回票價。隨後兩碗粥同時送來，大量生菜絲在粥面，粥底是自己吃過的生滾粥底之中最平淡的，粥底未算綿，亦有點稀，相信原因是不希望粥底味道蓋掩了魚的鮮味。用生滾粥來烹調的魚卜，比起薑蔥爆的當然平淡得多，但這樣卻可以吃到魚卜的鮮味。生滾魚卜的煙韌度比起薑蔥爆的下降了一半，而彈牙度卻上升了。其實魚卜本身的味道偏淡，用霸道的調味料來處理會更加適合。「皮蛋瘦肉粥」的出現，是由於啤梨不太喜歡嚐魚粥，皮蛋的質素不錯，而咸瘦肉亦帶咸香，整體水準不過不失。環境對我來說是合格的，而阿姐的服務雖然較粗豪，但仍然在自己接受範圍內。粥的

上星期六又再來了，今次帶埋honey來食粥當午餐。我們叫了我最愛的魚腩粥、豬潤魚片粥、炒麵和油炸鬼。魚腩粥 – 今次的魚腩沒碎骨，有成六七塊魚腩，仍是先將魚腩在銅製粥鍋內和薑絲一起煎香，然後才落粥煮熟。可能今次換了另一位師父，所以魚皮沒有太燶，味道非常好，而且最重要是食得到魚的鮮甜味，而且魚本身也十分新鮮。 上次是中上之作，今次則有90分。豬潤魚片粥 – 豬潤又爽又大片，只嫌有點薄身，但奇怪的是我們是先吃魚腩粥，才吃魚片粥，但魚片卻是緊緊熟，仍未全轉成白色，紅肉部份仍帶少少紅色。由於魚片較薄，所以食起來的味道不及魚腩般有魚味，但也算是鮮甜的，而且很滑。有80分。炒麵 – 不錯，最好的是不鹹，也不油膩，但有鼓油味，也有麵味。有80分。油炸鬼 – 沒特別，因為一早已切定，所以有點乾硬，浸在粥裹吃也算ok吧，但齋食的話，則完全不香口。有50分。總結一句：好食過旺角的妹記和富記好多好多。

雖然我已從腸胃炎恢復過來,但小心飲食還是我首要任務. 選擇食粥水過生日,超有新意. 來之前己經做咗research,這裏出名食魚,係我的至愛,今日一於要個全魚宴. 我要了魚腩粥,朋友要了肉丸魚片粥,另要了薑蔥魚皮同薑蔥爆魚腩.其實應該叫爆魚卜(最出名又最多人食),但係我唔係好敢食.如果d爆野正,下次一定再來試.魚腩粥同肉丸粥既粥底好清甜,但愛食粥的最好叫魚片那類,因為魚腩超多,起碼有半婉以上.魚腩幾甜,肉丸有質感,超好食.加上生菜同蔥d粥有口感,更好味.魚皮好爽口.而薑蔥同魚皮,一向係best friend! 美中不足係豉油太多,幾咸. 薑蔥爆魚腩又另一傑作,魚腩用勁多油,薑蔥同酒爆過後,一d都唔鯹,酒味亦不重,魚爆得皮脆肉嫩. 朋友就連d薑蔥都唔放過,不斷話好食. 雖說兩人食薑蔥爆魚腩份量有點多,但最後都清晒. 個生日“粥”,佰一都唔洗,真係平靚正!

02月06日，20:35終於到了小週末，在佐敦下車後，吃過辣食，便到這店來碗粥。店內全滿，祇好坐後巷。魚卜粥又加了價HK$33.-，無奈個人覺得妳最好。魚卜粥：薄如湯的魚粥底，鮮甜無比；魚卜10大個，件件爽脆、滋潤，阿姐忘記了加入生菜，稍欠了點清鮮。題外話：抗海嘯，直巴各自出招，油尖線加了太子落客站，但苦了在佐敦下車的我，車程多了近10分鐘。全日通則提供折扣優惠，我可直接得益。

齋完之後,隨即大解放,小弟拉大隊到自己最愛的魚粥店"新興棧".七個人坐在後巷,風味十足.這店的魚粥有幾出名,已經在之前的食評說過多次.今次幾碗粥之中,不是每一碗都是魚粥,有滑牛粥,肉丸粥等等.每次來例牌自行添薑荵一碗,作為前菜最好不過,不是魚粥的滑牛,肉丸,也有水準,牛肉夠滑,肉丸很有質感.兩碗魚粥是魚腩同魚咀,想多點肉吃就一定是魚腩,但魚咀的膠質,相對更為豐富.女仕們一定愛咀多過愛腩.不能少一味薑荵爆魚卜,用酒爆到火光熊熊,什麼腥味也除去.薑荵惹味,魚卜爽脆,同樣充滿著膠質.大家在後巷吃住魚粥嘻嘻哈哈,今年的二月十四,就是如此渡過.

前日又來佐敦，一早就想清一下腸胃，所以找粥舖吃，見到這店人頭最多，於是就進來試試。叫了魚腩粥和魚皮。魚腩粥: 很多；有六七大件在一碗粥內，可惜老了一點，有點兒”鞋”，而且部份魚塊有很多1-2cm長的短骨，很是麻煩。(明明是叫魚腩！？) 魚塊先被煎過，部份魚皮有點燶，我不愛這做法，破壞了整體食味。粥底則不錯，雖不棉，但質地好，味道也合宜，中上之作。魚皮: 對上一次食已是十多年前了！心中經常念念不忘。很爽口，蔥不夠多，要再加。可能本身味道很清，今我覺得那豉油太鹹。

零八年十月中旬宵夜裝修後首次來，環境比從前企理一點，但是夜卻沒因環境好了有分加，因為是來買外賣～要買些手信探班，首站是這裡的生爆魚膘，落了單，看靚姐燒氣鐵鍋，下蔥、薑片快手爆香，下魚膘兜兩兜再贊酒，火燄沖天！雖然蔥料將魚膘的鮮味給搶去，但老派的做法就係咁，是當年冷凍系統不好以傳下來的文化吧，熱辣辣又吃得到魚膘卜脆與黏潤口感，一客近四十元，雖然唔平但全程看著靚姐的神技，任影唔嬲，已值回票價了！

食完甜品搵地方食碗粥, 0黎了聽聞供應全佐敦最掂魚粥的呢度, 簡單叫個魚腩魚卜粥 ($31).滿懷希望呷啖粥底, 差 d lur 返出來 -- 乜咁 x 鹹的!? 不明所以, 攪多兩攪再呷多兩啖, 一樣咁鹹, 而且開始口渴, 食到扁晒嘴! 不過0個 5-6 件魚腩就好鮮甜, 用薑蔥爆過, 個別幾件仲爆得微(火農), 食落帶點香口, 好食; 又係薑蔥爆過的魚卜有 4-5「抽」, 爽口彈牙又惹味, 好食.環境光猛, 衛生麻麻, 不過0黎得呢 d 地方都預0左吧; 阿姐好似好粗聲粗氣, 但其實幾好禮貌的, 招呼唔差.$31 埋單, 唔貴, 但可能期望太大, 失望實在幾大, 無興趣再幫襯了.有機會試埋和味及金城吧.

之前看食評, 發現附近的三家魚粥當中, 獨未吃過新興棧。 身為魚卜粥粉絲的我懶理大熱天時, 吃碗魚卜粥才算實際!坐入內, 第一個反應係張檯應該係為左d腰長的人而設的, 個個坐左落去都要吊起隻手來吃! 不過見隔離個個吊高隻手都吮得津津有味, 應該有其理由的, 唯有吊起隻手來吃魚卜罷。碗粥呈滿瀉狀態, 我不是覺得"很多" 而係"個碗好細"。 魚卜數量極多, 本身比和味做得好吃, 可是卻不及鋮記的香; 粥底感覺很稀薄, 感覺一般。可以咁講, 新興棧的比和味的好, 可是鋮記才是我的favorite。 天口剛轉涼, 又係時候去吃返碗魚卜粥了。p.s. 一直面壁而吃的我發現我眼前的餐牌的價錢錯了, 當我跟著錯的價錢牌付鈔之時, 俾阿姐窒"普通魚粥都唔止呢個價錢啦.......blablabla..." 係係係我錯我錯。不過我唔明白點解普通魚粥都唔止$31而魚卜粥就唔可以$31, 什麼邏輯思維?

從來都唔鍾意食粥, 可能細個食得太多? 怕了...同埋怕熱既我, 我絕對唔會三十几度再擺几十度既野入口去完醫院, 竟然醒起新興棧...仲心諗除左粥, 有無其他選擇呢?!去到發現除左粥以外既選擇就係炒麵...=o=其實去新興棧都係想試魚皮同魚卜only...魚卜得一個人, 叫一碟一定食唔晒, 所以放棄就要魚皮+炒麵啦, 炒麵非常極度一般...無辦法啦, 始終佢呢度炒麵只係配角講返魚皮, 超正!!!! 加埋豉油再加薑蔥...嘩.........流晒口水超級正! 真係覺得一碟唔夠...不得不提姐姐們既服務態度, 佢見某客人d野未到, 會主動問佢叫左d 乜同埋爭佢d 乜...姐姐亦奇怪點解我淨係食炒麵 (0個陣魚皮未到)...又問爭我d 乜咁又係既, 全場得我一個無嗌粥之嘛...哈哈...下次有人陪我黎既時候, 我要食魚卜啊!

食過好幾十次...無諗過呢間野都會有人響openrice表揚嫁, 等我都表下佢先!粥癮起, 又鍾意食魚既你, 新興棧就真係岩晒鯇魚頭至尾, 無一不浪費我就最愛食魚餃粥, 因為又唔太多肉又唔太多骨, 岩晒粥底係加左麥皮黎整, 所以幾香同有益生魚皮已經無乜邊幾間舖頭有, 呢度就會有, 用薑+蔥夾住魚皮黎食, 又香又脆我亦都見過有人用生魚片, 但係到宜家為止, 我都未敢試, 夠膽既你, 不妨一試喇!

滯滯地, 又臨到月尾, 又冇錢, 人在佐敦, 吃個粥便算. 找了好幾個街口, 這間樣子好像對辦, 就閃了入去.此店用銅煲煲粥, 又用麥皮做粥底, 粥不太杰, 合我心意; 有一兩次還見阿姐爆魚卜燒起熊熊烈火!!!吃晚餐也不能太 HEA, 要了碗雙拼, 魚腩幾厚肉, 豬心豬腰也好吃, 少少味精, 但可以接受.阿姐初時漏了薑蔥和豉油, 之後著她給一點我, 想不到給了一大碗, 好好人呢! 和食友討論, 還有魚卜粥等, 之後再來翻炒仍有水準.不過眼見 d 油炸鬼擺左好耐, 大家可以不用要了.$31 碗都算幾好食, 糧尾好選擇.