新興食家

Open Now

Now Closed

今次要介紹依間好近堅尼地城海旁、年曆超過30年懷舊茶樓，最特別係凌晨三點已經開舖，可以做宵夜or早晨，但下午四點就會閂門~廚房半開放式，可以睇到師傅好忙碌不斷出點心；亦有姐姐開中捧住出爐點心行過問叫賣；睇岩點心可以叫姐姐拎比你或者自己出去睇蒸爐拎。老實講環境唔算好好同埋比較迫所以唔會好舒服坐到好耐，不過茶錢點心價都好經濟而且好多款式食物，有時唔使下下都去嗰啲連鎖大型茶樓。例如包炸物嫌一籠太多都可以散拎單一個，例如我都係春卷拎一條、炸鮮奶拎兩條、叉燒包又拎兩個🤣🤣價錢都係計返$6一個$12兩個唔會有蝕底。☺️我係平日十一二點去到，仲早所以食物款式好齊！👓招牌流沙包 $21/3個出爐熱辣辣係好流心，黃金起沙，偏甜蛋黃味，不過唔係好重鹹蛋黃鹹香味。整體都好食，一個唔算好大個吾漏。👓炸鮮奶 $18/3條出面真係好少見！聽聞係必食，酥脆薄皮，唔油膩，包住啫喱膏狀嘅鮮奶條，味道偏甜覺得唔夠重奶味，係新奇唔錯嘅不過未算好有驚喜🤣👓懷舊糯米包 $18/3個第一次見🤣薄薄黃色外皮而不是傳統白色包皮，餡料係花生蝦米臘味炒糯米飯，正常濕潤度有煙韌。糯米飯其實唔算炒得特別香口惹味，不過呢款係好少見嘅懷舊點心好值

老實講我係為咗糯米包以來！因為真係好耐冇食，所以我非常期待，仲要係人手包嘅添嚟得呢度食就唔好諗有五星級服務，自己照顧自己喇！不過啲姐姐叔叔服務都唔錯，新鮮出爐嘅點心又會落力sell d街坊見到我第一次黎都有教下我同話我知咁坐會好啲（無咁易比人撞到😂）好正洗好啲杯碟衝出去睇吓有咩食 一定要食我最愛嘅燒賣， 肉味香濃又爽口，皮薄帶煙韌，正掛住食唔記得影裏便，糯米同臘味炒得好香，連皮同吃好香燶滿足，但我自己鐘意糯米飯再淋啲既口感呢個流沙包真係好正，裏面唔係包住死甜嘅吉士醬，係有小小鹹蛋既甘香流沙，真心要慢慢嘆啊呢個Yum yum魚肉蒸豆腐，呢個就啱哂鐘意清淡既你蝦餃 鮮蝦味香濃，而且好耐冇食過帶有筍尖 的蝦餃 帶點粒粒爽甜呢度嘅炸物仲可以一件一件叫因為家人飽了 ，我自己叫了一件春卷同炸鮮奶試下，春卷皮略厚，口感一般而炸鮮奶也粉太厚，中間餡料略甜好有feel既圈圈手寫單今日食得好開心 ，好喜歡香港呢種舊式情懷希望下次再來試多啲點心

老字號舊式茶樓買少見少，除了蓮香樓、蓮香居外，在西環的新興都略有名氣！相比之下，這小店的環境較為井井有條和整潔，少點湊熱鬧的風味，但Peak Hour還是超級多人，少不免要搭檯。下單不是現在一般的電腦入單，而是連人帶點心紙去到點心出爐區，問姐姐有什麼新鮮出爐點心，直接拿走就可以，有夠懷舊。有時候，姐姐會托著幾籠點心親自向客人推介，亦會有限量特式點心，蜂擁而至的場面就像是以前茶樓推車仔年代才會出現，久違的畫面，帶點人情味和街坊味。【黃金馬拉糕 $18】個人特別喜好，新鮮出爐，超熱！鬆軟非常，作為下午茶，一人已可以光速吃掉一個。

回味大學時候，凌晨4點都會走落去西環食嘅早茶(≧▽≦)今次喺下午時分1點左右嚟到，人龍不絕，需要等候大概45分鐘左右嘅時間先入到去。多年冇嚟過，但大致上裝修環境都不變。我哋坐嘅位置係可以見到師傅包點心姐姐仲會喺點心出爐嘅時候，大叫有冇人要，當我哋一見到心水嘅點心出爐，就即刻叫(^o^)/呢一個嗌點心嘅光景相信只有喺新興先見到。以下係我哋推介嘅必食點心：▧ 流沙包嚟到新興就梗係要食流沙包啦( ´▽｀)新興嘅流沙包係我哋覺得喺香港食過最好食嘅流沙包，佢係「堅流沙」，非常之邪惡！包皮唔會做得好厚呢一點非常抵讚，整體口感完美！▧ 金錢肚金錢肚不嬲係我最鍾意食嘅點心，睇佢個樣靚唔靚就知好無食，一睇就知新興呢一籠金錢肚勁靚仔，睇得出佢好新鮮，厚度同切嘅大細都啱啱好可以一口食到，味道非常足夠，perfect!▧ 鵪鶉蛋燒賣唔係係好多酒樓可以見到鵪鶉蛋燒賣都可以喺新興搵到~\(≧▽≦)/~因為啱啱新鮮出爐啊，一如新興點心嘅質素，唔使多講，好好味！▧ 蝦餃因為師傅每日人手新鮮做，皮薄餡靚，正！▧ 炸奶 (冇成功叫到但好想推介)真係唔太清楚炸奶出爐嘅時間，我哋一共食咗9個字時間都冇聽到有(;´༎ຶД༎ຶ`)如

🥢食籠包飲早茶🫖~ 西環懷舊港式點心店 📍新興食家呢間老字號無論係深夜，早晨定晏就都受西環街坊同大學生熱捧！🔥🔥佢地嘅點心新鮮製造，款式多樣，想食咩就拎咩，包你熱辣辣享用😋 🔥幾款人氣之選:1️⃣<招牌流沙包>流沙饀料蛋黃味濃郁，黃金沸騰起沙🤩，流量唔太多唔太少，略略偏甜，通常食客都可以食幾個😝2️⃣<炸鮮奶>可遇不可求嘅鎮店之寶🏅唔係度度都有㗎😝 酥脆薄皮同綿滑嘅鮮奶內饀有鮮明嘅對比🤤，咬落有爆漿嘅效味，奶味香甜3️⃣<咖哩金錢肚>咖哩味濃偏香甜金錢肚大塊軟腍索晒咖喱味4️⃣<豉汁蒸鳳爪>鳳爪骨皮易分離爽口，汁鹹甜鹹甜微微帶辣幾開胃5️⃣<棉花雞>魚肚厚身多汁軟綿，略嫌雞塊唔多且偏細6️⃣<金菇餃>外型圓潤飽滿，內有蝦同金菇，配搭比較少見不過未至於有驚喜，相對下蝦餃會更香雖然衞生環境唔算好好😂但場內熱鬧非常，充斥懷舊茶館嘅風味，值得約埋三五知己嘆番一盅兩件😋😋

糯米包對我來講絕對是回憶 ⋯⋯係父親與我至愛嘅飲茶點心，可以唔食蝦餃，可以冇叉燒包，但一定一定要食糯米包。 後來只有一，兩間「美x」集團食肆有，但近幾年都已經冇做了。見到電視介紹呢間懷舊點心鋪，當中出現了我的至愛，馬上跑去外賣再與家人分享😚糯米包糯米飯與臘味粒比例好好，炒得香口入味，有花生，蝦米及蔥粒 ，絕對無敵 👍🏼👍🏼👍🏼乾蒸牛肉一向都喜歡乾蒸牛肉多過山竹牛肉，可能又是童年的情意結，因為兒時同父親母親一起飲茶的老店只有乾蒸牛肉，久而久之也漸漸愛上了，係回憶。蝦餃有筍尖，小小肥肉加上蝦，係懷舊味道嘅蝦餃，不是現今一般只係有蝦，冇其他嘢嘅蝦餃 😋燒賣紮實有咬口但同時也彈口，原因亦是因為燒賣裏面有肥豬肉，所以餡料不會乾，有油潤，令肉更滑溜，味道材料同樣豐富。菜苗餃同蝦餃一樣皮薄餡多，菜同蝦嘅份量各半，調味準確，好味道。流沙奶皇包非一般的流沙包，由於奶黃加上鹹蛋黃，流沙甜味中有天然鹹香味，沒有坊間的奶皇包咁死甜及肥膩，而且餡料飽滿，絕無偷工減料 😋講明呢度係間懷舊老店，不要期望窗明几淨，有高級餐具，美輪美奐的裝修或者米芝蓮級的招呼。由員工至大部份客，多是上了年紀的人，外賣期間見到其實員工好

貌不惊人，店面窄小，但原来，如今已是名店。是 CNN 挑选的香港必去点心餐厅。其实，我家离这里只隔几个巴士站，我也路过無数次，没特别留意这小店。日子有功，大江东去浪淘尽，这些古早店竟然成了古董。来到这种舊式茶楼，要有心理准备: 乱，拥挤，吵，你要听从服务员指挥，不要期望五星级服务态度。这里的点心是不断新鲜出炉的，一出来就高声叫卖。受欢迎的，就手快有手埋冇。这里最出名的是糯米包与流沙包。两样都是太饱，我没有点。今天吃了:1。炸鲜奶。现今很罕有。二话不说看见就叫。不算顶级，但也香甜。2。烧卖。很平实，是很传统的味道。主力还是猪肉，不会加大量的虾。个人来说，并不偏爱。但觉得肉很扎实，没有雪味。3。凤爪。很传统的煮法，浓厚的酱油，凤爪够大隻。不过，略嫌偏咸。4。茶。我点了寿眉，算很不错，茶钱也便宜。现今吃点心，经常有:差之毫厘谬以千里的感概。来来去去都那些例牌点心，味道也不算很好。我经常也提不起劲去饮茶。来这里，食物真材实料，不顶级也不失礼，也让我们缅怀一下以往的老好日子。

飲茶食點心好多時都係幫襯大型酒樓但今日朋友帶左我黎呢度真係好驚喜😘😘呢度特別之處係所有點心都係每日現場新鮮製作，我去個日仲有機會睇到師傅包蝦餃😍😍嗌野食個part最正，唔會好似平時大型酒樓咁填點心紙，呢度係唔需要點心紙，所有點心一出爐，有點心姐姐叫賣，好有以前香港飲茶feel，又可以食到即刻出爐既點心。 今日食左最愛既野食係咖喱金錢肚，金錢肚整到岩岩好，好好味，個醬夠濃，係出面好難食到呢陣味😍😋第二最愛係燒賣，呢個係我有私心，因為一向鍾意食燒賣，不過呢度整得好好食，好爽口彈牙，口感一流😋😋最特別係佢有糯米包，宜家唔係度度都有呢個點心。真係好珍惜有得食既地方。 整體黎講我今日叫左既全部野食都好好食😋推介大家去食😋😊😊

咁啱又經過堅尼地城既然好耐冇飲過茶就試吓佢😆去到條龍排到去珍珠奶茶舖好彩都係等咗一陣位 就入得啦不過太晏去🤨 （其實只係未夠兩點）但佢開凌晨3點收下午4點所以糯米包已經賣晒😩唯有下次再吃啦冇服務可言🙈 D姐姐好惡但嘢食係幾好味😋咖喱牛肚入味夠淋鴨腳紮足料 芋頭同鴨腳夠淋流沙包夠流沙又夠鹹香雞絲粉皮（好似係）都不俗臨尾叫咗個排骨盅頭飯 飽晒😌由於入座限時45分鐘如果我住附近會買外賣返去沖杯靚茶🫖慢慢食

相信唔少hku學生/西環街坊都識呢間點心舖🥢雖然做已經讀咗幾年書，但上年先第一次飲早茶🫖今日就趁放假同屋企人嘆返一盅兩件，一齊體驗下老字號嘅味道😜呢度唔使叫人落單，只要拎張點心紙出去睇下有咩啱食，或者等姐姐問要唔要新鮮出籠嘅點心就得啦😆·叫咗數款點心，每樣都表現出色😇<招牌流沙包>最鍾意就係呢樣點心，每次飲茶我都會叫。新興嘅流沙餡真係食過最好食🥰咸蛋黃味超濃又帶點奶香😍<糯米包>用燒賣皮包住糯米飯🍚皮薄糯米飯又乾爽唔油膩，仲有啲臘味同花生🥜香口又唔滯👍🏻<新興蝦餃皇>外皮厚度適中，中間蝦仁爽彈🦐<鵪鶉蛋燒賣><香菇燒賣皇>鵪鶉蛋燒賣係好老式嘅點心，依家可以食到嘅地方真係唔多🥚兩種燒賣嘅分別唔大，只係鵪鶉蛋同香菇嘅差別🤪<山竹牛肉球><咖哩金錢肚>·食過佢嘅炸鮮奶記得好正🤩可惜今次嚟得太晏，佢話咁夜唔再炸啦🥲想食嘅就要早啲嚟唔好撞板啦

I went in the morning with my girlfriend and was asked to be seated by the back bathroom area even though there were two seats in the front. We protested but they said the seats in the front were for three people. The food was decent. There were two tables occupied by frequent customers (bunch seniors) were sat there when we arrived. Two other frequent customers came and the staff passive aggressively forced us to leave when we arrived at a much later time. We dined a total of an hour at most an

西環其實有唔少點心店，但好食既點心店唔算好多間。今次就去左一間歷史悠久，又好好味既點心店食午餐 - 呢間點心店就係「新興食家」因為點心出名好好食，所以好多人都慕名而來，門口經常排長龍👨‍👩‍👧‍👦👩‍👧‍👦👨‍👧‍👦由於呢間係舊式點心店，店舖空間唔係好大，所以枱比較少，要同其他人搭枱。舖頭入面有師傅不停整點心，所有點心都係即做，不停有唔同既點心出爐。點心出爐時，會有職員嗌點心，聽到想食既點心，就叫職員比一籠你；如果無點心新出，可以自己出去睇下有咩點心攞餐廳亦貼左老闆同Eason既合照，可見連Eason都會黎食點心，就知有幾好食了✨新興蝦餃皇 - 大大粒，皮薄肉厚，蝦肉夠哂大，蝦帶有鮮味，筆者覺得比平時出面酒樓食到既蝦餃更薄皮，係我最愛既點心鳳爪 - 汁既味道幾濃，但食落唔會覺得好鹹，鳳爪有口感，軟硬適中，好多時一出就比人搶哂生炒骨 - 好少點心店有生炒骨賣，呢間既生炒骨酸甜適中，勁好味，價錢又唔貴，對比出面小菜生炒骨既價錢差好遠。同埋呢款唔係成日出，次次一出有就快比人搶哂，有不少人會買幾碟回家當晚餐加餸燒賣 - 材料豐富，燒賣入面有豬肉同蝦，用料十足，咬落唔會實定定，都幾好味排骨飯 -

每年新年都會預早去新興到預訂年糕同蘿蔔糕，貪佢新鮮蒸，又無加防腐劑，好彩一早預訂，見到好多人已經去排隊攞。食落唔會係勁甜，食落好煙韌，買左幾底，一底比婆婆，一底比男朋友屋企，一底自己食。仲訂左蘿蔔糕同芋頭糕，遲d再分享味道。年糕,蘿蔔糕同芋頭糕一樣都係$130～

營業時間大大隻字印在招牌上，是凌晨3時至下午4時。下午約2時左右到達，排隊約半小時，終於有得坐了。店內是開放式廚房，即製即蒸即炸。點心一蒸起，員工就非常落力推銷，招呼顧客都很熱情呢！香脆炸鮮奶，外酥化脆，內餡軟滑綿，且唔太甜。黑椒豬肚，很多塊，好味道。皇牌流沙飽，奶皇多，咬開流出時，應接不暇呀！香芋鴨腳扎，鴨腳煑得太腍，皮有些爛，少了爽滑感。新興蝦餃皇，皮薄餡幾乎全是蝦，爽脆彈牙。懷舊糯米飽，很少地方能吃到了。糯米蒸得剛好，有韌度，其中的蝦米很香，又好味。

依家啲酒樓，尤其是大集團，點心都是交貨來的，要食新鮮即做點心，多數去小店。因為要去上環買臘味做糕過年，順道到新興食點心。光顧新興大約5次，老店格局，不追求服務和環境，不是熟客，也不渴求温暖親切感，為的是熱辣辣即做點心。沒有加一，價格親民豬膶燒賣不是周圍都有，每次來必食，這個通常要叫佢蒸。係咪好好食呢....？就是兩件豬膶兩條薑絲兩粒肉丸，沒有過度調味，新鮮熱辣。排骨比較甜，但件件都食得，唔會成碟肥肉。燒賣係我最喜歡的，兒時味道，雖然冇一大粒蝦，但味道很好。雞扎特別的大，内有豬肚，魚肚，雞，好足料。現在疫情關係，坐得較之前濶落，因為一張枱只可坐2人，冇以前咁迫，但限時45分鐘，我半小時吃完就走，都唔想阻人做生意。雖然冇咁迫，但衛生還是一般般吧，枱面總是油立立，有上手的食物汁，蒸籠亦不太清潔的感覺，就是老店風範，坐得亦不舒服。