新記雞粥 (鴻禧大廈)

Open Now

Now Closed

旺角新記雞粥食物種類多元化，價錢大眾化，餐廳街坊食客頗多。我們點左脆皮乳鴿，乳鴿皮很脆，乳鴿嫩滑肉汁多夠入味，極美味好吃。豬潤粥，豬潤嫩滑，粥底綿滑，米味清香。及弟粥，材料豐富有肉丸、瘦肉、豬潤、豬肚等⋯叉燒腸粉，叉燒粒頗多，腸粉很滑帶少少煙韌。鮮蝦雲吞麵，雲吞有五粒，蝦肉味鮮，生麵爽口彈牙，真不錯👍炸兩，腸粉很滑包住炸油條少少脆口，加甜醬和豉油，很好吃😋地址：旺角花園街1號鴻禧大廈地下5號舖

同男朋友喺旺角行行吓街，見到呢間繼續諗住入去試吓，因為好少喺旺角食粥～不過點知最後我哋賣晒嘅嘢食都唔係粥哈哈因為其他嘢食都實在太吸引兩點後就有下午茶！男朋友嗌左焗豬！其實係我想食引佢嗌因為即叫即焗，焗豬等咗好耐，不過出到嚟好靚仔！下午茶成為$53包餐飲塊豬扒唔會好硬，冧度適中，亦都好大塊男朋友勁讚，話出面嗰啲豬扒成日都好硬～我自己就欣賞佢嘅炒飯底同埋蕃茄醬汁調味！佢條都唔會好鹹，輕度嘅甜味帶出蕃茄嘅香味仲有洋蔥，芝士嘅配料，成件事非rich! 推薦！海蜇手撕雞小食超大份！佢同我平時食開嘅有啲唔同，偏甜，似係撈左芝麻醬不過食落都幾特別喎秘製雞翼$29有五隻，好香好抵食！而且啲肉都好有雞肉味嗌咗個$50嘅菠菜豬潤小菜，呢個就比較普通啲，因為期望佢會大份啲不過啖湯都幾好飲，菠菜亦都好嫩，只係豬潤有少少硬最後嗌咗個蛋白杏仁茶，如果佢多啲蛋白就好啦！呢個真係拎嚟飲嘅，不過唔會太甜，都幾香杏仁味㗎！拎嚟結尾都唔錯！整體而言嗌左咁多嘢都係二百幾蚊好抵呀！雖然呢度舖頭細細，但係如果有得坐卡位其實都好舒服下次行街都可以食呢間野

中午時間喺旺角，想食粥，上網Google一下，就發現呢間口碑幾好嘅粥店，咁就行過去試吓😁未到12點就去到，原來佢早餐做到中午12點先結束，咁我就叫咗個$52嘅早餐「生滾貴妃雞粥，配炸兩」，加多$2要杯熱奶茶；今日好想食雞，估計雞粥裏邊份量一般唔多，所以再加多碟$68嘅「例牌金牌貴妃雞」，希望嚟個大滿足😆「生滾貴妃雞粥」粥底好綿好滑好好雞味，原來裏面有好多件貴妃雞😁，再加上另外再叫嘅「例牌金牌貴妃雞」，分量超多😆；貴妃雞皮黃肉白（呢個係檢視雞嘅質素嘅其中一個標準），幾好雞味😋「炸兩」內脆外軟，幾好味；熱奶茶幾香幾滑😋呢餐食咗好多雞，真係大滿足😆

食雞粥唔洗入沙田咁遠既, 旺角都有得食! 仲好食過沙田既多多聲!見到門口好多步兵, 應該生意都唔錯, 所以一定有質素保證!入得黎梗係試下佢既主打雞粥, 配埋蝦腸都係50幾蚊, 雞粥仲要成煲咁上, 起碼2碗, 粥底綿, 雞肉滑得黎又香又多肉, 真係相當唔錯~而個腸粉皮都好彈牙, 食得出新鮮製作, 唔係翻蒸貨色!食雞粥又心思思想食乳鴿, 呢到又真係有,即叫即整等左20分鐘左右, 炸得脆皮, 加埋准鹽, 正

今日喺旺角行完街，趁六點前堂食返個下午茶。呢間新記雞粥有茶餐廳嘅下午茶提供，價錢都幾抵。生滾薑絲豬潤通粉配炒蛋、牛油厚多士（$40)豬潤厚切，大塊又爽口。湯底味濃，唔會好濁。通粉係無坑紋款，勁正，因為我自己唔鍾意食有坑紋嗰款。炒蛋多士水準正常。XO醬豬扒炒公仔麵（$44)豬扒同公仔麵一齊炒，公仔麵軟硬度適中，豬扒夠哂入味，帶咬口，口感幾好。炒公仔麵加埋XO醬，XO醬勁香，而且帶辣味，令炒公仔麵味道更香。下午茶好抵食，下次會再黎。

最近食得太肥膩，想食得清淡少少，就去咗屋企樓下嘅「新記雞粥」啦！午市時段設有生滾粥午餐或其他港式炒粉麵飯蜆介鯪魚球一客有六粒，每粒都大過乒乓波，金黃色的外型非常吸引！鯪魚球口感彈牙，滿有魚肉香～蜆介醬味道有少少似鹹魚，配鯪魚球食一流呀！艇仔粥粥底好綿滑，有米香，加左花生同蔥花就更香口美味，粥裡有：豬皮、魚片、魷魚、瘦肉，都幾足料哦馳名海鮮粥我地另外加咗$12蠔仔，海鮮粥本身已經有豐富嘅海鮮配料：蟹肉、帶子、魚肉、鮮蝦樣樣齊，鍾意食海鮮嘅人就啱晒👍🏻粥底多左份海鮮嘅鮮甜味，正啊叉燒腸粉腸粉肥嘟嘟，都幾大件，口感軟糯煙韌，富彈性及有米香～內裏包着半肥瘦蜜汁叉燒，啖啖肉，好足料鮮蝦腸粉腸粉外皮同樣滑溜軟糯，裏面仲有唔少原隻鮮蝦🦐，好好食呢淨鮮蝦雲吞雲吞合共有八粒，大小適中，外皮好滑溜，豬肉同蝦肉嘅比例均勻，皮薄餡靚熱奶茶港式絲襪奶茶☕️口感絲滑，茶味比較重

話說早幾日去元朗做野時💼去咗呢間店嘅元朗老字號到食「雞粥」本來只係諗住Hea食個粥🙆🏻‍♀️反正有點熱氣點知出乎意料之外帶來了驚喜😜然而之後係OpenRice睇先發現🧐原來屋企附近都有分店👏🏻有好嘢食就梗係要帶埋媽媽去試吓加上媽媽一向都都鍾意食腸粉🥢「新記」並非好似平時粥店咁單調🙅🏻‍♀️除咗粥,腸粉外～仲有多款小炒,滷水等菜式感覺就如同食緊大排檔/打冷般🥰生滾貴妃雞粥餐廳主打招牌菜就當然係雞粥啦！呢到用嘅係帶有酒香味嘅貴妃雞🐣重點係每件雞件都是皮滑肉嫩的那種👅感覺熟成度剛剛好🤩份量亦都足料想讚揚下📣粥品用咗keep溫較好既瓦煲上蠔仔肉碎粥如果與雞粥相比之下💁🏻‍♂️<蠔粥> 就會較為無咁油膩及濃味但因為蠔仔本身帶有鮮味🦪肉碎也會有醃😗所以整體都已經夠惹味叉燒 & 鮮蝦腸粉一上枱嘅時候😱媽媽就驚嘆左聲因為腸粉脹卜卜之餘睇落仲有爆餡感覺就好似叉腸咁👀會見到表面並非白雪雪而是滿滿既叉燒紅色♥️雖然這外皮不算滑到飛起但份量都已夠哂驚喜💪🏻硯介鯪魚球本來只係見多人介紹🤭先出於好奇想試下雖然可能大家睇相只會以為普通菜式但現實卻是粒粒都好似乒乓波咁大☄️重要係新鮮熱辣🔥即叫即炸內裏滿滿都是爽

好耐冇同仔仔食過乳鴿， 今次帶仔仔來好多人推介的新記雞粥， 本來想叫呢到最出名的貴妃雞粥，但太熱唔想食粥， 我就叫左貴妃雞四寶飯，因為有齊貴妃雞，叉燒，咸蛋和紅腸。貴妃雞夠滑，叉燒夠腍夾住d 薑蔥油連飯食超夾，仔仔就叫左個芝士粟米焗魚柳飯， 成碟上枱份量都好多， 魚柳兩大舊， 仔仔食左一半食唔哂搞到要打包。講到明想食乳鴿，就緊係要叫返隻來食啦！脆皮乳鴿， 即叫即炸， 食落皮脆內嫩，我地一人食左半隻ko 左佢 。食食下時我見到對面枱碟酥炸魷魚鬚好香好吸引，我見到咁正就緊係唔會錯過啦， 嘩真係好酥軟， 一條條好粗超有口感。另外我地仲叫左兩杯特飲， 七喜龍眼冰和七喜話梅柑桔。提外話，呢到的侍應超細心，見我仔仔食唔哂個飯，即話不如你拎返去，晚一點再食。

邊個話病先可以食粥! 我平時都好鐘意食粥, 特別係及第粥, 今次黎到新記雞粥就無食雞粥, 食左及第粥, 仲可以跟餐要炸兩, 都係40幾蚊, 都幾抵食!及第粥勁多料, 有齊豬心、豬潤和豬粉腸, 全部都大大舊, 唔會過火, 粥底夠綿, 又夠大碗, 抵食!炸兩都好食, 重點係加好多甜醬麻醬!男朋友叫左叉燒炒蛋飯, O晒咀咁多叉燒, 仲有XO醬好香口!仲另外叫左海哲燻蹄, 爽口彈牙, 配埋汁醬, 大碟抵食!

疫情下的新生活,改變了大家既生活作息,飲食方式改變左飲食時間,以前會放假訓到夠先出門口食晚餐而家就要趕係6點前出街食左飯先再決定行程咁今日要出旺角做野,食飽左先再行,見到呢間新記雞粥,咁就入左去食啦基本衛生做到足,最重要呢度空氣流通,算唔錯既環境招牌雞粥真係相當出色,雞嫩肉滑,鮮味皮薄,粥身香綿順口,所以幾乎都係每位必點另外叫左一份叉燒腸同小吃,炸雞翼腸粉即拉即做,腸粉皮薄而且有彈性,真心水準出色,叉燒餡料多到爆餡!!雞翼最後先上,脆皮肉嫩,醃得好夠香,好鐘意佢呢度D小吃,都係即做,水準最好埋單連埋一杯檸茶87蚊其實佢仲有下午茶餐牌,30幾蚊起,唔食雞粥會平好多,夠平民

喲！好似很久冇出省成了😀Go go ... 本來打算去旺角中心怎料 巴士到達茘枝角站時突然想到 在這落車逛逛 睇吓時装之後 坐地鐵去旺角啦！下午3:30 肚餓下午茶囉！順便當晚餐，又可以節省$好耐冇見，新記雞粥，環境寧靜客人不多，坐得舒服款式多多，有粥 粉 面 飯 小食 ... 等等$38 炸雞脾 薯條配凍檸水，少冰 少甜大大隻雞肶，大個你塊臉，香噴噴，皮脆，為了健康著想，先切掉波，張大口，啖啖肉😋香脆薯條，點少少甜 茄汁🤗總結：完美飽飽的一餐下次再嚟，bye

有一段時間冇食粥品，去開旺角就走咗去元朗新記食粥同埋佢哋嘅小食。首先order咗兩個生滾煲仔粥，分別係帶子粥同埋蠔仔粥，小食叫咗蜆蚧鯪魚球同埋酥炸魷魚鬚。 蜆蚧鯪魚球有6大粒，每粒咬5、6口先食完，唔係普通size咁簡單，蜆介醬亦都好有鮮味值得推介。酥炸魷魚鬚就熱辣辣上枱超香口，而且魷魚鬚都好大條好粗身好有魷魚味。正！ 而兩碗生滾粥就唔使多講，個粥底好綿，每一啖都好有口感，蠔仔同埋帶子分別都超新鮮而且份量都多。另外order龍眼冰，又好好飲好解暑，而且綠色好靚係大卡之選。

熱到無咩胃口，不如食粥啦！馬上拖著朋友來到新記雞粥。海哲八爪魚海哲脆脆爽爽，八爪魚易咬且有嚼勁，加在一起是非常開胃的涼菜。XO醬拍青瓜XO醬是神來之筆，令平平無奇的青瓜變得令人一口接一口，欲罷不能，掂！苦瓜炒蛋炒蛋剛剛熟，好滑呀！生熟度是餓底喜愛的，苦瓜也沒有澀味，好味呀。蠔仔粥次次來都食雞粥，今次轉下口味食蠔仔粥啦，蠔仔都新鮮，粒粒肥仔飽滿，份量也充足，啖啖粥都好多蠔仔，蛋白質滿分！炒麵這麵幾有口，用來送粥不錯。

餐廳簡潔明亮， 座位舒適， 價錢親民、 抵食， 進入餐廳 前，必須量度體溫及提供搓手液，十分貼心。蜆蚧鯪魚球$52鯪魚球即叫即製， 巨型脹卜卜， 炸到金黃色， 熱呼呼， 香噴噴， 令人垂涎，鯪魚球紮實富彈性， 沾上蜆蚧汁， 有畫龍點睛感覺，帶出好鮮味。酥炸魷魚鬚$55酥炸魷魚鬚上枱時，十分有睇頭 ，所有嘅材料被金黃色的脆漿包著 ，不會厚粉， 賣相吸引， 香氣四溢， 入口鮮味、 嚼勁， 越越滋味， 下酒一流。南乳豬手湯粗麵(下午茶) $39(配特飲+$8)南乳豬手十分入味，輕輕咬下，已經骨肉分離， 充滿骨膠原， 與爽彈粗麵十分搭配。七喜龍眼冰， 清甜冰爽， 最適合炎炎夏日的飲品， 還有啖啖龍眼果粒，甜度和味道， 不會隨溶冰而退減， 十分欣賞。貴妃雞粥配叉燒腸(下午茶)$55 (配特飲$8)我好喜歡廣東生滾粥，口感鮮味綿密 ， 貴妃雞粥用瓦煲盛上， 保持溫度 ， 粥底用泰國絲苗米烹調， 充滿米香 ，雞肉入口滑溜帶鹹香味， 叉燒腸粉皮白滑、 薄身， 晶瑩通透， 餡料滿滿肥美叉燒， 誠意十足。西多士配奶茶(下午茶)$29熱辣辣的西多士是邪惡的化身，把大大塊牛油，塗在西多士上，牛油慢慢溶化及

今日收工約左老婆去旺角行下食下野，佢又咁岩想食粥，所以就又去再食下新記雞粥貴妃雞粥呢度既最出名 入面有好多舊雞好足料 個雞好咸香 配埋綿綿既粥 同埋蔥花 真係好好食炸兩食粥就緊係要有腸粉同油條啦 咁炸兩就岩哂喇浸埋落粥一齊食簡直係絕配即炸乳鴿大大隻新鮮炸起，好入味同脆口，又幾juicy唔會好乾韮皇蝦仁炒蛋呢個炒蛋整得好香好滑，蝦仁大大隻，值得一試油菜食咁多肉緊係要食d菜，叫左個生菜，份量都幾多下，抵食下次繼續試新野先