新聯威茶餐廳

Open Now

Now Closed

伙記態度差 大聲夾悪 神經失常 我叫外賣收銀阿姐 報錯價錢 我已經特登問幾多錢 上到黎我就照俾錢 啲錢仲要加埋外賣貼士 點知個外賣佬話比少咗錢 仲大大聲聲響度鬧 我打返去問個收銀員態度仲差 好似仲怪我係錯咁樣 明明佢報錯價錢 我再俾佢冇所謂我都係差一蚊兩蚊 使唔使響我公司嘈喧巴閉 搞到我大動肝火 唔使旨意我再幫襯 垃圾味道更加唔使講成日變味 一時又咸 一時又淡 有時又唔洗鑊 炒都黑蚊蚊 都算啦 鬼叫條街附近冇咩好食 是但唔使諗 其實啲員工發癲唔止一次半次 我其他同事都有遇上過問題 所以唔會再幫襯

「新聯威」是一間樓上茶餐廳，地方細，但餐牌上的菜式卻是琳琅滿目，多不勝數。整個牆身都印滿各式各樣的飯麵配搭，就是你隨意說一種飯它都能提供似的。我每次都選當天的午市套餐。最近好像加了價，$40連飲品，加$2另有中或西湯。我偏好蒸煮的餸菜，感覺比較健康，有家常便飯的味道。我最常叫的是北菇臘腸蒸雞和豆豉蒸倉魚。分量童叟無欺，約十多舊雞；魚是一整條倉魚。味道也非常不錯，雞肉嫩滑，不會過鹹，臘腸是東莞臘腸，冬菇亦有咬口，出了水，沒有異味。縱然是茶餐廳，但跟酒樓一樣魚的豉油汁是精制的，十分有驚喜。每個餐都附有餐飲，這裡的奶茶濃滑芬香，入口味道怡人，港式奶茶的表表者。

今天因外出工作關係，經過尖沙咀山林道附近。見下午三時左右，肚子開始餓了。於是找一家茶記吃個下午茶餐。步行十幾級樓梯上「新聯威茶餐廳」，找個座位坐後，我點了豬扒湯麵及奶茶。豬扒湯麵的賣相都可以。豬扒算是"大塊"夠厚，份量算多。食起來夠腍滑夠爽軟，味道也可以。不過，湯麵用類似"沖水麵"，麵質囗感一般。湯底沒有什麼味道。餐茶是熱奶茶，夠熱，紅茶味重及淡奶味輕，味道苦了一點。餐廳內部環境一般，不過好光猛。座位與座位之間的距離好近，清潔衞生一般。侍應服務懇勤友善，送餐算快。

實在忍不住，又要寫篇食評了，因為這裏的下午茶餐實在好，另我又有一次驚喜。原來除了炒粉麵了得外，這裏的咖哩也做得很好。但我要說明，這只是我喜歡的港式咖哩口味而已，而絶非是正宗的咖哩做法。我所指的港式咖哩，就是那種「黃黃地、少少辣、汁夠濃」，泮飯吃一流那種！本來想試麻婆豆腐飯，但記得那次吃炒貴刁，雖然好味但實在辣，怕怕了。又想試免治牛肉飯，又覺得太普通。然後見到是日餐牌有咖哩雞扒飯，故決定試這款。實在值得一讚的是，這裏沒有因為是下午茶特價餐，而做得馬虎。薯仔預先炸過，有種焦香味。雞扒亦先煎至金黃，再切件上碟，雞皮仍然香脆。雞扒醃得入味，煎得剛好，可算是皮脆肉嫩。咖哩汁很多，泮飯吃濃郁惹味，飯又大碟夠熱，如果再加點洋蔥的話，就更完美了。但只是$33加熱飯，還想怎樣？！這個地方「隠秘」，如果不嫌座位擠迫的話，實在是山林道上開餐的好地方！

有種人，怕鬼卻喜歡看恐怖片。有種人，畏高卻喜歡坐摩天輪。而我這個人，吃不到辣卻間中喜歡吃辣的食物，以為茶記的所謂辣，只是港式的辣。想不到今次就「中伏」了！今日又去新聯威，因早幾日見到下午茶餐牌，有沙爹牛肉炒麵，本想去食個炒麵，但今日轉了款，沒有沙爹牛肉炒麵。見天氣有點冷，於是便點個炒貴刁來辣一辣。大部份茶記的星洲炒米和炒貴刁，都是「黃黃地」而味道只有少少辣，即使我吃不到辣，也是沒問題的。到炒貴刁上檯，一大碟似個小山坡，濃濃的咖哩味已經飄起，我只是覺得甚夠鑊氣。看見配料頗多，有青椒、紅椒、洋蔥、叉燒、火腿、少許蛋絲和蝦仁。河粉切得較幼，沒有一般炒河粉般粗身，質地亦軟滑，似湯河粉但炒後卻不易斷。一吃進口，嘩，辣啊！那種辣不似只是來自咖哩粉，但我又無法吃到是些甚麼？除了辣之外，卻是濃香可口。於是，我一邊吃幾口炒河，又喝凍水來止辣，吃到一半，又開始流鼻水，因為辛辣有點「攻鼻」，但又很好吃。餸料真的很多，我吃了大半，有圖為證還是餸比河粉還要多！這個炒貴刁真的不錯，雖然較多油，但炒河粉難免如此。下午茶賣$33包飲品，抵食！

每次到山林道覓食，大多會去金鳳餐廳，貪其經濟抵食。以前也留意到，對面有間新聯威餐廳，不過見到要上樓上，有點隠秘，故從來沒打算去幫趁。日前在openrice看新聯威的食評，有朋友介紹肉絲炒麵做很好，這是我的至愛，於是今日專程去試一試。原來下午茶餐也有肉絲炒麵，加熱飲賣$33。在樓下望上去，只見樓梯卻看不到上面的情況，上到去原來差不多已滿座，其時是下午四時多。餐廳不算大，約有十多張檯，主要是卡位，食客都似是附近的上班族，大部份都在吃「是日午餐」。我點了肉絲炒麵和奶茶。等了一會奶茶先上，目測也算不錯，入口覺得茶味徧淡，沒有苦澀味，淡奶足夠，但稍嫌不夠熱。之後肉絲炒麵亦送上，果然大碟足料。炒麵上面舖滿了肉絲和芽菜，有少許冬菇絲。麵確是炒得很脆，而碟底只有少少油，師傅果然是高手！跟著我將麵兜亂，因為較喜歡吃泮了汁的炒麵。吃了一口，覺得不夠鹹，於是落了點豉油「吊味」，馬上令整碟炒麵變得更美味。甚至吸引了旁邊剛到的食客，亦點肉絲炒麵！今次食得很滿意，稍後一定會再來，試試其他套餐。

食左好多間唔同餐廳的魚香茄子飯，最怕好油膩，呢碟就還好啦，魚香D粒粒有點過大粒嘅，茄子唔可以硬，佢都算炒得林啦！總括嚟講，合格喳！聯威好處係似飯堂，即叫即整，好快有得食

最神秘後巷餐廳 ！莫過於係 尖沙咀山林道嘅新聯威 茶餐廳！真係估唔到佢喺咁隱蔽嘅地方都做到生意！仲要每次去都咁多人。我自己就最鍾意食嗰度嘅 窩雞蛋免治牛肉飯， 貪佢夠多汁夠曬甜！

I definitely loved this milk tea hot 24$Tuna fish 🐟 canned sandwich But with lettuceFish is ice cold from the fridge after putting on some white pepper I eat it and Feeling myself easy to please Maybe men feel easy easier At sun luen WaiBut to me The tea ☕️ is important It must be great fair price Fair enough product

新聯威相信大家在尖咀佐敦附近返工都應去食過，今日(5/10/2016)去食午膳時，驚現好耐沒有食過的鴨腿湯飯，這個飯是我細細個時，跟長輩去一些舊式酒樓才會有供應的。新聯威居然今日提供，我當然要立即ORDER一個試試，回味一下。侍應9.9秒即時送到，因為12:30未是太旺，賣相和我印象中一模一樣，坐在已經聞到湯的味道，應是芫茜的香味，不過我知道未必個個都喜歡芫茜的，真係鴨腿來的，湯內有冬瓜粒、冬菇粒及果皮，以前酒樓的是寫陳皮鴨腿湯飯的，可能因為商品說明條例，可能未必是陳皮，但如寫上果皮鴨腿湯飯，又好像有些怪怪。味道方面真係100分。根本和舊式酒樓沒有分別。份量剛剛可送一大碗飯，值得向大家推介，可惜唔係每日供應，想食就要問下老闆幾時才有啦。

閒日返去尖沙咀山林道視察公司的新項目。其實之前日日經過，都唔算去過山林道，原來就係平日經過嗰條街行入去。其實聽人講山林道好多野食，但真係唔係太覺，至少地鋪食肆選擇並不多。或者係樓上鋪吧，但感覺不太吸引。因為食飯得一個鐘，所以求其見到間茶餐廳，價錢唔太貴就入去。大家見lunch 40蚊左右送野飲，尖沙咀黎講算好平。午飯有4個選擇，我揀左蒸水蛋，同事分別揀咖哩牛腩及焗豬扒飯。我個水蛋好快送到，都好大碟下，上面有不少瑤柱絲，而蛋都好滑，份量好足。牛腩都一樣份量多多，仲要好入味，我偷左啲黎試，送飯好正。薯仔都好粉，所以幾唔錯。反而係個焗飯，略嫌油左啲。呢度唔大，但生意都幾唔錯，環境就唔特別好，而且有啲迫，但勝在夠快，如果貪方便價平，午飯都可以試下。

新聯威是樓上茶餐廳熟客識途 不怕行些小梯級只要未夠6点就可31元吃炒野,炒面咖哩雞扒飯午餐也不過38一40可加5元要紅豆冰肉絲炒麵大碟到暈茶的晒士 一樣大加其紅辣椒醬是炒麵的絕佳配搭這裡31大元為什麼，是阿哥滿是汁，冬菇，芽菜太多的豬肉面條全部都脆脆到好似要跳躍脆到吃完還是脆所以吃炒麵不是搵阿福臨門是新聯威手機網上訂購(率先)或爆脆華田服未?

興趣班前扒個快飯，本來想去食Brunch，點知六點後不供應~咁就退而求其次去茶記啦！ 星洲炒米+紅豆冰夠晒港式，咖啡粉好香，炒得好夠鑊氣，配料都多，但個蝦仁味道較淡。配埋紅豆冰好正，又夠多紅豆粒粒，最要埋單都唔洗50蚊，坐得舒舒服服。都係港式好!

今日午餐時間超趕只得20分鐘午餐魚香茄子飯少飯多汁,汁的味道濃淡剛好,上菜很快,茄子夠冧,肉碎都多!不過最緊要快,因為趕時間嘛!熱奶茶茶味夠!在尖沙咀區哩個價錢又快,靚,正!超值!

要找上堂用既書, 為discount去了指定店鋪買, 之後入左黎山林道, 路過出返大街.見有間茶餐廳, 價錢亦廉美, 為食地看一看, 亦為食地行上樓梯, 食個Tea先. Tea time, 選擇豐富, 有齊粉麵飯, 薯菜沙律. 叫了個簡單的炸脾, 配沙律, 加個熱奶茶....落單姨姨有點驚訝...."對, 我是要熱奶茶" 炸脾乾了點, 沙律一般行貨東西. 只為是下午茶關係, 聞貴勺香而沒有肚量去吞此物, 不然, 回家吃不下飯.同其他山林道既食肆比, 顯然是格格不入, 不過, 亦正好為附近車房哥仔提供一個啱佢地既午餐地方.