新城潮州飯店

Open Now

Now Closed

 誤打誤撞來了新城~來吃潮州菜，當然要來個滷水盆~ 鵝片拼墨魚，份量不多，但鵝片應是脾位，嫩滑肉味濃，點蒜茸醋減膩   墨魚片爽滑入味，可蘸店家自家調製的辣油醬汁，微辣微酸有酒香，有蝦乾和魚乾調味，頗特別，但我們還是喜歡點醋的味道  墊底的滷水豆腐亦不失色，嫩滑汁濃，鹹味剛好 潮州春菜，還是第一次吃到，菜莖像菜心，菜葉像芥菜，味道也有點像芥菜，與鹹肉同煲煮至腍，很可以用來送酒送飯的鹹餸呢~味菜胡椒豬肚湯，$30一碗，$50一窩~ 兩個人用，要了一窩  胡椒味濃郁，香辣嗆喉  味菜份量不少，已煲至軟腍味清，豬肚和排骨的份量則好像少了一點~ 不過一窩兩人用，的確有點多，整個肚子都是水

九龍城一帶, 除了泰菜臨立之外, 其實潮州菜館也有不少. 最著名的當然有樂口福或創發等老字號駐守, 但其實同區內的幾條橫街上都隱藏了不少名不經傳的潮州小店. 宅女自問每次來九龍城都是吃泰菜比較多, 不過記得亦曾光顧過兩三家包括創發及成發等店, 但感覺水準又未如坊間品評般高, 而且價格也比想像中貴. 而最近友人又來攪飯聚, 說得知有家潮州店食物不錯, 收費相宜, 最重要是夠哂麻甩, 非常適合我們重口味之友. 既然說得那麼吸引, 大夥兒便決定又來這裡麻甩一番.這家新城潮州飯店位處於衙前塱道, 即市政街市對面的橫街, 也不是很難找. 店子其實有兩個鋪位, 一邊是茶餐廳一邊是賣潮州菜. 不過入夜後其實茶餐廳那邊也會變成打冷的地方. 門面其實都有點像大排檔的風格, 而店內似乎就沒什麼裝潢, 牆上每個角落都貼滿了餐牌和啤酒海報. 整個店子地方細小, 只擺放著五六張4-6人圓枱, 通道亦較為狹窄. 而店內高高掛著的電視就整晚不停的播著賽馬. 簡單來說, 這裡就是一家極盡麻甩的打冷店.這裡餐牌就是一張張過了膠的餐紙, 很有茶記的感覺, 而提供的菜色都不少, 包括有最基本的鹵水物, 也有煲仔菜, 數十款

今日晚餐叫左個明爐烏頭、煎蠔餅、潮州炒麵線等!明爐烏頭值得一試，魚湯好甜，好夠味。而煎蠔餅當然是打冷必食之選喇，不錯。但是，潮州炒麵線今次就炒得偏鹹，搞到我都飲多左茶!不過，整體打冷來講，這間店是不錯的選擇。

三條友來到新城打冷蠔仔粥 - 蠔夠肥美粥夠鮮甜 蠔餅 - 真才實料,粉漿薄 炸蝦棗 - 一般 韮菜豬紅 - 豬紅又滑又軟 墨魚紅腸 - 墨魚爽口 感覺唔錯,下次會再來

跟朋友跳完舞，不想吃得太飽太油膩，以免前功盡費。在朋友介紹下，打算就來吃碗清清的潮州粥。朋友是潮州人，所以對潮州菜很了解。她一坐下，就點了一碗潮州粥，一碟春菜。春菜，這個我多年前在國內吃過後就一試難忘，之後去過很多地方也沒有這種菜吃，豈料在這裡可以再次品嚐呢。春菜究竟是什麼菜呢?在好奇心驅使下，在百度網頁內找到這個解釋︰春菜是萵苣屬的一種蔬菜（不過除了植物學家，通常人們說的萵苣是萵筍，跟植物學上的分類——萵苣屬，不同）葉子佔了大部分，莖很短，被葉子遮住了。長成球的樣子的春菜又稱為結球萵苣、結球生菜。萵苣的很多別稱，比如，萵筍、春菜、生筍、千金菜、莖用萵苣、青筍、萵菜、香馬筍，是萵苣的不同部位的俗稱。這個上湯浸春菜美味得很。看上去，有點像菜心；聞上去，有點像芥菜；吃下去，就是自然不同的味道。上湯內有些瘦肉，在肉味的引發下，這個菜很甜口。除了這個菜，朋友還點了蒜茸蒸勝瓜。本身不太愛吃勝瓜的我，就被這碟勝瓜的賣相吸引了我。不愛吃它，是因為在大部分情況下，勝瓜總是有一股臭青味，而這味卻是怎樣煮也有的。然而，這碟勝瓜的賣相確令我加了不少分數呢。夾起一件勝瓜後，才發現有粉絲墊著，很意外呢。它的蒜茸

次次去九龍城都係食泰國菜,今次試下打冷,有friend提議去新城叫左咸菜豬肚湯一開始驚淨係咸菜會好普通,點知一飲有驚喜入面有埋胡椒,辣辣地好味咸菜煮過之後唔太咸,可以食埋鵝片幾好食,比想像中多同比想像中大塊都有幾多肉汁鵝腸配墨魚鵝腸幾乾淨墨魚個味正常川椒雞以為會好辣,點知無咩辣味,有DD失望炸蝦球彈牙!比想像中大粒好多入面有少少馬碲,幾好豉椒炒蜆好貼心,會問我地要大蜆定細蜆,呢樣好好但係豉味同椒味都可以多多少少

今夜街上特別靜, 食肆都冷清清, 就好似大家都在儲定錢過年 無法啦, 等政府的$6000 真係等到頸都長, 就好似今晚兩公婆無煮飯, 索性落街同埋阿媽三個人去打冷, 叫到成枱都係都係二百蚊, 有鹵水鵝啦, 蠔餅, 大眼雞同埋咸菜牙帶魚, 加三碗白粥新城GEI 食物有一個特色, 就係多油, 好似鹵水鵝甘, 成碟都多油, 不過好在鹵水汁味道好味, 送番粥就無甘漏了, 但又因為油多, 所以又好似鵝肉感覺上滑好多, 如果乾的話可能鵝肉會UN, 無甘好食, 真係有點茅盾蠔餅又係油份比較多的, 但又因為多油, 所以又更惹味, 食到呢度, 覺得自己好醒, 識得用白粥中和油膩的菜式! 大眼雞係無油的凍食, 終於都可以少油了, 魚肉有彈性, 配上豆板醬食好好味一間典型潮式打冷店 (坐街邊更有風味), 以味道濃取悅喜歡濃味食物的我, 在慳錢的歲月給我一餐豐富的美食, 些些

細個成日食打冷..反而大左就好小去..所以去了九龍城回味一下..可惜只得兩個人..所以食得唔多..九菜豬紅(唔記得影相)..大大碗..入晒味..好正..如果九菜多啲就好..蠔餅..即叫即做..香脆而不油..唔錯..椒鹽鳳尾魚..太過干身..味道過咸..椒鹽真係要食九肚魚先得..好有味道既舊式單..下次要叫多啲人去食先得..

蠔餅: 又油又冇乜蠔仔~$35煎倉魚: 咸到好似食緊咸魚咁 $50西檸雞: 食喱味送最期待係佢O既汁，但喱碟只係炸雞唧左D檸檬汁O係面囉~$50環境就普通茶記咁囉~食物都唔算抵呀而且真係唔好食喎~一定唔會再幫襯囉~

一行5人7點未到去吃晚飯, 久久未吃過潮州野, 便到九龍城這個食區!!!openrice一下, 找到這間便去嚐一嚐!!!!滷水鵝肉 - 不是特別香, 普通糖醋麵 - 有心思, 真係整個心出黎, 味道都是普通反沙芋 - 不太甜, 但個人來說..不太喜歡...煎蠔餅 - 普通吧蒜香骨(?) + 金銀旦時菜 - 蒜香骨有很多肉, 而且香又夠味!! 金銀旦時菜一大碟, 而且金銀旦不會煮"溶"!!

4人點了滷水鵝肉 (肉質”淋”及有點咸)、川椒雞 (最好味的一道，但略咸了一點)、醬炒什菌脆瓜(一般)、煎蠔餅(煎得尚不錯，但沒蠔味)、炒魚面(面質彈牙，但未熱透)、反沙芋(沒想像中美味)。 整體一般，食物不特出，已一段時間沒光顧隔鄰的南記飯店，但印象中南記飯店味道較佳。

因為好耐冇黎過九龍城食野...又好耐冇食過打冷...所以一心諗住黎lee 頭搵間打冷店食晚飯..總共睇左3間...最後誤打誤撞黎左lee 間度...返黎睇openrice 先知原來咁好評0家!!好彩冇揀錯!!!我地一行6人叫左.. 1. 蠔仔粥 (第一次見咁多料既蠔仔粥..仲要好好味呀!! 共分到佢地0個d碗仔成12碗呀!!)2. 大眼雞 (點佢地0個d 醬黎食...好好味呀~成條魚比我地KO晒)3. 潮式拼盤 (都算幾多料...有D一條圓圓地0個D~好爽好味但我地又唔知咩黎)4. 金銀蛋莧菜 (又係好足料呀...成碟好快清晒~)5. 蠔餅 (好熱,好脆好新鮮..又唔算油WOR)6. 0者0者雞煲 (這個...相比其他好味小菜來說...算OK...但都好食)7. 魚湯浸雜菇 (LEE個等左好耐呀~可能冇咩人會叫吧! 但都好食WOR)8. 反沙芋 (這個不得不提...一直只係0係阿蘇的節目知道原來潮州有LEE個反沙芋..唔知原來係咁好食0家!! 我覺得好好味呀!又熱WOR...又脆脆地咁~~男仔食就會覺得超甜...女仔食就覺得好味呀~我食左2舊呀!)整體來講....所有小菜都好好味!!D

有親戚係加拿大返左黎，所以又有飯局，大家話去酒樓食得太多食到厭哂，想去打冷食潮州菜，所以又黎到九龍城。上次去過南記覺得幾好食，今次又試下佢隔離呢間新城，因為見openrice都幾多好評下，同其他都不相伯仲。大概 7:30 黎到，見佢都已經有唔少客人坐低左，我地一行六人，佢就將我地安排左係佢隔離另一間店子裡。這裡的食物不算貴，和附近的店子亦是差不多，我們六個人總共叫了九樣食物，還有白飯/潮州粥，再加埋啤酒，所以食完個個都捧住個肚走。這裡食物的速度不算特別快，有些菜我們還等了頗久呢，但大致也是可接受的。環境沒有特別問題，當然不可要求十分乾淨或舒服，但整體也是可接受既。先講我最愛食既川椒雞，我食親潮州菜都必叫既食物，這個算係是晚等得比較耐既菜式。份量不大，不過炒得幾香，雞肉夠肥美而且很滑。但個人覺得佢炒得唔夠入味，雞肉雖滑但食落淡左少少，而且醬汁亦唔夠多，平時將D椒葉點埋D醬汁一齊食好正，但佢無咩醬汁所以唔可以咁做.... 唔難食但唔算特別出色。之後就有咸菜門鱔，門鱔很多骨呢，食既時候要小心一D。咸菜超多，但門鱔就得幾塊，不過食落去好在一D都唔腥，幾香魚味，加埋D咸菜好惹味，算是不錯的。另外

打去幾間九龍城打冷鋪問,都係關12點左右,新城關4點, 就心理上覺得開到咁夜一定係好好生意,應該會好好食。環境就緊係麻麻家啦,打冷都唔係求地方衛生。鵝肉就咸左點,肥瘦都幾適中,但個底的豆腐浸到好似咸菜咁...西檸雞,檸汁苦苦地唔夠甜,雞肉炸得唔夠脆好似無走油咁...椒鹽白反魚....不過不失,但味精好勁,飲多多水都唔夠.

每逢去到九龍城或者想食打冷一定諗起 新城因為真係又平又好食!食左好多次 今次先影相-0-仲要食食下先醒起 掛住食xd韮菜豬紅同蠔餅都必叫 好味!我好鍾意飲依度既凍檸茶 茶濃甜味夠!好解渴好有鑊氣好味!淨係d蒜蓉炒菜就已經好好味!!!諗起都想食/"\