新齋橋 (Closed)

在觀塘地鐵站走大概5分鐘就到，電梯上一層，場地超大！右邊的是料理，左邊的是燒肉～❤ 特上牛小排 $98牛小排上桌，肉油分佈平均，油花很好看，用大火輕輕一燒即食，入口油香四溢，果然是特上的品質，性價比很好喔！👍🏼 牛舌芯 $98整整齊齊的牛舌芯，肉質彈牙嫩滑，可以試配上不同的燒汁，挺好吃～ ❤ 雞腿肉 $1真的是一蚊雞！無論叫什麼餐都可以加一蚊添加，執到寶了～雞肉鮮甜，燒久一點，雞皮燒脆了更惹味！是一家不錯的一人燒肉店🤗

今日晚上嚟到距離觀塘地鐵站4分鐘路程嘅燒肉店-新齋橋一路搭電梯上去已經覺得好有日本嘅感覺 🇯🇵外面裝修絕對係花過心思 好多招財貓🐱嘅打卡位 貓貓愛好者一定要嚟❤️今次揀咗食一人燒肉 如果想食燒肉而又唔想食咁多嘅朋友新齋橋絕對係不二之選入到去 成個環境都唔似燒肉店咁大陣油煙味抽風系統做得好好👍🏻👍🏻冷氣又足夠食完都冇成身燒肉味 而且店員都好溫馨提示我哋唔好用咁大火今次叫咗兩個牛肉🐮套餐牛胸腹肉同極上牛小排兩款牛肉望落去都係鮮紅色 絕對係新鮮唔係雪左好耐嗰啲兩款牛都好食牛胸腹肉比較有咬口重牛味牛小排 油脂分布均勻 較為淋身軟熟套餐仲有沙律，麵豉湯，白飯一人前黎講 份量好夠如果想追加牛肉嘅話都有優惠價 可以選擇見到舖頭仲有做啤酒放題買一送一 鍾意飲酒嘅朋友千祈唔好放過啤啤佢嘅機會今次嚟食晚市套餐 見到門口啲banner原來午餐同下午茶都好抵下次要再嚟試吓先

想食燒肉但又唔想食任食，呢間餐廳就岩晒啦！燒肉套餐$78起，性價比十足！餐廳環境好闊落，仲有靠牆位，一個人食燒肉都無問題😊叫左一款牛板鍵肉，一款極上牛小排，依家做緊特價，只要$98就食到😆套餐除左有100g嘅肉，仲有白飯、麵豉湯同沙律，份量唔算話好多，但一個女仔都幾夠食，男士唔夠食可以叫多碗白飯😂牛板鍵有豐富的大理石油花，肉色鮮紅明亮，燒烤時油脂會滋滋地流出，香味四溢。食落口感鮮嫩帶有嚼勁。牛小排烤熟後油脂自然釋出。口感鮮嫩多汁，牛味香濃！配搭蒜味燒汁、原味燒汁、香辣燒汁食各有風味，送飯食係幾正嘅😍

今天要介紹呢間餐廳位於觀塘，是一家日本餐廳。餐廳分左兩邊，一邊可以食一人燒肉，另一邊可以食其他日式食物例如定食、壽司等， 而且食物價錢亦唔算貴。下午茶餐最平日29就可以食到，同埋而家食燒肉有優惠就係加一蚊有多一份雞肉，可以試試。牛舌套餐 $98每份套餐都有埋野菜沙律、味噌湯同埋白飯。牛舌有8塊，肉切得好簿好快熟，肉質爽口。極上牛小排套餐 100g $98牛小排有7塊，油脂分布平均，燒完之後都好香，送飯一流。每張枱都會三種醬汁供應，有原味燒汁 、蒜味燒汁同埋香辣燒汁，仲有鹽同黑椒提供，唯有就有飯份量太少。新齋橋觀塘駿業街58號電訊數碼大樓1樓港鐵觀塘站 A2 出口, 步行約8分鐘

今日放工係到諗食乜既時侯，朋友提議想去試下高評價既一人烤肉﹐同埋我之前食過讚口不絕，所以今日決定慸佢去試下。我地一人叫左一個牛肉定食，兩個唔同部位既肉，可以交換試試。首先係極上牛小排定食，我上次去係食呢個牛小排，我覺得肉唔同左，但一樣好食，依家仲每塊切厚左，牛味仲突出。我就試我無食過既牛板腱肉定食，呢部份既肉牛味無牛小排咁出，但多肉汁啲。一人一個爐燒燒下，係幾得意，佢地既通風做得好好，食完個人都無油煙味。

食omakase相信都係每個香港人沉迷過嘅一樣嘢，以前我基本上每一個星期都去食，香港各區都會去，後來食厭咗就暫停咗，但係最近竟然喺觀塘去咗一間，令到我呢個興趣又燃燒起嚟！雖然唔係平時一般食omakase嘅格局，但絕對冇馬虎，更加覺得係誠意之作，我特別鍾意呢度每一樣嘢都用咗鮮花去裝飾，睇落都覺得好靚。呢度嘅茶碗蒸竟然用上咗鰻魚，好特別，我都係第一次咁樣食。呢度嘅魚生冇乜特別花巧嘅醃製方法，但係每一樣都食得出好新鮮！周年碗牛肉烏冬嗰兩塊牛肉，都真係入口即溶！講真冇諗過喺觀塘會食到咁嘅水準嘅日本菜！

繼上次食過一人燒肉後又心癢癢🤩今次去左觀塘既新齋橋開餐🍴叫左兩款燒肉定食跟餐有麵豉湯🥣+前菜沙律🥗+白飯🍚⭕️ 極上牛小排定食 ($138)牛小排是必嗌的🫶🏻肥瘦均勻 燒完油脂好夠最緊要點埋餐廳既燒汁/蒜味燒汁撈飯一流🤤⭕️ 牛舌芯定食👅 ($138)平時都好鍾意食牛舌依個set有8片薄薄一片 牛舌幾爽口👍🏻唔錯😌🈹而家餐廳做緊promotion💢凡惠顧燒肉套餐 只要加💲1️⃣就可以換一客嫩滑雞腿🍗啦 （有約4-5件)👏🏻勁抵😎雞腿啖啖肉 又冇骨 仲真係幾嫩口

店舖環境空間幾大，有好多座位，可以一人或多人黎，燈光明亮，抽氣系統唔錯，唔會成陣油煙👍🏻👍🏻餐牌選擇唔少，有唔同價位嘅set揀，唔夠可以再額外單點肉類同甜品😋😋而且而家做緊優惠，點燒肉套餐加$1就可以即刻換購一份雞腿肉我哋叫咗兩個餐，分別係極上牛小排套餐$98同牛舌芯套餐$98，同埋各自加$1換購咗一份雞腿肉🤤🤤🤤每份套餐都包含一碗白飯、麵豉湯同沙律菜，白飯煮得幾好，粒粒分明，麵豉湯調味剛剛好，沙律菜幾新鮮~個人推薦極上牛小排👍🏻👍🏻👍🏻牛小排肉質偏嫩，有雪花，牛味唔會過重，有時唔小心燒太耐，肉質都可以保持好嫩口牛舌芯厚薄適中，每塊都切得好均勻，食落相對比較有咬口，煙煙韌韌，點配燒肉汁更加好食🥰雞腿肉比想像中大份🤣🤣好抵，侍應教我哋燒嗰陣要雞皮向下，果然燒完又嫩又多汁，仲唔會痴底😋😋😋

餐廳營業時間長，早、午、晚市皆涵蓋，加上定價親民、環境和食物都有不錯的水準，實屬回頭之選。這晚點了兩份一人燒肉套餐，選了極上牛小排套餐和牛板腱肉套餐，套餐還包括沙律、白飯和海帶麵豉湯，另有多款燒肉單品或甜品可隨心加配。兩款套餐的水準皆不過不失，特別欣賞飯粒晶瑩飽滿又軟糯。這裡上菜十分有效率，而且都是一人燒肉套餐，個人覺得十分適合想食燒肉又不想太花時間的，這餐只半小時就由下單到吃飽了。室內環境佔地廣，由對牆孤獨枱，到多人獨立房間都有，既適合一人快閃，又適合多人聚會。

超抵食一人燒肉，人均唔洗$100 食到幾高質牛 。食完發現原來依家重做緊加$1 有埋一碟1蚊雞 。下次要再嚟食多次 。日式燒烤餐廳嚟講，唔洗$100 人均真係抵到爆 。肉類有好多款，今次我就選左牛小排同埋牛板腱。個質素都好唔鐘，肉好新鮮！晚餐套餐set有一碗飯、湯、沙律同埋一碟肉，如果d肉唔夠重可以單點再加😍地方好闊落，重要可以有包廂！一班朋友嚟都好正 。最正嘅係佢哋嘅服務，員工好friendly，態度好好又細心。而且成個上菜過程好快手 。整體嚟講真係好滿意。

觀塘一向多嘢食，而且好多藏身工廈/商廈食堂。今次喺駿業里搵食，遇到呢間位處商廈嘅新開日式燒肉店—「新齋橋」。主打一人燒肉，每個位前面都有爐台，讓你燒自己果份。今次每人叫一份「燒肉套餐」，套餐除咗主食燒肉之外，仲有齊晒白飯、味噌湯、野菜沙律。可以另外加購飲品、甜品、其他小食。沙律算幾新鮮，入口爽脆；麵豉湯熱辣辣，暖胃一流。「極上牛小排」餐$98，有十幾小片，牛小排都幾好食，牛肉味濃，而且油份唔少，燒起上嚟焦香惹味。另一份「牛板腱肉」餐，同樣$98，有8大片，肉類份量適中，肉味不俗。枱面有三款醬汁同鹽，可以自己調味。想簡單食個一人燒肉，呢間都係過唔差嘅選擇。

既然去唔到大阪嘅心齋橋，唯有去住觀塘嘅新齋橋食住一人燒肉頂住檔先啦！餐廳內裝修充滿日式風情，呢到除咗主打一人燒肉之外，仲有定食、壽司等等，食物都好多元化，價錢都相當之合理～牛板腱肉 100g💰HK$98牛板腱肉質爽口有嚼勁，牛味濃郁～極上牛小排 100g💰HK$98牛小排油脂分布平均，燒完之後入口即溶，令人覺得齒頰留香，係進店必食推介～每份套餐都有埋野菜沙律、味噌湯同埋白飯！另外每張枱都會三種醬汁供客人使用，有原味燒汁、蒜味燒汁同埋香辣燒汁，香辣燒肉汁唔會太辣，而個人就最鍾意蒜味燒汁，撈飯一流！每人$100都唔洗就可以食到美味嘅燒肉套餐，CP值真係好高啊～

約朋友行apm，朋友未到又未够鐘,朋友又話自己食左lunch ,一個人本身見到心齋橋食燒肉就想去試下，點知原來有下午茶set,仲要米係日本，唔怪之得啲米十分軟糯有口感，店員仲話烏冬都係日本的稻庭烏冬，下午茶仲要最抵$29食到出前一丁同烏冬，但我自己就想食牛肉同鯖魚，都只不過係$69..仲有麵豉湯，沙律，最正係溫泉蛋飯❤️鯖魚煎得够香濃脆口，再擠檸檬汁更帶鯖魚的鮮甜味，牛肉够淋又有咬口，如果有機會都想就甘試燒肉。

觀塘揾食又有新嘢，呢間就有做緊一人燒肉套餐，我經過駿業街，就入去試吓掂唔掂。搭扶手電梯上一樓就到非常方便，除咗一人燒肉原來仲有set。今次我就叫咗一個牛小排一人套餐。有跟白飯、沙律同埋味噌湯。一人前嘅份量都唔少。個爐熱度足夠，即時火光紅紅。牛肉一下子就熟咗，令到嘅肉汁鎖緊係入面。再加上唔同嘅調味料，包括鹽、胡椒、原味燒肉汁、蒜味燒肉汁、辣味燒肉汁。我嘅食法就係將全部一齊混合嚟點就又有辣味又有胡椒香味，又有蒜味，燒肉則偏甜、加埋鹽就啱啱好。 燒肉配白飯呢個組合就係最好。

周五下班時間來到這家燒肉店，不斷有客人內進，可見人氣十足。一人一爐衞生方便，桌面亦清潔得很乾淨。我們點選了2個套餐，分別是極上牛小排和牛板腱肉，套餐包含白飯、麵豉湯和椰菜沙律，兩款牛肉都充足牛香，肉嫩可口，特別是極上牛小排，油脂分佈平均，燒烤時溢出油香十分惹味。桌上有海鹽和幾款燒汁、辣味醬汁和蒜味醬汁供客人調味，個人覺得燒肉時灑點海鹽在牛肉上已經足夠好吃👍🏻套餐份量對於女生來說已經很足夠，另有其他單點肉類可以給客人加點。