鴻星中菜 (Closed)

鴻星鮑翅海斑全包宴$2,680差!差!差!9月6日星期六7:30pm, 全家提早食中秋節飯, 早一星期已訂位11大2小1bb, 並要預定套餐先有得食, 我們7:00pm最早到, 全場勁爆, 好彩都預留位給我們, 但位置極度迫, 人貼人! 真係連人都差點過唔到, bb車就更加難入到!!! 套餐:a. 鴻運六小碟 (蒜拍青瓜, 京式素鵝, 川辣牛展, 炭燒腩肉, 脆皮豆腐, 煙燻鴨胸)b. 元貝扒冬湖c. 靈芝菇泡蝦球d. 順德沙煲蟹e. 原盅雞燉鳳尾鮑翅f. 清蒸大海斑g. 原隻鮑魚花膠筒h. 酒釀脆皮鴨i. 長壽翡翠乾燒伊麵j. 精美甜品k. 千歲壽桃包劣評!!! 8點起菜食到10:30pm 1. 先上"靈芝菇泡蝦球" (怪怪地)2. 第二"鴻運六小碟" (小小地, 唔夠1人1件)3. 第三"元貝扒冬湖" (好似只得冬瓜)4. 第四"原隻鮑魚花膠筒" (好硬鮑魚仔)5. 第五"長壽翡翠乾燒伊麵" (但唔熱及細碟) ~~~咁早出?6. 即上 "千歲壽桃包" ~~~唔係嘩?!?!7. 追完先再出"清蒸大海斑" ~~~等了又等8. "原盅雞燉鳳尾鮑翅" (勁鹹)9. "酒釀脆皮鴨" (又乾

提早為父親節食飯, 父親節當然要食好d, 于是訂左1個5千8的全包宴; 有鮑魚, 魚翅(每人兩兩), 燕窩糖水當日吾知係咪因為上午黑雨所以晚飯不多客; 我地book 左房要兩桌麻雀; 但去到無俾房我地而係在大廳用板簡; 反而地方大d, 不錯 招呼方便可以俾90分, 打麻雀時供應的小食很可口, 本來以為要錢(全包無話有小食); 但找數時原來小食都係送架, 最后重有椶送對這晚飯很滿意呢!

星期日招待遠方的親友夜遊香江。為著方便，故決定到尖沙咀鴻星總店晚飯。是晚我們點了五款餸菜：1.桂花魚片㷛飯----飯㷛得很香及很好味。㷛飯使我回想到第一次被鴻星吸引的，是十多年前一 個寒冬晚上的一㷛臘味㷛飯了。2.魚湯津白豆腐-----魚湯很腥，食豆腐時要閉氣。3.燒味拼盤(燒腩、燒鱔、炸豆腐)-----燒鱔仍保持很高的水準。4.肝醬片皮雞-----樣子可以，但肝醬配搭不宜，故味道很怪，不好食。5.酒釀白金鴨-----已遜色很多，不及以前。是晚負責招待我們的部長周小姐，聽她說話中略帶有客家話口音，故開始與她用客家話交談。而親切的談話換來的代價就是買了兩張五月糉券。但鴻星的服務也是值得一讚的。

本人於十二月尾在尖沙咀海港城鴻星食晚飯, 過程都十分慢, 這個我們都不太在意, 到最後上甜品(杏汁燕窩)十分烯及無甜味, 好似水咁. 於是我就叫他們更換, 侍應都立即取回去處理. 處理甜品的位置是在我們座位的對面, 大約五張台距離, 製造甜品的唔係一個師傅而是一個貌似經理的人, 這樣都無所謂, 但是恐怖事件就在這時發生. 我親睇見到經理張我們吃過的甜品賭回鍋內再煮. 嘩我登時比嚇我目瞪口呆. 我不敢相信咁大間酒樓會咁做, 換返碗比我都唔係咁過份, 點解咁都做得出. 我即時叫部長來同佢講, 他們竟然話呢兩碗係你地既, 唔會攪錯既, 我即時一句講我見到的你們都可以咁做, 這麼我見唔到的係唔係會大集會. 部長即時無話可說, 及唔收我碗糖水錢. 事後我覺得這件事十分過份, 不得不同大家分享.

以前曾光顧鴻星,食物都ok啦,都sell良好服務,上星期跟家人因小失誤第一次到此分店,晚飯已時先訂枱,我諗如果沒訂枱應沒有位1.但此店實在太迫,連走廊位都很窄,那麼侍應該已了解吧!但每次經過我座位後面時次次都碰到我張椅,十分搔擾,可是其它客人走過時也沒有碰到,為何侍應們都這麼(牙渣)2.食物不夠熱,我們點了雞煲翅,沒有奢望是堂煮,但起碼不應該只是暖的,熱湯只是基本服務(另,我見其它枱有些是堂煮的,好心咁逼就唔好扮高級要堂煮啦)3.茶餐廳態度,桌面已經不大,當侍應端上小籠包時桌面差點不夠放,她只是隨意的放下,蒸籠還沒有放平頭也不回已走了,叫都叫唔切,就像茶餐廳飛碟絶技,可是不是茶餐廳價錢4.已決定了一毫字小費都唔比,臨走時家人發現我背後有滴餸汁!!另,請Openrice更正,海港城分店被誤刋此分店之號碼,如我一早知是此分店一定唔會訂

十二月廿四日(星期一)好喇~又係工展美食之旅,去到呢個攤位,比佢個蟹粉小籠包吸引住!雖然一啖食哂,但係佢d汁都好蟹,仲有個師傅親身包比你睇!!唔錯唔錯!!!不過都係少食多滋味呢!

上網睇左個「極品兩位南非大鮑宴」好似好吸引喎！有鮑魚又有翅。(http://www.superstarrest.com.hk/setmenu/06_06abalone/06_06abalone.htm)即刻打電話去訂位啦！仲指定叫呢個餐。我︰「唔該！訂位，聽晚2位，xx點。」接線生︰「好！」我︰「唔該，我要$680果個「極品兩位南非大鮑宴」。」接線生︰「好，冇問題。」第二日依，睇晒個餐牌都冇我想要果個。問部長，佢話︰「係呀！我地依家冇果個餐啦！」我︰「唔係喎！我擒日上網都見到架喎！」部長︰「可能果度未改。你睇下有冇野岩。」我︰「唔係喎！我擒日打電話黎既時候同佢落左order啦喎！佢話okay」

說真的, 不抵吃。但這店,的確紅,可滿足遊客的虛榮心,或大行宴客的豪氣。紅星光顧照片梯間琳瑯滿目入口展示的中國烈酒價格令人作舌與父親大人點了大閘蟹餐。環顧四周,只見外藉歐美英日遊客及中國內地豪客, 也有金融單位宴客的廂房大閘蟹- 主菜,的確好吃, 但本人嚐蟹經驗淺,容易滿足卦? 我媽話買一籮自己用紫蘇蒸, 有抵有好食其他配菜有帶子、螺片等等、飯、酒等等, 份量極少, 我的大食父親不夠飽,差有點要到別處吃第二round.要好吃,大有地方在;到這裏吃,只為滿足虛榮心及好奇心。

以前曾經上過尖沙咀鴻星飲茶同食飯,水準真的很不錯,今晚又有朋友喺呢度擺酒,以為可以又食餐好,點知失望而回!今晚朋友擺咗九圍,場面相當牀觀,起菜時大家都好開心,本來都好地地,點知食到個xo醬炒桂花蚌時,出事了!d桂花蚌勁咸,咸到飲咗半杯可樂先好d,可能喺d xo醬太多了!一時失水準吧,點知食個雞絲翅時,好似水一樣稀,攪多兩攪,一陣煲燶嘢既味道就湧上來,以為是自己一個食到,點知隔離嗰枱都係敢,相當令人失望!之後好似換咗幾圍翅,但我已經沒有心機再食了!記得以前d出品都幾好,報紙又有推介,但今晚d食物就真係差d!希望下次唔會係敢la!

節前收到的禮物，一直放在雪櫃，想不到現在拿出來享用仍覺不錯。貼上金箔只是為了抬高身價，不過月餅本身確有一定水準，皮薄之外，蓮蓉餡頗軟滑，蛋黃亦不硬實，油分也充足。迷你size很是適合，儘管可能已經厭食月餅，也不介意一人一個將它速速解決。

Hi Everyone,I don't know how come there are soo many good comments about this place. I went there with my gf and the first impression was that we went to an extremely cheap restaurant. The stairway up to the restaurant gave me a creepy feeling. Then I thought, not every restaurant has to be pretty, so we stayed and ordered.1. We ordered 1 'Yellow Oil Crab' 14 Oz2. Ordered a small combo $194/personWhen the crab came:First thing my gf said: normal crabs tastes betterI said: the oil dont taste l

老豆七十大壽, 但不打算擺酒只是一家人吃一餐好的, 所以本著"豪豪地"食一餐便預訂了黃油蟹及一房間替他慶祝. 我們事先與經理溝通有關菜單, 最後都好滿意.菜單包括每人半隻黃油蟹(質素有點參差, 個別蟹好多蒸,有些普通, 但大致滿意), 大蝦沙津, 蟶子王(非常好味) , 九孔飽魚, 生翅, 大清斑, 脆皮鴨(非常好味) , 上湯覓菜, 長壽伊麵, 糖水生果. 最後一人一個壽包. 壽包大隻又好飽滿而且每隻都有一個蛋黃, 雖然是最後才見, 但都覺得好好味.除了吃, 我們還預備了封大利是給老豆及一些低能遊戲替老豆祝壽, 老豆當然笑不攏咀, 整晚都好開心.

好朋友生日,因為佢大肚嘅原因最好就去食中菜.我又想食蟹粉小籠飽所以去鴻星,諗住生日食好D啦!- 蟹粉小籠飽28蚊一隻嚟到發現好細隻WOR~味道又唔係特別好,比想像中差囉!- 果個唔知咩雞雞肉冇味,勁一般嘅餸,講到咁正,誤導人.- 燕窩蝦丸成百二蚊一個,又係最冇味嘅一個,真激氣!!!!! 花膠海参,蛋白蝦仁炒飯&粟米魚肚羹就OK好食.懷舊菜色果D又話每日只有一至兩碟,其他餸又係依樣冇果樣冇.SHOW得出嚟但又唔一定有,算點先?埋單690好貴呀!!!

同朋友期待左好耐ge鴻星下午茶, 終於去左一試. 滿心歡喜試佢地ge點心, 點知失望而回, d 點心基乎全部用淡某某無味黎形容, 茶又唔夠香, 尤其係碟腸粉, 真係~~~~~~~~~~~~~~~完全唔拈

同男友出黎慶祝回歸十周年活動，去睇下博物館，呢兩日免費。政府係咁啦，一家便宜兩家著，市民又有地方去，又唔駛咁多人去遊行。今早起身睇升旗禮，跟住就職典禮，跟住八一跳傘隊表演，跟住深西通車典禮，跟住回歸parade.嘩，幾多節目，睇到點幾鐘都未完。咁唯有食下午茶啦。灣仔鴻星就去得多，咁試下尖沙嘴呢度啦。呢度裝修真係有d殘，間店太多柱，所以侍應未必能關注到每張臺的服務。我地點了冬菇雞絲腸，珍珠雞，叉燒包，三星燒賣同鴨腳札。三星燒賣，係三粒冬瓜粒上放上燒賣的肉，和其他配料如帶子，磨孤等。清清地，唔錯。鴨腳札係比較古老的點心，不過要做得好，好視乎那片芋頭，一定要不太淋才好。鴻星的點心一向都有水準的，呢間仲真係即叫即蒸，出到黎係好熱辣辣的。好好味。解放軍八一跳傘隊表演，嘩，真係精彩!香港人今次真係有眼福。跟住的三軍檢閱儀仗隊，真係操得靚，直一直，升旗禮，手一潑國旗隨隨飄揚，真令人感動到作為中國人的驕傲!