鴻星中菜 (Closed)

一月二十九日，同事剛放完大假，一齊去食開年飯，地點就是鴻星，我之前並未去過鴻星，印像中鴻星的價錢不平宜和石頭魚。午市去飲茶，未上到去就看到很多名人的相，在我之前有一班日本人，她們看到牆上的相很雀躍。一進去，感覺上是地方淺窄，裝潢還可以，不過同事說感覺上很渴睡，可能是燈光的問題。叫了些點心，一如以往，由同事發板，什麼排骨、什麼鳳爪不提也吧！一個生煎包真的令人為之氣結，上枱的時候是底朝天的，底部看起來都很脆口，帶微焦，不過一翻過來真的嚇死人，整個包面都是油，“叮”一聲，我終於明白了，原來燈光是集中在枱中間的，包面掃上一層油，看起來亮一點、好看一點，味道我也不想試，“骨”一聲吞掉。再來一碟燒肉，(部份)皮都尚算脆口，但肉質就有點怪怪的，很軟滑，很飽汁，同平時食的燒肉很不同。不時食的燒肉除了皮很鬆化外，肉都會帶一點五香味，加上燒烤的時間頗長，肉汁雖保留得不多，但就很鬆化。豉油王煎腸粉，咬一口，細看之下應是先拉皮，淋上豉油，再捲起來，所以上色應該不是問題，可以說毫無技巧可言，但到中間及碟底的就不行啦！可以說是豉油王油浸腸粉，要製作這樣的腸粉，可以說隨便找一個洗廁所的都可以做到。素菜餃，每隻的表面

聽人講呢度幾好食(因為出名嘛),星期一晚就同男朋友仔係度試!我地點左5碟.-南非大鮑魚(因為未試過而人人都愛), 味道係不錯,但並唔係比想像中的特別. (因價錢貴,不讚成一試)-蒜蓉九肚魚同燒鰻魚,兩魚相比,九肚魚win!香脆入味,反而鰻魚雖香口,但太重honey味啦!-海參冬菇炆雞, 正呀!好入味但不"漏".-蝦醬豬肉蒸矮瓜,聽落好似好普通,但不錯,蝦醬味不太重,配起矮瓜係一絶呀!-石頭魚荷葉飯....好香呀,幾好味,但一定要熱食,如果唔係會好腥.連2罐啤酒,668...都ok啦好想試下佢地的點心,下次會再去

我都有去鴻星食聖誕餐，覺得ok 喎！我和朋友點了$268 的聖誕套餐，頭盤的煙鱔好好味，個翅都有幾多料，跟住個蝸牛酥皮盒，我覺得好正，並不如以下那位先生所說的硬，而是脆啊！而且也很新鮮，如果係腍既話先難食！雖然個魚扒係硬左d，但係之後既蝦都ok，而個通粉亦並不是酸到入唔到口咁誇張！最正係甜品，係焗西米布甸，好好味，不過唔係幾夠熱，最正的就係佢地送多碗糖水畀我地食，係馬蹄沙，好清甜！d侍應服務唔錯，有求必應，所以雖然個餐係貴左少少，但我以後都會再幫襯。

記得有一年,在情人節光顧海港城那間鴻星,吃了近$1000元(因它只有數款貴價套餐供應),卻極不滿意地離開(in terms of 味道;份量etc),誰知道事隔數年,又再次被騙。<br />昨天(12/25/03) 晚上,到此間鴻星,點了兩個$298(每人)套餐(因沒有其他中式套餐,便試試吧),那知...<br />- 香芒珍珠蝦沙律: 芒果酸到不能入口, 那蝦(類似小龍蝦)也不大新鮮<br />- 金湯翅: 湯底很「稀」,也不夠熱<br />- 魚扒: 硬<br />- 酥皮盒帶子: 酥皮都是很硬<br />- 波爾多紅酒燴通粉: 極酸...不能入口<br />只有一個南爪野菌,較可以接受。<br />本人覺得, 與其做一些不好味的「西」菜,為甚麼不能做回中菜,在聖誕節上來的,也不會要求吃西餐吧,況且廚師既然沒有那個專長,為甚麼勉強做呢,...奇怪的marketing...<br />服務:沒有添過茶水;沒有拿匙叉給你吃通粉(要用筷子吃!);

重陽節假期同媽咪細妹黎飲茶,呢度原來有得訂位,幾好噃!點知一點幾嚟到竟然都未滿喎,真係奇怪.呢度裝修都唔錯,個廁所仲好靚添,座位都幾舒適,不過我地唔好彩坐正係部電視前面張枱,成餐飯同部電視距離不足兩足,感覺好怪.之前去過將軍澳間鴻星,覺得嗰間款式好似多啲,同埋好味少少.呢度貴價點心選擇就多,反而一般點心如奶皇包就冇.叫左幾個侍應捧住推介既小食,手撕雞($45)唔好味,雞肉冇味唔夠凍又太油,唔得.脆皮燒肉$55得個一小碟,好貴,我唔食燒肉所以冇試,呀媽就話皮脆肉嫩幾正.鹵水雙併（約＄４０）,要左鹵水豆腐同牛肚,幾大碟下,豆腐普通牛肚係金錢肚,好入味唔韌幾正.其他仲叫左蝦腸,紫菜卷,素菜餃,石頭魚餃同趣緻精靈鼠（即係糯米皮包奶皇餡,熱辣辣幾好味),除左石頭魚餃太林唔好味外,其他都水準中上.見?好得意有侍應賣一件件既芝士蛋糕,但實在太飽食唔落,埋單獨$27x,都幾貴,唔叫啲廚點會平啲.呢度收購$10一位茶錢,係貴不過的確係靚茶葉,唔會碎濕濕而且飲到尾都仲好香.間唔中黎飲下茶都幾好,不過我都係鍾意將軍澳間鴻星多啲

Mother's Day 去呢度食dinner，果晚可能係special night，所以好多人，我地一家人叫左個套餐，有魚翅，鮑魚，石頭魚，鴨，所有野食都幾好味，由其係＜酒釀白金鴨＞，好香，又唔太肥，唔太油，好正！其次個＜鮑魚燴魚膠＞，鮑魚好夠味，但有ｄ"un"！魚翅就一般，可能我地叫果個套餐唔係至貴果個，只係$1880（八位），因此魚翅唔可以要求太好！而出名既石頭魚，都係不外如是，可能平時食開魚，對魚唔係太有feel！<br>因此本人反而推介＜酒釀白金鴨＞，雖然對靚女可能有d heavy，但一試無妨！最多做多幾野運動啦！<br>可能果晚好多人，所以d waiter & waitress 好忙，未必可以好好招呼，但我估人少時應可以好ｄ掛！有待改善！<br>今個Father's Day 會再去，睇下有冇走樣，如有，再話過大家知！

去過幾次飲茶, D 點心真係好特別, 由其係D 點心名, 真係好可愛,得意, 幾有心意, 例如"小豬嘜", "粟茸南瓜果", "石頭魚餃", "蟹將軍"......等等, 味道幾清新, 不過略嫌太過花巧.<br><br>地方都幾舒服, 服務亦見水準, 不過價錢就略貴.

今日去鴻星食晚飯, 一入到去已經有陣怪味, 之後重一邊食一邊俾蚤咬. 食完之後個個唔係腳痕就手痕. 下次咪攪啦。<br><br>D食物OK但碟頭好細, 唔抵食。

This shop is much more spacious than the one at Harbour City and the food quality maintains very high!

今次去呢度飲,非常美味~最深刻係一個好似叫乜乜海皇翅,橙黃色架,食香味俱備~!仲有甜品白兔仔,好軟架,個樣仲好cute,都唔捨得食..但第2次食時又好似冇咁好食咁