空

Open Now

Now Closed

好少寫review, 都忍吾住出手，omakase嚟講，真心平靚正！掛住食中間好多刺身都冇影到，但係真係勁新鮮價錢又唔貴，最後嘅芝士雪糕簡直係神來之筆師傅刀工好，又傾到計，下次一定要試埋佢個晚餐先

今日係假日，訓醒男友就就話去食好d, 帶我去食日本野，都係男友最知我心意，日本料理是我的最愛。原來一早有安排，餐廳已早選定了，帶到尖沙咀來進內餐廳環境氣氛十分好，而原來有廚師拍辦，所以就坐吧枱，可以近距離望住師傅為我地預備食材龍蝦沙律 濃郁的龍蝦味，配上清新沙律合桃小魚 甜甜的很滋味秋魚刺身 前 很爽口，很清新的魚味鰽魚刺身 後 入口淋身魚質較滑身 配以酸汁海鮮醋物有帶子，北寄貝，蒟蒻，海帶，酸酸的很開胃金線魚 前 辣柚子芥末   好辣，魚皮燒過後很香金目鯛 後 辣魚子醬 辣味刺激了味蕾吞拿魚 麵鼓醬- 酸酸地 (霜降左) 魚味濃  中TARO 配新鮮wasbi ,入口溶化金目鯛魚鮫 擺盤十分優美 另一番視覺享受太刀魚 外皮脆香，十分可口燒taro 入口溶化，口内洋溢著油脂，感覺幸福以日本生菜包卷著，清新減油膩感魚湯 濃濃的白色魚湯，鮮甜魚味巨蜂乳酸jelly很香巨蜂味道，點點酸味，不錯  最後以即磨咖啡作為完美既完結。

位於柯士甸路的小街內，更有日式居酒屋感覺。門口位好有日式風情環境好舒服可能唔近地鐵站，假日下午茶時間都冇咩人，我們一時半到達，只有一檯客，點菜後他們也走了，變相我們整餐飯都係包場的先來每人一小碗前菜小食，開開胃～ 蟹肉茶碗蒸，估唔到有海膽，真係唔係一般日本店可比較！海豚乾出奇地好味～ 唔太乾，味道又可以佐酒！牛油果軟殼蟹卷物好抵食，係呢d 高檔日本店有6件，實在很多！食材很新鮮！銀suet 魚西京燒 150g 很老實的店，餐牌有註明魚的重量，明碼實價～魚肉略嫌太鬆，夾起散晒雜錦天婦羅烏冬炸物很出色，沒有多餘的油，炸漿唔會太多！烏冬極滑！yummy 服務非常好，期間不斷加茶，有多人輪流招待！下次期待試試這裡的omakase!

今晚想帶「食家」過黎試下 Omakasa🍣🍣🍣 ，點知全埸滿座，等左一陣先有Table，咁就叫 A La carte！先來個小食，燒鱈魚片，有驚喜！池魚刺身厚切又甜，秋刀魚甘甜肥美！🐟值得推介！👍🏻👍🏻👍🏻燒鯖青和炸豬朳都好好味！生熟食物都比幾高分同埋好抵食！最緊要系醋米飯！平時我最憎飲梅酒，但佢呢隻味又真係幾好飲喎！下次可以再叫，不過唔係成日有貨!最後仲有豆腐雪糕送！🍨我的新增飯堂！😋😋😋

知道尖沙咀開咗呢一間有得食廚師發板嘅餐廳，喜歡日本菜嘅我又怎能錯過呢？呢一日我六點鐘已經到達，太陽都未落山。呢度嘅座位十分舒適！好寬敞！餐具都不錯。有3款餐選擇，我選左980那一款。小食有蜜糖合桃伴魚干，蜜糖合桃好香又脆，不太甜！好好食！可算是很有驚喜！鮑魚天婦羅香脆，用鮑魚汁伴上，好鮮味！味道十分濃郁！筍篙好特別，第一次吃！兵庫縣處女蠔好甜，又滑！一d都唔腥，而且肉厚！刺身有拖羅，金目鯛。刺身鮮甜肥美！魚女滑！麵豉汁又甜，好香好厚。左口魚包紫菜好鮮甜爽口！好特別！螺肉也很爽脆甜！海脆壽司好豐富！份量好多，又鮮甜味美！食落一層一層好有層次！食物清新特別！很別緻嘅一餐！

講係食日本料理真係會品嚐到好多不同食材，而且係食材方面都有分咗好多種類迎合大家之餘，又可以食到真正日本料理都會去品嚐一下，係咁多種食法當中不得不提Omakase即係師傅發板，又師傅親自即場烹調當日新鮮食材，讓客人品嚐到每件食材味道，當然唔會知道有乜嘢食到食一刻先會知道，咁食先會有驚喜又有滿足感，當然約埋好友一同品嚐，可以一邊睇住師傅細心處理每件食材一邊慢慢細嚼美味食物咁先至係享受，就去咗呢間日本料理店開飯當然要坐係師傅枱前面咁至有feel，梗係點咗Omakase ，菜式會按次序逐一細味品嚐，先有前菜分別有三款口味俾各人享用食落各有特色，蕃茄入口爽甜清新、鮑魚食到肉質鮮嫩又飽滿、水母入口爽滑配香甜醬汁，簡單得來又美味輪到冷盤係兵庫縣處女蠔，蠔肉色澤光亮就知有幾新鮮，入口食到蠔肉飽滿又滑溜滿口蠔汁係口內夠晒鮮其後到刺身又可以食到不同味道，先有愛女魚肉質爽口帶點肥美、平政魚肉質甜美、魷魚口感爽嫩、粒貝食落爽口清甜，八爪魚肉質鮮嫩滑溜唔覺唔覺又食咗一輪美食，再來有炸物天婦羅蓮藕片入口香脆又香甜，而另一款真係唔講得小係天婦羅炸拖羅，炸得啱啱好食到外面粉漿卜卜脆內裏啖啖香滑吞拿魚夠晒鮮甜味道濃郁，

朋友開的餐廳 特別來捧場Lunch Omakase set $380@ 刺身不過不失壽司飯有點硬和不夠暖有進步空間海膽來貨不夠新鮮份量很足夠午餐服務也不錯價錢也可以接受味道則可以進步

日本海膽（$254）海膽為蝦夷馬糞海膽，與大家熟悉的馬糞海膽不同的是，蝦夷海膽較甘甜，海膽顏色鮮艷，偏黃，而且因為新鮮，而有淡淡的海水味道，所以唔需要特別落調味料，食落特別濃郁甘香！喜歡的話，可以包埋紫菜同青瓜食，口感又會不一樣！刺身拼盤（小）（$338）拼盤色彩豐富！雖然是小拼盤，但份量也不少！有帶子，劍魚腩 ，甜蝦，切片章魚帶子令我十分驚喜，因為新鮮而做到入口即溶，加上帶子是鋪在海帶上，從而吸收到海帶嘅鹹味同鮮味，令到帶子唔需要任何調味料，都可以做到好豐富嘅味道！劍魚腩的脂肪分布十分平均，肉的爽甜，脂肪的魚油香，從而令到口感好豐富！八爪魚片口感爽口，有種牙齒與章魚打架的感覺！十分有趣甜蝦口感綿綿的，也是鮮甜的。蔥吞拿魚腩卷（$94）吞拿魚生肉十分碎，口味好棉。魚的油香恰當，配上少量香蔥、介辣豉油，整體十分清甜美味😋！中吞拿魚腩壽司（$168）油脂比較少，女孩子不擔心肥。中拖羅可以食到魚的清甜味、較多質感、沒有筋、而且吞拿魚味較重。深海池魚壽司（$108）富有光澤的外表，紮實且奶白色的魚肉、帶魚油的甘香。

因為經常經開呢頭做gym既關係，我已經好熟悉呢邊既食店同環境。每次經開呢頭都會見到呢間餐廳入面好多人幫襯，而自己又好中意食日本野，一直心大心細想試好耐！今日自己一個經開呢邊，決定入去一試！店員好有禮貌同親切，好細心咁介紹食材你知，而bar台前有司傅即直整作壽司🍣，絕對係一間高水準餐廳！食物質素十分高，我點左個刺身同饅魚飯。刺身超級新鮮，肉質爽彈鮮甜！主角饅魚飯完全可以媲美係日本食既饅魚飯，饅魚骨都有焦香既味道，超推介！

早前約左男友去尖沙咀試婚紗，試完婚紗就係附近搵食，就搵到呢間門面好光鮮的日式居酒屋🏮地面的鋪位，入到去座位唔算太多，不過環境幾整潔，仲設有開放式你壽司吧枱，我們就被安排坐到吧枱，可以邊食邊看著師傅製作食物，好特別！前菜：豆腐醬雜菜未點菜之前奉上前菜，豆腐醬雜菜以豆腐製作的醬汁有淡淡的豆味，雜菜爽口！（後記：後來埋單先發現前菜不是贈送的，是要收費的）蟹餅 $68這份蟹餅即是蟹肉薯餅，表面炸得香脆，配上有吉列醬及沙律醬～即點即炸，熱騰騰的，入面的薯蓉混入鮮味的蟹肉絲，配上醬汁，外脆內軟口感特別！河豚乾 $88河豚乾燒得香口，微焦有炭香味，沾上沙律醬食過不停！牛舌 $46他們的串燒又幾岀色，牛舌好爽口彈牙，只係略加咗黑椒去燒，都已經好香口！壽司拼盤 $328來到吃日本料理又點可以唔食壽司，即場看到師傅在我們面前製作～剌身好新鮮，值得一提下面你壽司飯係加入特製的醬汁混合，即使唔點豉油都好夠味！軟殼蟹沙律 $68這碟沙律亮點就在軟殼蟹，上面淋上沙律醬，酸酸地幾開胃，而軟殼蟹炸得好香脆，沙律好清新！炸蝦卷 卷物 $104這碟炸蝦卷卷物上枱時都覺得有點震撼，表現佈滿蟹籽，卷物中間包著大虎蝦，入口口感

據說Sushi Sora 是間高級的日本料理,在中午食Omakase卻十分超值,趕緊選某週日中午,來試試這裡的午餐。 這店裝潢十分講究,就餐環境高檔優雅,氣氛份外有格調 。** 我及朋決定就坐於吧台,可睇到師傅細心製作美食。* *點來兩份午市套餐-Omakase $388/位 **<前菜 季節前菜兩點> 有香脆鹹甜合桃小魚乾及酸酸甜甜的龍蝦沙律,兩款食後好醒胃。**<冷盤 海之幸酢物盛>這冷盤甜甜的帶子及彈牙的北寄貝加上醋酸,帶酸酸味道,好開胃非常。**<刺身 精選季節性魚類>秋魚&糟魚兩款魚刺身簿切具晶瑩剔透, 前面二片是秋魚入口爽口,但魚味比較清淡而甜, 而後三片是糟魚比秋魚魚味濃少少, 兩款魚生都是沾點特色酸醬汁來品嚐。*金線魚&金目鯛 金線魚輕火槍把魚皮火炙過,配上辣柚子,味道來我鮮甜,肉質結實有彈性。* 金目鯛也是輕火槍把魚皮火炙過,配上辣魚子醬, 入口爽脆甜美,魚味香濃,帶豐富油脂。* 拖羅&吞拿魚 吞拿魚配上咸甜麵鼓醬,入口魚味濃,有新鮮口感。* 中拖羅上放了新鮮芥末,魚呈配粉紅,入口溶化,散發著鮮甜魚香氣。** 

今晚係為咗慶祝我哋三個靚太嘅紀念日，girl talk 之餘仲想享受一餐 freestyle 的 omakase 。我哋約咗係尖沙咀 shopping 然後一齊去咗Sushi sora 一聚。廚師發板嘅好處就係不時不食，一個價錢師傅幫我地安排好晒當晚嘅優質食材，只需要話比佢聽有啲乜嘢你唔想食或者唔食得嘅，然後就開開心心舒舒服服咁等食啦！期待嘅晚餐由前菜開始，美麗的擺碟靚得有驚喜。今日的前菜分別有熊本縣蕃茄、水母同埋鮑魚天婦羅，配搭也顯得有心思。夏日炎炎吃冰凍的熊本縣蕃茄作醒胃前菜，果然沒有令我們失望。水母配上日式麻醬汁口味特別，口感非常爽口。鮑魚天婦羅外脆內嫩，入口彈牙，多加咀嚼鮑魚味道更加豐腴，層次配搭利落。接下來是兵庫縣處女蠔，入口 creamy 而且十分肥美。Size算大，質感鮮爽而且有濃濃的海水味。加上少少蔥花和蘿蔔蓉，鮮味十足。一次過品嘗幾款高質刺身，魷魚、魚子、深海八爪魚、粒貝、愛女魚包着芥末籽、平靜魚。今晚品嚐的刺身特別滋味，肥美的愛女魚夠新鮮，魚肉呈半透明，味道夠清甜。平靜魚口感爽口，魚味濃郁，味道一流。再來一客太刀魚、金目鯛、鯖魚。最矚目的還是金目鯛金光閃閃的魚皮，好

朋友真係好喜歡四圍搵食，今晚就係佢帶我到這裡品嘗了一頓美食，餐廳位置雖然唔係對住大街，但就係咁個價錢先至可以做到呢個價，Omakase嘅價錢相對合理，餐廳內環境闊落，有吧枱位置同梳化位，當然朋友訂了位就係吧枱啦，望主師傅為自己準備食物當然係要個最佳位置！望望餐牌有三款Omakase選擇由$980七道，$1180八道，同八道但要訂嘅$1480，咁當然係$1180呢個啦！未落單前店員亦細心奉上熱茶同毛巾讓客人濕口同抺手清潔後放心進食師傅嘅精緻嘅手勢美食！落單後師傅先奉上日本漬物，蘿蔔絲，爽口清新！前菜就由三款美食組合有新鮮蕃茄沙律，爽口水母刺身，同埋香口嘅天婦羅鮑魚，入口煙韌彈牙！接住就係浜富縣處女蠔，入口時會感覺到肉質帶有濃郁嘅海水味，而味道帶甜，肉質帶點結實，夠晒口感！而刺身先上五件一碟先慢慢品嘗愛女魚包住日本芥末子，入口肉質扎實爽口，肉質肥美呈半透明，味道清甜鮮味！平政魚刺身口感肥嫩，味道也較濃郁！日本魷魚刺身晶瑩剔透，入口爽口煙韌，帶點黏性！粒貝刺身肉質十分爽口！深海大八爪魚觸鬚刺身亦十分爽口彈牙！之後再上埋餘下較肥美嘅刺身太刀魚入口就感覺到濃郁嘅魚味，所以師傅先炙一炙個魚皮位置！