立鮨 (金馬倫廣場)

Open Now

Now Closed

朋友推薦來吃，的確刺身挺新鮮的（比起千兩）。人氣盛合有幾款sushi入口即化。然後油甘魚lam劍魚lam，一個入口即溶，一個很有咬勁，超好吃。海膽也很鮮甜。水母口感很清爽。因為每樣都好吃，於是⋯兩個人就吃了1000元⋯

每隔一排都會好想食壽司，而立鮨就係我嘅食堂之一，冇食一排，原來加左凳，立鮨變左「坐鮨」🤣唔洗再企係度食，舒服好多🤩夜晚去食每次都要排隊，等咗約大半個鐘終於入得去啦，真係超肚餓🫨火炙左口魚邊壽司 $28三文魚壽司 $9鰻魚壽司 $20自家製玉子壽司 $9珍寶甜蝦壽司 $23芥辣八爪魚軍艦 $13火炙三文魚腩壽司 $26劍魚腩壽司 $26每款壽司都好新鮮，而且啲壽司飯唔係普通日本白飯咁簡單，係有撈咗醬油調味，所以味道更佳✨特別推介左口魚邊壽司同芥辣八爪魚，左口魚魚油充足，入口即溶，啲魚油包住我成個口🥹 然後鍾意食wasabi 嘅朋友一定要嗌芥辣八爪魚，我食到標眼水但都一定要食🤣🤣大吞拿魚腩壽司 $49見到佢用個特別碟上枱就知唔係碎料，真係一分錢一分貨，吞拿魚腩油脂分佈均勻，上面加埋洋蔥一齊食，一啖放哂落口，簡直係味蕾大享受🤤想食高質壽司又唔係有好多budget 就一定要食立鮨，佢有好多間分店，總有一間係你附近！🤗

聽講以前只可以企（？）長期有人龍排隊舖頭堅細既10個位都冇等一個鐘是常識三文魚籽軍艦俾得算豪爽會跌出黎珍寶赤蝦都幾新鮮燒蝦頭湯濃味推薦又唔貴北海道帶子壽司都正常海膽就件件唔同質素睇運氣飯係好食既但排咁耐堅唔抵

有日收咗工同女友去食（大約7點左右），單點壽司同刺身，出菜快，食物賣相正常，入口feel到係室溫，毫無海鮮鮮味，成餐味道最正常應該係個炒飯；有個女店員，由入席到埋單，都係愛理不理咁款，仲要啱先食晒啲嘢之後（入席半個鐘左右）就走過嚟問「有冇嘢食要加，有就即刻落埋」催促我哋加單，同佢講暫時未有；過多5分鐘佢直程走埋嚟叫「埋單出嚟埋」，心諗使唔使咁，食完唔夠10分鐘就趕客，你話我霸咗你個位成粒幾鐘就話啫，而且當時餐廳仲有吉枱，門口冇人排隊（走嗰陣有仔細睇過，想幫佢兜都兜唔到），食完飯坐陣消化吓都唔畀，大佬吖你間鋪又細又焗我都唔想坐咁耐啦，使唔使咁樣趕客？最後埋單$350左右，真係第一次遇到啲咁樣恰食客嘅員工

試過晒荃灣旺角尖沙咀銅鑼灣分店都係尖沙咀最好食紫菜夠脆 火炙夠香依家仲要有埋坐位不過都係覺得企喺度食有氣氛啲🤣每次都一定會嗌每人一set三文魚set芥辣八爪魚軍艦&手卷鰻魚手卷炙燒左口魚裙邊蝦頭味噌湯鰻魚玉子燒有時仲會有限定商品成日都去食 加入埋做會員生日有優惠平日午市都有好抵食既LUNCH!一排無食又好掛住...(不過呢到既壽司SIZE偏細 可能要叫多小小先夠飽!)

外賣叫咗個特選三文魚盛合，有三文魚壽司，三文魚腩壽司，火炙三文魚壽司，辣三文魚軍艦，各1件，同埋三文魚小卷6小件。因為驚唔夠飽，另外加多左個芥辣八爪魚手卷。總結一下，三文魚夠新鮮，而手卷都好足料！

鋪頭日式裝潢,價格相宜的壽司主題立食店。食材每日由築地直運時令食材到港,而醋飯則以日本福井米製作。今次小編就試左個立鮨人氣盛合,呢度嘅壽司種類非常多款款都好吸引,師傅係即叫即整~前菜有個蟹子沙律 同麵豉湯蟹子沙律清脆嘅青瓜絲+蟹柳鋪底，加上沙律醬，再撒上脆卜卜嘅蟹子，入口好爽! 一日好心情由此開始麵豉湯正常野冇特別立鮨人氣盛合$88立鮨人氣盛合有6件壽司，包括三文魚壽司、火炙左口魚邊壽司、北海道帶子壽司、珍寶赤蝦壽司、自家製玉子壽司、鰻魚壽司~三文魚壽司最鐘意食三文魚補充Omega-3,三文魚十分厚身,魚身表面有光澤,顏色呈淺橙色，一間間概白色脂肪分明而且顯眼，長度剛剛覆蓋飯團!火炙左口魚邊壽司我一向都幾鐘意食左口魚,呢間燒得好香口,加兩粒蔥花點綴一下除左食得重睇得,而且火炙過既魚邊充滿油脂感,口感細軟入口即溶,好食!北海道帶子壽司鮮甜肥美,肉厚味甜,極富彈性,顏色天然乳白極具天然風味珍寶赤蝦壽司根據我概理解赤海蝦因為喺極凍嘅水域生長，所以蝦身比一般蝦壽司更加晶瑩剔透，肉質肥美爽滑之餘,仲十分鮮甜！而且叫得珍寶重大隻過平時食開個D我粗略計大粒1.5倍到啦!自家製玉子壽司玉子口感細緻綿密

以前去過立鮨的荃灣分店，感覺頗高質😋今晚去尖沙咀附近發現原來尖沙咀有分店！用板隔開座位，加上壽司可以一件件單點，一人晚餐無難度😃雖然名叫立鮨，但設有座位方便進食。⁡👉🏻食物: 4/5壽司飯都有作基本調味，飯體較粘及酸，不用再沾醬油！⁡▪️大滿足海膽特盛細細碗，但面層疊滿幾層海膽🤩滿足一眾海膽控的視覺感受！⁡▪️大呑拿魚腩壽司呑拿魚腩肥美😄⁡▪️三文魚腩壽司油花魚肉各半🥰合我口味！⁡▪️自家製玉子壽司正正常常▪️火炙左口魚邊壽司左口魚邊入口嫩滑，咀嚼時有韌度。面層略略燒過，仍保留了魚肉原來的味道。⁡⁡▪️鮮蝦味噌湯配蝦頭每次吃壽司前，我都愛飲一碗熱湯先暖胃🥰這款味噌湯比一般鮮味😋蝦頭有膏又鮮甜！推薦😉⁡

餐廳嘅日式裝潢同擺設 好有日本feel 🇯🇵有多款刺身、手卷、丼飯、盛合、壽司食物即叫即製 好新鮮好高質 🍣✨水母刺身✨初嘗水母刺身 賣相晶瑩剔透 口感爽口配上柚子醋 好開胃✨白子小食✨口感好creamy 味道濃配上蔥花及柚子汁作調味 好鐘意🤍✨珍寶牡丹蝦刺身✨牡丹蝦好大隻 口感creamy 味道鮮甜 💕✨海膽壽司盛合✨ 期間限定海膽赤蝦壽司、海膽帶子壽司、海膽魷魚壽司、蟹肉海膽壽司及海膽火炙左口魚邊壽司海膽新鮮 味道甘甜 壽司都好新鮮 👍🏻✨火炙海苔三點✨有左口魚、赤蝦、帶子三款壽司炙燒後好香口 左口魚充滿油香 😋✨特選三文魚盛合✨三文魚壽司、三文魚腩壽司、火炙三文魚壽司、三文魚小卷、辣三文魚軍艦性價比高嘅盛合 三文魚好肥美 🍣🍑原個雪葩桃味雪葩 味道清甜冰涼 🍑

❤️小長井蠔$48小長井蠔 細細隻 但其實都好厚肉 夠晒肥美 有時食蠔晤一定食大隻 食飽滿 有小小爽脆 最啱我心水 配埋特製醋凍 同青檸 好清新 ❤️白子小食$58年度最愛 我都係因為係立鮨食過好味 先愛上 白子肥美 好creamy 配埋酸醋汁 酸酸辣辣 好開胃 食慾大增✅❤️立鮨特上壽司盛合$150🤍牡丹蝦壽司-肉質彈牙 立鮨晤會令你失望🤍深海池魚壽司-往往比人忽略 池魚 魚味濃 如果鐘意食魚味較濃嘅朋友必食🤍北海道帶子壽司帶子好鮮味 食壽司點可以無帶子 🤍中吞拿魚腩壽司-個人最愛中吞 主要晤會太肥 太溜 呢件中吞高水準 無筋 厚切 入口溶貨🤍海膽壽司-加拿大膽 冬天嘅加拿大膽係最最最肥美架 海膽超厚又creamy 得✅店舖晤係好大 但已經排左長龍 要食好嘢記得早啲去呀間間分店嘅水準都keep 到 值得推介✅🎈立鮨 (金馬倫廣場) (尖沙咀)尖沙咀金馬倫道23號金馬倫廣場地下D舖

講到我最愛嘅壽司店 一定係立鰭試咗佢哋嘅旺角中荃灣分店今次要試埋尖沙咀分店💕▫️火炙三文魚腩壽司我最愛嘅火炙三文魚腩 好香口同埋三文魚腩又好厚又大件 好正😍▫️鰻魚櫻花蝦玉子燒玉子燒上面有鰻魚同櫻花蝦鰻魚好香口 汁又香濃配埋香甜玉子燒好滿足😋▫️三文魚腩刺身佢哋嘅三文魚腩真係又厚肉又新鮮😋每一啖都食得好滿足👍🏻▫️小長井蠔好鮮甜嘅蠔 絕冇腥味 而且好肥美 食得好開心🤤▫️火炙牛油帶子海苔壽司係入口即滆 用香脆嘅海苔包住牛油帶子味道太夾啦 真係十分推薦大家試吓👍🏻▫️喜之次壽司第一次試嘅壽司 都好有驚喜喜之次好大舊令人食得好滿足 好好食😋▫️火炙大呑拿魚腩海苔壽司立鰭嘅大呑拿魚腩真係好出色🤤火炙過令整體更香更好食總結每間分店嘅立鰭水準都一樣出色每次都食得好滿足 好驚喜推介大家一定要試吓😋🥰📍立鰭立鮨 (金馬倫廣場)

超級鍾意食日本嘢嘅我，今日又嚟到《立鮨》呢間壽司店，不過今次係尖沙咀分店，一於嚟試吓係咪都係咁高質先😌小長井蠔 $48呢個小長井蠔雖然唔算好大隻，但係肥大肉厚，口感清爽，味道鮮甜，鍾意食蠔嘅點都要試吓火炙牛油赤蝦海苔壽司 $21火炙左口魚邊海苔壽司 $26火炙過嘅壽司魚油香特別突出，赤蝦口感鮮甜彈牙，左口魚邊入口即溶，兩款壽司加咗紫菜又有另一番滋味😋三文魚籽海膽大滿足 $99黑松露牛肝菌海膽小丼 $99雖然呢兩個都係迷你版，但係份量都唔少架，面頭鋪滿晒海膽，三文魚籽同海膽都好鮮甜，黑松露牛肝菌味道濃郁而且突出，真係名副其實嘅大滿足👍🏻

訂咗機票去日本，又取消咗班機，冇得飛住lu🥲不過唔緊要，香港有咁多日本嘢食，同朋友食咗呢間食材新鮮嘅壽司店，好滿足😋╰☆自選壽司定食10貫 $188包湯同沙律我今次揀咗呢款可以自己任揀10件唔同嘅壽司🍣有啲款揀咗兩件可以同朋友share〰️三文魚籽軍艦、蟹肉蟹膏軍艦、火炙牛油帶子壽司、油甘魚壽司、碎蔥吞拿魚腩軍艦、火炙牛油赤蝦壽司，每件都好新鮮🥰最鍾意佢嘅三文魚籽軍艦，勁多三文魚籽😚 粒粒都晶瑩剔透🟡完全冇腥味，入口滲出滿滿甜香╰☆辣汁帶子軍艦 $9呢件好抵食，見$9一件，就叫嚟試吓，平時都係見辣汁三文魚粒多，呢個帶子配辣汁味道都唔錯喎╰☆三文魚籽海膽大滿足 $99食完件三文魚籽軍艦唔多夠喉🤪再叫多碗有埋海膽嘅迷你丼，海膽入口即溶，三文魚籽鮮甜，真係超級大滿足呀🥰╰☆黑松露牛肝菌海膽小丼 $99朋友就叫咗呢款，黑松露牛肝菌海膽小丼，面頭滿滿海膽，同樣入口即溶，再加上黑松露牛肝菌，好邪惡😌╰☆小長井蠔 $48雖然比平時食嘅日本蠔細粒啲，但肉質肥美結實，入口充滿海洋鮮味，鮮甜香濃！

餐廳以立食的方式成為壽司店的賣點，店內只有數個企位仲可以望住師傅即點即整既新鮮壽司，令大家吃得津津有味裝修以日式裝潢為主，每天由築地直運時令食材到港，用上日本福井米製作赤醋飯，有微微醋香餐廳係用手機落單，主要分為刺身、手卷、丼飯、盛合、壽司、小食等，連Omakase都有食品方面:<期間限定> 海膽壽司盛合 : 有海膽赤蝦壽司、海膽帶子壽司，海膽魷魚壽司，蟹肉海膽壽司及海膽火炙左口魚邊壽司，海膽鮮味甘甜，配上唔同海鮮都係 Perfect Match特選三文魚盛合 : 三文魚壽司、三文魚腩壽司、火炙三文魚壽司、三文魚小卷、辣三文魚軍艦，三文魚肥美，三文魚控可以一次品嘗五種味道火炙海苔三點 : 有左口魚、赤蝦、帶子三款壽司，表面炙燒過後味道香口，再用大大塊紫菜包住一大啖咁食，口感超滿足珍寶牡丹蝦刺身 (2隻) : 牡丹蝦夠曬大隻，蝦肉和蝦膏味道鮮美甘甜，簡簡單單蘸上少少豉油已經好味到痺水母刺身 : 水母刺身第一次試，純天然沒添加色素及香料，晶瑩透亮，口感彈牙爽脆，蘸上柚子醋一起吃味道極佳白子小食 (3pcs) : 白子表面輕輕燒過，口感柔滑軟綿，味道帶點濃郁，配上小蔥花及柚子

平時成日都見呢間好多人排隊，見到價錢又相宜，呢日就約咗朋友收工去試吓，8:00去到門口排咗幾個等咗一陣就入得♥ 火炙壽司 🍣 $10-$30平時食壽司都唔鍾意太生，都會揀火炙系列，分別試左左口魚、三文魚、帶子、松葉蟹同白烏賊，價都係$10一件起，左口魚燒過帶油香更好食♥ 軍艦壽司 $9-$30特色軍艦都有好多款選擇，價錢十分相宜，平時食開嘅辣味三文魚同芝士飛魚子都有😄而且每件都大大件，另外我仲嗌左件三文魚籽壽司🍣魚籽粉量超多多到滿瀉🥰♥ 剌身 $29我地嗌左赤蝦同帶子，都好鮮甜♥ 熟食櫻花蝦玉子燒$25，本身仲驚唔夠飽嗌左個海老濃湯櫻花蝦烏冬$46 ，烏冬彈牙湯底濃郁，點知最後食唔哂🙈