藤 (Closed)

今日本身經過，時間尚早，見到youtube 介紹唔錯又見到無乜人就入咗去食，坐低之後女職員都好有禮貌解釋得好清楚，之後就用QR code scan 菜單點菜，選擇唔多不過都無所謂，最緊要係重質不重量。叫咗個藤の特上，同生蠔，牡丹蝦，兩件左口魚壽司，一件中拖羅壽司。首先第一下上蠔其實已經唔係好滿意，師傅無問過我哋邊個食，求其放係一邊，然後蠔太大隻，有啲餐廳係會好細心咁切一刀，咁呢個都唔係問題，純粹加分位。然後我見師傅切完一片魚，係手心互放一下，我都理解啲魚要回下溫，但正常師傅係會放係木板上面，而唔係用你隻手去回溫😅因為你都會握佢，已經足夠。之後就好似係另一個師傅上壽司俾我哋，佢第一次就上漏咗一件左口魚，然後佢都係聽到我同朋友傾之後先望下張單，唔好意思都唔講下就上返件左口魚。其實有好多想走高質路線既餐廳會向客人解釋下咩魚打咩魚，呢間做咁少客絕對有時間做到呢件事。重點我覺得唔會有第二次就係啲壽司真係唔值呢個位，佢哋啲飯已經有調足味，基本上係唔需要再沾豉油，但係啲飯搶哂味，完全食唔到魚味。另外，唔能夠理解點解要加芝麻係啲魚上面，只係食到芝麻味而食唔到魚味。本身諗住好味會繼續叫，但食到咁樣已經覺

經師傅嘅推薦，我地首先點左廚師發辦sushi set，及後再單點其他壽司及卷物～好有趣嘅係餐廳用iPad落單，方便又環保♻️作為一間新店，表現十分亮眼，價錢亦都係超級親民💯🍄藤 Sushi Set （$328）首先會送上豆乳湯 裏邊有洋蔥同埋菇個味道同華X結個雞湯相似😋成個壽司set係非常值得打卡每一件都係師傅用心製作 所以每一次個擺法都不一樣建議首先食咗汁煮八爪魚🐙非常之厚實嘅八爪魚肉 而且肉質淋滑有八件壽司 包括油甘魚、帆立貝、大拖羅、赤貝、牡丹蝦、深海池魚、銀鱈魚及海膽🍣件件都算新鮮甜品方面有水玄餅同紅豆餅，食完真係好滿足😙坦白講，以這個價錢餐廳嘅食材質素一定不會是最高級，但它絕對有性價比優勢👍🏻p.s.如果唔想食廚師發辦，亦可以自選壽司🤍

面書推介，見個環境唔錯，個套餐又可以打卡，就試下。座位得八至十個，我平日6點幾嚟到就冇人，但臨近7點就爆曬，但食客都好流轉得好快，唔會等太耐。點咗個打卡套裝，另外再叫多咗份炸蝦卷，味道唔錯，不過師傅上枱失手整跌咗一舊，所以又呃多咗一份炸蝦卷食，但就好似都食唔飽，套裝壽司得8件，仲有小前菜、小甜品，套餐所有嘢都好精緻，要食到飽可能要食到$500位，我又覺得個素質未到呢個價錢，所以我都係點到即止，可能叫丼會比較化算。試下一次就算!

早排朋友介紹話呢間新開日本餐廳野食唔錯…又走去試下。7點到左已經有人排緊隊…不過好彩可以攞飛。店員就話大約要等一個鐘…因為鋪頭好細…大約坐10個人。過隔離飲杯野邊坐邊等。飛仔有QR code可以知叫到第幾張檯等左40分鐘有位…見咁抵食諗都唔諗就叫左個3百幾既omakase😂😂。呢度當然唔可以expect逐件上啦…師父一次過做好就放上架。總共有10件壽司…都有拖羅同海膽。另外叫左三文魚同腐皮壽司生意幾好轉得快…所以魚都算新鮮。味道正常咁啦…3XX就有手握壽司又有拖羅又有海膽唔會詐型…🙂🙂

I admit I was attracted by their pretty sushi set and came here. You can order 1 Hand Roll for $1(basically free) if you spend more than $80 per person. There were about 10 seats at the bar table and after the separation by the partition, the table was slightly small. This restaurant only accepts walk-in and the dining time is only 75 minutes. You can order the food you want by QR code. The Teng Set Menu was blocked and I asked one of the servers. They explained that they have ran out of dessert

那天我們3人諗住想試吓新餐廳，就去這間藤等位，這餐廳面積相當細，只有一張L形長Bar 枱，食客之間完全沒有間隔，不知餐廳怎樣處理客人的社交距離。我取票後就在門外等候，其間待應只是叫2人枱的客人，我們在門外從19:58等到20:41，呆等40分鐘之後，待應走出來說：我哋9:30 last order, 你哋3位應該冇辦法俾到位你哋。我話：吓！等左咁耐先話俾唔到位？待應回應：咁我俾飛你嗰陣都唔知會咁㗎，我而家已經提早通知你啦，都唔係9:30先通知你，唔好意思呀。呢番說話真令人火都嚟埋，一啲道歉誠意都冇，好似唔憂做咁，既然俾得飛客人，就要想辦法解決，點可以一句我都唔知㗎就推卸責任，就算真係冇辦法都應該誠意同客人道歉，咁嘅服務態度搵鬼幫襯，我絕對唔會再嚟呢間餐廳😡

喺社交平台不停洗版宣傳之下，今日卒之去咗旺角這一間新開嘅鮨店，店舖不大，全部清一色吧枱！可以近距離欣賞壽司師傅嘅手藝（以為是一件賞心樂事）！落單係用QR code落，壽司set嘅選擇不多！只有三至四款，一款廚師發板（$328），每個set嘅份量都唔多，我揀咗個特上壽司set盛惠$230（連加一），而且咩都冇包（即係冇麵豉湯同茶碗蒸），只有這六件壽司！其實我落單嘅時候都揀咗好耐，因為份量太少，食兩set又好似好誇張！最後叫住一set先，滿心期待呢個價位係如何高質嘅壽司！可惜當師傅把這六粒如玩具一般嘅壽司端上枱的時候，確實嚇了一跳，真心極度失望，同師傅嘅技術一樣！睇住佢握壽司同埋切魚生嘅技術！以及同兩位助手嘅不協調運作，個師傅應該好新！如果真的有心經營一間鮨店，希望有關方面能夠作出改善

这一家店开了时间不长，常常经过，那天终于去尝一趟鲜。这家店铺暂时不接受定订座大概下午一点多进去，一行三人还有位置太好了。先扫安心出行和量体温，入座后QR CODE下单点餐非常时期这样比较好。请朋友吃饭当然要吃个最好的，点了镇店之宝藤&Teng，果然是十分精致，充满少女心的摆盘，器皿，味道，卖相，完全无可挑剔。另外两个丼物，都绝对是性价比良心之作，好吃价格合理。炸物香脆可口又不会太油，鳗鱼丼脆嫩的完美结合，意犹未尽的我们再加两片火炙左口鱼边寿司，太满意了

餐廳以白色為主，bar檯模式,非常簡潔。坐位較少，容納到大概15人左右，可以近距離同師傅溝通。P.S師傅幾靚仔🤭晚餐叫咗佢地招牌《藤 &Teng》set（$328)內有壽司8貫，御料理，吸物同埋甜品壽司方面大部分都係由廚師發辦，除此之外點少得海膽同埋吞拿魚壽司。吸物方面係《野菜豆乳湯》，暫時係我飲過最好飲嘅日式料理湯。湯底內有豆乳，野菜同木魚香味，非常鮮甜同健康嘅選擇😍P.S如果唔叫set，呢個可以單點👀甜品方面有兩道，一款小熊餅配紅豆，另一款櫻花水信玄餅配黑糖。岩哂打卡👩🏻‍❤️‍💋‍👨🏻《腐皮烏冬》set（$88) 腐皮用上白酒浸開令烏冬味道更香濃，仲好暖胃，冬天食一流😆。烏冬口感彈牙，湯底帶有昆布味道。set重有吉列蠔同吉列蝦卷物。整體黎講，食物都好高質而且價錢親民，非常貼地👩🏻‍❤️‍💋‍👨🏻十級推介😍 食壽司不忘睇教主 田田演唱會🥰🥰^佢地新開張重推出限定優惠，消費滿$80俾$1就可以享受一客《黃金海膽三文魚子拖羅蓉手卷》🤑

/藤壽司 🇭🇰/#sa旺角篇➖➖➖<旺角新開張抵食壽司店🍣$1就食到拖羅海膽三色壽司❗️>➖➖➖早幾個月去開旺角嗰陣已經見到係開壽司店🍣睇過價錢都唔算太貴 有壽司、手卷、丼飯烏冬定食、小食 壽司亦會分不同價格同有幾款組合！最近做梗有優惠都非常抵！ 滿$80 就可以以$1優惠價換三色壽司😆呢樣唔係menu 入面落單要同店員講架 🙆🏻‍♀️都係後來先知➖➖➖1️⃣藤& Teng $328 🌟如果想打卡嘅話 呢個set 就岩曬啦！有8款唔同嘅壽司、甜品、熟食😆而且賣相精美 好似一個梯級咁 幾有層次🥰大致上點都會有拖羅同海膽 性價比幾高 而每個師傳放嘅次序、擺設都不同～ 🔹熟食🔹八爪魚🐙 夠鮮甜軟腍 🔹壽司🔹有:北寄貝、炙燒銀鱈魚、油甘魚、金目鯛、拖羅、立魚、深海池魚同加拿大海膽 建議由淡食起先 最後先食濃味/炙燒過嘅壽司北寄貝同以前食開嘅有啲唔同 呢款偏白色 另加上柚子 感覺更清新 金目鯛同拖羅都不錯！ 拖羅夠肥美 而海膽份量都幾慷慨 不過有少少苦🔹甜品🔹櫻花水信玄餅🌸賣相精美 配埋黑糖一齊食 都唔太甜不過本身水信玄餅就無咩味嘅而另外一款係💩造型嘅紅豆餅😂又叫做最中餅 入面嘅紅豆粒甜

旺角新開嘅鮨店藤Sushi Téng，店內全部都係吧枱，全部都可以睇到師傅手勢，不過店內只有大概10個座位，而且不設預訂，要食嘅話有機會要等一陣！當日我6:30pm到都要等位，可見小店人氣十足！藤 & Teng ($328)超靚嘅壽司set，擺咗八貫壽司，一款御料理，吸物及兩款甜品！野菜豆乳湯用上北海道豆乳、野菜同洋蔥熬成，入口鮮甜充滿奶香，好飲！壽司係師傅發辦，舍利飯用上赤醋，捏得緊緻唔鬆散，入口又唔會太實。8款壽司入面主要係魚類，有淡身魚，有魚味比較濃郁嘅，亦有油份比較豐盈嘅，仲有火炙系列，對鍾意食魚嘅我來講係大滿足！拖羅油份豐腴，柔軟無筋；火炙金目鯛肉質彈性有嚼勁；火炙左口魚邊逼出油香，入口即溶；深海池魚魚味濃郁，口感細緻；唯一係海膽有少許出水情況，雖然用上日本海膽，但鮮甜度一般。熟食有慢煮八爪魚，八爪魚慢煮後肉質軟腍而不韌，唔錯。兩款甜品都賣相吸引，櫻花水玄餅晶瑩滑溜，加入食用櫻花，配以黑糖，精緻又香甜。熊仔餅配紅豆蓉超級可愛，不過熊仔餅就比較淋唔夠脆，有改善空間。除咗Set之外，亦有壽司及丼飯散點。活赤貝壽司（$48@）活赤貝好新鮮，肉質爽彈，鮮味十足！火炙銀鱈魚壽司（$48

經過門口感覺好簡約，有中上環日本料理feel，仲以為價錢好貴。望一望餐牌，嘩😲價錢超抵，見佢又新開所以試吓！裏面座位唔多，大約得12個，簡約長吧枱設計，好有Omakase 感覺吉列炸蠔$38/4pcs新鮮熱辣😋雖然唔係好大隻，但呢個價錢好合理碎蔥吞拿魚丼$88吞拿魚茸好多，足夠餸一碗飯，醋飯內本身已經加了豉油，所以唔需要再加豉油已經好夠味！左邊嗰件係新店開張優惠，一蚊壽司🍣雖然係一蚊但材料好足，有北海道海膽，吞拿魚茸，三文魚子，仲有少量金箔做點綴，超好食👍🏻👍🏻火炙魚生丼$78魚生本來就新鮮，火炙後嘅魚油香出晒嚟😲好香，完全係超值👍🏻侍應仲不斷主動幫我哋加茶🍵好細心😘

(.❛ ᴗ ❛.) 平時賣開街頭小食既廣華街街尾開左間壽司店😮 新店優惠消費滿$80可以加$1 試到黃金日本海膽三文魚子拖羅手捲😲海膽質素都唔差.用料新鮮.當日重試左佢地既壽司盛同刺身丼🍱🍣小店暫時只有Walk-in.入面只有10個位置.每個位都可以清楚見到壽司師傅製作過程.感覺好似去左食OMAKASE🎏🇯🇵.日式和風裝修非常簡潔舒服.格調同食物質素都好比中環既壽司店🤔聽講師傅以前都係中上環既高級壽司店註場.壽司食材都新鮮有質素.師傅都有詳細介紹藤 & Teng 係藤既打卡名物🤩有8件師傅發板既壽司.御料理.吸物.甜品.豆乳湯每個人都讚.反而令我想試下🤤不過今次想試下佢既刺身丼同吞拿魚壽司盛合. 藤の特上魚生丼配料分別有甜蝦.三文魚.燒象拔蚌.三文魚籽.加拿大海膽同蟹肉蟹膏,重調過味.很不錯☺️.而丼飯同壽司飯都用上赤醋調配.減少一份油膩感小插曲我哋叫嘅赤身壽司最後變成刺身版本😂不過同牡丹蝦刺身一樣好新鮮.極上吞拿魚分別有6件赤身鉄火卷.吞拿魚茸軍艦.赤身.中拖羅.同油脂最高嘅大拖羅🤤手師握壽司力度亦掌握得不錯.未有過分鬆散.飯質又未過於死實.不過份量就少左D😋最後記得享用新店優惠以$1

睇門口以為係港旗一廂情願的柯媽卡些，但睇個menu就知都係大眾化路線而又不失日本風味的簡約設計，絕對係可以一試。可能大家都試過香港貴到離地的廚師發板又或者類似的餐廳，目的就係廚師同客人之間的那份溝通，再加上新鮮而上等的食材，但今次 藤 絕對做到平民板的食店，反而多一種親切的街坊感覺。壽司當然係一定要試啦 嘩 保存的溫度絕對係剛剛好一個人份量絕對係夠，而且加兩杯熱茶絕對有滿足感一個日式飯當，廚師都會講解一下食材。我相信以一個平民價位的簡約風格日本餐將會係香港興起

地理位置方便，只有吧枱，位置唔算多，所以依度不設預訂座位，只可以walk in ~ 但每個位都可以見到師傅整壽司同切魚生，好互動架😋藤 ($380)依個套餐有湯，壽司，前菜同甜品～豆腐野菜牛奶湯超級香甜，有魚香又有豆乳嘅滑 師傅話用咗娃娃菜淆 好好味好鮮甜🤩壽司方面有八件，每件刺身都好厚～ 帶子上面有柚子點綴，更顯帶子鮮甜 ！中拖羅好肥美，啖啖魚油香😋美中不足係海膽唔夠鮮甜，有少少苦澀😖甜品係水信玄餅！好少地方有夠哂特別😗極上吞拿魚壽司盛合 ($178)有吞拿魚小卷，大拖羅中拖羅同赤身，仲有蔥花吞拿魚茸軍艦 ，相當抵食！ 呑拿魚刺身肥美啖啖肉又吾會有筋 ，推介大家試下！特上壽司盛合 ($208)有深海池魚，牡丹蝦，加拿大海膽，油甘魚腩，日本真鯛同火炙銀鱈魚壽司🍣 成個set 既刺身都高質，唯獨係海膽冇咁好食😟 除咗套餐之外，想叫壽司都好抵食架！依家做緊優惠，滿$80可以加$1食手卷，仲有拖羅蓉，三文魚子同海膽，超抵食😍