德美壽司

Open Now

Now Closed

接媽媽放工，一齊去德美食晚餐，一如既往非常多人，好在唔係等左好耐就入得！👉🏻洋風鰻魚班戟 $62饀料滿滿，用班戟包住所有食材，有牛油果，芒果同鰻魚，口感軟綿綿，而沙律醬亦係畫龍點睛！👉🏻煙肉蠔卷 $53共四件，真係好肥美的蠔，配上煙肉，兩者的油脂夾埋非常甘香！伴碟仲有薯蓉同沙律，好抵！👉🏻大蝦天婦羅吞拿魚茸卷 $85共6件，面頭的吞拿魚茸鮮味又濃烈！大蝦炸得香脆，肉質彈牙！👉🏻野菜牛肉鍋 $78非常足料，湯底好鮮甜，肥牛份量多，豆腐、冬菇、娃娃菜同粉絲都好入味，生雞蛋絕對係錦上添花！最後仲送甜品，今晚係泡芙，真係好滿足！

🐮燒牛舌本身就中意食牛舌～ 呢度牛舌除咗燒得夠熱，又夠彈牙QQ之外，仲有甜甜地、少少酸嘅菠蘿味🍍嘅汁點嚟食😎 一流～值得Encore～🐟三文魚刺身厚切，鮮甜，值回票價！😀🍣壽司盛合 美刺身壽司基本上都算得上係新鮮，鮮甜；延續左三文魚刺身嘅鮮甜。但我都中意食熟嘅鰻魚壽司，醬汁再加上芝麻，都幾香😛吞拿魚壽司：飯同埋刺身嘅比例啱啱好🥚溫泉蛋天婦羅我呢個組合有啲似蘇格蘭一個名菜，都係將雞蛋拎去炸。但係日本嘅做法，就嚟得更加好味😋 因為外面嘅炸粉漿更加薄、裏面嘅溫泉蛋係留心，感覺就冇咁漏、再點埋天婦羅汁就更加開胃👍🏼🥞洋風鰻魚班戟冇諗到佢咁好食，外面少少甜嘅班戟薄皮包住牛油果、芒果、蟹籽、鰻魚……都係比較林申嘅材料，但佢哋嘅味道交匯埋一齊好夾🌟 真心　おすすめ！

保持一貫水準的〔德美〕今日放工，經過厚福街，突然好想食日本野，就諗起〔德美〕，好多年前同朋友食過一次，已經覺得好食，多年後再訪，仍然保持一貫水準，餐廳環境舒服，亦都有日本feel，半開放式廚房，可以睇到到師傅準備食物既用心，我叫左個德美海膽魚生飯同煙肉蠔卷，德美海膽魚生飯 $172：呢個魚生飯，有三文魚、油甘魚、蝦、蟹子、帶子、玉子、海膽、三文魚子、蟹柳，款式多而且非常豐富，賣相十分吸引，顏色繽紛打卡一流，三文魚、油甘魚係厚切，好肥美同新鮮，帶子十分鮮甜，玉子好清甜，蝦十分爽口同大隻，蟹柳無雪味，飯都算多，不過唔係食左好多，因為食完d刺身已經飽左一半，煙肉蠔卷 $53：煙肉燒得少少乾身，食落有d脆口，隻蠔係少少半生熟，食得出好新鮮，青瓜後面原來有個薯仔沙津，個薯仔沙津超級好食，最後原來係有送，staff見我差唔多食完，過黎講幫你上嘛個甜品，服務算幾好，甜品係三色糕，糕面上有小小芒果汁，整個唔算好甜，我中意食，我覺得整體黎講食物質素都好好，咁多年再食都保持一貫水準，真心唔錯！

朋友介紹話有一間抵食嘅日本菜，原來就係位於尖沙咀嘅《德美壽司》，夜晚差唔多九點嘅時候去到都大排長龍，可以睇得出佢幾受歡迎。洋風鰻魚班戟 $62第一次喺日本餐廳見到有班戟做主食，新鮮烤製嘅班戟有好香嘅雞蛋味，內餡係香烤鰻魚同埋鰻魚汁，鰻魚嘅甜味同埋焦香味好突出。和風三文魚沙律 $86材料有三文魚、三文魚籽、蕃茄、粟米、豆苗、洋蔥絲同埋沙律菜。加埋帶少少酸嘅醬汁，豐富又開胃。牛油果軟殼蟹卷 $83見佢哋嘅軟殼蟹新鮮炸，所以都要預番15分鐘左右。上面放咗新鮮蟹子同埋牛油果，味道香脆，又唔會油膩。德美壽司 (尖沙咀)尖沙咀厚福街8號H8 5樓✨人均150如果唔想錯過其他好介紹，記得follow我呀😘多謝大家！！！♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ⃝♡⃝♡⃝♡⃝♡⃝♡⃝

今日放工同朋友去咗食壽司。食物都幾有水準。洋風鰻魚班戟呢個好特別，喺出面未食過。班戟皮入邊夾住一層層鰻魚，好有層次感，加上鰻魚汁，十分推介。紫蘇沙追魚海膽天婦羅一向唔好天婦羅嘅我都食得津津有味。有好香嘅紫蘇葉味加上鮮魚香，真係絕配！燒牛舌牛舌爽脆多汁，笑得非常之香！蟹肉忌廉薯餅外脆內軟，好多蟹肉好香，唔會太油膩。蟹肉蟹膏軍艦超重蟹膏味，十分鮮甜，鍾意食蟹嘅朋友一定要試。火炙帆立貝壽司帆立貝大大隻超厚身，鮮甜爽滑，可以一試！德美壽司食物種類繁多，推介想食壽司之餘仲想食其他日本料理嘅大家！

德美壽司見好多人都話佢哋嘅lunch好抵食，見佢由尖沙咀開到，而家好多區都有，不過今次我就去咗食dinner☺️，食物都算唔錯。野菜牛肉鍋 $78呢個牛肉鍋真係好足料，肥牛都起碼有五六塊以上，然後仲有粉絲係底，我個人幾鍾意佢個湯底係壽喜燒湯底甜甜地撈飯飯真係一流，所以專登加咗白飯。德美壽司見好多人都話佢哋嘅lunch好抵食，見佢由尖沙咀開到，而家好多區都有，不過今次我就去咗食dinner☺️，食物都算唔錯。三色魚生飯 $ 132佢哋個壽司飯底醋味足夠，加埋佢個溫泉蛋，個飯底即刻昇華左。🤭🤭，將呢個晚市套餐送跟埋麵豉湯同沙律，另外自己再單點咗一份三文魚刺身，刺身都係幾厚切，食落都新鮮☺️☺️。加州卷 $49呢個加州卷好大份幾抵食，唔會話係好厚實嘅飯，食加州卷最鍾意就係食佢啲蟹籽😍。

經常都會嚟呢度食佢嘅午餐套餐，一嚟價格相宜，二來選擇好多。今次就揀咗壽司加牛肉烏冬嘅套餐。個套餐包括凱撒沙律，都幾得意，日本餐廳會食到西式嘅沙律，個沙律同埋麵豉湯都係正正常常，都唔差。牛肉烏冬嘅份量適中，牛肉都幾多，烏冬好煙韌，幾好食。壽司嘅質素都絕對唔差，入邊我最鍾意嘅係大蝦壽司，蝦肉好有咬口，唔會霉。食完個餐仲會有甜品，我嗰日食到嘅甜品係類似椰汁糕嘅嘢

德美聽講係日本過江龍係香港開左一段時間已經有幾間分店終於可以試一試喇😄推薦：4.5/5🍴德美海膽魚生飯$172魚生新鮮 份量足 海膽甜 好滿足既魚生飯😋🍴大蝦天婦羅吞拿魚蓉卷 $85卷物好大件 天婦羅好脆 好食😋🍴鰻魚朴葉飯 $100我唔知咩係朴葉 當係荷葉d friend啦朋友話食到葉味 不過我唔係好食到😅😅可能驚蓋過清幽既葉味 所以果飯都幾清 唔係好多鰻魚汁撈飯果種～果鰻魚盒太搶眼太特別喇令我對佢好大期望 但整體黎講算係正常發揮 變左有點失望🍴燒拖羅腩皮 $77未食過哩樣菜式 幾特別 煙煙韌韌 拖羅腩唔會太油太肥嘅感覺 幾得意 可以一試～👍🏻整體分數唔錯，好食，性價比唔錯餐廳既service亦都好好，友善又有禮貌😄 食得好開心😊

Lunch set 好抵食，有壽司/便當/刺身丼/定食/鍋物。今日揀咗德美慕之內便當🍱，我揀咗豬軟骨同海鮮雜菜餅，豬軟骨煮到好淋好好食🤤🤤🤤，海鮮雜菜餅好大份食唔哂，便當仲有埋幾件刺身（兩款每樣兩片）好似係會轉款、厚燒玉子🧈同埋小食（辣味螺肉）。佢本身lunch set有跟埋沙律🥗，茶碗蒸，麵豉湯同埋甜品，今日甜品係芒果奶凍。以前沙律🥗會有兩片三文魚或者帶子今次去就無左，唔知係今日無定係改左🤔🤔🤔掛住食唔記得影其他，淨係影咗個便當

我間唔中都鍾意去德美壽司食日本嘢🍙🍤🍥🍣每次去到尖沙咀厚福街諗唔到食咩咁都會去食德美壽司 因為依家就算要排隊都唔使太耐價錢合理 質素亦都非常之OK😎😎佢嘅刺身丼飯有好多唔同種類嘅刺身 賣相都好繽紛顏色好靚😆有三文魚、油甘魚、蝦、蟹子、帶子、玉子、海膽、三文魚子、蟹柳，非常豐富❤️不過舊海膽就都係一般啦 唔會話好鮮甜😂但係都唔係難食嘅😂 始終如果以呢一個價錢來講都唔會話超高要求 我覺得已經合格😋

朋友請食飯，說帶我試日本食物，訂了尖沙嘴的德美日本料理點了三文魚sashimi，十分肥美。日本甜蛋也很出色，份量多。燒牛舌味道不錯，肉質偏淋。最後點了壽司set,有9款壽司，份量夠多，也很新鮮。

有啲日本嘅感覺，坐得舒服，裝修都係日本咁。我哋夜晚去，大約七點幾，唔需要等位就入到。鰻魚飯都好好食！用木盒裝同埋塊葉，感覺好似好日本道地餐廳咁，啲飯都好似真係香啲。另外，魚生刺身好新鮮，總結好推介去食，中午去食會更優惠。

歡樂組長同貓貓同事一齊收工慶祝早收工大家都想食日式餐廳我就提議去德美，然後佢哋話一定book唔到估唔到竟然有位我哋叫左好多野食兩位有要求人士就話普普通通不過大家一致認為油廿魚腩壽司好好味其他呢，我就覺得免治雞肉棒幾好食佢哋就話過甜😂我覺得雞軟骨伴碟嘅炸粉絲物體幾好食佢哋嫌棄碟雞軟骨太少，但用咁大個碟同埋炸粉絲物體冇味😂😂（我唔記得影相添）仲有個牛肉鍋佢哋話啲牛肉有雪味，我又唔覺😂😂😂我又唔記得影相😂仲有個天婦羅溫泉蛋我覺得唔錯佢哋又覺得溫泉蛋嗰個熟度唔啱總括嚟講我好想試吓佢哋覺得好味嘅日式餐廳😂

夜晚同兩個朋友聚聚，考慮食什麼的問題又考驗到自己了，今次又去開尖沙咀就試一試老是常出現的德美壽司，其實我沒有看到餐牌就選了這間因為常常在朋友story看到這家壽司，本身以為是一家比較花船的日本料理，怎知道是一家價格非比尋常的日本料理，連最基礎的三文魚壽司也要$29兩件，拖羅壽司竟然要$100/1件，可能係新鮮貨掛，但這個價錢在外都食到幾件了，所以最後普普通通叫了魚生飯，及一些鍋物就算，魚生飯170幾蚊，質素沒有特別好，就只是一般的魚生飯。而鍋物料理也是普普通通… 最失望是廣島蠔石鍋飯，就隨便在鍋上放一些急凍蠔而已，味道欠佳， 腥味逼人。最後比較好的竟然會送甜品，服務也算好，如果不介意價格，就當是試一試也無妨。

訂咗20:00兩位，訂位期間店員有講明用餐時間90分鐘19:24到咗，隨即安排入座，當時仲諗住唔錯喎早到可以早入入座時店員有提到last order(聽唔清)及用餐時間90分鐘成餐飯都已覺得餐廳非常趕急，好似唔夠碟用咁，侍應不停想收餐具，仲有成塊拖羅喺碟上面，佢都伸隻手去攞，要喝止佢先冇被攞走但呢個都算啦，佢無心之失一時睇唔到👌🏼20:20左右，店員過嚟話last order，問有冇嘢加，我哋話冇20:34店員攞張單俾我哋埋，20:36埋咗單20:40-20:43左右，店員催我哋走我當刻已表達不滿，我話「你成餐飯已經不停催，我哋係有90分鐘用餐時間，依家只係75分鐘」店員就話「因為你哋冇加單，同埋出面有人等緊位」講咗幾次唔好意思但仍然堅持趕客我哋隨即離開（安心出行寫21:00，係進入下一間餐廳嘅時間）出到去搭𨋢時，門口一個人都冇，唔知「等緊位嘅人」喺邊從來未遇過咁惡劣嘅服務，永久blacklist唔會再去