德美壽司

Open Now

Now Closed

呢間已經成為左我既常去飯堂之一 因為一黎地點方便 價值相宜 食物質素咁多年都仍然保持到！😍今次同個女仔朋友食 所以就無食到咁多野🤣帆立貝壽司(2件） $39帆立貝好大粒 食完非常有滿足感 😍而且夠鮮甜😍 飯都唔會好多！👍🏻魚子蔥拖羅茸飯 $142呢個係朋友上次食完 心心念念想食既一個飯🤭 佢覺得成個飯好夾 好味🤤洋風鰻魚班戟 $62必叫的一款 每次黎都會想食😚 但今次既牛油果硬左小小 🤔其餘味道同平時一樣～😝

尖沙咀好多嘢食但我朋友話想食日本嘢咁就帶佢嚟食依度出名又平又抵又靚但係座位就唔算多，同埋人都多，所以要早啲黎等位啲食物全部都唔貴韓式泡菜，豬肉鍋 加烏冬，要比多$30夠晒韓式好夠辣味啲肉同菜都好入味個烏冬嘅份量都好多，我如果細食既話一個人都未必食得晒👍👍鰻魚朴葉飯 啲飯下面有張葉嚟一齊蒸所以成個飯都有啲葉香味啲鰻魚都好林好友鰻魚味，中間仲有啲蛋撈埋一齊食好好味三文魚親子卷有啲沙律醬點下幾好味最後食完每人都有一個甜品送面頭應該係啲芒果醬黎正👍👍

.德美壽司🍣今日咁岩想食壽司🍣，記得之前想食德美，但朋友唔想食😯，今日自己一個，就去左食😆位置好方便，因為我好中意去厚福街搵野食，德美正正就係厚福街。當晚上到去真係滿坐🤣好彩我一個人，好快就有位🤩……….我簡左幾件壽司🍣同埋一份天婦羅💁🏻‍♀️🍣三色壽司海膽壽司、三文魚子壽司、蔥拖羅茸壽司($92)有好多款三色壽司選擇，我簡左有齊我最中意嘅海膽、三文魚子、拖羅茸🍣海膽好鮮甜，唔苦，入口即溶😆三文魚子份量都唔小，拖羅茸淡淡粉紅色🤩好食，壽司🍣質素唔錯，可以再黎食😋……….🍣火灸穴子（星海鰻）($60)我都係呢一兩年先愛上食穴子😋，但呢間嘅穴子感覺偏咸，但都幾厚肉……….紫蘇沙追魚海膽天婦羅($73)呢個都幾特別，我係中意食，下次再去都會再食😋……….地址：德美壽司 (尖沙咀)尖沙咀厚福街8號H8 5樓……….

🇭🇰德美壽司·我好耐無黎過食德美啦 如果黎H8想食日本嘢既話我地通常都會去左doraya🤣🤣但係今次再嚟我覺得勁有驚喜 唔知係咪近排人流多翻 我覺得佢嘅刺身新鮮咗 食得超滿足🤤·吞拿魚腩茸三色飯$120佢呢一個真係勁正 成碗舖滿晒吞拿魚茸 而且佢質感好好係仲食到一粒粒 口感好好 而且佢既吞拿魚都好肥美 食落勁開心🥳之後佢上面個海膽同埋帶子都超甜😋😋午市套餐仲會包咗沙律 蒸蛋 湯同埋甜品 超級豐富 所以我最後都食唔晒🤣🤣尤其係佢個蒸蛋超級滑溜 好好味 完美咁治愈左我哋嘅blue monday😌·#rbyeat#rby日本菜 #rby壽司 #rby尖沙咀 #rby紅磡 #rby將軍澳 #rby沙田 #rby大埔·📍尖沙咀厚福街8號H8 5樓📍紅磡黃埔新村德民街31號地下1B號舖📍觀塘協和街33號裕民坊YM² 3樓310號舖📍沙田沙田圍路9-11號田園閣地下E舗📍大埔翠和里1號永發樓地下1A舖

自問真係好鐘意食日本野今次要為大家介紹既係 - 德美壽司德美壽司係位於尖沙咀既厚福街H8 Building餐廳成個環境都好cozy，而且好有日本居酒屋既風格！食物個方面 Overall黎講個質素超超超超好！特別係個左口魚壽司！佢個油脂超超超重，而且食落幾香濃味美！不得不提個海膽壽司都好鮮甜味美！個人黎講，我大愛鰻魚朴葉飯！個鰻魚肉好軟腍 而且係無骨架！而且個汁都好香濃，有興趣既朋友仔記得bookmark定！

餐廳：德美壽司地點：尖沙咀厚福街菜式：日本菜餐牌：壽司、刺身、卷物、手卷、燒物、一品料理、鍋物、串燒、揚物、天婦羅、盛合、飯麵、碗物、丼物、沙律前菜、漬物珍味、飲品、甜品。落單用QR code。銀鱈魚西京燒 $103 另加一呢款銀鱈魚西京燒係推介菜式。銀鱈魚大大片，少少皮都燒得好脆，魚肉又滑又香，油脂豐富，完全無骨，甜甜地好味道，點沙律醬更好食。配有薯仔沙律，入面原來有煙肉，紅蘿蔔同青瓜，另外仲有青瓜三片同車厘茄一粒可解膩。黃金汁焗蠔 $41 另加一黃金汁焗蠔一客一件，蠔好大隻，肉質又嫩又滑又多汁，面頭黃金汁酸酸鹹鹹，我覺得有加明太子，我連醬汁都清埋。伴有一粒車厘茄。燒雞軟骨 $20 另加一燒雞軟骨一客一串，一串七八粒，燒得脆皮香口，鹽調味唔算太鹹，伴有檸檬一件。洋風鰻魚班戟 $62 另加一呢道菜式好特別，係和洋fusion。洋風鰻魚班戟一客四件。軟綿綿幾層皮包住鰻魚，牛油果，芒果肉同南瓜，再加上蟹籽同沙律醬，食落係多重口感味道，軟綿綿中帶滑溜脆口，好正。伴有龍珠果半粒。食完仲有甜品送，係牛乳布丁加芒果醬，又香又滑又夠甜，完美為呢餐畫上句號。總括而言，今餐試左燒物，一品料理同串燒，食物

上次食完觀塘分店之後，覺得幾好味，想再翻食今次反正出開尖沙咀，心思思試下佢其他分店今次點了鰻魚朴葉飯: 鰻魚好肥美，味道方面不會死咸。一開始上菜見個飯好似好細，其實食落整體份量都唔少，好夠飽。上菜時都好精緻，有好靚嘅朴葉擺盤打卡野菜牛肉鍋+烏冬: 好足料，牛肉份量多，而且有溫泉蛋及唔同蔬菜。味道正，都好夠飽雞軟骨: 鬆脆香口，正本身以為呢間分店冇甜品，點知叫埋單時職員遞上了，食埋甜品好滿足呢間分店比起觀塘超級爆場，不過無論質素味道服務都唔錯，上菜都好快

德美壽司係好多香港人都認識嘅日本餐廳，原來已經開咗六至七間分店, 可見其受歡迎程度野菜牛肉壽喜燒鍋 ($78)湯底濃郁香甜, 配料非常豐富, 有冬菇、金菇、娃娃菜、白菜、日式粉絲等, 加埋隻生雞蛋撈埋一齊食口感好滑, 可以加錢要埋白飯同日式滑豆腐! 牛油果軟殼蟹反卷 ($83)牛油果🥑熟度剛好口感creamy細滑, 軟殼蟹即叫即炸外脆內軟咬落好crunchy, 反卷裡仲包左清甜嘅青瓜, 簡單嘅材料配搭起黎已經好好味👍🏻煙肉蠔卷 ($53)超級肥美嘅廣島蠔肉配上煙肉, 煙肉嘅鹹香剛剛好balance左蠔肉嘅腥味, 而且兩者嘅口感同味道都好唔同, 味道卻意外地夾! 伴碟嘅煙肉薯蓉沙律都好好味😋晚餐時段每位食客送一份自家製甜品 - 抹茶紅豆牛奶糕再淋上香甜芒果醬汁, 為晚餐完美作結❤️

夜晚肚仔餓，一直都好中意食日本野。尖沙咀嘅厚福街一向都有好多日本野食。咁岩又係尖沙咀行完街就去即刻嘗試下啦。入到餐廳，見到已經接近滿座。諗住walk-in應該要等好耐啦，結果出乎以料唔洗10分鐘已經有位坐啦！Order既時候，服務態度好好。叫左食物唔洗好耐，已經黎到啦。👍🏻牛油果軟殼蟹卷 ($83)🥑🦀🍣牛油果配軟殼蟹係最佳配搭。有清新的口感，又有豐富的層次感，加上沙律醬，個味道比係出面其他餐廳更好食。燒牛舌 ($43)，大蝦天婦羅 ($86)🍤🍤一向都好中意食牛舌。啲肉質好鮮嫩，味道一流。大蝦天婦羅有蝦同秋葵。黎到既時候仲熱辣辣㗎，啲蝦好大隻，仲炸得好酥脆。😋😋鰻魚朴葉飯($100) 配麵豉湯用木盒裝住，再加塊葉包住d飯。食落唔算好大葉香味。😍鰻魚醬汁濃香又肥美，再加少少蛋絲同醃蘿蔔。食不停口。西京燒銀鱈魚($103)個燒汁唔錯，魚皮都煎得脆，加上個薯蓉。一齊食個味道幾夾，幾特別👍🏻整體黎講，食物既質素好好。價錢唔算太貴，而且份量又多。有好多唔同款既日本料理可以揀。食到最後埋單前仲送甜品，十分滿足！會期待下次再食！👍🏻😋😋

🍤尖沙咀街坊大推日式料理🍱-厚福街係美食集中地大家應該都冇異議🤭 今次行開尖沙咀 就嚟食返呢間街坊推介老字號日本嘢 幾抵食之餘質素都唔錯😮 獨食 朋友聚餐 或者同屋企人食都啱😋-🐟三文魚子蔥拖羅茸飯套餐 $142套餐包咗一個丼 麵豉湯 同迷你沙律😌 拖羅茸份量好夠 上面仲放咗三文魚籽 絕對唔孤寒🤤 一啖醋飯連埋拖羅茸同三文魚子擺入口 咬開三文魚子好有鮮味 停唔到口🥹 丼上面仲有鵪鶉蛋 蔥條 同青瓜絲 令到撈起嚟食嘅時候更滑更多層次😉-🍣加州卷 $49雖然唔係正統壽司 不過我自己就幾鍾意食加州卷😍 海老天婦羅 蟹柳 玉子 青瓜 外面灑上飛魚子 最緊要嘅係沙律醬🤣 簡單好味又老少咸宜 份量好足 抵食呀😙-🍥鍋燒鳥冬 $70最後仲嗌咗鍋燒烏冬暖下胃😘 配料豐富 除咗有雜菜同半生熟蛋之外 特別係配上海老天婦羅🍤 湯頭偏濃 最啱叫番杯highball🤫 美中不足嘅係天婦羅浸湯上 雖然索咗湯味道都OK 不過麵衣就淋咗有啲可惜 如果可以另上就更好🥹 -📍#德美壽司尖沙咀厚福街8號H8 5樓

終於嚟日式餐廳老字號德美壽司，一直都久仰大名，但未有機會試。今日終於一嚐，真係抵佢係老字號！多年以來屹立不倒，仲越做越多分店👍🏻🍣三文魚親子卷 $67三文魚親子卷鮮美可口，非常抵食！三文魚肉質鮮嫩，卷入面嘅玉子都住得非常好，唔會太老，口感幼滑唔粗糙。青瓜搭配沙律醬，味道濃郁，亦都帶點清新。配上三文魚子，咬開之後鮮味衝擊味蕾。🤩🍤雜錦天婦羅 $50蝦同魚味道非常鮮美。天婦羅嘅外皮金黃酥脆，粉漿唔會太厚，上菜嘅時候仲熱辣辣，內裡保持著食材的鮮嫩和口感，連個黑頭都食得！炸南瓜同蕃薯都好甜，肉質結實，非常新鮮！配上蘿蔔蓉醬油，味道簡直一絕😋🍱鰻魚飯 $100鰻魚飯上菜時以木盒裝住，職員亦都好貼心，見你枱上面太多食物會問你使唔使保留個個蓋，避免食唔切凍咗會變腥，值得一讚！鰻魚肉質細膩，口感鮮美，能夠完美地同珍珠米搭配。珍珠米軟糯得嚟有𡁻頭。鰻魚的肉質則更為鮮嫩多汁，加上鰻魚醬汁的調味，風味更加豐富。再加上底層嘅朴葉，成個飯嘅感覺都唔會太過膩😍🍜冷麵 $45蕎麥冷麵擺盤精美，配以香蔥、Wasabi同埋鵪鶉蛋加冷麵汁，食到索索聲🤪🤪🤪最緊要係個冷麵夠凍，而且份量足夠，真心好食！

一直鍾情日本美食，去完日本旅行仍回味中，決定去尖沙咀德美壽司再回憶下。我食過幾次德美，每次都係食到好滿足咁走。因為德美的魚生及壽司有一定水準，而且選擇都好多，樣樣都好想試，但怕眼闊肚窄，所以今次只係叫左蟹子沙律、失肉炒飯及晚巿丼物。蟹子沙律就係不錯的開胃前菜，爽口彈牙，新鮮的蟹子係口腔中爽爆，果種鮮味好清新，口感豐富。晚巿丼飯真係好正，每片魚生都味道鮮甜，夠哂新鮮，口感佳，份量十足。且賣相仲好吸引，夠曬睇頭！牛肉炒飯亦好香口，每一啖飯都食到濃郁嘅牛肉味，滿口牛肉的香味，飯粒亦吸收左牛肉的鮮味，朋友食得好滋味，大滿足！最後有個奶凍甜品，唔會太甜，好香滑的奶香味，作為呢餐的總結，正~坦白說，充滿期待而來，但依然帶著驚嘆及喜悅而離開，覺得呢餐完全沒有失望。這裡確實是性價比好高，服務及食物都超好，。

呢間餐廳其實都有幾間分店，自己屋企附近都有一間，而且都周不時會去食，但係唔知點解今日去到尖沙咀又突然間好掛住佢嘅味道，所以就嚟試吓啦！呢一間分店係我第一次嚟，除咗吧枱位仲有好多二人或四人嘅座位，加上呢度係自己用QR code落單同埋單，其實成個過程都好順暢。今日叫左個《壽司盛盒 美》$228就可以食到十款！其實睇間壽司餐廳新唔新鮮，一睇啲紫菜就知，呢度啲紫菜都好脆口，除咗我最鍾意食嘅三文魚子之外，都有拖羅茸卷，兩個都好鮮甜～另外你睇吓呢隻熟花竹蝦幾大隻！到最後仲有個奶凍甜品，上面有埋芒果汁，完美結束呢一餐

德美壽司🍣📍 尖沙咀厚福街8號H8 5樓❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚首先要特別鳴謝朋友仔請我食生日飯😂，雖然過左好耐。 話說⋯⋯⋯ 係唔知食乜好既情況下🙈，大家就去左呢間已經開左好耐既鋪頭▶️德美壽司，呢間鋪頭係好多年前，仲係尖沙咀返工既時候，都間唔中會去食，味道都唔錯👍🏻，有機會大家都可以去試下😆。🌟 壽司盛合 美 $228套餐包括：吞拿魚、油甘魚、三文魚、池魚、帆立貝、熟花竹蝦、三文魚子等等⋯⋯⋯ 🌟 風味海鮮鍋 $98都幾多餸， 唔錯👍🏻。🌟 刺身盛合 德 $548套餐包括：大拖羅、海膽、赤貝、帆立貝、油甘魚、牡丹蝦等等⋯⋯⋯ 好新鮮🤪。整體推介指數：❤️❤️❤️❤️🤍❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚❚

🧑🏻‍🍳 大家都知尖沙咀嘅厚福街好多嘢食，咁啱經過H8呢幢嘢，諗住發掘有咩好食，點知最後都係食一間我成日去開嘅日本野，呢間我喺唔同分店已經食過好多次，價錢親民，有多款唔同日本料理可以揀，食到最後仲有甜品送，係牛奶布甸🍮—————————————————————🍴 魚子蔥拖羅茸飯 ($142) 魚生飯係會跟味增湯同沙律，而呢個飯底係用醋米壽司飯，味道會比普通飯更豐富，而雖然係拖羅茸，但入面都夾雜着細細嚿拖羅肉，茸同肉混埋一齊，感覺比較有口感同有層次👍🏻😋 美味指數: 9/10—————————————————————🍴 牛油果軟殼蟹卷 ($83) 呢款卷物係每次嚟到必叫嘅，牛油果配軟殼蟹係最佳配搭，而除咗卷入邊嘅軟殼蟹，側邊仲有兩大舊，再加上佢秘製嘅沙律醬，個味道係出面食唔到嘅🤤😋 美味指數: 9.5/10