鮨之

Open Now

Now Closed

好食，地方舒適， 小朋友來都得，小心sofa gap 小朋友有機會跌， 有bb 椅，串燒 壽司 好食 ，待客有禮， 小朋友都有烏東 ，叫了 串燒牛舌 雞 菇， 同 一些壽司，會再來 ，好好好好

今日點左一個雜錦刺身Set, 有前菜，有沙律，有味噌湯，跟白飯，之後有個泡芙作總結。介紹番個主食： 雜錦刺身主要有隻好大好甜嘅蝦，個蝦頭d 膏一定要記得吮埋佢！！超級鮮甜！！另外有一碟仔魚生（唔知咩魚），配左個柚子汁，味道好夾。 有一隻帶子，兩片三文魚，兩片吞拿魚，兩片油甘魚，兩舊有皮嘅唔知咩魚（好有油香，可惜唔記得問係咩魚），最驚喜係嗰幾片海膽， 好爆鮮甜！！ 每次出街食海膽都係要博，幾貴都試過唔好食，不過呢間餐廳嘅海膽真係超香甜😋

星期五夜晚去食飯😚😚個待應係咁落錯單.... 😅😅有3分之1都係唔岩，好彩之後另一侍應幫忙啲單終於岩啦！Overall啲野食都唔錯既 不過份量就唔太多，同埋串燒價錢都小貴！

今次同朋友慶祝生日🎂好足料既丼飯~食極都仲有~飯好甘香!刺身好新鮮~厚度十足❤️種類好多~服務員每個都好好👍👍環境舒適~刺身 串燒 丼飯既時間都安排得好好👍仲會不停介紹朋友黎

第一次黎呢間餐廳之前已係openrice 訂左枱先，去到吾洗等位午市時段客流比較多，所以黎之前最好book定枱啦▫️刺身好新鮮😋除左海膽同牡丹蝦只得1份外，其他刺身款式都係2件👅侍應服務態度都吾錯

三文魚刺身加海膽再加三文魚子再加飯加埋就係一個’貴‘雜錦海鮮丼。餐廳環境沒有一種高級壽司店的感覺但係食物質素係算好同埋刺身和海膽好新鮮。好處在晚飯時間係朗豪坊都唔需要排隊排長龍

一入門口，帶位嗰個問：有冇安心出行？我話冇之後，佢話咁你就要寫紙仔先可以入去！入到去冇問我想唔想坐吧檯就帶咗我埋去。我話唔坐，佢就帶我行返出去，遊花園咁！之後搵過另一個人幫我落單，我話要一份赤身刺身，佢問我係咪魚背脊。我指住個餐牌俾佢睇，指住赤身兩個字，佢講：咁咪即係魚背脊囉～ 我話成張單要走wasabi同蔥，佢答我：哦！然後走咗！結果個魚背脊係痴住Wasabi上菜！

經過旺角朗豪坊，即刻上openrice search有咩好食。搵到呢間日本野，算比較少負皮，就去左食啦。佢位於4樓foodcourt旁，比較多人，唔為意以為係平價餐廳。但錯啦，佢入面既野食一d都唔平。晚飯時段6點半左右，入都去都係好少人，total10個人左右。所以都坐得幾舒服。我坐窗面位，陰暗既燈光同闊落既枱面係舒服既，但景觀就麻麻啦，你要望住出面食foodcourt既mk仔女黎享用壽司。咁我就叫左10件壽司，本身叫7件，但怕唔夠飽。佢d壽司set全部係"Omakase"形式，由師父決定整咩壽司比你，唯獨唔係一件件上，而係一次過上晒。唔想諗食咩又有錢既，可以叫佢既壽司set上左菜後，都幾唔錯，有一件海膽軍艦，而且好新鮮，唔會有腥味。d壽司選擇都幾豐富，唔會淨係比d cheap壽司你食。有玉子，有蟹子飯（飯略咸，但蟹子算ok），幾長既鰻魚壽司，吞拿魚，三件卷....d魚全部都好新鮮，好好食。壽司唔會呃秤，正常size，唔會好似某d店咁整bitesize你食。食完都意外地飽，可能d壽司都足料，所以10件岩岩好。呢個價錢係有d貴，但係比到omakase食物質素同新鮮，都算係咁。

📍#鮨之🇭🇰香港旺角亞皆老街8號朗豪坊4樓6號舖人均消費: HKD196味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆Bookmarked一段時間的鮨之 無留意，原來是LUBUDS 集團旗下，之前食過其他分店都好不錯！餐廳內部環境不錯，脫離了朗豪坊的煩囂⭐雜錦魚生飯🍱$178魚生加配料一共有16款，比我想像中多！當中牡丹蝦，左口魚邊，三文魚籽和海膽十分出色，尤其左口魚邊，入口溶化，極滿足！特別一提蘿蔔漬都非常好味！買單加一$196，價錢中上，但食物質素對得上價錢！一人速食都不錯！

同朋友求其喺朗豪坊揾嘢食呢間野嘅嘢食係好似食迴轉壽司咁serve即係啲嘢食係有部機攞去你前面 而唔係店員拎比你但係就要收加一 有啲百思不解😂講翻重點先天婦羅好香 但炸醬太厚88蚊得兩隻蝦 其他全部都係菇嗰啲個人認為唔太抵食呢個飯就不過不失冇咩特別 148黎講可以有更好嘅選擇性拖羅蓉丼都好好食 148算抵呢個飯178 個人就覺得唔太抵首先三文魚來貨極平 帶子應該係一舊切三塊 每塊都好舊 亦冇乜咬口 三文魚子唔腥 但亦唔大粒飽滿 蟹肉冇乜特別 海膽新鮮好食總括黎講 一試無妨 唔會話好伏 但唔會話好食到再專登翻去

和老闆約會三小時五個人一傾坐到店員出聲叫埋單...位於朗豪坊四樓，人來人往，地理位置良好！是日午餐入座率都八成。環境好舒服，牆上的畫作栩栩如生，圖四的餐車魚由廚房送到我哋面前，成件事好開心！用openrice支付平左$30，原價$1029。人均：$200.北海道刺身飯 $178 😋😋😋😋所以都跟餐配上前菜、沙律、湯、一粒泡芙。魚生新鮮，海膽一流，無腥味，帆立貝一開半，有點吝嗇，壽司飯不錯，份量有點少。.霜燒魚生飯 $148 😋😋😋😋好味，燒過的魚生，魚生的油脂配上壽司飯，不用醬油都好夠味！.枝豆 😋😋😋平時少吃，食完飯又聽又講，有啲嘢食吓先食，又食落幾好味！.牛蒡 😋😋😋過咸，可能爭緊杯酒！.燒河豚魚乾 😋😋😋😋燒得過軟，勝在好香口，味道搭夠！

好耐無去朗豪坊，原先打算食food court，路過見到開咗間新店諗住試吓食，見舖入面有大量卡位，諗住可以坐得舒服一點，價錢算中上，都無咩所謂。見到帶位員正在接待幾位客人入座，咁我就乖乖站在Q頭等候入內。轉頭該職員出返嚟，見到我與另一位男士同在等候，職員問邊位嚟先？其實有眼睇都知我係企Q頭第一位，唔知我係咪寸親佢，佢啲態度真係好差，問有無訂檯，我真係無諗過喺朗豪坊4樓，food court隔離嘅一間日式食肆食lunch要訂位，正如去一風堂嗰啲都係咁walk in啦，或者我真係鄉下仔出城。入到去時見到起碼有5-6張卡位係吉嘅，但職員以無訂檯為由，要坐bar檯，聲稱啲檯全部有人訂咗，只係啲客未到。其實無訂位要坐bar檯，點解唔喺店外時講？帶晒我哋入去先講？係咪玩嘢？大家心知。原來貴店係咁高尚嘅，租返個高樓層啲嘅舖位啦。我真係當咗係街邊茶餐廳咋。

朗豪坊今年開左間新既日本菜！原來係Lubuds Group, 食過旗下既鮨千壽 鮨穴都覺得高質～而鮨之特別之處係有條軌道傳菜 自己菜自己拎🤣 價錢旺角黎講中上 不過環境舒適 食物高質 係旺角不錯之選～✅ 北海道刺身飯 ($178)有齊海膽 蟹肉 三文魚 三文魚籽同 帆立貝！整體鮮味十足！不過可能想做個碗鋪滿魚生既效果 所以飯量比較少 如果多番d飯會冇咁空虛～✅ 鹽燒牛脷｜燒雞軟骨｜燒日本黑豚五花腩 ｜免治雞肉($30-48)燒物整體都唔錯 火喉控制得好。特別係免治雞肉加生蛋黃 蛋香濃郁 極惹味！✅ 雪芭 (椰子/柚子)唔錯 正常～🦁 鮨之旺角亞皆老街8號朗豪坊4樓6號舖🦁 人均消費：<$300｜推介：❣️❣️❣️❣️/5

那裏的食物份量極不合理，食物只有碗大，但是份量十分少。食物質素非常一般。青酒煮蜆有沙的。另外，雖然環境不錯，但是店員的服務態度極為惡劣，十分沒有禮貌。我們已經買了單，只是店員未給回我們的信用卡，可是店員竟然不停地催促我們離開。而且價錢十分貴。每人埋單二百幾蚊食空氣🥵🥵最後真的吃到一肚子氣，完全不知道自己吃了什麼。所以完全不推薦大家去食。

係朗豪坊次次都唔知食咩好 今次見到有新開環境都好nice就入去試下🤣🍗牛脷鹽燒 💰48牛脷好薄好有咬口😍唔會太厚唔入味🥩佐賀A4和牛串 💰148整體來講好軟🤩好似入口即化咁 但係個人唔鍾意咁多雪花 但係值得一試！🍗燒雞軟骨 💰24/1雞軟骨好有咬口 不過不失🤣🥓燒河豚魚乾 💰48呢個唔會好似出面個D咁硬！咬落口直程係軟熟！配埋沙律醬真係好香口😍十分推介🍙軟殼蟹手卷 💰48同出面得一舊軟殼蟹跟著一大舊飯嘅唔同 佢入面仲有好多配料😍紫菜一開始脆卜卜 建議唔好等好耐先食🤣會變淋的！🍣挪威三文魚壽司 💰18/1🍣北海道甜蝦壽司 💰24/1🍣縞蝦壽司 💰22/1🍣北海道帆立貝壽司 💰38/1🍣火炙三文魚壽司 💰18/1壽司全部都係刺身包飯😍食完飯都仲會有刺身淨！而且真係好新鮮🤩蝦超級大一舊 鍾意咬口推薦縞蝦壽司！🍙北海道山葵八爪魚軍艦 💰18/1🍙蟹籽軍艦 💰18/1八爪魚生得來唔會話接受唔到！見到係觸鬚 咬落去真係好新鮮好有水分😍配紫菜脆卜卜真係好正！整體來講想得閒去食一次高質嘅日本料理 呢到係十分推薦的！夠曬新鮮 得閒來一次味覺上的盛宴😉