鈴木珈啡館 (Closed)

四月十二日﹙日﹚連續四天的復活節假期，已過了一半，前兩天節目不少，玩過痛快。沒有節目的正日，只好找個地方吃個下午茶讓自己輕鬆休息一會。說到環境與食物，這裏兩者都是好選擇。有維港及天星碼頭靚景，亦有水準不遜的蛋糕和咖啡，無論談天或自己靜休，也是理想的地方。來到剛好下午茶時段，點了件特濃朱古力蛋糕和凍鈴木咖啡。蛋糕口感鬆軟，整件蛋糕也是朱古力，特別喜歡最面一層朱古力MOSSE，味道香而滑，好甜的話絕對是不錯選擇。配上一杯甘香的咖啡，望著外方維港的海景，天星小輪進進出出，就這樣一坐便是兩個小時了。如果沒有大船泊在對出的碼頭，海景就更加完美。結帳才四十多元，試過和朋友坐著談天超過三小時以上也沒店員會騷擾，是作為勞碌的生活一個很好的充電站。

下午五點, 同友人行街行到好攰, 所以揀左係LCX無咩人既鈴木坐下!~本想入去裡面望海景, 但原來麥玲玲同楊秀惠係到做緊訪問, 出面比人包左!~咁我地就唯有是但坐啦!~我地睇左一剩就叫左一個2人TEA SET($88)!~內容都幾豐富, 有一個小沙律用黑醋汁, 酸酸地幾開胃仲有一件煙三文魚同一件芝士既法包多士!~味道OK不過個芝士法包略嫌凍左D!~我諗熱D會好味D!~另外有一包小薯條, 係類似M記既幼薯條用上椒鹽去調味, 帶點辛辣幾惹味,仲熱辣辣添!~之後仲有2款甜品, 一個係士多啤利牛奶布丁同一件自選CAKE!~我就揀左芒果乳酪蛋糕!2款甜品幾好味!~酸酸甜甜咁無咁滯!~仲包2杯飲品最後, 我地都同楊秀惠影左相!~哈!~

豬比跟master食午餐，大約一點去到，人不太多。環境-裝潢雅緻，加上餐廳選播輕鬆的爵士樂，感覺很舒服薰衣草凍咖啡($38)-賣相非常可愛，所以就點了。小小一杯有四層，頂層是灑上薰衣草的奶泡，第二層是咖啡，第三層好像是奶茶，底層紫色的是薰衣草糖水。味道清清的挺適合女孩子口味，只是價錢貴了點。肉醬芝士薯蓉石窩飯($85)-所謂的薯蓉並不是mashed potato，而是薯仔絲。意想不到是肉醬芝士下的飯淋上了高湯，味道不能差也不能好得去那裡。這種飯就是不諳烹調技巧的豬比也會做。君度法式焦糖燉蛋($48)-是二人份量的，和master分吃仍覺得很「漏」。焦糖是厚了點，甜得令人抗拒；燉蛋沒有凝固好，吃得很不是味兒。豬比不曉得怎麼樣的焦糖燉蛋才算好，只是曾有一個焦糖燉蛋教豬比念念不忘：那焦糖是薄薄一層的，脆口又不太甜；燉蛋是完全凝固好，卻是軟滑而不硬實。那次豬比本來已吃得很飽，但遇到那樣的焦糖燉蛋仍能吃得光。此後很想在別的地方找到美味的焦糖燉蛋，但也只有「漏」的下場。吃飯的時候有隻小烏蠅飛過來同豬比爭食，趕極都唔走。環境舒服，餐牌上多款食品的賣相很討好食物味道不突出，價錢略貴

行到腳痛先發覺完來LCX呢區係冇乜地方好坐既…唔想食野，不過見呢度有梳化椅，仲有個好靚靚既景，就決定入黎飲杯野抖抖~~而家出街唔鍾意飲咖啡，寧願返屋企飲D好既，所以最後揀左一杯榛子朱古力凍飲…朋友就覺得飲杯野同食一個下午茶餐既價錢相若，所以要左一個蘋果煙鴨胸沙律，配茶~我杯飲品賣相唔錯，有少少忌廉同可可粉裝飾~ 朱古力味唔太濃，再加淡淡既榛子味…初初飲都幾好既，又唔係好heavy，但係d冰溶左之後就冇乜味~ 自稱cafe連飲品都做得唔好，點講都講唔通啵…朋友個沙律反而幾好食，薄片蘋果竟然又爽又甜，配埋沙律醬真係好好味…煙鴨胸就唔特出，但係份量算好多~~~坐左大半個鐘，回哂氣先埋單，侍應態度都唔差，冇黑面亦唔多笑容~埋單大約$110環境舒適，係一個唔錯既加油站~一定好過隔離既士多啤梨~

這裡是一間連鎖式的餐廳. 在OR見到一些分店得到很多笑臉, 但有一些就得到很多喊臉.真是奇怪的.有一個星期日的下午, 一人獨自在尖咀慢步, 在海運一帶人來人往.十分繁忙.走到LCX時,見到SUZUKI CAFE有TEA SET, 包括一件CAKE及咖啡, 自己的咖啡癮又發作.所以決定入去,座一座, RELAX一下.我被安排到靠近窗的座位....可以望到對面中環一帶, 環境一流.點了CHOCOLATE CAKE AND A HOT CAPPUCCINOCAKE的味道只屬一般. 朱古力味不重, 而且蛋糕的質感較實CAPPUCCINO入口的味道較濃烈, 但咖啡的質感較輕....算是一杯不錯的咖啡.

睇雜誌介紹，食物同環境都好似幾好咁。一路都想試，今日終於有機會喇．．味道：叫左menu好吸引果個鵝肝牛柳粒飯，但野食黎到就已經後悔　　　牛柳燒到乾硬化，一粒粒炭咁「鵝肝」又爛溶溶一pat野　　　成個飯最好食就只係幾條菜 　　　甜品叫左件cake同法式焦糖燉蛋，燉蛋都冇蛋味．．　　　個cake就過得去啦．．．．．．．服務：成間餐廳有部分staff一d笑容都冇　　　尤其企係出面做reception有個紮馬尾女員工黑口黑面，好似唔想做生意咁。　　　入到去我地想轉出面個d位，佢地肯轉不過嫌我地麻煩咁！總括而言，今次真係一個好唔開心既食飯經歷！我一定唔會再幫襯

日式西餐連鎖餐廳入門口前已心中有數,好好食唔會輪到佢,但應該都唔會係難食囉!點知….唔係難食係惡哽！等咗十五分鐘後好戲上演....跟飯餐嘅洋葱湯---唔熱!暖暖地, 只係洋葱加水完全無味!果兩件凍法包係硬唔係脆!煎餃子---同超市買嘅無大分別,今餐最好食嘅已經係佢！炸海鮮籃---上枱只見到一舊舊滲油麵粉!呢次唔係凍係室温, 一咬落去…件三文魚又咸又腥即刻嘔番出嚟!咖喱吉烈豬排飯---仲咬到Ｄ咖喱磚好似都未溶得晒, 豬排又乾又瘦勁柴皮! 焗咩蛋雞排飯---雞蛋又甜個汁又好似甜品咁!雞扒肉又霉, 飯又爛溶溶! 明明個飯用個鐵兜裝住焗, Ｄ飯應該會乾身, 但就似蒸咗好耐賣唔去果Ｄ盅頭飯.Iced Mocha---比較正常的一杯飲品!OK!焗梳乎厘---食呢樣嘢嘅感覺唔係應該係好似食陣風咁咩都無嘅咩？但我覺得好實在喎!咁即係..........服務態度有好有唔好!門口帶位扎馬尾果個黑面人極差!入去坐低發覺張櫈唔多穩陣,一郁就發出吱吱聲,問佢可唔可以換？佢淨係望你一眼就行咗去!五分鐘後*命令*我坐另一邊!走果陣出門口見到佢仲噓緊企喺門口睇餐牌Ｄ客,但我見同佢熟果Ｄ嚟幫襯好好笑容招呼喎!上菜果個

同女朋友行左街街, 去到LCX, 不過就無乜野選, 去le 度係因為我想補返第一次kt 餐飯.話時話, 個view 真係好得, 望哂成個維多利亞港, 如果係8點, 應該仲正. 叫佢一個set 兩份食, 湯係海鮮湯. 幾好飲, 唔係太甜, 不過我飲湯係鐘意熱d, 自己吹暖佢咁飲先正.main course 都唔錯, +甜薯仔, 兩個人剛好.餐飲好奇怪唔可以冬ot, 一定要佢指定ge 野, 但係又唔多想飲. whywhy?價錢方面, 150蚊其實唔係好值..........總結, 食view同無乜要求, 可以一食----------------------------------------------------------------------------------------262日

最近同朋友去左間叫鈴木咖啡館的餐廳, 環境好舒服, 仲有落地大玻璃, 好有情調.d食物質素非常有水準, 我叫左個pizza, 個pizza 好脆, d料有有特色. 朋友就叫左意粉, 佢話d意粉好大碟, 又好有咬口.最後我地order左個甜品, 佢地話而家最新推出的....叫什麼窩心系列....幾正....個疏乎里好熱....加埋椰汁.....簡直好味到不得了.....我地雖然得兩個人....d甜品實在太得,.......所以order多個柚子蘋果撻，　都算ｏｋ．下次約埋多ｄ朋友試勻晒佢ｄ甜品先．．．．

LCX 呢間有海景睇下....不過都係要坐到窗邊先睇到.同靚女行街經過, 叫左個2人set, 但原來唔多夠食.. 連加一埋單三百幾蚊, 超唔抵...2個沙律, 兩個主菜, 兩杯湯..柚子雞沙律, 軟殼蟹沙律, 主菜叫左pizza 同一個意大利粉, 全部都普通野, 唔算太好食, 又唔係難食...但d 野偏凍, 加上冷氣吹正, 仲凍得快.佢地黎菜黎得好慢, 仲要不斷黎錯, 沙律都黎左三次先黎岩.佢出菜次序竟然係:意粉-->沙律1--> 湯(催佢先有)-->沙律2(黎錯兩次)-->pizza...出菜勁慢, 我地算好..隔離果個催左四次單先話仲要等幾分鐘...野飲除左普通架啡唔駛加錢, 其他乜都要加18蚊, 有d 加錢都唔得, 我問waiter 呢d 加錢的唔得? 佢答我: 得, 當叫多杯咪得!朱古力都要加18蚊...我聽到隔離枱果個埋單果時先知又中左招啦...唉... d waiter同waitress 勁忙碌走黎走去...木無表情, 仲加上d 咁o既對答...同錯誤百出o既服務...應該都唔會再黎呢間架喇..不過靚女話旺角果間唔係咁架wor...食doub

尋日同家姐尖沙咀shopping 同睇戲, shopping完買埋戲飛就諗住食個tea "hea"下時間等開場, 行到去LCX 見到鈴木咖啡館, 門口得2 pair人等位, 家姐一心想搵件CHEESECAKE食吓, 咁我地就係門口個餅櫃睇下D餅啱唔啱食, 依......都好多款吓喎, 10多款賣相好精緻下, 又唔駛點等, 決定就呢間啦 係門口等緊位時候,我同家姐就係餅櫃揀定要d咩cake, 好多都想試好難揀, 話咁快唔駛3分鐘就到我地入去, 值得一提, 入去前我地問帶位姐姐d cake太多, 唔知邊隻好食, 佢個位姐姐態度好好, 好主動推介左2款連佢自己都好中意食既口味俾我地, 我地就決定要個2樣,其中一件雙層朱古力芝士得番一件, 仲自動即刻幫我地留起先, 另一件係雙層芝士,上層係南瓜cheese黎。睇睇下餐牌, 諗住食埋飯, 所以點菜時要求最尾先上甜品,叫左少少野食,上桌次序如下:1)白汁菠菜帶子意粉------->味道幾好, 個汁唔漏, 意粉煮到軟硬適中, 個人中意呢種少少偏硬口感, 嫌帶子細粒左d, 菠菜唔老冇苦澀味, 自己加左d c

LCX既SUZUKI CAFE第一就係有靚海景坐得又舒服 : D同男友一人一杯沙冰叫左 *黑糖豆腐沙冰 同 *芒果沙冰黑糖豆腐沙冰真係超正點 唔太甜 仲有D豆腐碎 !最緊要係D冰唔會攪到好碎 成杯水咁先正(不過後來去CWB果間就無咁好飲啦)

兩個人,order左:1. 凱撒沙律 d菜係暖既,好唔掂,得d芝士好食.2. 吉列咖哩豚肉飯舊豬扒炸得唔錯,不過d咖哩汁係酸既.同女朋友一致認為d咖哩汁已經變壞左.3. 親子雞肉釜飯個汁好難食,加上d雞肉只係微溫,一d都唔熱,十分唔掂.兩個人食左$210.個人認為咁既價錢,佢d食物質數真係好差.求求其其食過和民或者CPK都好過佢好多.不會有下次...

上星期六下午差不多3時去到尖沙咀海運大廈Suzuki Cafe，仍要等位(沒有下午茶餐的)!職員說第一張二人枱便是我們的了，當時另外有一張三人枱在等，我們等了很久，見門口張梳化枱收拾了很久才讓三人進去，手腳都算慢!!但另外一邊，卻有位職員帶了兩個剛walk-in的人入內!..嘩嘩!!有無搞錯!!明明派了籌也被人打尖!!我們之後和那職員投訴，她只是公式化的回答她自己沒問清楚同事便帶了位!!毫無誠意亦浪費我們時間，明明之前不是她在門口的，唔清楚還亂做，唔掂!不能相信日光日白被人打尖!服務太差，不能接受!之前食過朗豪坊Suzuki Cafe，服務和食物不太差，但勝在裝潢不錯而且之前去無咩人。不過經過這次之後，都唔會去啦!免得受氣!!

叫左杯提子 + 荔枝點知一飲成杯威路士咁三十幾蚊飲一杯威路士好彩個雞冀拎番D分下次要飲其他