金不換泰國餐廳

Open Now

Now Closed

第三波疫情緩和了！係屋企每日煮三餐已經兩個月了！食品界前輩約我出來食晚飯收她送給我的榴槤月餅、她在印尼娘家公司生產的口罩、還有慶祝中秋節的生果，我就請佢嚟佢最鍾意嘅呢間泰國菜餐廳食晚飯，唔講我真係唔知，原來呢間泰國餐廳啲員工全部做咗10幾年，員工和顧客的比例相對高，所以招呼比一般的餐廳周到，今晚我哋點左：1. 冬陰功湯，每人一碗，每本$70。好好味！最欣賞係佢啲草菇處理得很好，沒有臭青味或者噏味！2. 泰式燒豬頸肉$148，前輩每次嚟都要食，佢話佢啲親戚每次幫襯呢間餐廳都會叫，做得很出色而且點嗰個汁都做得很好！由於我自己都整得同佢一樣咁好食，仲係屋企成日整，所以沒有特別興奮。3. 清炒椰菜苗$90，喺香港好難買到靚嘅椰菜苗，必須要去九龍城嗰啲泰式雜貨店及超市，價錢很貴，未計好唔好味已經覺得抵食。呢度用咗泰国BB連衣蒜頭嚟炒，整得特別好味，但係一碟兩人食太多，我哋食淨三分之一。其實我好想前輩叫鹹魚炒椰菜苗或者鹹肉炒椰菜苗。泰國人用蒜頭煮餸只會用有皮但是拍鬆咗嘅BB蒜頭，咁樣整味道特別香，但係唔會搶。4. 椰青海鮮焗飯$168，整咗睇怕都有45分鐘，味道OK，外型好靚，不過椰漿可能太多，搶

老牌泰國菜館，有一定的歷史。目前其應有三間分店，本次到訪銅鑼灣利舞台店。蒜蓉包烘底后脆卜卜，加上蒜蓉牛油，帶點濕潤，味道濃郁。冬陰功湯夠酸辣，口感刺激。咖哩蟹不會失望，肉不會砣，還新鮮，味道帶有港式，勝價比還可以。明爐魚，正常。2人光顧，點餐如下： Garlic BreadTom Yum Kung (S)Crab Curry 1MMarble Goby Garlic & LimeYoung Coconut加一後，合共HK$1,069

上次夜晚本身諗住食烤雞，點知要等位😭就隨機走咗入利舞臺一間泰國餐廳🍽味道一般，價錢偏貴🤭唔記得咗個鱈魚菜名係咪咁叫但就係感覺用咗避風塘嘅做法去整我覺得炸到over咗，喺香口，但兩塊仔唔值$188🤯我第一啖食就覺得係好食版嘅魚柳包😂完了燒鱔反而好正！食落肉厚有鮮味皮係厚而煙韌，我幾鍾意🥰但呢個size都係唔值$198😛-ps. 叫左個炒菜$118份量偏細，味道都係一般😂買單+1要五百幾，三個我覺得係小食餸🤣CP值比較低🤓

好耐冇一家食飯，疫情之後第一次成家人（13人）之前都同媽媽去過試吾同泰菜，但係佢次次都話金不換好D😋真嘅我同意。最愛其中有牛油果柚子沙律，豬頸肉，泰式海南雞，生蝦（尤其點埋個辣汁）好辣但好正.....每次都要食😋😋而且飽極都要食甜品🥰芒果糯米係必食仲要加糯米，總之每次都十級滿足。

今晚有位前輩約咗我想交啲佢自己自家製的端午糭子送俾我，還有糯米酒等等，所以我咪請佢食飯囉！佢揀咗呢間餐廳，佢話佢不嬲都係常客喎！今晚由佢揸fit點菜👇1. 柚子沙律 $118 - 味道ok，份量好大，唔知點解好似有啲椰子汁嘅味！2. 泰式鳳爪 $108 - 味道很好，當中的蔬菜用了很新鮮，又唔會水汪汪，鳳爪有嚼勁。3. 燒豬頸肉$148 - 今晚最好食的菜式，豬頸肉夠稔而仍有咬口，脂肪都燒掉了，點嗰個汁又配合得宜，份量又夠大！4. 泰式炒金邊粉 $128 - 炒的功夫唔錯，但係個汁偏酸，比一般的都淺色，分量很大夠三個人食。5. 甜品椰汁木薯 $60 - 朋友好鍾意食，食木薯除咗食味道之外還有質感，這個做得不錯的！埋單$618，每位$309。今晚入座率有七成，我留意到每枱的消費也很高，什麼年紀的客人也有。

昨晚和朋友慶祝生日，揀選了這間餐廳，柚子沙律很新鮮，酸度適中，非常開胃。豬頸肉煎得很香，口感一流。青咖喱牛肉炒河粉，具有泰國菜的特色，冬陰功湯味道適中，如果可以再辣啲會更加唔想。有機會會再來。

最鍾意金不換的柚子沙律、蝦餅、碳燒豬頸肉、冬陰功湯木和西米布甸是每次必食，味道無得輸。 但清蒸烏頭做得很差，雖則是清蒸卻沒什麼味道可言，以後不會再點。這裡勝在座位寬敞舒適，是與朋友傾計食飯的好地方。3人埋單共$1228，每人各點了一杯特飲，5款食和2款甜品，價格合理，除了個烏頭外其他都很好。

If you want Thai food, I’m sure there are much better places. We were hungry for good green papaya salad and beef salad, so we ordered both for lunch. We were disappointed, because the flavors were just not fresh and crisp. They kind of had Chinese flavors or taste to them. We also tried the soft shell crab, but just had a few bites of that as well.

為啊二慶生，金不換是我們三個的共同不二之選。以前都是選擇去黃埔的分店，地方最寬敞，亦無限制用餐時間，我們每次都忘我地聊到餐廳打烊時間，直到可愛的侍應前來溫馨提示我們，才驚覺全餐廳只剩下我們後來黃埔分店關閉，我為此傷感了許久，因為這麼多年來和不同的朋友在此留下太多美好的回憶。現在多數選擇在利舞臺的分店，這間亦沒有限時且空間舒適。明爐烏頭是我們每次必點之一，這次選擇了青檸蒜粒的，魚是一如既往的新鮮肥美，青檸片填添了小清新小食拼盤也非常出色，每件份量顯然比較大，春卷不但脹卜卜更是脆到kaka聲，蝦餅彈牙，魚餅滿是鮮味，應該會成為我們以後的必點之一。鐵板蠔仔是上一次的新發現，吃過一次後念念不忘。顆顆飽滿多汁又新鮮，連雞蛋都油香滑溜。最後到每次必點的木薯和芒果糯米飯，前者並非在每間泰國餐廳都能吃得到，配上香甜的椰奶，每一囗都是大満足。後者芒果香甜無渣，黑白糯米有嚼勁，每次都吃出幸福的感覺希望我們友誼地久天長，和金不換一樣繼續有更多的美好二十五年

今晚約了很久不見的朋友在金不換飯聚，因為朋友想吃泰國菜所以早兩天已訂了七點四人枱，但訂枱時沒有說有時限。當晚因其中一位朋友臨時公司有事要七時半才放工，所以我們打算七點九才落單。當我們正在討論何時應落單時，門口接待員用非常不禮貌的語氣說 "你們已坐了差不多一個鐘，其實我們訂枱也是有時限的，門口已有很多人……". 老實說其實我們也知道不好意思坐這麽久，但你也應該用婉轉的語氣提點我們！譬如， "你們可以落單未，因為外面很多客人等位，真係唔好意思"。然而隔離的兩位客人，侍應對她們落力招呼又連聲多謝，朋友說可能是熟客，我便說我們永遠不會變熟客因為不會再光顧！

椰子沙律，還是那麼大盆，椰子撥成一絲一絲的，不知道他家用的什麼椰子，一粒一粒那麼大。裡面拌了椰汁椰漿，口味清甜，每次必點。 香椒膏炒帶子珊瑚蚌，味道非常好，裡面的西蘭花非常入味，洋蔥和其他配菜也很好吃，就是帶子好少，大概就三個，個頭倒是挺大，一劈兩半成半圓，這是商家慣例還是怎麼的，不管在哪裡吃炒帶子，都給的相當少！珊瑚蚌也很少，188元，但是好吃還是好吃的，，也比北京強，在北京吃過好幾次，那帶子是給切成薄薄的圓片，和硬幣似的，相當考刀工和火候 清炒椰菜苗好好吃，量也大，是在hk吃的這七八家裡面炒的最好，量最大的 冬陰功湯裡面大頭蝦比我手掌還長，肉質鮮嫩，蝦膏融進湯裡，湯味更佳厚重，他家的冬陰功不是我喝過最好的，但是也絕不會令人失望， 喜歡金不換，尤其嘗試了多家香港泰餐以後

原來要找一間有BB櫈嘅餐廳並不容易星期日的下午才決定到銅鑼灣附近享用晚膳，打電話問過幾間餐廳，都並未能提供BB櫈，這間餐廳可以提供小朋友櫈👍🏼但沒有安全帶，所以一歲以下的BB未必適合坐。這間餐廳環境舒適，但被安排坐的位置對上有射燈💡💡令整個晚膳過程都覺得熱🔥我們叫了金邊粉，薑蔥羊肉及白飯，金邊粉的味道不錯，很有鑊氣👍🏼份量亦足夠，鹹酸度適中🌸相反羊肉味道一般，吃不到羊的味道🧐有些羊肉亦咬不開😒價錢與食物質素不成正比，埋單總數連加一共$277。

朋友仔約午餐飯聚，大家對泰菜都有情意結，於是選擇利舞台的金不換。訂咗位就唔駛等可以直接入坐嘞地方都幾闊落唔會迫迫夾。唔想諗就叫咗人個4人餐，冬蔭功材料新鮮蝦大隻，肉質彈牙有鮮味，欣賞佢用鮮草菇，這樣才有靈魂。迷你拼盤炸蝦餅、炸魚餅、芭蕉葉包雞、春卷、酸蘿蔔炸蝦餅唔夠彈牙，蝦膠要打耐啲...米紙包的春卷唔熱氣，點泰式辣醬好好味。蝦醬通菜最快被吃光的一道菜咖哩大蝦個汁送薄餅一流，大蝦OK好食。青豆角炒肉片豆角有點青味，味道都可以嘅。椰汁粟米西米露好多西米，幾粒粟米，正常無投訴。

This is one of my favorite Thai restaurants because it has lots of space for kids and is almost never crowded enough to warrant a reservation. The staff is friendly, and our favorite is the mullet in lime--the spicy and sour soup/sauce and the hot plate just goes with white rice so very perfectly.  The tofu shaped like tiny drums were amazing, and I love the shrimp sauce fried rice. The desserts aren't spectacular, but the appetizer and mains are. Unlike many other Thai restaurants around town,

我一向對於連鎖式既泰菜冇咩好感, 感覺覺得好似味道同埋菜式選擇都唔夠正宗咁.今日約左朋友一家食, 所以冇選擇下就去左金不換. 店內既裝潢Modern 得黎都好有泰feel~真係好唔錯!店員打扮到泰國傳統的服裝,落單時聽到佢地講野既口音原來係真‧泰國人!而家連九龍城好多泰菜館都已經唔係真泰國人呢度竟然係真係好有親切感.由於今次既朋友仔都係食辣既朋友所以我地唔洗就住就住瘋狂大叫了! 我地今次食左牛肉生菜包,朋友覺得酸到頂唔住,不過我就覺得好好!因為我係好鐘意酸嫁~ 青咖哩雞椰香味濃甜甜地一D都唔會辣,同行既BB都食到! 鳳爪既份量都好多, 辣同酸的味道配合得十分好! 呢碟豬頸肉係排列好似一隻箭豬咁好可愛, 食落有煙燻加蜜糖既味道.YUMMMM... 呢個蛋網Pad-thai好特別呀! 蛋煎到成個鳥巢咁包住裡面既泰式炒河...味道偏甜! 加埋花生碎同青檸去配合真係完全balance到成件事呀!