甜品堂 (Closed)

佈置很有心思很企理 招呼親切 之前黎食過都覺得好好味今次試新出的雪糕窩夫 點了朱古力味超驚喜啊 未食過咁好食的窩夫啊小朋友店員教我們點雪糕來一起吃 果然是錦上添花 美味程度更上一層樓必試啊

雖然地鐵通車之後，西營盤陸續開了不少餐廳、食店不過...大部份都不會營業得太晚通常晚上 9 點左右就已經 Last Order 了西環人要深夜覓食，還是有一點難度呢！ 幸好區內還有不少營業至深夜的糖水及甜品店可以滿足經常半夜肚子餓的 Dayz（笑）上星期 Dayz 跟同樣住在西環的朋友去吃宵夜我們去了位於第三街的甜品堂Dayz 一直都想試試這裡的紫薯心太軟呢！每次經過甜品堂的門口，看到玻璃窗上的照片都會口水直流～感謝西環朋友三更半夜依然捨命陪君子，嘿嘿！小學作業簿的 Menu 造型配合課室的佈置及擺設令 Dayz 有走進了時光隧道的錯覺非常有趣！紫薯心太軟外皮的質感偏鬆軟，有點像蛋糕的 Texture一切開馬上湧出流心紫薯醬味道不會太濃或太甜如果心太軟的外皮可以再香脆一點，會更美味呢～焦糖海鹽 PancakePancake 的厚薄適中質地稍為差了一點點Dayz 覺得不夠柔軟，沒有軟綿綿口感配搭香蕉、雲尼拿雪糕及焦糖醬，其實味道相當不錯呢～減肥的事...還是明天再算囉～

第一次係openrice share食評，其實都唔算得係咩食評，純粹想講下呢個experience。實在係唔係好明點解員工或者應該係老細個態度可以咁差。其實好應該當下就表達出黎，但永遠都係果刻由佢，但事後愈諗愈過唔到自己個關。話說我地一行7個人，係sohofama食完晚飯想轉個地方食d甜品，其中一個朋友係住附近既而又試過呢度所以就黎左。因為其實d台主要係一邊2人台，1邊4人台，我地7個人未入去前已經問唔好意思我地7個人，可唔可以拍埋d台俾我地，果個唔知係員工或老細既男士當時係食梗飯，已經即刻黑面，好晦氣咁幫我地拍埋左3張台所以我地7個可以一齊坐。講真人地小店仔我地真係唔會expect咩5星級服務，係有d shock但我地都真係唔該前唔該後，反而覺得麻煩到人。鋪頭開始多人，我地始終7個人講野都真係有d大聲，同一位男士就出聲話“唔好意思，真係細聲少少啦。“我地都即刻say sorry的確係有d糟。之後都仲互相提點唔好笑咁大聲。到左之後其實我地每人一個甜品，total都坐左應該有個零鐘，一直未走係因為我地見到雖然都keep住有客，但總會有吉位係可以俾人坐既，而又無人係外面等位所以我地就再傾下

係西環食完飯當然要搵啲甜品來食啦今次帶個朋友黎 佢話重拾返以前讀書嘅感覺喎事關呢度嘅裝飾同主題 都係以學校為主題架在黑板用粉筆寫上招牌甜品～坐嘅枱同椅都係同以前返學嘅一樣連本Menu都好似本學校手冊咁今次兩個人 叫兩樣嘢食share瘋狂朱古力- 朱古力雪糕+brownies+朱古力布甸見佢係黑板到寫住推介 就諗住試吓啦!作為一個朱古力控，對呢一個甜品實在失望首先Brownies一啲都唔香濃 冇乜朱古力味 仲要非常乾身 唔似brownies嘅口感另外個布甸都冇乜朱古力味 雪糕就一般般 成個甜品我食咗幾啖都冇食啦另外帶咗呢個綠茶心太軟配紅豆雪糕就好似宇治金時咁綠茶味唔算好濃 不過就真係非常之流心心太軟個皮較薄 焗耐啲先出爐會更好紅豆雪糕 味道一般 overall黎睇今次兩樣甜品 都唔算出色未必會再返嚟食lu

矮細的心太軟，流心較稠，切開後緩緩流出。唯紫薯味偏弱，但依稀能感受到它存在。蛋糕有微微外脆內濕潤的口感層次。配上雲尼拿雪糕感覺也是頗清新的。紫薯心太軟 $45

Dined in and grabbed Tiramisu as well as French toast with Vanilla ice cream. Tiramisu was excellent, moist and made with proper finger biscuits, and the French toast was freshly made. The desserts were only about HKD 45 each which I think is a great price for what you get. The interior design is made to feel like a classroom, it's very low budget and simple, but the desserts definitely are not.

無論食到幾飽都好，甜品永遠都仲食得落！因為黑洞是有兩個的～ 花多眼亂！最終決定食咖啡四重奏！真係好咖啡，雪糕超級夠凍，咖啡味濃，奶味唔重，好鬼爽！個布甸有香濃咖啡味，一d都唔甜，帶點點咖啡甘苦味，我like! 咖啡粒粒Q果，幾彈牙，我又like，至於可可脆脆我就麻麻哋啦，因為我覺得甜得滯。 朋友揀芒果西米撈！我試咗粒大西米，略為腍咗d，不過朋友話d芒果都夠香甜。

喺高街食到飽飽... 周圍行下消化下...行到咁上下見時間尚早... 就去食個甜品先...  甜品堂既舖面唔算好大...用得CLASSROOM做主題...裝修擺設當然都同學校有關喇...就連餐牌都唔例外...因為本身唔嗜甜嘢...所以食親甜品都會揀啲望落去唔會咁甜既黎食...而今堂我就揀左"脆脆抹茶義大利芝士餅"當件作品送到黎既時候... 嘩.. 好綠喎...食落口... WOW... 餓伊SHI!!!  比一般既TIRAMISU硬啲... 但係我鍾意...入面仲有手指餅... 好似冰冰咁既雪糕...好有層次既口感... 伴住仲有抹茶脆脆... 真係好脆.. 好好味...有抹茶味得黎唔會好濃... 又唔會好甜... 讚!! 

西環有一家以課室為主題的甜品店，令你好像回到以前中學的時光一樣，她叫甜品堂。紫薯心太軟已不是新聞，不過要讚一讚甜品堂的紫薯心太軟 ($45)，火喉掌握得十分準確，流心是基本，一切開紫薯流心就湧出來，聞落去也十分重紫薯味，蛋糕質地軟熟豐盈不特止，而甜度非常自然。雲尼拿雪糕很重奶味的一款，而且灑上紫薯粉，配襯心太軟是一流。重點是$45咋😍完全抵食 .

今晚終於完成了整場音樂會了。忍口多時，男朋友跟朋友們都提議去食甜品慶祝！近香港大學的甜品店不多，只有小貓3數隻。揀了近地鐵站的一間 - 甜品堂！呢間跟前男友在5年前吃過，的確不錯！由大學走下來要十分鐘，到達課室了。課室門口貼了好多海報介紹「課程」。課程都幾新穎，種類又多，目不暇給。老師一早已將「手冊」放在桌面，自己打開閱讀。手冊設計精美，有埋草書SAMPLE！我們跟據自己的喜好挑選了數個甜品品嚐：抹茶心太軟配紅豆雪糕 - 此紅豆雪糕擁有粉紅色的外型，賞心悅目而且吃下去好有質感，有紅豆粒，豆味甚濃，抹茶的最佳良伴。抹茶心太軟做得不錯，暗綠色上身鋪上抹茶粉，叉開入面，抹茶濃漿立即流出來，外層蛋糕鬆軟可口，內層抹茶漿香濃幼滑。佳品！榴槤綿綿冰- 米白色的造型蒙騙世人它是屬於淡味的一群，實際上它味道非常濃郁！水果冰磨成一片片掉下，好有層次感，一層一層的吃下去，帶給冰涼又臭香的夏日風情。碟上配有小解果- 土多啤梨，為純白的世界帶來一點紅。紫薯心太軟配雲呢拿雪糕 - 紫薯風越趨旺盛，不得不試的紫薯系列。高貴、優雅而迷人的紫色外型，再加上灑上紫薯粉的雪糕，令舌頭蠢蠢欲動！心太軟個時間要控制得宜，這個

夜晚食完團年飯，同家姐落左西環食甜品~好耐之前都黎過食一次，估唔到水準都冇乜點變 呢度格局成間課室咁，可以一路食一路懷緬舊事我叫左西多士麵包布甸，家姐就叫左新出既紫薯心太軟。等左十分鐘到，我既甜品先到~就咁睇好細個咁，不過食落都幾飽。上面有凍冰冰雪糕，中間係啱啱炸好既西多士，底個層就係熱騰騰既雞蛋布甸。三樣一齊擺入口，不但唔會唔夾，味道仲好好！跟住就到家姐既心太軟。外表睇落都正正常常，一切開就有紫薯漿湧出黎。不過味道就唔太有紫薯味,相比起原本既朱古心心太軟，就顯得略為遜色。今次啲食物質素都keep得幾好，不過當日可能年尾，得一個舖面員工喺度，就顯得有點趕忙。

呢間位於西營盤嘅甜品店附近有好幾所學校 下午很受學生哥歡迎 到了晚上飯後時間 就係街坊出動的時候了... 小妹和朋友10點幾去到 都要排隊小妹極愛食榴槤 呢度嘅榴蓮雪花冰最吸引之處係成「舊」冰都係純榴槤（一般雪花冰都會家朱古力醬/煉奶等等）出了texture不同 食落去就同食一塊真榴蓮差不多 而且啲冰亦好有層次感 一片片咁食落口 入口即溶... 拌碟嘅仲有草莓同荔枝雪米糍... 食一啖草莓/荔枝 再食返榴蓮 就更能突出水果之皇嘅魅力！

呢度裝修到好似課室咁，令人好懷念以前中學時代，如果真係有甜品堂就好囉，我一定100分！黎到就揀左最特別既紫薯心太軟，因為出面好似冇乜邊度有咋！矮矮細細既心太軟，流出黎既液體比較杰，切開後慢慢流出。紫薯味好弱，依稀都感受到佢既存在既。蛋糕有微微外脆，而內濕潤既口感。 

上一餐食得唔飽，唯有周圍搵甜品食啦，咁岩搵到甜品堂，見到裝修好特別，即刻入去重溫一下中學的感覺。入面擺滿左中學時期嘅枱、椅等，連餐牌都好似手冊，我同朋友都影咗好耐相先記得叫野食。事關我哋都好鍾意食朱古力嘅關係，我叫左朱古力拼盤，友人就點朱古力疏乎厘，疏乎厘因為即整嘅關係，要等大約15分鐘。基本上朱古力甜品應該係好穩陣嘅，但係好可惜，總有啲意外發生..... 朱古力雪糕冇乜特別；朱古力布甸唔會太甜又充滿朱古力味，朱古力迷實中意，但係最簡單嘅布朗尼就出事啦⋯⋯食得出牛油同朱古力嘅比例拿捏得唔係咁好，太重牛油味，反而朱古力味就欠奉，因為太唔好食嘅關係、最後食淨左個布朗尼 友人嘅朱古力疏乎厘，比起一部iPhone大，裡面有朱古力醬，淡味的疏乎厘配上濃味的醬，每一啖都充滿朱古力味，但係分量太大啦，食到一半已經飽，建議可以兩個人分享。

內裏裝修格局, 真係似課室, 幾得意西米布甸, 內的西米, 太糊了, 如果入口冇咁爛pat pat , 個人會覺得好些綠茶心太軟 的綠茶味剛好, 唯是雪糕比預期的甜焦糖燉蛋, 蛋很滑最好味, 係北海道牛奶疏乎厘, 好香, 好濃, 好滑的牛奶味, 又輕又軟