甜牙牙 (Closed)

試過旺角甜牙牙幾次，又唔算好好食，新鮮感冇左之後都冇再去。原來葵芳都開左，喺附近食晚飯，間餐廳既甜品唔吸引，於是黎填飽大家既第二個胃。一入到去，色彩繽紛，好有feel，未食甜品已經令人心情為之一振，牆上有D郁下郁下既火山，好得意。荔枝桂花果凍雪糕，果凍好彈牙加埋西米，texture都幾豐富。好香荔枝味，清清地幾fresh。waffle賣相出色，味道普通，朱古力waffle同原來分別唔大。焦糖香蕉既焦糖夠脆，甜度剛好，唔錯。好大份（＄160)，有朱古力木糠布甸，心太軟，同waffle。心太軟好出色，一切開，朱古力漿慢慢流哂出黎，用上valrhona朱古力，好濃又唔甜。木糠布甸好有Oreo感覺，整得幾滑，幾好食。好多水果，成個甜品好大份，好飽，唔應該再配香蕉咁飽肚既水果，其他果D西瓜，蜜瓜，士多啤梨襯D。走既時候先突然發覺外面好多人等緊。

今天午飯有點吃得有點飽，下班後想著去吃個甜舒緩一，老實說葵芳確實是少有甜品，除了甜牙牙之外，還可以去哪兒呢？今次餐牌卻多了一張傳統糖水餐牌，可是沒有拍照，不過今次對於糖水沒有大太興趣，只是在這個餐牌看看。選來選去，還是點回上次那個甜品。士多啤梨流心布甸。上次因為流心未如理想，今次卻反而流得快，而且多了一點。雪糕都用上了士多啤梨，整個甜品不太甜，反而散發著微微的士多啤梨的酸酸微微。布甸未算夠滑，但都幾結實。吃過甜品，有點開心的感覺，也有點滿足吧！

是咁的，吃飽飯沒事做，就來牙牙嚐一嚐。晚上十點多不太多人等位。拿起餐牌打開，發現加了一些新款食品，upgrade食品的同時亦加了價。綠茶與雲尼拿雪糕是movxxx. 香滑正常，紅豆大大粒，加上爽口珠珠，幾好，三片芝麻糖餅。我喜歡的pancake，仍保持厚身，比旺角分店水準高些，可惜有點乾，加多點巧克力醬會比較美味。我最後吃不完要打包。39+42。好貴但好滿足，女生永遠敵不過甜點。

不知不覺，甜牙牙已經開張並擴展擁有不少分店 (就近的屯門V city也快開!)，不過早年食友吃過直指水準一般，甜魔媽媽也因此未有幫襯。然而近近地在公司附近就有一間，還連中午也有供應抵食下午茶餐，就趁半日工的happy friday去了一試，感覺雖然美味不足，但就抵食有餘!葵芳店位於戲院旁邊，中午時分食客稀少，與周邊爆場的食肆 (按：新都會的午市非常多人，連難吃的餐廳一樣滿座!!) 形成很大的對比，也增添了它的魅力。除了店內環境簡約舒適，選擇又多又抵食的連飲品Tea Set也是一大吸引位；反正甜魔媽媽不介意吃甜品當午餐，這天就自己來吃了份雪糕香蕉pancake ($34)，價錢已包一杯是日特飲，當日為洛神花茶。洛神花茶的色澤呈淺粉色，味道微甜算是清新，不過由於擔心它有不良的收奶副作用 (上網google一下，有人這樣講的!)，甜魔媽媽只飲了一啖就算了。其實不喜歡特飲的話，食客也可以加$2／$5轉成其他熱／凍的咖啡或茶的。至於主角的雪糕香蕉pancake，也用料十足：又圓又大的雪糕球，拌以多片香蕉片，再加上特厚的pancake上檯，再加上少量蜜糖醬及杏仁片，份量足夠可頂一份午餐! 雖然雪糕

下班後不想立刻打道回府，突然又想起去食甜品，於是就來到葵芳甜牙牙。雖然不是第一次來，但是返屋企尚算方便。在下還未進入之前，先瞭解一下有甚麼的新，或者又未嚐試過的甜品，當看到後便翻開餐牌再看看，於是便點下了這款甜品。士多啤梨流心布甸。當看到這款甜品，不知道是否真的流心。當上桌時，一邊吃著布甸，卻看不到流心，當要向左邊進發時，流心告開始，內裡的士多啤梨混和了雪糕一起流著，但感覺上沒有那麼的澎湃，不過就像朱古加流心般流出。布甸就軟糯，充滿了士多啤梨肉，口感都幾豐富。當吃到士多啤梨時，就覺得酸起來了。這款士多啤梨布甸賣相都幾吸引的。

甜芽芽一共泥左3次，一值都吾記得左寫呢間既食評。趁現在有時候同大家推介一番第一次係食我最愛既心太軟即叫即制，雖然等候了一會，還是值得的！雖然有小小燶味，但朱古力味十份濃郁。（由於太耐無左張相lu）第二次食香蕉朱古力窩夫，我會叫呢個既原因，係在於我第一次泥食嗰時見到有個小朋友食得津津有味，亦都係我想再泥食既因素窩夫淡淡既朱古力味，落埋糖漿甜甜剛好，還有我最喜歡食既香蕉配有小小朱古力醬呢第三次就食佢好多人叫既提拉米蘇pancake,賣相美得沒話說，如果佢係用提拉米蘇泥做內餡，賣點是的確特別。提拉米蘇口感都好滑溜只可惜因為我曾經食過一間pancake像入口即溶既口感，所以呢款pancake對我個人來說實屬一般，應該話佢係吾差，係正常係香港食到一般正常水準既pancake。大家都可以不防試下。整體上呢間味道跟賣相不賴，價錢中等，但份量頗大。如果我有時間都會再食佢另外一提我食過3次職員就有2次落錯單有一次仲係落錯哂2樣，好彩一放低張單我就甘岩留意到同傍邊張枱叫啲野竟然一樣既？細心一睇原來我地嗰張比佢落錯哂。希望第4次我再去會有改善啦

去開葵芳都好比較少機會食到， 大多數時間都有人係門口等，雖然又唔係多十個八個囉，但本人唔太喜歡等。昨晚咁岩係果邊，又有位，終於一試。 講返野食，我同女朋友兩個點一個就岩岩好，點左個3色蕉拼 chocolate Waffle. Waffle 的朱古力沒想像中濃，咬落，口感很不錯的。有夠脆，如果覺得唔夠甜旁邊仲有個小蜜糖比你加，加到夠為止。3色蕉方面，邊3隻味？ 1）普通的 2）加左一層脆脆焦糖係面 3） 我唔知叫咩名軟‘淋淋‘咁味道都係偏甜。本人都係喜歡吃想普通果隻，因為其他兩隻都比較甜。$50左右，食飽飯兩個人一個就岩岩好啦。

同朋友仔係荔枝角整cake pop，整完有d口癢癢，總係覺得有d野未吃。哈哈，所以話女仔鐘意吃甜品係冇錯嫁，兩個女仔即刻坐車去迎接個甜品。入夜既葵芳商場都冇咩甜品選擇，最後入佐甜牙牙。兩個女仔只係想嚐下甜，所以叫佐一份「公司窩夫三文治配香蕉脆脆sundae車」(hk$85)。一上台，小妹真係大失儀態嘩佐出黎，呢d就係叫做未吃先叫定。論賣相，真係贏哂，但係味道又唔差噢!sundae車前座係雪糕同香蕉，雪糕共有3球(記住，好似冇得選味)，包括綠茶、朱古力同雲尼拿。後座就係4大件窩夫(2件朱古力味及2件原味)，中間仲有士多啤里，真係好滿足，正呀!

一入餐廳睇完餐牌，見到隔離枱個心太軟幾靚，就叫左個個心太軟一黎到，整體賣相同伴碟都好靚，但一睇到個心太軟，好似焗得太過黑，表面仲幾油當我一切開個心太軟，滿心期待會流出熱辣辣既朱古力醬，點知竟然流出一大堆油！！我第一次見心太軟會流“油“（我知心太軟要用牛油造，但我未見過啲油多到咁），入面啲朱古力醬佈滿油，嚇到我都唔敢食。。。到我食心太軟個外皮時，又苦到食唔到。。。最後，我只係食左個雪糕同啲生果我有同經理反映，佢都有講唔好意思，仲話整過另一個俾我，但我最終都拒絕咗（點咁再食啊。。。）

好凍。。。。好凍。。。。好凍。。。。突然降至10度，又下著雨，好討厭呢！在新都會走了一大圈都找不到想吃的。。。吃個甜品填肚算啦！♠ 法式焦糖燉蛋手掌般的大，有鮮果伴隨著，賣相不也錯啊！燉蛋很滑，甜度也可以接受。嗯～表層的焦糖有點硬，而且沒有暖暖的感覺，有點失色呢。

原來甜牙牙下午茶時間好長 7點仲計下午茶時段 我同朋友食完晚飯時間好早 所以就泥左食小小甜品。已經系旺角食過好多次 其實又吾算好差 不過無咩特色 窩夫都吾系特別好味 只系有地方坐低可以食件窩夫飲杯野only 最恐怖系杯野飲 全部都好淡。

第二次幫襯，在葵芳新都會廣場的這個店舖位置，長久以來都是甜品店，但已經轉了幾手，先有滿記甜品、糖百府，現在輪到甜牙牙，位置來說算是不錯，加上葵芳內鮮有甜品店，所以我總是不太明白為何前兩間甜品店都做到執咗。今日返完聖堂後，為食的家母話要食甜品。在葵芳，要吃甜品的地方算是很少，平常我們多數會到黎孖記，有時會去地鐵站附近的許留山，但想要坐得較舒服，一定是新都會廣場這間甜牙牙較舒服。九點幾多數是食完晚飯都甜品時間，去到已見到好多人，好彩只係要等四張枱，大概八分鐘已經可以入座。因為我很怕吃甜的東西，所以每當有人話要食甜品時，我多數會選擇生果類或無咁甜的抹茶類。點了個宇治抹茶雪花冰，一上枱時已見很豐富。抹茶類甜品少不了的一定是紅豆，旁邊還有奶凍及一小球抹菜雪糕。其實這類甜品，沒太多功夫講究，雪糕是現成買回來的，奶凍、紅豆蓉、西米也是做甜品的基本東西，雪花冰是機器做的，偏偏是那個抹茶雪花冰最叫人失望。雪花冰比刨冰好吃得多的原因是，雪花冰是非常幼細，有入口即化的感覺，但是這裡的雪花冰上枱時已是一片片的狀態，入口太過冰，我還是比較喜歡糖百府的雪花冰。至於何師奶，她平常就很怕冷，所以點了個熱的甜品 --

顧客凡惠顧賬單金額每滿HK$40，即可獲取甜牙牙蓋印乙個。集滿15個蓋印可換取之美食~~Valrhona朱古力木糠布丁批乙個。Valrhona的牌子是用法式傳統工藝製作出美味的巧克力。Valrhona朱古力木糠布丁批面積像月餅咁大，餅面有裝飾的朱古力粒粒也好味，朱古力隔層著木糠，味道可口不錯！可能還未肚餓，感覺布丁批份量大咗，如一半份量更滋味！留意其他顧客的甜品份量也不少。

甜牙牙係葵芳開左一段時間,一直都想試下, 入到黎打開menu即刻被醉心系例吸引住!可惜一見到實物, 所有感覺唔同晒 :SSSSSS..............................Baileys併脆珍珠配北海道3.6奶凍等左無幾耐呢杯野就來到.我同朋友都呆左,以為上錯.有圖原來都係無真相架.杯野本身無咩問題,但同menu實在差太遠 =S所以賣相扣左好多分,論味道就繼續扣.奶凍唔滑, 而且食唔出北海道3.6牛乳. 珍珠唔脆, 加埋d極其唔match既胚芽,負分 =(另外仲order左個火焰系列甜品.冰火Chocolate木糠布丁失望之際見到呢個甜品感覺好返少少, 雖然由朱古力醬睇得出師傅既藝術天份的確係差左d,但都唔會話認唔出自己order左d咩底下既oreo木槺布丁味道還可以,不過都係唔夠滑. 而面頭座火焰就太太太甜.店內既環境都幾舒服,但侍應好hea :S 整體感覺超差, 唔會再來 邪牛丸公主@甜牙牙x___x

呢晚睇完戲已夜晚十點，有少少肚餓，就入咗嚟試吓，店舖的牆壁有兩個仿火爐佈置，可能想給人溫暖的感覺。我們有3個人叫咗2個甜品。香蕉朱古力脆脆窩夫+雪糕窩夫外表好深啡色，一塊塊用竹籤串成三角形，食落不是鬆脆而是偏硬一點嘅脆，味道唔甜得嚟又夠朱古力味，如果覺得唔夠甜可加附送的糖漿；朱古力雪糕配以美綠粒粒，杏仁片，朱古力小蛋卷，一軟一脆，配搭不錯；伴在旁邊有糖漿附面烤得有點焦焦的香蕉，甜甜脆脆，還有香蕉蓉，頗有心思。整個組合都OK的，如果窩夫可鬆脆一點可加好多分。士多啤梨朱古力窩夫+雪糕基本上和香蕉窩夫一樣，只是把香蕉換成士多啤梨，士多啤梨也很新鮮；奇怪的是原本應該配雲呢拿雪糕，在完全無通知下變成朱古力雪糕。