花園餐廳 (銀行中心)

Open Now

Now Closed

太耐冇出街食野，行過花園，不如食下。。。叫咗個特餐：澳洲西冷牛扒跟飯（唔知係咩汁偏咸），有驚喜嘅，估唔到呢塊牛，比起晚巿（其他分店）果個百幾蚊嘅牛更加好味，肉熟程度剛好，就連個白飯都好味，夠熱夠軟有飯香冇焦，掂👍👍👍紅湯及餐包，我比較喜歡熱D，所以唔評論啦（我又衰嘅，放咗係到幾分鐘至食），凍檸茶幾好，感覺到有鮮檸檬嘅香及味，如果隔咗一夜都有嘅個效果。。。你贏👍👍👍整體黎講，由門口到座底到食到走，服務算幾好（以食個幾十蚊嘅午餐黎講），上餐速度：好快。。。十分鐘內到齊，價錢：偏向超值，環境：炒完個午巿黎講，算好乾淨。香港飲食業加油！！

想食牛扒又想食平d既一定黎花園餐廳！花園餐廳周圍都係分店，一定有一間係附近，佢地牛扒既質素以佢地既價錢黎講唔差，👍👍D牛扒唔會太硬，🍽好容易就入到口！另外會送薯條🍟

#旺角 #花園餐廳 下午茶分量同正餐一樣，性價比超高👍味道不過不失 #芝士焗肉醬魚柳意粉 魚柳同炸漿分離，魚肉有鬆肉粉味，不過我接受到，只要唔腥就可以🤣 意粉咪平時茶餐廳腍嗰啲囉😆#芝士焗西蘭花吞拿魚天使麵 入到口，完味道: 7/10味精: 8/10價錢: 7/10環境: 7/10服務: 7/10#vinainmongkok #vinafood #sweetheartgardenrestaurant #hongkongcuisine #hongkongfood #bakedpastawithbolognesecheesefishfillet #bakedcapelliniwithparmesancheesetunaandbroccoli #foodporn #foodie #hkfoodie #f4follow #f4f #likesforlike #l4l #l4likes

係旺角同朋友行行下街好肚餓唔知食咩好，問間都好参人排隊，但我地都唔想等，經過花園餐廳就入左去食。同朋友一齊都叫左個西冷牛扒食，塊扒好大塊，上果時已經分開左三塊,不過佢就唔算厚身，而汁方面我揀左黑椒汁，另外有配薯條。塊扒食落冇咩特別,普普通通咁，個黑椒汁有小小太濃，好重黑椒味，而且越食越辣🙈去到後期都唔係好食到個牛扒味😂整體嚟講，我覺得係食回憶既味道，牛扒雖然普通，不過環境真係充滿回憶，係港式既感覺！

回憶的鐵板餐,大衆ㄧ般都覺得這些扒都不會好吃,但回憶想起以往的味道就好開心😄😄😄。今次選擇銀行中心此分店都因多次光顧覺得不錯,因不同分店都會很參差。而這有位老闆非常熱情招待的。(他是没有穿制服的)都會再次光顧😄😄😄

收工去開旺角, 肚仔餓就搵下野食啦,  見到銀行中心上面有間花園餐廳, 就走上去食, 一向花園餐廳俾我既感覺都會係多人等位, 點知呢日來到竟然係唔使等, 入去就有位呢間既服務員都係好有禮貌, 揀左兩份鐵板扒, 跟紅湯 (羅宋湯), 另外再加份焗蝸牛, 首先上既係紅湯同麵包, 紅湯味道一如以往係好夠味夠熱, 麵包係暖暖地又軟身 ! 再過一陣來左兩杯薯條, 起初以為佢來錯野, 諗諗下就知道係跟鐵板扒既薯條, 依家改良左唔放係鐵板度, 分開上咁 D 薯條就會好食好多, 唔會淋哂 ! 之後上左個焗蝸牛, 好香牛油同薯蓉味, 而個蝸牛亦索哂 D 汁, 好入味好淋 ! 食完個蝸牛, 就岩岩好鐵板扒來到, 熱辣辣既鐵板, 再倒上黑椒汁, 頓時升哂煙出來, 好香好香, 肉眼扒有點過熟, 因為我要 5成, 但切開係起碼有 8成熟, 所以食落會有 D 老既感覺, 而個黑椒汁就無以前咁濃味, 較為淡左少少, 可能今次呢邊個師父有少少失水準

約左朋友旺角開餐唔知食咩好近近地去左花園餐廳點左~香煎三文魚配牛肉腸(意粉)三文魚正常起碼無腥味個汁好少好難食到個意粉叫佢比多碗黑椒汁我呀咁就MUCH BETTER牛肉腸OK既底有少少薯容都滑既SET 包左湯我揀左紅湯少量菜同肉有點稀..................味道一般啦

啲嘢食都還可以，餐廳環境一般般啦。但服務態度真係差到一個點。叫杯嘢飲俾錯左仲要大大聲講話你唔講清楚啲，呢啲甘既服務態度真係離晒大普，唔會再有下次囉！唔該檢討一下啲服務態度！

Omg... 而家先知...花園有下午茶食 哈哈今日4點幾 銀行中心行下，想坐下食下野..因為掛住花園個田螺薯蓉，所以行左入去...話明想食田螺緊係叫左先啦... 打算一個人食兩份 係咪好勁呢 不過一份都唔便宜㗎唔會分63蚊... 如果跟 平時 嗰啲扒餐就43蚊... 價錢嘅差別好大 最弊 嗰個鐵板餐150幾蚊呢..再望下餐牌原來有下午茶...49蚊 超值啦... 雞扒豬扒牛扒魚柳牛脷...各樣選 我朋友選擇左牛扒...黎到幾大份量 睇想相就知 低食

以前細個成日都會同屋企人黎花園餐廳食飯，但自從大個咗就好小黎，今日就黎回顧下啦。🍴 鐵板肉眼扒 (黑椒汁)食物上枱後，侍應會問你要咩汁，今次揀咗黑椒汁。侍應淋汁上牛扒時，已經聞到好香黑椒汁味，但又唔會好涸喉。而食物方面，牛扒唔韌有牛味，再配上黑椒汁，感覺好惹味。🍴 咖哩牛腩飯咖喱唔會辣到食唔到，反而小小辣辣地幾過癮。牛筋同牛腩既比例一半半，牛腩好冧，煮得好入味，份量都算多。而配菜既薯仔亦都煮得好冧好入味，整體相當唔錯。

今天晚上和朋友在旺角附近購物到了晚餐的時間就和朋友在附近找了一間西餐廳進行晚餐這間餐廳一進去已經有很大的牛扒香味，所以我們也點了兩個鐵板黑椒牛扒餐，這兩個牛扒雖然份量算大的但是肉味和廚藝就一般般因為感覺材料不算10分出色但是醬汁真的比較鹹而且沒有太多心機做出來的所以我們也只食了一半也放棄了希望下次可以嘗試到出色的牛扒餐。

今日咁岩去旺角呢間分店食，咁個陣係晚市，我就叫左塊A級肉眼，食物質素都一般，之前食過花園餐廳就唔抱咁大期望，點知侍應姐姐幫我點餐極唔耐煩，幫我地收野成個身“烏低”，差d 啲Hi到我地塊扒，完全冇講過唔該、多謝等字眼，當時晚市眼見唔係好忙，但都唔洗咁差服務質素，唔會再幫襯。

星期六見有時間就同老婆去旺角食嘢，諗咗好耐都諗唔到食乜，本身老婆話想去試下魷魚鬚，我本身就諗住瞞住佢自己食，所以我就建議去鋸扒，咁啱銀行中心有間花園餐廳就上咗去啦，喺門口睇都ok，未食過呢間嘅晚餐就入左去試下，老婆叫咗個t骨巨型牛扒，我就叫咗個雜扒，嚟到嗰陣個t骨牛扒真係好巨型，真係嚇咗一嚇，雜扒基本上都係嗰啲，不過佢就有豬扒雞扒牛扒墊底，另外有雞翼腸仔嗰啲，T骨牛扒雖然巨型但係拿到太林冇乜牛味，反而就唔係咁好食，相反雜扒嘅牛扒有牛味冇咁諗仲好食，雞扒豬扒都正常啦，雞翼就一般，食到中途，牛扒大概食咗三分一到啦 老婆咬到粒石仔，之後同經理講，佢就你話煮過個比我地，但其實已經冇胃口同埋如果啲牙爆咗，你煮過一份畀我都冇用啦，牙係一世，之後我哋食完就走啦，但整體上侍應都叫有禮嘅，味道就正常對得住個價錢。

花園餐廳都食咗好多年啦 質素仲時好時壞啦今次再去食黑椒牛柳 今日質素非常好喎 我要七成 真係七成熟可能因為係母親節前夕 所以冇乜人去食朋友就食咗個蒜香雞扒 好脆 不過就油左啲 落完汁 “炸”完 啲油就出哂黎不過唔好既係 杯嘢飲太細杯🙈🙈

旺角花園餐廳係好多人既回憶，以前覺得小小貴，但太好食同埋入到去係有種人情味係度，所以都會覺得好抵食。今日經過想搵番d回憶，就入左去食個下午茶，雖然食物質素係唔差，但係對比以前都係頗為失望。黑椒牛扒飯 ($45)我叫咗汁分開上, 牛扒同個汁都唔熱嘅, 好失望, 得個飯係熱嘅， 肉質可以接受，但絕對唔係以前既質素。我覺得以前花園餐廳好好食仲要都幾大份，依家質素真係差咗唔小同埋份量都細左！依家花園餐廳又貴，食物質素亦保持唔到水準，入黎再食都係搵番以前既回憶，依家性價比太低，我會寧願支持更多有質素既小店。不過間唔中俾番小小錢番黎回憶下都係可接受。