花園餐廳 (銀行中心)

Open Now

Now Closed

同朋友行旺角，行到有啲肚餓，就去左銀行中心既花園餐廳食下午茶我叫左一份香茅雞翼配薯條，一杯雪糕紅豆冰當份香茅雞翼配薯條上枱時，我同朋友都O哂咀，以為嚟錯左，因為果4隻「雞翼」完全唔似雞翼，似4隻炸蠔多啲。咁大個人，未見過雞翼要點炸漿去炸，完全顛覆左我地對炸雞翼既認知！外皮極度油冧冧，好難食！唔好話有無香茅味啦，啲雞翼完全無味，係一啲雞味同咸味都無！好似白烚雞翼咁，難食到一個點！我都唔係第一次食花園餐廳，以我所知佢地既薯條係波浪薯條，但今次食既係麥當勞果種薯條，仲要淋哂，麥當勞啲薯條都好食過佢。杯雪糕紅豆冰勁甜，甜到我食完呢餐仲要去便利店買野飲先解到少少渴。枉佢係一間西餐廳，啲師傅都唔知邊度嚟既，連炸雞翼咁簡單都整得咁差，其他野都唔會好得去邊！出面茶餐廳既雞翼薯條比佢更好食！呢間野真係無下次，完全中伏！

小時候，一想起食扒，就會想起去花園餐廳。今次叫咗一客肉眼扒，同一客德國豬手+薯菜。先來一客非常滿意、加滿載回憶嘅“羅宋湯”有餐包+加牛油，牛油一半放湯，一半揸餐包，好食，湯好飲，保持水準。肉眼扒先上，隨即侍應遞上兩桶扒汁“要辣要唔辣”？我問：唔辣係咩味？唔彩你,只望住你。再問“唔辣係咩味？都係答“要辣要唔辣”😅再問係咪“洋蔥/燒汁”先至識答“洋蔥”,牛扒得個超大塊，無咩鮮肉味。再嚟“德國猪手餐”又唔香又乾，係猪手嚟，無錯。另再有一般的餐飲，正常。老實講，今時今日，咁嘅價錢，係咁囉！

花園餐廳有好多分店，旺角這間餐廳位於旺角東地鐵站B出口，地點十分方便。花園餐廳是港式西餐廳，已經很久沒有去過，所以突然間好想入去食。我點了他們的招牌菜式鐵板西冷牛扒套餐，但是肉質卻非常老，口感非常糟糕，完全沒有嫩滑的感覺。黑椒汁的味道也非常平淡，缺乏香氣和味道。套餐附送的薯條也非常失望，薯條油膩且口感不佳。此外，餐廳的服務員的態度冷淡，且等待上菜的時間也非常長。餐廳的環境也不是很理想，桌椅髒亂不堪，地面也沒有打掃得很乾淨。所以間唔中吃一次是還好，而且要求不要太高。

#搞串個pantry大家諗起#港式西餐 🍽️會諗到乜嘢？第一樣諗到係港式嘅扒餐🥩，用鐵板上，再淋上唔同嘅醬汁，再配飯、意粉🍝或薯菜。今次就去到一間1963年開業，奠定出#港式扒餐 基石嘅一間連鎖餐廳，同時餐廳都可以算係一個時代嘅見證啊😎！！今次嚟到嗌咗兩個鐵板扒餐，一個係鐵板肉眼牛扒($83)、一個係鐵板西冷牛扒($83)。因為係鐵板🔥上，所以兩個牛扒都嗌咗五成熟🤩。而粥眼同埋西冷嘅分別，在於佢哋嘅部位，部位嘅唔同，導致佢哋油脂嘅比例會唔同😚。肉眼相對西冷來講脂肪含量高好多，食落去可能會比較腍。相反西冷識落口就會結實啲，牛味可能會重啲😋。鐵板肉眼牛扒🌟🌟🌟🌟煎得啱啱好，淋埋汁上去，一切落去嗰下，就知口感一定唔錯😜。雖然呢塊肉眼唔係啲好高級數、好厚嘅肉眼，但係食落口軟硬程度適中，同時都充滿好重嘅油脂味，以呢個價錢嚟講，真係唔錯🥳。鐵板西冷牛扒🌟🌟🌟相對肉眼，一望就知比較厚實，但係切落去又唔覺好硬，牛扒入面有粉嫩嘅顏色💕，煎得幾好。食落口，食得出外層嘅香氣，同時感覺到裏面啲牛肉嘅嫩滑🤤！個餐同時包含羅宋湯、餐包，好正，好港式！呢間餐廳屹立香港🇭🇰60年，其實都唔止食咗一次。質素其實都幾飄忽，

🥲理解唔到點解連餐湯都可以成pat水咁，白湯係冇味。個紅湯都叫有啲味個雜扒除咗牛全部都好難食😿件咖啡蛋糕算賣相一般但可以接受芝士蛋糕真係好難食😞真係唔建議再嚟呢度食

自從豉油街花園餐廳結業後旺角只剩下銀行中心呢間花園餐廳裝修完後質素愈來愈差叫左午市肉眼鐵板塊板凍既靠D汁去保溫塊排縮水又薄下邊墊左2舊菜撈埋D汁搞到水咁款成體是垃圾體驗 以後唔會再來埋單$89 真係交智商稅大家樂 大快活都做得好過佢

-大概應該都有3-4年無去過花園餐廳記得對上一次去 爺爺都仲在生🥹回憶總是美好的⋯😝每一次我來呢到都會叫什扒餐 貪佢份量大 又咩都有我地今次大約9點左右去 唔使等位直接入座👍🏻.🔹美式什扒餐 凍檸茶雞扒、牛扒、豬扒、雞翼、煙肉、火腿扒、薯菜😅選擇困難症嘅我 除咗每一次都會揀什扒餐之外每一次我都會叫叔叔幫我淋 😋蒜蓉汁mix黑椒汁 一半一半百幾蚊仲有餐湯同餐包 呢個餐真係性價比高 大件夾抵食🤩

途經旺角，總會經常看到這間餐廳，當日亦想吃扒，便決定到這一試。當天平日是晚上不用等候，便能直接入座。餐廳內環境十分寬敞，衛生環境亦算整潔。當天本人點了:❣️黑椒牛柳配附餐包及餐湯當日選取了羅宋湯作餐湯，羅宋湯不太酸，味道偏淡餐包挺熱亦挺鬆軟的牛柳肉質軟淋，不會韌，份量都挺飽肚的，黑椒味道不太出，不知道是不是選擇了蒜蓉汁掩蓋了原本牛肉的味道，整體醬汁不會太濃或過鹹，感覺一般可接受。總括來說，食物質素一般，上餐速度挺數快，食物溫度都能保持熱度的，整體性價比中等。

今日經過旺角，見到花園餐廳的招牌，就入去坐低食個下午茶，客人都算多。我哋點左海南雞拉麵，馬來西亞炒貴刁、吉列魚柳沙律，食物分量多，海南雞質素一般，炒貴刁和魚柳沙律都ok，價錢大眾化。

花園餐廳係昔日港式茶餐廳.記憶中當年食黑椒牛扒飯.黑椒汁唔夠可以免費添加！今日同埋啲阿姨行花園街及女人街.行到咁上下.便找間餐廳歇腳.啲阿姨提議去銀行中心嘅花園餐廳.飲杯嘢.食吓嘢.傾吓計.在大家都一致通過.便行過去！到達目的地.原來仲係午飯時間.當然要攞籌等位.等咗十五分鐘可以入座！今日點餐如下：1. 紅燒乳鴿伴鮮果沙律 X1 $108元 配：餐飽/餐湯/餐飲.轉凍飲加$3元2. 澳洲西冷牛扒 X1 $68元 配：薯菜/餐飽/餐湯/餐飲.轉凍飲加$3元3. 鮮茄焗豬扒飯 X1 $71元 配：餐飽/餐湯/餐飲.轉凍飲加$3元4. 穀飼豬肉眼扒拼珍寶腸 X1 $65元 配；飯/餐飽/餐湯/餐飲.轉凍飲加$3元註：消費結帳.加1服務收費🚶🏻‍♂️👉📌花園餐廳 (銀行中心) (旺角)旺角彌敦道636號銀行中心2樓10-23,25-27號舖

旺角銀行中心既呢一間花園餐廳係我每個月必食一次既傳統扒房。😘🥰😋首先講下環境，餐廳入面非常之大，唔會有逼夾既感覺。🤩每次我去花園餐廳都會叫佢個T骨配黑椒汁，5成熟係最好食既生熟度。肉唔會柴，好多肉汁。配埋跟餐既餐包同埋羅宋湯，非常之滿足既一餐

平日 (星期一) 晚上 6:45 入座，我和老公入座後輪流去洗手間用咗半小時左右 (由於我臨時發現姨媽到，用左些少時間去買女性用品)。餐廳經理襯我老公去洗手間期間凶神惡煞走過嚟，冇問原因，亦唔係温馨提示，大大聲話入座 "限時 90 分鐘，仲唔叫野食！" 我禮貌地話 "我見你哋仲有其他位喎"， 經理就話但你坐緊呢個卡位，一係你坐隔離。。。 明白的，生意難做，我唔係想阻人揾錢，但根本我同我老公食得快，可以喺限時之內完成，而且當時餐廳內仍有大量位置 (包括卡位)。。。 無奈之下我唯有離開餐廳。。。 餐廳嘅食物一直唔錯，但服務態度真係極差 ，香港有甘多選擇，寧願去第二間好過

I always have a thing for old fashioned steak house in HK, some are very nice, it reminds me of my childhood and family time, especially the environment and the warm tone of the interior design, not to mention the affordable price and decent portion.As a chain store, this Sweetheart Garden restaurant is in a good spot, right next to Mong Kok mtr, the service is good, i like the way they don't rush you to order your tea or coffee when they take your order and leave it After you finish your main c

太耐冇出街食野，行過花園，不如食下。。。叫咗個特餐：澳洲西冷牛扒跟飯（唔知係咩汁偏咸），有驚喜嘅，估唔到呢塊牛，比起晚巿（其他分店）果個百幾蚊嘅牛更加好味，肉熟程度剛好，就連個白飯都好味，夠熱夠軟有飯香冇焦，掂👍👍👍紅湯及餐包，我比較喜歡熱D，所以唔評論啦（我又衰嘅，放咗係到幾分鐘至食），凍檸茶幾好，感覺到有鮮檸檬嘅香及味，如果隔咗一夜都有嘅個效果。。。你贏👍👍👍整體黎講，由門口到座底到食到走，服務算幾好（以食個幾十蚊嘅午餐黎講），上餐速度：好快。。。十分鐘內到齊，價錢：偏向超值，環境：炒完個午巿黎講，算好乾淨。香港飲食業加油！！

想食牛扒又想食平d既一定黎花園餐廳！花園餐廳周圍都係分店，一定有一間係附近，佢地牛扒既質素以佢地既價錢黎講唔差，👍👍D牛扒唔會太硬，🍽好容易就入到口！另外會送薯條🍟