Sweetology (Closed)

在又一城商場內，又近戲院，位置很方便，全店以白色裝修為主，乾淨簡單，又可望到外面的溜冰場。下午時候，人不算多，暑假期間大多數是父母帶著小孩子一起進餐，所以十分熱鬧點了一份全日早餐，早上到中午我還未吃過任何東西呢？，感覺十分餓，等了15分鐘還未到，到了之後急不及待品嚐第一口法蘭克福腸，可是煎得有點過火，所以有點硬，雞蛋幸好煮得不錯，剛剛好，裡面還有蛋汁喜歡和茄汁豆一起吃，雜菜沙律及其他的配料還可以，反而牛角包不錯，暖暖的還酥酥的，然後到薯條，心想應該是熱辣辣的香脆的，可是又腍又凍又沒有味道這個薯條簡直是整個全日早餐的敗筆，説真的，是我食過最差的薯條🍟放棄薯條後向我的甜品出發！士多啤梨雪糕窩夫外表討好，窩夫做得外脆內軟，這是窩夫的基本標準，然後到味道了，曾經吃過有苦澀味的窩夫，幸好這個不太差，算是及格了，每一口也拌著雪糕，忌廉和糖漿一起吃，豐富了整個窩夫的味道。

好開心今晚又去食酷愛的班尼迪旦旦，收工攰到傻傻地，食翻d鍾意食既ya黎獎勵一下自己，係每天快樂既泉源。換上新menu，感覺更新穎奪目。喜歡這兒依舊播著黃秀霖的情歌，輕快得來有點兒令人開心。班尼迪旦早餐78鍾意呢間旦旦好平兼具食力之質素，呢個價錢出面一定無邊度食到，仲要有得跟飲品，抵。內容又夠靚，生果量又多又丰富，有新鮮既柚子鮮橙仲有焦糖烤菠蘿啦配住好yummy流心既旦旦，加賣有煙三文又有pama ham一次滿足兩個願望既選擇，價性比相當之高。荷蘭醬令旦更閃令，旦黃醬又夠鮮艷，英式鬆餅好軟熟，沾上旦汁份外美味，唔食呢個同無黎呢度係無分別既，識食一定咁樣食。他的英式全日早餐88佢想食薯條但竟賣曬，有炒旦腸仔火腿加煙肉的陣容，還有傳統的茄汁焗豆雞旦沙律同窩夫。各樣都煮得恰好，窩夫夠哂脆，沙律亦爽脆，丰富內容教他再次點上。而我個人就最欣賞香草滑旦夠旦香，果然用了3.6牛奶煮成，配上pama ham的咸香，實在正斗令人陶醉。柚子茶略嫌不夠冰凍，但無奶茶咖啡咁唔健康，飲落潤喉感覺清新舒服。宇治抹茶梳夫里68配賣冰感強的gt icecream，軟綿綿既梳夫里入口軟滑，抹茶味亦香，唔會好甜。加上茶道裝

其實今次已經係第2次食, 但完全冇諗過係咁失望! 晚市竟然可以叫乜冇乜, 冇煙三文魚，冇薯條，冇多士，冇磨菇。最估唔到竟然食食下雞翼比我食到有鋼絲囉，即刻成碟比人收走左。食完之後坐多左一陣，竟然見到隔離檯可以order到薯條，又會突然間有返薯條囉

頂層有Movenpick雪糕、綠茶Croissant，不過Croissant沒綠茶味的。中層有奶味偏濃的鬆軟窩夫，一件配士多啤梨，一件配菠蘿。還有Creme Brûlée及Tiramisu，Creme Brûlée頗為清香，面層焦脆，tiramisu軟滑，面層可可粉入口濃滑，內裡咖啡味適中，兩者水準都不錯。底層的炒雜菇牛油味香濃！不過薯條油味重，Egg benedict放涼了不太討好。還有被薯條遮擋了的迷你蛋沙律治。套餐包兩杯咖啡或茶，我們選了一熱一凍的檸檬茶，味道正常。＄168的價錢能有兩杯飲品，還有3層食物，而且是身在又一城當中，價錢上算是實惠了！而水準還是跟價錢成正比吧。另外我們還加了一份新推出的Earl Grey Creme Brûlée，earl grey味在水漾的creme brûlée當中仍能突出，焦糖面層香脆，不過有點厚，相反creme brûlée顯得比例偏少，令整體變得頗甜。

又一城多左好多餐廳呢間開係溜冰場隔離雖然細細間 但係裝修得好靚有店內同店外門口位星期六下午要等二十分鐘左右 都算快食物選擇都有好多分別有三份食物餐牌 一份飲品餐牌加埋都有成幾十款攔 一定有款岩你意粉類都係$40-$50蚊全日早餐$70-$90而且份量大大碟 好抵食下午茶就有抺茶甜品餐鐘意食抺茶的你一定要試同朋友兩個人叫左個ALL DAY BREAKFAST一上枱真係嘩左餐因為估唔到咁大碟兩個人SHARE一個再叫個甜品就岩岩好有茄汁豆,法蘭克福腸,司華力腸,3.6牛乳炒蛋,煮蛋半個,蕃茄,煙肉,薯條,煙三文魚,沙律,牛角包咁多野食咁大碟都係$88 仲要跟餐送杯柚子冰紅茶呢個真係必點 味道方便 薯條上枱時仲熱辣辣 個炒蛋又炒得好滑甜品方便就叫左抺茶焦糖布丁食前影左好多張相因為賣相太吸引個布丁都好滑上面D焦糖溶得岩岩好但係覺得抺茶味唔太重反而蛋味較重 $50 伯爵紅茶梳夫厘配Movenpick朱古力雪糕 $68個雪糕好濃朱古力味 入面有朱古力碎個梳夫厘甜度適中 一上枱即正仲熱熱地好正因為即叫即焗 要等成二十分鐘所以差唔多食完正餐要開始叫佢上喇最後叫多杯ICE MOCHA $52好肥但好好味

同母親大人 shopping 完，來個 light dinner + dessert。巴馬火腿窩夫$78先來巴馬火腿窩夫。有兩款巴馬火腿在兩塊窩夫上。燒的巴馬火腿脆身、惹味些。窩夫不太熱，但味道亦合格。此All Day Brealfast多沙律及橙塊，比較refreshing 、健康。宇治金時綠茶可麗餅$68配上合紅豆、杏仁、果仁的宇治金時綠茶可麗餅。最特別是脆甜的中式芝麻餅，食落又好夾。清淡又柔軟QQ 的綠茶Pancake 配上多忌廉、綠茶雪糕，好清新!不愛太甜的人仕可點。份量也相對其他甜品比較size少。士多啤梨窩夫伴雪糕$75雖然也不是即製窩夫，但窩夫脆身又幾特別。有士多啤梨 Movenpick 雪糕，酸酸又有果肉，令整體更開胃。鮮士多啤梨果肉也不少，絕對是抗拒不了的脆身 Waffles!每個餐都送柚子冰紅茶。清淡而底部有柚子蜜!感覺Sweetology地點方便，價錢、質素都合理!

踏入七月就是不停食的月份, 為何? 皆因有不少好友跟我慶祝生日, 先在此說句: 「謝謝!」不少好友也知我是一個抹茶控, 經常買不少抹茶零食給我, 又會帶我到不同的抹茶店, 令我的綠色世界變得更多姿多彩。友人話要跟我來一晚抹茶夜, 即是全晚只吃抹茶甜品也沒有所謂……咁好!? 二話不說便齊齊出發。來到一間純白色的小店, 坐在這裡用餐, 頓然覺得要變得大方得體、氣質優雅, 無疑友人一向談吐有禯, 高貴斯文, 與這間小店很相襯, 而我就…..別說吧! 以白色矮欄圍着店子, 店外設有幾張二至四人的 “露天”座位, 而內裏的座位亦不多, 大部份是四人枱, 最後排設有一排長沙發椅, 枱與枱之間的距離不算多, 地方雖小, 但優雅企理, 感覺挺舒服。安坐後便馬上細閱餐牌, 足足有四份, 包括有最厚的甜品餐牌、一張鹹食餐牌、一份茶味甜品系列及一本飲品餐牌, 友人一早已預了跟我品嚐抹茶系列的甜品, 最後決意揀了一客High Tea Set, 雖然現在不是下午茶時間, 但也有供應, 不過就不可加$8改咖啡或茶, 也都不要緊, 反正個High Tea Set都包了一壺抹茶。High Tea Set製作需時, 要

晚餐後就一定會同朋友食甜品繼續傾計，而身為綠茶控既我一定唔可以錯過既宇治綠茶法式可麗餅，賣相好吸引，可麗餅整得超薄，面層有紅豆、杏仁和cream。紅豆甜煮得好淋是我最為喜歡，好濃味的抹茶雪糕一齊食估唔到佢地好夾朋友話窩夫都唔錯，外面香脆，內裡鬆軟

今日見天氣無咁熱，終於可以出去行耐d街啦，同friend係又一城睇完戲之後，就想搵d野食下。我個friend係甜品狂，所以我就想搵一間有甜品嘅餐廳去食飯。我地係戲院出黎，見到有一間餐廳好fancy，好光咁，就行過去睇下係食咩，原來係一間西餐廳，叫Sweetology。呢間餐廳主要用白色燈做裝飾，比我一個好童話世界嘅感覺，自己好似變番個小朋友咁，哈哈！呢度主打All Day Breakfast，所以我地都唔例外，叫咗個English All Day Breakfast，仲送一杯柚子冰紅茶。至於麵食類，我地叫咗黑松露白汁雜菌芝士焗長通粉。個英式All Day Breakfast好好食呀，d蛋超滑，薯條同煙肉脆卜卜，岩岩炸起，好新鮮，牛角包鬆化，仲配埋兩條腸仔。另外個長通粉，黑松露味超濃，通粉嘅軟硬度適中，值得一試！呢間餐廳嘅甜品都好出名架，我地兩個人，一人叫咗一個。我叫咗一個莫卡北海道奶凍伴Baileys加榛子雪糕；我個friend就叫咗宇治金時木糠布丁。個奶凍好重Mocha味，好滑；個榛子雪糕好甜好香呀，我自己勁鍾意食。我個friend個木糠布丁都讚不絕口，既幼滑，又有抹茶味，佢都食得好

呢一晚同兩個閏蜜一齊GIRLS' TALK, 揀左呢間餐廳,我地約七點到, 店內無乜人,唔洗等,真係非常好三個人叫左四樣嘢, 分別係巴馬火腿窩夫,班尼迪蛋早餐,拿破崙茄汁鮮蝦長通粉同埋木糠布甸。賣相真係好精美架！巴馬火腿窩夫呢個窩夫外脆內軟好好味, 火腿咸咸地好香,仲有好多蔬菜同香橙, 好Fresh, 係我最鍾意既ITEM, 必食之選！班尼迪蛋早餐個水煮蛋係全碟既賣點, 好滑, 不過個鬆餅就略嫌無乜味, 但個樣好得, 比相機食先都抵！拿破崙茄汁鮮蝦長通粉無特登影長通粉既相, 所以用呢張頂住先,呢一個份量唔多, 但賣相一樣好靚, 茄汁好濃, 而且蝦非常新鮮彈牙, 而且只需要量58元, 好抵食！OREO木糠布甸女仔食飯又點少得甜品呢?!呢個仍然保持SERVE得好靚既傳統，而且少少甜,唔會好膩,三個人食剛剛好！我地坐多兩個半鐘, 無人催我地, 我個FRD話可能好多人都以為呢到無主食, 加上平日所以人咁少; 其實我覺得以呢度食物既質素黎講, 應該會大排長龍至係！ 最最最大賣點係呢幾個DISHES都係賣相好靚, 最啱鍾意UPLOAD相同人SHARE既女仔呢！我地三個食左四樣野都係每人夾返10X蚊

以前讀書年代成日去又一城溜冰，但出左黎做野之後都冇再溜過冰，甚至連又一城都好少去。咁岩又一城戲院新開我先過黎，睇戲之前見格離新開左間餐廳就食個下午茶啦。成間餐廳以白色為主，由坐椅、牆身至裝飾品都用左白色，感覺好優雅。望埋個餐牌，有英式早餐同女仔最愛既甜品，食物款式算多，而且價錢也大眾化，難怪吸引左大批女仔，特別係大學生同中學生。英式全日早餐食材好豐富，有北海道3.6牛奶炒蛋、煙肉、香草腸、法蘭克福腸、煙三文魚、焗豆、薯條、蕃茄同雜菜沙律。炒蛋軟滑，不過奶味未算特出。煙三文魚軟綿不過唔夠油潤。煙肉偏肥，不會煎得幾香。香腸外皮香脆，薯條香脆可口。不過最鐘意係落左橙汁既雜菜沙律，清新又唔會過於單調。士多啤梨蜜糖吐司盒吐司即叫即整，等候時間長少少。吐司焗得金黃色，外層香脆又帶點蜜糖，厚身既吐司沾上Movenpick雪糕，加埋甜美既士多啤梨，不論賣相同味道都非常好‧如果麵包預先切細條就更方便食用，改善埋就完美啦。特別一提全店既雪糕都係用Movenpick雪糕，鐘意食既朋友唔好錯過。最後跟餐仲有柚子冰紅茶送，但如果可以跟餐加錢轉其他飲品，例如水果茶或特色咖啡就更好啦。

返工之前就梗係食番個早餐係最開心啦 咁但係有時候返嘢冇辦法食早餐都係人之常情嘅 所以我就會周圍搵邊度有all day breakfast 今次我就去左一間餐廳 佢哋嘅英式全日早餐材料豐富 有兩隻煎雙蛋有炸薯條煙三文魚凱撒沙律有蜜汁焗豆 有雞肉腸同埋一個牛角包 佢哋嘅煎雙蛋一啲都唔燶 配合凱撒沙律同埋煙三文魚 淡淡地味道好清新 加上煎香嘅雞肉腸 香脆 有肉汁 牛角包鬆軟 牛油味濃厚 加上甜焗豆一齊食 好滿足嘅享受

平時食開野窩夫多數都係甜品為主要居多 今次去到一間餐廳到食佢哋嘅鹹窩夫 佢哋窩夫有幾種味道 今次我食嘅係經典原味 窩夫上配有沙律醬生菜火腿煙肉同埋煎蛋等等嘅配料食落口香軟鬆化 唔同出面的窩夫有啲似普通嘅多士 份量都算多 材料好新鮮

陪太子溜冰人哋個仔學溜冰而家啲小朋友真係好幸福一個小朋友學溜冰全家人就係場出邊打氣然後就係溜冰場隔離坐低食下野吹下水唔鍾意食美心嘅 EXP所以揀咗呢間純白色嘅 Sweetology 原來要兩點鐘先開始有甜品食咁lunch time 我就食飯 set lunch吧啦睇Menu都好抵食男人就要個英式全日早餐English all day breakfastWow 一望落去已經超好配決定叫 set跟餐 starter 有麵包送European pantry個果 jam 好好味有北海道3.6牛奶炒蛋有煙肉香草腸法蘭克福腸同埋煙三文魚夠晒多肉跟住再食返啲蕃茄仔經典個人嘅茄汁焗豆薯條 and 醒晨green 沙律非常新鮮開胃拿破崙茄汁 鮮蝦長通粉蝦都幾大隻下好爽口仲要有成5隻咁多tomato sauce 可以再濃d長通粉一啲都唔會乾lunch set 送柚子冰紅茶柚子味都重有D果肉甜度適中真係無論早午晚餐都離不開雞翼見到有焦糖雞翼 $58/6pcs幾特別又試吓先Caramelised 焦糖味好香甜令到雞翼嘅外皮更加脆食食吓已經兩點鐘仲可以叫埋伯爵茶木糠布甸~~~正做得相當出色的甜品造型好可愛喔我覺

今早和朋友行過又一城見到一間以白色為主調的餐廳，裝修幾別緻，就入去一試。英式全日早餐，它的賣相不錯，食物望落相當豐富，香腸也分量十足，可是這些香腸質數並不高，味道只達一般早餐店的熱狗腸水平。而且炒蛋淡而無味，沒有所謂的北海道3.6的牛奶奶香這份英式全日早餐唯一可取的是炸薯條，因為十分香脆，令人食不停口。班尼迪蛋早餐的味道不錯，這份早餐的食物相當豐富，有水煮蛋，巴馬火腿，忌廉芝士，還有一些雜菜沙律。濃郁的忌廉芝士與新鮮的水煮蛋相當配合，而火腿的味道也不是太咸。感覺營養十足提拉米蘇咖啡，外觀好有tiramisu的感覺，但飲落口太苦澀，不推介另外，梳乎厘和抹茶燉蛋賣相不錯，可是都太過甜了總括來說，以這個商場地段來說，食物價錢適中，純粹坐下傾陣計，是一個不錯的選擇。