瑞士咖啡室 (Closed)

放假嘅時侯，好想食啲簡單但係又自己整唔到嘅嘢。行一整條灣仔道， 有連鎖快餐，有麵食，有土耳其烤餅，但全部都總是覺得太複雜。望到瑞士茶餐廳，就諗起簡簡單單出晒名好味道瑞士雞翼。好令人懷念嘅瑞士汁，我諗都唔諗就上去叫咗呢個招牌瑞士雞翼公仔麵。 烘底多士配火腿蛋奄列，成個餐好地道，每樣野都唔求其做得非常好。西多士寒底，非常脆口，咬落軟身。瑞士雞翼好香，佢個汁就係精華所在，一啲都唔鹹甜甜地，簡直撈乜都食。普通咖啡都整到成杯Cappuccino 咁 ，仲要未到入口甘香幼滑，咖啡香氣濃郁，泡沫細緻。呢個世界級水準其他咖啡店好難做到。

體左下時間，夠鐘飲個下午茶了，嚟到呢度點左份芝士蛋沙律多士同薑奶茶，芝士蛋沙律多士好大一份，一咬落去，超級滿足。薑奶茶薑味就唔系好重了，奶茶味好似完全蓋過了薑味，而且甜到過左滴，個人唔系好中意，覺得甜到有點滯了，唔系好適合下午茶。

今日同同事早左放工，因為要系灣仔學日文，所以就一齊去搵間餐廳食tea填填個肚。無意發現下午茶去到6點半啊! 可以當埋夜晚個餐食都得。我地兩個都叫左兩個下午茶餐。同事個餐系火腿通加奶醬多! 奶醬多上枱熱辣辣，超級無敵好食啊!!!!!!!!!!!!!! 而我個餐都系火腿通，不過系跟三文治。單併唔洗加錢，雙併加兩蚊~ 我地兩個一人一半交換奶醬多同三文治食~ 今次叫左餐蛋治。不過不失啦，面包好厚，如果做西多應該會好正~ 下次可以試下! 兩個埋單都系70蚊炸我的天! 食完呢餐都飽到喊，夜晚上完堂都仲飽緊。呢間野，有下次! 

今日去灣仔整D野，時間未到就同個朋友搵地方坐下。見到有間大快活，就諗住食個下午茶。上到去，見到呢間茶餐廳，轉呔想入去試下😁 入到去地方好大，座位又多，大部份都係架位，坐得舒服。呢度2點開始係下午茶時段，餐牌選擇比較多，真係花多眼亂。最後揀左鰻魚汁叉燒炒飯，同XO醬炒豬扒烏冬。下午茶份量都算唔少，不過炒烏冬D油就多左少少，豬扒就普通野。朋友話炒飯都OK，最好飲反而係杯熱奶茶，算係舊式餐廳味道，茶香奶滑。整體都覺得唔錯，價錢唔貴。下次去灣仔食飯又多個好選擇。👍😁

今日食晏熱到吾知點講好。我落咗樓之後，feel到果股熱騰騰嘅空氣濃罩住成個灣仔。果一刻，我淨係想快d揾間冷氣涼浸浸嘅嘅餐廳，然後坐低食個午餐。因此，我都吾行咁遠，免得大汗揼細汗。我見到間瑞士咖啡室，佢冷氣夠，食物花款又多，野飲又古令精怪，所以吾再考慮了，便坐底叫野食。我早兩日食咗火鍋放題，做咗個超級「食肉獸」。今日，我決定食齋！我點咗羅漢齋飯，配凍奶茶。聽說瑞士咖啡室嘅奶茶出色，啱啱飲咗啖，又真係幾好飲喎！可惜個飯味淡咗d，吾緊要，今日黎個Green Tuesday!

當飯堂無野好食，自然要向外尋找美食，就試下瑞士汁雞髀常餐啦💁🏻‍♀️ 瑞士汁夠甜，但又唔會話浸過龍搞到好鹹，只係有少許位有 d 硬，不過整體都係嫩滑既~ 公仔麵出色啊，彈牙，個湯好濃，我飲兩啖已經放棄飲落去😅火腿奄列正，無炒過老，蛋是滑的❤️牛油多士都好食啊，每啖都有濃厚牛油味，我一向都係咬兩啖就放棄既，是次居然食哂 2 塊，就知佢係唔同 d 😌奶茶夠滑，但有 d 澀🙈同事食左瑞士汁炒河，我偷食左兩條，都不錯的說，同埋份量都大碟，大食人士可以考慮❗️

星期日一早7點幾想食個早餐，屋企附近沒有太多茶記開左。見呢間開左又有幾個客坐係裏面，就試下啦。座位幾闊落，朝早無咩人可以任坐。環境靜靜地幾好。早餐有唔少選擇，一般既通粉、公仔麵之外，仲有焗豆、炸魚......簡左極品早餐$38通粉正正常常，彷飽片有𡁻口，湯不會太咸。菠蘿油唔熱，無左菠蘿包既靈魂。如果有烘暖返少少已經會好食好多。火腿奄列都係凍既，即係佢一早煎定晒......杯熱飲唔夠熱，整體來說普普通通

好耐都無食過港式茶餐廳嘅下午茶，行行下見肚餓，兩小口就頭也不回地入左去開餐啦。餐廳特意採用懷舊復古的裝修，感覺就像置身於七八十年代的冰室一樣，一枱一櫈都充滿回憶。細細個最鍾意就喺食瑞士汁雞翼，特登叫左瑞士雞翼($36)嚟食，回味返舊時的味道。一碟共有三隻雞全翼，算係幾抵食。餐廳將雞翼煮至肉質軟腍，瑞士汁亦都腌得好入味，食落甜甜地唔會話太過咸，一次過食哂三隻雞全翼無難道啊！我地另外叫左咖央西多士($34)，西多面頭有大大塊牛油好香，但中間夾着的咖央醬味道偏淡，食唔出有椰子香，要額外再加糖漿先夠味。

👭瑞士咖啡室(灣仔)👭瑞士常餐A $52成個餐有火腿奄列、牛油多士、瑞士汁全翼2隻同公仔麵。奄列比較老，但火腿份量唔算少，可惜無咩調味，要自己落啲胡椒同鹽。牛油多士有2大片，奶油都幾多但味道偏淡。公仔麵煮得爽口唔會太軟但湯底偏咸🙈，38怕啲麵好快浸淋哂，所以食哂啲麵先，最後慢慢享受雞翼😝。雞翼皮好入味但啲肉就唔太入味，整體係偏咸無咩甜味，餐廳以瑞士雞翼作為招牌菜，結果令38感到失望😩推薦度：6/10🏠灣仔灣仔道128-150號明豐大廈1樓B舖🕐7:00am-10:00pm

瑞士咖啡室，睇個招牌以為係coffee shop，其實佢係一間茶餐廳😂。一坐底侍應已經問你食咩，我話睇睇餐牌先，唔夠10秒又嚟第二個侍應又問？？我又答佢...我睇睇先因為我都係第一次嚟，點都要望一望餐牌有d咩先叫到呀😓😓😓我再望一望周邊環境其實仲有好多枱冇客坐，而且而家都3:00pm鐘時間，唔係lunch時間點解都要咁趕呢？？？🤔第三次又嚟啦😱咁趕嘅環境下...想都冇得想常餐B啦🙄牛油多士🍞 + 火腿奄列🍳多士香口...火腿炒蛋炒得剛剛熟👍🏻切開仲有蛋汁流出😋 瑞士雞髀🍗 - 瑞士汁幾好味唔會死鹹帶有甜味，但雞脾肉嚡左小小加 $4 轉左出前一丁。麵🍜煮得太淋，食左幾啖都唔想食😑

平時經過都唔覺有呢間鋪，今次朋友仔帶路先知，哦，原來同大快活都屬於樓上鋪，係正大快活對面。瑞士㗎啡室是屬於香港地道茶餐廳，所以裝潢都以懷舊為主。全港都有好多分店。三點零鐘食個午餐都未算遲。肚餓，見C餐個名好似都唔錯就order左。另外叫左一杯熱檸蜜。but.好奇怪，上臺後我有一刻覺得侍應個飯送錯臺。一問之下先知，原來炸帶子一早賣晒，所以轉左炸蝦，但點解無人同我提前講反？算數。瑞士汁好隨意咁淋左上個飯度。但好似豉油並不足夠。飯偏硬。豬扒同炸蝦都算正常野。

過灣仔188想放咗部Switch佢，點知188啲鋪頭全部未開，就喺附近搵間茶餐廳食個靚靚早餐hea下啲時間啦。行去188途中其實已經發現咗一間茶餐廳想去試下，就係呢間瑞士咖啡室，好易去，佢同大快活同一個入口，不過喺另一邊。入面環境格局同一般茶餐廳基本冇分別。肚餓啦！叫嘢食先，食個F餐：五香肉丁公仔麵，腸仔、煎蛋、牛油多士、熱奶茶。麵到咗，個碗幾有趣喎，似係一個放大版嘅杯咁，有個手柄比你拎起佢。味道方面一般般，唔係特別好食吸引咁，正正常常嘅味道。臨走比錢時發覺佢仲支援用八達通付款，幾新鮮嘅設計

其實成日同同事都會嚟呢間食午餐，而且我每次都會叫同一款，就係呢個米線系列！-之前會識佢嘅瑞士雞翼，冇諗過佢米線都整得咁好，呢個系列總共有四款，分別係雞、牛、豬扒同埋魚。自己食過雞同魚，覺得魚有啲似酸菜魚，整體來講都幾好味，不過魚塊就有少少唔夠味味。🤔所以我都係鍾意食雞多啲！-呢個米線都幾惹味，好濃嘅湯底，蒜味重，又夠辣，加埋側邊嘅酸菜同莞茜就更加分！👍🏾米線系列係$59-$60，呢個價錢可能比起連鎖嘅米線店貴，不過真係足料，起碼係食鮮雞件同高質湯底，仲可以免費轉特飲添！-唯一係食完會有陣茶餐廳味，keep住全日都唔散...

放工突然想食雞翼就走去瑞士咖啡室😊唔使睇餐牌就叫左個瑞士雞翼撈公仔麵配茶走👍🏻分量岩岩好兩隻雞翼加一碗瑞士汁👍🏻雞翼好淋好濃瑞士汁味，唔太咸好好食👍🏻無得輸。茶餐廳必點～茶走👍🏻👍🏻

同屋企人行灣仔行街市買年貨， 之後想去銅鑼灣嘅時候經過 ，媽爸未試過，就同爸媽和老婆試下啦。 佢啲下午茶餐一啲都唔貴， 某程度上佢個常餐太多嘢食，我哋都唔夠膽叫常餐 。侍應服務態度非常好，一間茶記竟然仲會推介你食呢樣食嗰樣， 我覺得係好好嘅我哋叫咗芝士蛋沙律多士， 成塊芝士咁上， 蛋沙律亦足夠 ，連埋杯佢推介嘅薑奶茶先係26蚊， 抵食到爛不過佢推介嘅薑奶茶如果你係鍾意飲奶茶走甜嘅人 就唔好叫啦， 因為佢嘅薑係用糖嚟煮嘅 ，就算你唔加糖落杯奶茶已經變咗甜， 所以就唔啱一啲唔鍾意甜嘅人啦。我就超簡單，因為唔舒服叫咗個鮮牛雪菜肉絲麵 分量足夠 ，熱辣辣先至32蚊， 仲有杯即磨嘅齋啡，正爸爸就叫兩隻瑞士雞翼拼 奄列， 不過瑞士雞翼唔知係咪佢煮到過咗火，有啲爛爛地阿媽叫嗰個勁呀，芝腿西多，咁係咩嚟嘅呢，就係兩塊勁厚嘅麵包做嘅西多 ，而中間仲夾咗芝腿 真係飽到反艇下午茶，好好味先至 HKD 134 灣仔區算係咁啦我講漏咗樣嘢呢度啲地方好似唔使錢咁嗰條走廊有張枱咁闊咁嘅設計真係好難搵勁舒服